Unicode
ဖူဟန် ရယ်မောလိုက်ပြီး ပြဿနာကို အမြစ်ကနေ ဖြေရှင်းနိုင်မယ့် နည်းလမ်းကို ပြောပြလိုက်သည်။
"ငါ ဖူကော်ပိုရေးရှင်းကို ဦးစီးလိုက်ရင် ပြီးတာပဲလေ"
အိမ်ထဲကို ရောက်တာနဲ့ တာ့ဟွမ်က သူ့ခွေးအိမ်လေးဆီကို ပြေးသွားပြီး အရုပ်လေးနဲ့ ကစားချင်နေသည်။
ယွီကျစ်ယွီကတော့ သူ့နောက်ကို မလိုက်နိုင်ဘဲ တံခါးကိုမှီပြီး ချောင်းကြည့်ပေါက်ကနေ ချောင်းကြည့်နေရင်း__
"သူကတော့ မပျော်ရွှင်နေတုန်းပဲ။ ကောင်းတယ်....ဟင်? ဘာလို့ သူ ပြန်သွားတာလဲ? တံခါးဘဲလ်ကို ထိတ်ထိတ်ပျာပျာ နှိပ်ပြီးတော့ တံခါးဝမှာ ငါ့ကို တောင်းပန်သင့်တာမဟုတ်ဘူးလား?"
တာ့ဟွမ်သည် ပါးစပ်ထဲမှာ ဘောလုံးလေးတစ်လုံးကို ကိုက်လာပြီး ယွီကျစ်ယွီကို စိတ်အားထက်သန်စွာ ကြည့်လာခဲ့သည်။
"ဝုတ်!"
ယွီကျစ်ယွီ ခေါင်းစောင်းကြည့်လိုက်တော့ သူလိုချင်နေတဲ့ တောင်းပန်တဲ့မျက်လုံးမျိုးကို အပြစ်မဲ့တဲ့ ခွေးလေးရဲ့ မျက်နှာမှာ တွေ့လိုက်ရလေသည်။ တကယ်တောင်းပန်ရမယ့် ဖူဟန်ဆိုတဲ့ ခွေးကတော့ သူ့အိမ်ကိုသူ ဘာမှမဖြစ်သလိုမျိုး တည့်တည့်မတ်မတ် ပြန်သွားတာကို တွေ့လိုက်ရ၏။
ဒီခံစားချက်က တကယ်ကို ထူးဆန်းတယ်။
ယွီကျစ်ယွီ သက်ပြင်းချလိုက်ပြီး သူ့ရဲ့မကျေနပ်မှုကို တာ့ဟွမ်အပေါ် အပြစ်မဖို့လိုက်သင့်ကြောင်း တွေးမိသဖြင့် သူဘောလုံးကိုယူလိုက်ပြီး ခဏလောက် ကစားပေးနေလိုက်သည်။ ခဏကြာတော့ ဘောလုံးကို အားနဲ့ပစ်ပေးရလို့ သူ့ လက်မောင်းတွေ နာလာသဖြင့် ဆိုဖာပေါ် လှဲချလိုက်ကာ မျက်နှာကြတ်ကို မိန်းမောတွေဝေစွာ ကြည့်နေမိသည်။
တာ့ဟွမ်သည် အစပိုင်းမှာ အားအပြည့်နဲ့ ပြေးလွှားနေခဲ့ပေမယ့် သူ့သခင် မကစားတော့ဘူးဆိုတာ သိလိုက်ရတော့ ရပ်ပြီး သနားစရာကောင်းတဲ့ အသံလေးနဲ့ မြည်တမ်းလာခဲ့သည်။
"အာဝူး"
"စိတ်မပါတော့ဘူးကွာ"
ယွီကျစ်ယွီဆိုလိုက်ပြီး တာ့ဟွမ်ရဲ့ခေါင်းလေးကို ပွတ်သပ်ပေးကာ နှစ်သိမ့်လိုက်သည်။
"သူ ဘာလို့ ငါ့ကို လာမချော့သေးတာလဲ"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
