نجمةً وكمونتار لبنات ✨
فاتت ليلة عينيا مغمضتهمش دموع وتخمام شكون لي راح تديه عليا علابالي طوال زمان ولا قصار اخرتها صح راح يتزوج أنا شباب فراقنا يعني صح هو كان ناوي يخطبني . وش فيها كان حكيتيلو كلش من لول كون راني معاه حتى منيش معاه المهم. مكسرتلوش قلبو بالاك يسامحني . بصح درك مستحيل أصلا يشوف فيا بقيت هكدا ليل كامل . حتى فيقني صوت الباب تاع الشمبرة كي تفتح دخلت ريمة . شافت فيا قاتلي وشبيها حالتك هكدا مسحت عينيا ووجهي في التريكو قتلها والوا برك لبارح طار عليا النعاس . قالتي طار عليك النعاس والبكاء علاه شوفي وجهك كيفاش تسلخ من الدموع وقفت من فوق السرير ورحت للمراية تاع الكوافاز شفت وجهي تخلعت شفتوا كلمة مسلوخ قليلة عليه احمر وكي كنت نمسح حمار وتنفخ وعينيا تنفخو ماعندي ما نحكي عليهم قريب تغلقو . شفت معاها قتلها وش ندير ليوم عندي تيدي لازم نروح للجامعة ومستحيل نخرج هكدا . تنهدت قاتلي. دوك نجيبلك لاقلاص ديريه يتنحى نفخ وغطي الحمورة بالمكياج . حرجت شوي ورجعت كي وصلت للباب خرج اصيل من شمبرتو قاتلوا صباح الخير قالها صباح النور . شا راكي هازة في يدك . قاتلوا لاقلاص برك قالها وش راح ديري بيه على الصباح قاتلوا لجوليا راح ديرو في وجها طلعتلها حساسية في وجها لمزية لي كذبت عليه وقاتلوا حساسية قالها معليش وإذا ماراحتش عليها قولي لوسيم يديها لطبيب خير قاتلوا ايه ودخلت عندي عرفت علاه سقساها بيسك كانت جايبة بسينة معمرة بلاقلاص قتلها علاه هذا كامل قاتلي لي لقيتوا كامل جبتو حكمتوا عليها غطست فيه وجهي بقيت شي نص ساعة وانا نغطس في وجهي باه تنحى شوي نفخ بصح مزال عينيا حمر وخدودي مسلوخين . حكمت درت الفوندوتان وشوي غيسيل ولبست قشي وهبطت لقيتهم يفطرو كامل صبحت عليهم وقعدت مسلم اول لي سقساني قالي شبيهم عينيك هكذا . قتلوا حساسية برك . علابالي بلي فاق بيا بلي نكذب بيسك باينة للاعمى بلي من لبكى بصح مكانش لي عاود سقساني شربت حليب وقف وسيم قالي كملي نسخن طنوبيل ونروحو قتلوا نجيب صاك تاعي ونلحقك طلعت جبت الصاك ولحقت لقيتو في الكاراج واقف مع اصيل . شفتوا مدلوا دراهم قالوا كي تخلص لعشية فوت بيها للسوق وخليها تشرب وش ناقصها قالوا وسيم نكمل روطار أنا قالوا يا ### راك طلع في الصوارخ بالقراية هاذي غيب لعشية واديها فهمت ضحك وسيم قالوا صاي على 2. نعدي عليها ونديها . قالوا ودراهم متقولهاش من عندي. قالوا صاي متهني . كي جا خارج شافني بصح شغل مشافنيش مامبا خزر في وجهي قتلوا اصيل كمل ماسي لحقتوا حكمتلوا يدو . نطرها بالقوة قالي نحي ر#. يديك قتلوا حبس دقيقة نهدر محتاجاتك .قالي وش تحتاجي في ### أنا قولي وش تحتاجي فيا علابالك كل ما نشوف وجهك نزيد نهبل متخلينيش نهبل ونضرك كيما المرة لي . بكيت قتلوا بصح أنا محتاجة نهدر معاك عندي حاجة لازم نقولهالك . حكمني على وجهي عبزهولي وخرج عينيه فيا قالي شوفي غير اخطي ### مذابيا وجهك منزيدش نشوف مقابلني فهمتي فهمتي ولالا .درتلوا براسي ايه طلقني غير دار رايح للطنوبيل طرشقت بالبكا . حبس ودار عندي رجع قالي علاه راكي تبكي حبيتي تهبلي ### انتي ياك انتي لبغيتي هكا علاه دوك جاية تندبي عند راسي قتلوا تعيش متخطبش . بقا يشوف معايا باهت قالي علابالك انتي صح كلمة ق### وبنت حرام قليلة فيك . وراح ركب وخلاني واقفة
