ပြန်လည်မွေးဖွားပြီးနောက် မိသားစုစီးပွားရေး ဆက်ခံရန် ဆုံးဖြတ်လိုက်လေတော့သည်

CH-45

After Rebirth, I Decided To Inherit the Family Property Chapter 45:

ညစာ သွားဝယ်သည့် ဒရိုင်ဘာ ပြန်မလာခင် အချိန်ထိ ရှောင်စုန့်၏ ကံကြမ္မာသည် ကား သခင်လေး ဇာတာပင် ...

မည်သို့သော အခြေအနေနှင့် ကြုံတွေ့သည် ဖြစ်စေ ချင်ကဲသည်ကား တည်ငြိမ်ရင့်ကျက် စွာ ပြုမူတတ်လေရာ ညစာ ခွံ့ကြွေးခိုင်းသည့် ကိစ္စမျိုး လုပ်ခိုင်းမည်မဟုတ်ဘဲ သူ့အား ဟာသ အနေနှင့် စနောက်ကာ ခွံ့ကြွေးပါဟူသော စကားဆိုခြင်းဖြစ်သည်ဟု စုန့်ယွင်ရန် တွေးလိုက်သည်..။

သို့သော် ညစာ ရောက်ရှိလာသော အချိန်တွင် ချင်ကဲတစ်ယောက် စနောက်နေခြင်း မဟုတ်ကြောင်း ရှောင်စုန့် သိလိုက်ရသည်.။

အခန်း အပြင်ဘက်တွင် စောင့်ကြပ်ပေးနေသော ဘော်ဒီဂတ် များသည် စုန့်မိသားစု မှ ခန့်အပ်ထားသူများ ဖြစ်ကြ၏..။ ထိုသူများအားလုံး မျက်နှာထက်တွင် အပြုံးအရယ် ဟူ၍ မရှိပေ..။ညစာ လာပို့ချိန်တွင် မင်းသားလေးစုန့် ၏ မျက်လုံးထက်မှ အကူအညီတောင်း နေသည့် အရိပ်အယောင်များကိုပင် မြင်ကြဟန်မတူ..။ စားသောက်ဖွယ်ရာများအား နေရာချပေးကာ အခန်းအပြင်သို့ ထွက်ကာ ကျောက်ရုပ်ကြီးများ သဖွယ်​ နေရာပြန်ယူ လိုက်ကြလေသည်..။ ဆေးရုံခန်းအတွင်း လိုအပ်ချက်အားလုံးအား သူနာပြုသာ ကူညီနိုင်သည်ဟု မှတ်ယူထားကြဟန် ရှိလေသည်..။

စုန့်ယွင်ရန်သည် ခေါင်းလေးကုတ်ကာ စားစရာ ဘူးများအား တစ်ဘူးပြီးတစ်ဘူး ဖွင့်ရှာလေတော့သည်..။အရသာ ရှိသည့်အနံ့လေးများသည်ကားသူ့နှာခေါင်းဝသို့ တိုးဝင်လာကြတော့သည်..။

ရှောင်စုန့် တစ်ယောက် ဗိုက်ဆာနေရှာလေပြီ...။အရသာ ရှိသည့် အစားအစာများအား ငေးကြည့်ကာ တံတွေးတစ်ချက် မျိုချလိုက်ပြီး အိပ်ယာထက်တွင် လှဲလျောင်းနေသော ချင်ကဲအား လှမ်းကြည့်ကာ မေးလိုက်လေသည်..။

"ကျွန်တော် ခွံ့ကြွေးတာကို တကယ်စားချင်နေရဲ့လားဟင်...? ကျွန်တော်လည်း ဗိုက်ဆာ နေပြီရယ်...တော်ပြင် ကိုယ့်ဘာသာ ကိုယ် ယူစားလိုက်ပါ့လား.."

ချင်ကဲသည် ဆုံးဖြတ်ပြီးဟန်ဖြင့် "ရှောင်စုန့် အရင်စားလိုက်ပါ.. ကျွန်တော် က ဗိုက်မဆာ သေးပါဘူး..."