**بارت3**
**واجي من صهري**
اه صعيب تقول بفمك مغيوقع والو وانت مفيدك والو انت كتقولها غير باش تخلي بنادم اطمن اما انت مفيدك مدير ليه
لحصول تقطعات عتيقة بالوجع وجنبها سعدية لي ديرة بحال ميمتها كتواسيها وتبكي لالمها (هذي نقطة طرقت ليها فالقصة بلي تقدر العدوزة تكون أم لمرت ولدها يعني راه ماشي كاع العدوزات خيبات راه كين لي ضريفة ومرت ولدها هي لي خيبة وعطيتكم ميتال بلالة سعدية حنينة فمرت ولدها وكتشوفها بحال بنتها وحتى عتيقة كتعتبرها بحال امها نسدو القوس نرحعو فين كنا)جاي براهيم كيجري هو وبنتو وكلو عامر بالغيز وحويجو سردين وعلامة الخوف فوجهو اه هو خايف افقد حبيبتو غيتة عشيقتو لي تولدات فالمدينة وكبرات فيها وقرات وتزوجات براهيم وجات عاشت معاه فالعربية وصبرات معاه وكانت مرأة ونص تعلمات لشقا وخدمات رجلها والام تاعو وقبلات درها ودارت البهايم وتعونات مع براهيم على زمان هذاشي لي خلا براهيم ازيت اعشقها كتر وكتر وممستعدش اخصرها ولاكين هاهي دبا قدامو كضيع صافي غيخصرها (براهيم كبر فالعربية ولد العربية ومشا المدينة اقرى تما فين تعرف على عتيقة وبغها تزوجها بزز حيت الاب تاعو مبغهاش بحكم هي بنت المدينة قال ليه هي مغتصبرش ليك على هذا المعيشة وغدي تديك معها المدينة وتخلينا وتخلي بلادك وارضك ولاكين براهيم متفاكش دار جهدو حتى تزوجها وعتيقة مخيباتوش برهنات لحمها بلي وخا هي بنت المدينة راه مرأة وقدة وحتى بنات المدينة فيهم لي كتصبر وتكافح وتقاتل مع الوقت وبنات المدينة ماشي كلهم مفششين وبعكاكين كيف كيتصورو بعض شي ناس سد القوس)
براهيم: عتيقة اش وقع ليك
عتيقة: براهيم غنولد غنولد وانا باقي فسبعة غدي نخسر ولدي (نفتحو قوس هذي هي الام وخا كتوجع وكتألم مكتفكرش فرسها كتفكر غير فولدها هي ديما كدير حيات ولدها قبل حياتها وفرحتهم قبل فرحتها سد القوس هههه)
براهيم: انتي كتموتي ومزال كتفكري فدكشي اش هذا الويل هازي معيا الوليدة نخرجوها نديها لسبيطار
سعدية: فاش غتديه وهذا العصيفة
براهيم :راه لعربي برى كيتسنى بالبيكوب غنديوها لسبيطار (هزات معاه سعدية عتيقة خرجوها )
سعدية: سهام جيبي شي منطاة وشي حوايج لموك سربي
سهام:(كانت واقفة مصدومة حتى فيقتها )وخا جدة (مشات كتجري جمعات شي حوايج فواحد ساكة وهزات منطى تبعات ليهم دكشي ركبات عتيقة وسعدية القدام وبراهيم ركب لور كيسمع فمرتو كتغوت
براهيم: سهام بنتي دخلي لدار وقبلي خوك حتى نرجعو
سهام: (كتبكي)وخا ابابا
مشاو كيجريو بعتيقة لسبيطار وخا شتا والرعد والعاصفة براهيم متفاكش مرتو وحياتو فخطر خاص انقدها وصلو لسبيطار من بعد مشقا مرة انزلو انقيو طريق من الحجر وشجر لي طيحاتو العجاج باش القاو منين ادوزو ومرة تسخن لهم الطموبيل الحاصول وقعو ليهم بزاف تاع العراقيل شي لي سبب ليهم فتأخير موصلوش لسبيطار هذا قول تاع طبيب لي خرج عندهم وعلامة الاسف فوجهو
طبيب:لاسف فقدنا المريضة حيت تعطلوتو هي فقدات دم بزاف نزفات زائد المشكل تاع الكيس ترطق وراه معجزة ملي نقدنا الجنين
براهيم: (طاح جلس الارض شد فراسو كيحاول استوعب اش كيقول هذا)
العربي:ان لله وان اليه راجيعون الله اصبرك اصاحبي ويرحم المرحومة (ياه يلاه دبا كانت سميتها عتيقة وكتهدر وضحك دغية ولات مرحومة شفتي دنيا شحال صغيرة )
سعدية: الله ابنتي الله فين مشتي الله اكبتي الله لمن خلتينا وخلتي ولادك الله احنينتي يتمتينا كلنا من بعد فراقك (جلسة تندب وتغوت هذا حال لعيلات مكيقدروش اصبرو على الفراق هوما كيصبرو الكولشي الا انهن يتفرقو على شي حد عزيز عليهم )
تسمع صوت البيبي كسر الدنيا بالغوات ستو تردد صداه فأنحاء المستشفى شي لي خلا براهيم اهز عينو لي كيف جمرة شاف جيهت الممريضة لي جاية بيه عندهم دفعاتها فبياص صغير دير بيه زاج
الممريضة:هذا البنية تزادت عندك اسدي مبروك عليك والله اصبرك على فراق مرتك حنا راه خصنا نحطوها فالحضانة حيت باقي مكملاتش تجلس فيه شوية والى بغتو تديوها وتهلاو فيها فالدار راه تقدو غير خصها النضافة ومتوصلهاش ريحة تاع شي حاجة(الممريضة كتشرح لهم مسكينة على نيتها قطعها براهيم)
براهيم: لا مغنديوهاش معنا
ممريضة:راه غير قالت ليك اسدي حيت المساريفة تاع الحاضنة غالين بزاف وانت تعرف امتى تديها معاك
براهيم: مغنديهاش لا دبا لا من بعد شوفي تقدري تديها لشي خيرية ولا عطيها لشي عائلة مكتولدش ولا لوحيها قدام جامع(الكل تصدمو فيه)
سعدية :براهيييييييييم اش كتخربق(صرفقاتو)
براهيم: كيف سمعتي انا راه حالف بحلوفي حتى نتبرى من هذاشي وانتي كنتي شهدة
العربي:لا حولا ولا قوة الا بالله نعل شيطان ابرهيم
سعدية: ايوا سمع اسي براهيم حتى انا الى مديتيش هذا البنت وتعيش بحال خوتها حتى انا غنتبرى منك دنيا واخيرة كتسمع
براهيم: الوليدة انا مغنديهاش هي مغنديهاش كنكرها (كمل كلامو وزاد خلا امو وراه مصدومة من كلامو )
العربي:(قرب من سعدية )خالتي راه غير باقي نجروح ومألم من فراق مرتو دكشي علاش كيقول هكا غير ابرد غيندم واكيد مغيسمح فكبدتو
سعدية:لا اولدي موحال واش احن انا شفت حقد فعنيه ولدي لحقد عمى ليه البصير هو كيحمل تربية صغيرة دنب موت مرتو نسا بلي الله لي عطها والله خدها ياربي تهديه يارب تسمح ليه
ممريضة:(كتشوف فهم وهي تنطق)الحاجة الى مبغيتوش هذا التربية انا نعطيها لشي ناس اربوها وراه دوك الناس لباس عليهم
السعدية:اش كتروني انتي حفيدتي عندها درها عندها عائلتها هي ماشي مقطوعة من شجرة باش اتبنها شي حد حفدتي عندها خوتها وباها زحتى جدتها باقي عايشة فالحياة (قالتها بالغوات شي لي خلا الممريضة تندم علاش نطقات دكشي )
دازت يومين على موت عتيقة دفنوها ودوزو العزاء وبراهيم حازن عليها بزاف ليوم الجدة مشات تجيب لبيبي من سبيطار حيت جوهم المصاريف تاع الحاضنة غلين هي قررات تجيبها لدار مشات لسبيطار وخرجاتها هي والعربي لي وصلها بالبيكوب جابتها ملفوفة فمنطا خبات ليها وجها حيت البرد خافت عليها ليدربها وهي باقي مكملاتش وصلات الجدة قدام لباب يلاه غتحلو خرج براهيم تلقها قدام الباب غير شافها هازة البنية فيدها وهو يكحل بالعمى
براهيم:علاش جبتها امي علاش شوفي دي هذاشي عليا من هنا سري عطيها لشي حد ولا لوحها لكلاب 😠
السعدية:اعود بالله من الشيطان الرجيم اش كتخربق انت واش تسطتي واش عارف اش كطلب مني بغتي مني نلوح بنتك كبدتك طرف منك ابراهيم
براهيم:هي مبنتيش منا اباها وانا مبري منها قبل وحتى دبا باقي عند كلمتي كتسمعي انا حلفت وعمري غنحنت ديها من هنا ولا عرفتي اشنو خليك انتي العربي (عيط على العربي لي كان واقف كيتفرج فهم ) اجي شوف هاز هذاشي ديك لشي خرية ولا لشي جامع حطو فيه
العربي:اويلي نعل شيطان اخويا براهيم اش هذا الاتم كتقول فيه باغي ترتكبو الله يهديك راه بنتك
براهيم: علاش حتى واحد فكم مبغا يفهم هذاشي بسبابو خصرت مرتي بسبابو ولادي تيتمو وتيتمت معهم وانا مبري منها ومغدخلش لداري
السعدية: ادن الله خليتك على خير وخليت ليك دارك انا غنمشي فحالي وغندي معيا هذا البنية لي انت مبغيهاش وكتحملها دنب مدرتوش هي راه معرفة والو وربي لي بغا مرتك ودها اش دنب هذا التربية حتى تقول هي سباب (زادت عطاتو بضهر )يلاه اولدي العربي عافك وصلني عند بنتي حتى نشوف فين نمشي نعيش انا وحفيدتي
براهيم: (شاف امو غدية وهو يتلاح عليها عنقها من لور )متخلنيش اميمتي متخلنيش حتى انتي راه منقدرش نعيش بلا بيكم بجوجات انا منقدرش نعيش فهذا الدار ومفيهاش لا انتي لا عتيقة خليك اميمتي لعار
السعدية: (غمضات عنيها بحزن وهي تنطق)هذا الدار مفيهاش بلاصة لحفيدتي حتى انا معندي مندير فيها
براهيم: (غمض ع
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
