زواجي من صهري 💍مكتملة💍

الجزء 129 💍❤️

وصلو بحال بحال الملاهي وقف اوس نزل ونزل أويس عطاه ل فهد
اوس:هاك شد اويس وعندك تعضو تاني😒
فهد:لا متخافش
اوس:(دار لجيهة الخرى هز اقبال )حبيبة ديالي
نجلاء: (جات عندو)ارى ليا اقبال نهزها
اوس:لا غير خليها وسيري انتي وهاجر وهذا الجحش تلعبو اقبال صغيرة على هذاشي وانا غنشدها معيا
فهد:دبا هدرتي خويا فراسك كتخمم مزيان يلاه لبنات تمشيو تلعبو
اوس:فهد رد لبال ليهم وردو لبال ل اويس
فهد:متخافش (تمشاو البنات وكيضحكو ومعهم فهم نجلاء قلبها مهنهاش مشاو طلعو كيلعبو نجلاء ركبة هي وهاجر فدوك طموبيلات وفهد ركب معاه اويس وبداو يلعبو ويضحكو اويس عاجبو الحال
اويس:سو سو مامي هههههه
نجلاء: (كتسوق وضحك فهاجر لي داخت)ههههه ناري قالت ليك الملاهي
فهد:هديك راه غير تجي ليهم كدوخ ودبا كملتي ليها بداك دوران هههه(شبعو ضحك ولعب جربو كاع الالعاب وشبعو سلفيات خداو بزاف ديال تصاور حتى عياو وهوما يرجعو فين كان اوس جلس وشد اقبال )
اوس:باقي مشبغتوش كون بتو حسن
نجلاء: (شدات اقبال من عندو كتبوس فيها)حبيبة ديالي هاني جيت
اوس:(وقف)يلاه تحركو
فهد:دبا غنمشيو لبلاصتنا انا ونجلاء
اوس:(كان غيرجعهم لدار غير سمع بلاصتهم وهو يتراجع حيت بغا يشوف ويعرف اشمن بلاصة كتحب نجلاء)يلاه
مشاو ركبو فالطموبيلات وقلعو لجيهت البحر فين موالف فهد اجي هو ونجلاء وقفو ونزلو وتجمعو كلهم كيشفو فالبحر
اوس:بلاصتكم فالبحر انا اسحابلي شي بلاصة اخرى
نجلاء: (شافت فيه بنص عين وهي دور وجها)😒
فهد:هذي هي البلاصة المفضلة عند نجلاء هي عزيز عليها البحر بزاف نصحك شري ليها شي فيلا جنب البحر
اوس:(بتاسم وشاف فيها )ممم جها قصر كاع والى بغاتو وصط لبحر نديرو ليها فيه😎
نجلاء: (شافت فيه وهي تنطق)مبغيت لا دار لا قصر لا فيلا لا بيت لا كوخ 🙍يلاه غير نجلسو راه عيت
فهد: عند الحق يلاه نريحو نرتاحو ومن بعد نوضو ندورو جنب البحر ونعرضكم ل حوت مشوي اول حاجة كليتها مع نجولاههههه(مشاو جلسو يرتاحو واوس عنيه على نجلاء محيدهم عليها ناضت هاجر )
هاجر:نجلاء يلاه نمشيو نتصورو لهيه
اوس:(شاف فيها ونطق)سيري مع فهد وخلي نجلاء😒
هاجر:انا بغيت نتصور مع نجلاء ماشي مع هذا دوب
(يلاه غيهدر اوس وقفات نجلاء وشدات فيد هاجر)
نجلاء: يلاه قبل منغير رأيي
هاجر:هههه يلاه (نزلو لتحت وبداو يتصورو ويلعبو بالماء وعنين اوس عليهم لي جلس شد اويس واقبال شدها فهد جلسو كيهدرو ومراقبين لبنات حتى تقبا اويس على اوس)
اوس:(وفق هزو )مالو حبيبي اش وقع ليك
فهد:(وقف كيشوف فهم)ايكون داخ حيت ركب فالالعاب
اوس:اه دكشي لي بان ليا نمشي نغسل ليه وجهو رد لبال لبنات هاني جاي (توجه اوس جيهت للوطو جبد منها قرعة تاع الماء وكنينيكس غسل ل اويس
عند فهد جلس شاد اقبال كلعب معها ويكونيكطا مع اميرة
عند البنات
نجلاء: (دارت مبانش ليها اوس وفهد حيت فهد فاش وقف مع اوس رجع جلس فبلاصة وحدى اخرى ومبانش ليهم)هاجر فين فهد و اوس مبانوش ليا
هاجر:ايكونو مشاو يشريو لينا شي حاجة مناكلو
نجلاء: يلاه نطلعو(يلاه غدور حسات بيد شداتها دارت تشوف شكون)
نجلاء: زياد اش كدير هنا طلق مني وسير من هنا عافك براك غير دكشي لي وقع اخر مرة
زياد:وقع وفات والحمد لله خرجات سلامة لالة نجلاء شفتك نسيتي بلي كاين واحد معلق كيتسنا فيك وانتي من نهار دفنوه مزروه من نهار دابزت مع شماتة تاع رجل ختك مشتي معطتيش مسولتيش (قبل ميكملها حس براسو تجبد من ليد لي كان شد بيها نجلاء وحس برس دخل فيه جابو كاو
اوس:انا نوري زم*ل بوك شكون شماتة شحال من مرة قالت ليك بعد من نجلاء ولاكين انت مكتفهمش بالهدرة(زاد عطاه كروشية ناض زياد باش يدربو شدو اوس ودخل فيه بدماغ جابو كاو يلاه غينزل عليه شدو فهد لي جاي كيجري وهاز معه اويس وإقبال مدهم ل نجلاء وهاجر لي واقفين مصدرمين وخيفين دخل بين اوس وزياد كيفارق فيهم وكيشد اوس لي صعر باغي يفضي زياد)
فهد:اوس طلقو بعد منو انا نهدر معاه بالعقل
اوس:كلشي بسبابك الزم*ل خليتك تحضي البنات وجيت لقيتك كتعنب فتليفون وخليتهم لزوامل يتبسلو عليهم(اوس كان رجع فاش غسل ل اويس بان ليه فهد جا عندو لقاه كيهدر ابيل فيديو هو واميرة هز راسو بان ليه زياد شد ف نجلاء حط اويس ل فهد ومشا كيجري عندهم )
فهد:(شد اوس)اوس تهدن ودي معاك نجلاء ودراري شوف اويس خايف انا غنهدر مع زياد بالعقل غنوضح كلشي ونجي
اوس:(طلق من زياد وشاف فنجلاء لي ولات سفرة واويس لي مخشي فيها نطق)انا غنوضح لشماتة قبل منمشي(نزل عند زياد شدو من الكول تاع القميجة ونطق وهو كيغزز فسنانو)نجلاء مرتي تقرب ليها مرة اخرى نمحيك (طلقو ومشا شد إقبال منعند هاجر وشد فيد نجلاء وجرها معه هو كيخطي وهي كتجري وراه وصل للوطو وحط لولاد بلاصتهم وطلع طلعات نجلاء لقدام وتحرك اوس لي غير كيسوط معصب وشد راسو بزز يلاه كيبغي ينطق كيشوف فالمريا كيبان ليه اويس ويسكت
نجلاء كتخنزر فيه معجبهاش كيف جا ودابز مع زياد ولاكين متقدرش تنطق حيت عارفة غتجيبها فرسها اوس كان يغوت ويسب الى شفهم مع بعض قبل متكون مرتو ودبا خلاص فاش ولات مرتو باينة قفرتها
وصلو لدار واوس شاف ف اويس كيف مخشي فنجلاء مشا حط اقبال بلاصتها ونزل لصال يبرد غدايدو مبغاش يتهور تاني
عند فهد وزياد وهاجر لي واقفة مزعوطة ف زياد
فهد:(مد يدو ل زياد وقف )زياد يلاه نمشيو نهدرو فشي قهوة ونتفاهمو حسن من هذا شوهة كل مرة
زياد: (كان كيستوعب اش قال اوس زير على يدو وقال بلي غير كدب وهدر مع فهد)اشمن شوهة كتهدر عليها هدر مع خوك لي لعبها والي امرها وكيدخل فينا كل مرة
فهد:حقو هذاك نجلاء مرتو وراك سمعتيه اش قال
زياد: انتما كتكدبو متافقين تبعدوني عليها وكتكدبو ايوا سمع هذاشي ف احلامكم انا عمري نبعد عليها ولا نسمح فيها
فهد:زياد بصاح نجلاء واوس تزوجو تقريبا شهر هذا
زياد: ههههه كضحك عليا لا
فهد:عمري ضحكت عليك فهاشي زياد بعد على نجلاء هي مزوجة دبا شوف اجي معيا نجلسو ونعاود ليك كلشي
زياد: (نتر يدو منو وهو يتحرك وهو مرفوع كتردد فبالو غير نجلاء مرت اوس نجلاء واوش تزوجو بعد على فهد لي كيعيط عليه مشا طلع للوطو تاعو ونطق)هي لي عمرها مغتكون ليك اسي العلامي نجلاء ديالتي وانا غنخدها من قلب دارك وانت كتشوف بعنيك
عند فهد لي واقف كيتحسر عل صحبو حس بيه حيت عرفو شحال كيبغي نجلاء
فهد:(تنده ودار شاف فهاجر)مشينا
هاجر: (كانت من الاول وهي دايبة ف زياد وتبعات ليه العين وقلبها كيخبط شافتو مشا وقلبها مشا معاه )😍😍
فهد:(حركها)هيه تحركي يلاه نمشيو قبل منلقاو خوك قتل مرتو😒
هاجر: (تبعاتو وهي مرفوعة هذا سميتو الحب من النضر الاولة هي مسمعات اش وقع ولا اش كانو كيقلو عنيها غير ف زياد نطقات وهي كطل من شرجم)شكون هذك وعلاش شد نجلاء
فهد:هذاك صاحبي زياد وكان خطب نجلاء قبل عام
هاجر: هاا كيفاش واش كيبغيو بعض
فهد:زياد اه نجلاء لا اووف كلشي بسبابي انا لي دخلت فهذاشي وورطهم وورط صاحبي كون غير رفضت من الاول ومخليتش نجلاء تمشي عندو
هاجر: وخا نعرف قصتهم
فهد:(تنهد وبدأ كيعاود ليها عليهم من الاول حتى الخر )هذاشي لي واقع
هاجر:😢هو كيبغيها بزاف
فهد:(مركز على طريق)وخاصو ينسها حيت خوك غيقتلو الى عاود فكر فيها غير مجرد تفكير
فالدار عند الابطال
نجلاء دخلات دراري دوشات لهم ونعستهم من بعد موكلاتهم حيت بان ليها اويس عيان كيتقيا مشات حتى هي دوشات بلا متقيس شعرها حيت سردها اويس خرجات نشفات رسها ولبسات بيجمة عبارة على سروال وتيشورت تاعو فالغوز بيبي فيها نجيمات بالكحل جمعات شعرها كعكة مهملة ولبسات العبية صلات لي فتها وهي تخرج مبانش ليها اوس ولا فهد ولا هاجر
نجلاء: باقي مجاوش فهد وهاجر (مشات الكوزينة بدات توجد العشاء وهي مشوشة معرفاتش مناش واش على زياد لي كلا العصى ولا عليها هي لي باقي اوس مهدرش معها ولا على اوس تنهدات وهي تبدأ توجد السفة حتى حسات بخطوات جين عندها دارت شافت بان ليها اوس جاي جيهتها ولبس غير شرط فالكري نازل حد ركبة والفوق عريان شافت فيه وجهو مكيتفصرش نزلات عنيها دغية)
اوس:(كان فالاصال كيتريني وكيخرج غدايدو فالرياضة حتى تهد وهو يخرج توجه لدوش لتحت دوش ولبس شورط وطلع لفوق سمع حس المواعن فالكوزينة وتوجه ليها حيت عارف نجلاء تما شفها اش لبسة وجسمها كيف منحوت فديك البيجمة توجه عندها بخطوات تقال وكيشوف فيها كيف منزلة عنيها ولاصقة فالبوطاجي وقف قدمها وهو يمد يدو شد فيدها بلا ميهدر وهو يهزها دها لفمو بسها فيها ودورها لكفها حط فمو فيها بسها وشدها هاكاك نجلاء نترات يدها منو وهو يشوف فيه)علاش
نجلاء: (خلعها )بعد مني ياك قالت ليك مبقاش تقسني ولا تقرب ليا
اوس:(مد يدو جرها من خصرها ولصقها معاه وطلعها عندو ونزل راسو عند وجها حتى تخلطو انفسهم ونطق)علاش انا منقيسك انا لي رجلك منقيسك وزومل حلال عليهم يشدوك مرة من يدك مرة من وجهك هاأ(كيقولها وكيزير ليها على خصرها)