စနေနေ့ ညနေခင်းတွင် အားလုံးမျှော်လင့်စောင့်စားနေကြသည့် China Film Festival ဆုပေးပွဲကြီး ကျင်းပလေပြီ...
အဆိုပါ ပွဲအား ရန်ချမ်းဂရမ်း ခန်းမတွင် ကျင်းပမည်ဖြစ်ပြီး ပွဲတက် ရောက်ကြမည့် အနုပညာရှင် အတတ်ပညာရှင်များအားလည်း ဟိုတယ်တွင် ခတ္တခဏ အနားယူနိုင်ရန် စီစဉ်ပေးထား၏...မရေတွက်နိုင်အောင် များပြားလှ သည့် ပရိသတ်များနှင့် မီဒီယာများသည် ပွဲ ကျင်းပမည့်နေရာနှင့် တစ်ကီလိုမီတာခန့် ကွာဝေးသည့် လမ်းမဘေးတစ်လျှောက် ထိ ပြည့်နှက်နေ ကာ အခမ်းအနားတက်ရောက်ကြမည့် တောက်ပသည့် ငွေကြယ်ပွင့်များအား ကြိုဆိုရန် အသင့်ဖြစ်နေကြလေပြီ...
"Happy and White" ရိုက်ကူးရေးဝန်ထမ်းများ နားနေဆောင်တွင်မူ အများနှင့် မတူဘဲ လေထုဖိအားများ ကျဆင်းလျှက်ရှိနေလေသည်...
"ချင်ကဲ အခုထိရောက်မလာသေးဘူးလား...?"
အခမ်းအနား၏ တာဝန်ရှိ ဝန်ထမ်းသည် အလျှင်လိုနေသည့် ပုံစံဖြင့် "ကျွန်တော်တို့အနေနဲ့ ခင်ဗျားတို့ ကောဇောနီပေါ် လျှောက်မယ့် အစီအစဉ်ကို အခြားအဖွဲ့တွေရဲ့ နောက်မှာ ပြန်စီစဉ်ပေးထားပါတယ်.... ဒါပေမယ့် အဲ့အဖွဲ့ တွေလည်း လျှောက်လို့ပြီးခါနီးနေပါပြီ....ဒီထက်ပိုပြီး ခင်ဗျားတို့ လျှောက် ဖို့အတွက် နောက်ဆုတ် ပေးလို့ မရတော့ပါဘူး....ခင်ဗျားတို့ လျှောက်လမ်း ပေါ်တက်ဖို့ နောက်ထပ် အချိန် ငါးမိနစ် ပဲ လိုပါတော့တယ်.... တကယ်လို့ ပျက်ကွက်ဦးမယ်ဆိုရင်တော့ ကျွန်တော်တို့အနေနဲ့ အစီအစဉ်အတိုင်း ဆက်လုပ်ကြတော့မှာပါ...."
ထိုစကားပြောပြီးသည် တာဝန်ရှိဝန်ထမ်းသည် တံခါးအား ပိတ်ကာ အမြန် ထွက်သွားလေတော့သည်....
"Happy and White" ဇာတ်ကား၏ ဒါရိုက်တာကြီးသည် လ္ဘက်ရည်အား တိတ်တဆိတ်သောက်ရင်း ပရိုဂျူဆာကြီး နှင့် တစ်ယောက်မျက်နှာ တစ်ယောက်ကြည့်ကာ အကြည့်ချင်းဆုံကြလေ တော့သည်....
သိထားကြသည့်အတိုင်းပင် "Happy and White" ဇာတ်ကားမှာ Budget နည်းပါးသည့် ဇာတ်ကားအမျိုးအစားဖြစ်၏...
Budget နည်းပါးသည်ဟူသည့် အဓိပ္ပါယ်ကား Project ပြင်ဆင်စ အချိန်တွင် ငွေကြေးအခြေအနေ နိမ့်ပါးရုံမက ပါဝင်သည့် လူ အရေအတွက်လည်း နည်းပါး သည့် ဟု ဆိုနိုင်၏...
VOUS LISEZ
ပြန်လည်မွေးဖွားပြီးနောက် မိသားစုစီးပွားရေး ဆက်ခံရန် ဆုံးဖြတ်လိုက်လေတော့သည်
Roman d'amourပထမဦးဆုံး ၁ ဦးတည်း ဘာသာပြန်ဖို့ စကြိုးစားတဲ့ novel လေးပါ... ဒီလူရဲ့ လိုအပ်ချက်ကြောင့် ဘာသာပြန် က OC စတိုင်ပေါက်နေတယ်လို့ ပြောပြထားတာလေး တွေ့ပါတယ်..... Complete ဖြစ်ရင် ဘာသာပြန် အရမ်းကောင်းတဲ့ သာသာလေးတွေ ရဲ့ စာရေးနည်းလေးတွေ သေချာပြန်ဖတ်ပြီးတော့ ပြန်...
