**بارت37**
توريا: حيدي يديك تسمعي الحقيقة انتي هنا غير على قبل حيت واعد براهيم امو كتسمعي انتي مامعترفش بيك النحس هههه عرفتي اشنو انتي بصاح نحس مي درتي ليا خدمة عمري نسها وهي قتلتي موك وتهنيت منها
نجلاء: (غوتات واحد الغوتة ودربات يدها خشتها فواحد.سرجم تاع زاج )مي متجبديهاش (جرات يدها بدأ دم ادوش منها بحلا دبحتي الحولي غمضات عنيها وحلتهم وتحولات لوحدة اخرى شافت واحد شوفة فتوريا لي كتخلع )هذا الحر باش دربت هذا سرجم كون دربتك بيه كون قتلتك وهذا نجلاء لي خرجتي مني متعاوديش تنبشي عليا وتخرجيها حيت تقتلك وهذا الدربة غنمشي نخيطها باش تبقا تفكرك بلي فالداخل تاعي كينة واحد نجلاء لي متقديش عليها ردي بالك (كتهدر وكتورك على كل حرف قربات ل امال لي خرجات عنيها فيها وهي تمد نفس ليد لي كيطوش منها دم )حطي ديك سلسة هنا ودبا
امال:(كترعد حيت عنين نجلاء حمرين ويديها محلولة ودم غادي منها وهي مكتوجع موالو حطات ليها سلسة فيدها وهربات عند امها)
نجلاء: (شافت فيهم وهي تنطق قبل متخرج)نجلاء لي كانت تصبر وتحن ودير الخاطر وتسكت على حقها اليوم قتلتوها ليوم دفنتوها وفهذا البلاصة دبا ستعدو فنجلاء لي غتكون نحس فحياتكم وتكون جحيمكم وهذي ماشي هدرة وقالتها نو هذاشي ديرو بحسابو وهذا الندبة لي ختكون فيدي غتشهد على هذاشي (كملات كلمها ومشات توجهات لصبيطار صغير و
خيطو ليها يدها ودووها وهي ترجع دخلات لبيتها مخرجاتش منو شي يومين حتى جا ايوب ونزلات هي وياه مشات تسجل فاليسي وصافي من تما بقات فالسكن الداخلي ومن تما بدات نجلاء تغير حتى ولات كيف كتشوفوها )
العودة الى الحاضر
ايوب:(وقف عليهم بجوجات شردات )هاي وسبحان الله وا لبنات
سهام: هاأ اشنو
نجلاء: (شافت فيهم وهي تنهد)مشينا
ايوب:فين كنتو شردين
نجلاء: فالطبيعة😊
ايوب:(شاف فسهام لي مسحات دموعها وهو يطق)واش هدرتو اش تفقتو
نجلاء: (شافت فسهام لي عنيها حمر من قوة البكى )قررت نبعد على هذا البلاد انا غنمشي نعيش فكازا مع سهام
سهام: (بتسمات بحب)😍
ايوب:(حتى هو فرح)اه احسن مدرتي اختي سيري عيشي حياتك ونساي لماضي
نجلاء: بشرط حتى انت تجي معنا
ايوب:لا منقدرش انا
سهام: علاش
ايوب:انا بغيت نطور واحد المشروع بديتو ومن بعد نشوف فين نمشي دبا غير سيرو انتما
يسرى:نجلاء واش غتحولي 😢
نجلاء:(شافت فيها وتنهدات )اه اختي غنبعد على قبل(تفكرات رشيد فاش طلب منها تبعد يلاه غتقول وهي تسكت وهزات حاجب ونزلات لاخور )على قبل متعلقيش بيا اختي نصيحة متبقايش تعلقي بناس بزاف حيت فاي لحضة اقدرو ارحلو ويخليو كية فقلبك انا غنمشي مي غنبقاو على تواصل اختي
يسرى:(شافت فيها وهي تلاح عليها عنقتها وهمسات ليها فودنها)فراسك فرحت ليك ومغديش نمنعك ولا نعتبك حيت اترحلي انا فرحت ليك بزاف حيت غتمشي تعيشي فالهنا انا اختي دوزت معاك هذا 3 شهور شفتك اش عنيتي فيها وشفت وجهك كيف كيكون زرق ومطبع بدرب كلما مشتي تزوري داركم انا عارفة بلي عشتي فالقهرة بزاف ودبا جا الوقت ترتاحي سيري اختي الله اجعل يامك فرح وسعادة غير الى فرحتي وعشتي فسعادة بقاي تاصلي بيا وقوليها ليا نفرح معاك عافك
نجلاء: (بتسمات وعنقتها وهمسات ليها فودنها)فراسك القردة كتنبشي فلداخل ديالي بغتي تقلبي عليا المواجيع مي لا دفنتهم اختي ومغديش نتأتر فبلا متعي رسك معيا وراه قالت ليك القردة مبقاش تحطني فهذا الموقف نطر نلعب معاك فالدراما ومعنديش معها يلاه زيدي قدامي لنغير رأيي ونجلس فوق راسك حتى نشيبك😌
يسرى:كنحبك انا (طبعا كيهدرو بهمس)
نجلاء: نصحك تحبي ايوب بلاصتي انا ناليش فالجنس اللطيف ومليش فالخشن
يسرى: مقالتش ليك من قبل بلي انتي طحبة
نجلاء: كون قالتيها كون كنتي دبا صم بكم عمي حيت نقلع ليك لسانك ونجبد لختي عنيها نحطهم ونخورك من ودنيك 😒
يسرى:هاني قالتها ليك دبا هههه
نجلاء: جتني فوقت الرحيل ومبغيتش نخليك وريا بكم وصم وعمي حيت مكاي لي اشد بيدك
يسرى:ههههه عارفك مغتفرطيش فيا وخا تخورني من ودني ودري فيا العجب والغرايب متخلنيش بوحدي نعاني هههه
نجلاء: خرية طلقي مني قجتني
ايوب:واش ساليتو من هذا العناق تعكم نتحركو
بعدو لبنات على بعضهم وتحركو مشاو لسكن الداخلي جمعات نجلاء وحوجها وطلعات هي وسهام ويوب لدوار من بعد متودعات مع يسرى لي كتبكي طلعو ومشاو لفيرمة تاع ايت العلامي بيناء على طلب نجلاء هي مبغاتش تمشي لدار وحتى سهام محكراتش حيت بغات تبقا معها راس فالرس مهم سيبات ليهم الخدمة لي مكلفة بالفيرمة العشا تعشاو ونعسو حيت عياو صباح الحال ناضت سهام ونجلاء خرجو مشاو اودعو حبابهم نجلاء حبابها فهذا الدوار هوما العربي ومرتو ورشيد خوها ودعات العربي لي خلاتو ادمع
العربي: الله اوفقك بنتي وانا فاش تجني الفرصة نجي نشوفك انتي راه بنتي وربي شاهد عليا
نجلاء: عارفة اعمي لهلا اخطيك عليا
مرت العربي:نجلاء بنتي انا اول مرة نفرح حيت غدي نودع شي حد عرفتي علاش حيت واخيرا بنتي غتعيش مرتاحة وانا فرحانة ليك الكبيدتي
نجلاء: (عنقتها )شكرا مي فطومة الله احفظك ليا
تودعات مهم هي وسهام ومن بعد مشاو لدار نجلاء بغات تودع رشيد وسهام بغات تزدع الاب ديلها وصلو قدام الباب حلات لهم امال دخلات سهام ونجلاء بقات وقفة قدام لباب
سهام: (دارت عندها)نجلاء دخلي اختي
نجلاء: لا غير سري وصيفطي ليا رشيد لهنا
سهام: نجلاء حبيبة(جات بغات ترجع عندها وهي توقفها نجلاء)
نجلاء: (تنهدات)وخا زيدي ندخلو نشوفو اخيرتها
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
