يومًا ما سنلتقى

تذكروا ان القصص متنوعة مختلفة ،وأن السرد يُحكى على لسان (ميار) ،اسكريبت (١)

-هروح يعني هروح
رد بهدوء-لا مش رايحه،دي مسافه بعيده هتروحي لوحدك ازاي وانا مسافر؟
-انت عارف ان الكتاب ده بحبه من زمان ونفسي اجيبه، هيخلص لو مروحتش
-طيب
-سيف،انت عايز تعصبني صح؟!
-شوفي كده الفيلم ده
(هو رخم،رخم لانه عارف اني بحب الكتب والروايات،والكتاب ده تحديدا،مسافه المعرض بعيده اه،وهو خايف عليا عارفه،  بس ردوده الهاديه بتعصبني)
-يعني انت هتسافر وانا اقعد حاطه ايدي علي خدي ومستنياك ولا اي يعني؟
-اهو حل بردو،حضريلي شنطه السفر عقبال مااجيب اكل من تحت
(ده هيسافر فعلا،انا يمكن عملت حجه الكتاب عشان يقعد مثلا،،او ..او ..هدومه اه هبوظله هدومه)
وقفت قدام الدولاب
-طب ابوظله البدله السوده،لا لا بيبقي حلو فيها..طب مثلا القميص الابيض،لا الا القميص الابيض هو بيحبه وهيزعل،يبقي البلوفر الرصاصي،يووه بلوفر رصاصي اي! انا بحب البس البلوفر ده معاه.
(انا بتعصب لما بيرفضلي حاجه،بس هو عمره ما رفض حاجه انا عيزاها الا لو كانت ضرر ليا،هو دايما بيخاف عليا من نفسي، عشان متسرعه واوقات كتيره عقلي بيقف وبندم بعدها،هو اللي بيفكرلي،بس ده ميلهوش الحق انه يسافر ويسيبني)
-يعني هو كمان الغلطان ومش عارفه ابوظله هدومه،وبأنب فنفسي والله عال
(انا بحبه لدرجه اني ببقي عايزه اقفل عليه باب قلبي  واحبسه جوه عشان محدش يشوفه فيحبه،هو يتحب اصلا،سيف مينفعش يتحب غير مني،هو بيتحمل زعلي وعصبيتي ونكدي،مفتكرش من ساعه مااتجوزنا انه اشتكي لحد مني،وجوده بيبعد عني وحاشه العالم)
-بقا اسيبك ربع ساعه ارجع الاقيكي بتكلمي نفسك،لا اله الا الله ياعم
اتخضيت -انت جيت امتي،انت ازاي هنا؟ انا مسمعتكش وانت داخل
(ضحك وبانت غمازته،تقريبا ضحكته بتمسك بهمومنا ومشاكلنا وترميها فالبحر)
شاور بايده قدام عيني -خيااارا انتي معايا،الاكل هيبرد
اتنهدت -جايه،روح وجايه وراك
قعد جمبي - انتي عارفه انتي مبعرفش اكل من غيرك
-سيف بالله متمشيش
-انا مسافر كام ساعه بس وجاي وهوديكي عن مامتك يعني انا مش.....
-اتعصبت -هو اناا من البيت لماما ومن ماما للبيت ،انا مش هفضل محبوسه هنا،انا بكرهك.
-...........!!
-انا بكره حبي ليك ياسيف
-طب انتي عايزه اي دلوقتي؟!
-نقعد فالكافيه اللي عالبحر
رفع حاجبه وضحك -والله انتي مش عارفه انتي عايزه اي،انتي هتجننيني قريب،ثم انتي عايزه تقعدي فالكافيه دلوقتي ليه؟ مااحنا كل يوم هناك
-عايزه اشرب سحلب
-غريبه،الناس بتقعد فالكافيه تشرب قهوه،شاي مثلا،عصير،لكن سحلب غريبه والله!
-سيييييف!!
-يبقي سحلب،ماله السحلب يعني
(اوقات بحس اني مش عارفه افهم نفسي،بس هو بيفهمني وده كفايه عندي)
-2سحلب لو سمحت
-انت مش هتشرب قهوه؟!
-لا هشاركك احزانك وبؤسك
(كنت عايزه اضحك بس مينفعش عشان ميفتكرش انه بكده صالحني ،سيف عمره ما شرب سحلب ولا بيحبه،هو بيعمل كدا عشان يراضيني،بس هو الغلطان،مفروض ميمشيش ويسيبني، انا مبعرفش اتصرف من غيره، العالم كبير،بس انا اكبر منه وانا مع سيف،انا بستخبي فيه لما اعوز اهرب مني)
-السحلب هيبرد ، انا اتنازلت وطلبت زيك، بس مش هتنازل واشربه ساقع يعني
-مش هضحك علفكره وهقعد اسبوع عند ماما او اسبوعين وبراحتي، وهسافر اجيب الكتاب
-تقريبا السحلب عايز سكر
-ومش هعملك اكل وهنكد عليك اسبوعين
-ولا انتي بتحبيه كدا،شوفيه لو محتاج سكر قولي
-سيييييييف!!
-قلبه
-رد عليا،متبقاش هادي ،اعمل اي حاجه،هدوءك بيخوفني
-انتي عارفه ردي اي،مش بحب ازعلك وانتي عارفه انك هتزعلي من رد فعلي،ف مجيش انا ازعلك فوق زعلك،هتفرقعي مني كده
-انت بتهزر؟!
-والله وعد كام ساعه بس وهاجي وهكلمك طول الطريق
-تكلمني علي رقم011
-اشمعني يعني؟!
-عشان باقتك تخلص واتاكد انك مش هتكلم غيري واهدي
-ضحك -ياربي انا متجوز طفله يارب
(يارب ممكن تخلي سيف يتعب نص يوم وسفره يتلغي وبعد كدا يخف عادي، لا لا يارب متخلهوش يتعب الغي سفره بس، انا بحبه، خليه معايا)
-ماما هو سيف قرب يوصل
-جاوبتك عالسؤال ده 7000مره قبل كدا وقولتلك جاي
(انا مش عارفه اضحك او اعيط من غيره،انا مطلبتش حاجه من ربنا غير سيف بس،يمكن دي انانيه مني اني عيزاه ليا دايما ،او اني اشوفه بيضحك وبخير لان دي حاجه تفرحني انا )
-اوعي تقوليلي انك واقفه فالبلكونه مستنياني! !
(لا اكيد بيتهيقلي يعني، بس لا ده هو والله هو)
-احلف انك سيف بجد!!
ضحك - والله انا بجد
-اي الغيبه دي هه؟!
-هما. سبع ساعات بس،المفروض كانو خمس ساعات،بس عشان روحت جبتلك...(سكت شويه وكمل) يلا حرقتي المفاجاه،بس انا روحت جبتلك الكتاب
(حضنته وفضلت اتنطت عالارض مالفرحه) -انا بحبك اوي،انت احلي راجل فالدنيا
رفع حاجبه وضحك -مش امبارح كنتي بتكرهيني وهتسيبي البيت وتجوعينا
مسكت ايده وبصيتله وانا بضحك -محصلش محصلش، متاخدش بكلامي،انا هفضل أاكلك لحد ما يطلعلك كرش
(سيف دايما بيهتم بتفاهتي،بمشاكلي التافهه الصغيره،بيقولي دايما اني تفاصيلي الصغيره التافهه بالنسباله حاجات كبيره مهمه،عمره ما نساني او نسي حاجه انا عيزاها،هو بينسي نفسه لكن انا لا،بيقولي انه بيقوم ب 3ادوار(اب-اخ-زوج)عشان لو حد فيهم وقع يتبقي اتنين يقوموه تاني فحبه ليا مينقصش،انا عصبيه بس غصب عني وهو عارف ده وراضي بيه،اوقات مببقاش عرفاني بس هو عارفني وده شئ مطمني)
-ما تيجي نروح الكافيه اللي عالبحر ياخيارتي
بصيتله وابتسمت -ليه عايز تروح دلوقتي واحنا كل يوم هناك هه ليه؟!
-عايز اشرب سحلب
ضحكت -غريبه الناس بتروح الكافيه تشرب قهوه ،شاي، عصير مثلا،لكن سحلب غريبه والله
-ياراا هاااا ؟!!
-يبقي سحلب
"رأيتك ضوء في نهايه نفق مظلم"
________________________________
استنوا الاسكريبتس الجاية هنزلها