طلعت لشمبرتي لحقتني اسمهان دخلت ديراكت شفت معاه قتلها علاه جيتي قاتلي باغية نهدر معاك ادا راكي في عقلك نهدر معاك . قتلها وش قصدك علاه راكي تشوفي فيا مهبولة حتى تقوليلي راكي في عقلك . قاتلي ايه مهبولة وخرجتي من عقلك هدرة لي قالها مسلم صحيحة راكي حابة الشهر الجاي تتزوجي . قتلها انتي وش دخلك ياك هذا وش كنتي حابة مش كنتي باغية تتهناي مني مش انتي لي تفاهمتي معاه على راسي ولا راكي لاعبة روحك فاقدة الذاكرة . قاتلي صح أنا علابالي بلي غلطت و تفاهمت معاه مرة وحدة قالي نخوفها برك مقاليش بلي هاذ الشي كامل راح يصرى منقدرش نخليك دمري حياتك هكدا وانا نتفرج راح نحكي كلش لخالي وخلي لي يصرى يصرى . ضحكت قتلها راكي منيتك وش راح تقولي راح تقولي بلي أنا نكونسومي وبلي راه يهدد فيا بليفوطو تاعي وبلي انتي تفاهمتي معاه علابالك وش راح يدير ولالا ابسط حاجة نلقا روحي في سبيطار تاع المهابل ، جاية درك بعد ما دمرتيلي حياتي وتقوليلي نقول كلشي أنا خسرت كلشي تفهمي معنى خسرت كلشي مسلم قالي من ليوم مرانيش خوك اصيل قالي تموتي قدامي مدخلني فيك ماما ماتت بابا سامح فيا وانتي ثاني سمحتي فيا وقت لي حتجتك كنتي انتي تتفاهمي على راسي مع الكلب هذاك . طلعت على يدي كانت زرقة كامل جيهة العرق وين ضربت الابرة قتلها شوفي مليح وين وصلتيني وين وصلتي اختك كلشي بسبابك مستحيل نسامحك . قاتلي . وشنو هذامتقوليليش وش راه في راسي قتلها ايه هو الدوا مبقاش ينفع معايا درك صاي أنا ضعت وكلشي بسبابك قعدت في الأرض تبكي علاه علاه جوليا والله ندمت ندمت أنا خيتك خليني نقول لخالي كلشي انا نتحمل كلشي واحد ما يقدر يأذيك مستحيل نخليهم يدوك للسبيطار تقدري تحبسي غير من الدار ولا هيا نعزو قشنا ونروحو من هنا أنا وياك ومكانش لي يعرفلنا طريق كيما دارت ماما بكري وانا نعاونك وتحبسي هاد الهم أنا نوقف معاك . طبست عليها وقفتها قتلها تحكي كلمة نقتل روحي أنا باغية هكا معندك ما دخلك فيا كملي حياتي كيما كنتي عايشتها أنا هادي هيا حياتي وراني قابلتها وضرك اخرجي عليا . عيطت عليها اخرجي عليا . خرجت تبكي وانا غلقت الباب . عيطلي عليلو هزيت عليه قالي صاي خالك قبل ابدأي وجدي حوايجك نهار الأحد نتلاقاو باه ندفعو الورق تاع العقد . قتلوا معليش . فاتوا نهارين اصيل ملحمتيش خيالو منعرفلو وين همل . والباقي فجأة من لي سمعوا بلي شهر الجاي راح نتزوج عداوني كامل .هاد الشي لي زاد عليا أنا أصلا كانت واصلة معايا لآخر. ممكن كنت مترددة شوي ونقول نبطل كلشي بصح من شفت معاملتهم معايا كيفاش في النهارين زدت صممت اكثر مبقاتلي قعدة في هاد الدار تفكرت هدرتو كي روحت للإقامة اول مرة عيطلي قالي واحد ما يحبك انتي معندكش عايلة . كلامو خرج صحيح السبت في ليل على 3 تاع صباح شفت طمابيلتوا حبست هبط منها يمشي بصح باين من مشيتوا بلي راه شارب حاجة بيسك هو ميمشيش هكا . تنهدت وغلقت تاقة وحكمت بلاصتي صاي لازم نبعد . شفت خيالو كي حبس بحدا بابي غمضت عينيا ندعي في ربي وميدخلش عندي بيسك علابالي ادا دخل عندي وش راح يصرىّ وهذاك لي كان فتح الباب ودخل قدم يمشي عندي حط يدو على وجهي قالي جوليا افتحي عينيك علابالي بلي راكي نايضة فتحت عينيا . قالي علاش درتي هكا علاش سمحتي فيا كنت راح نديرلك عرس واحد ما دارو قبلك . قتلوا اصيل سامحني سامحني . مقدرتش بكيت قتلوا انت تستأهل وحدة خير مني أنا منصلحلكش. منيش تاعك . ناض بعيط شكون لي قالك متصلحليش أنا حبيتك هكذا وباغيك هكذا . قتلوا تعيش روح اصيل تعيش منقدرش . جبدني من شعري يكرر ويعيط ينعل النهار لي شفتك فيه . حتى طيحني في الأرض مقدرتش نعيط خفت ينوضو منيش حابة مشاكل حابة نروح بلا مشاكل . بقيت نحاول فيه اصيل تعيش اطلقني اطلقني مراكش صاحي خلاص اخرج عليا . طبس عندي حكملي وجهي قالي يا نديك أنا يا تديك الموت مستحيل نخلي واحد غيري يمسك ولا يحط يدو عليك . هبط عليا على غفلة بكف على قوة جهدو حتى قريب دخت عيطت بصوت خفيف . حتى شفت مسلم. دخل عدنا يجري بعدوا عليا بسيف بيسك كان شعري كامل في يدو مع بعدوا وقفت عاودت طحت شغل دخت صح من الكف تاعو بيسك ضرني بقوتو كامل طلقوا مسلم وجا عندي حطني في سرير ورش عليا الماء باه فطنت فتحت عينيا لقيتوا يشوف معايا قتلوا راني مليحة موجعنيش الكف علابالي بروحي نستاهلو . مع كملت هدرتي خرج
