**بارت 14**
**زواجي من صهري**
فهد :اه شربي لبروتين حيت مكتسمعيش الهدرة😌تاع المجرب
(سهام كتخنزر فيه مكرهاتش تنقز عليه )
سهام: (بهمس لفهد)غير بلاتي الى موريتك منتسماش انا سهام (شافت فالكاس وهي تخصر صيفتها)فهد عتقني منقدرش نشرب هذاشي عافك
فهد:فات الفوت راه فاش سمعت البيض البلدي نبهتك باش تهربي حيت فايت شرباتو ليا ولاكين انتي راسك قاسح مكتسمعيش
راضية: واش انباتو هنا شربي وبراكة من تبعكيك
سهام: كنشرب الميمة قصدي غنشرب (سدات عنيها وكدعي فخطرها على اوس حيت بسبابو هي فهذا الموقف سير اوس بغيت ربي افلعص ليك بيضاتك وتبجغو بحال هذا الجخلاطة لي غنشرب بسبابك كملات وهي تگرگر الكاس طقة وحدة وخرجات عنيها وخلات فمها محلول مقدراتش تسدو ولا تجر النفس )
مصطفى: سهام بنتي
سهام: (شيرات ليه بصبعها زعمة غير سكت اعمي بلا متهدرني)☝
اوس:(دخل والابتسامة على وجهو جاي جيهتهم مي تلقا بترحيب من نوع خاص)
السلام عليكم(مكملهاش حتى تقيات عليه سهام البيض والحليب وكاع دكشي لي كلات العام لي فات الحاصول خرجات المعدة تعها لبرى حتى عصرتها ورجعتها)
اوس:اشت اش هذاشي يييع
سهام: (شدات لمعدة تعها وتحنات الارض كتبوع)يييعع
مريم: (شافت فامها لي وقفة كتشوف)تهنتي دبا اسي الفايد رتحتي ها لبنت غتخرج روحها بسباب افكارك
مصطفى: مريم سكتي
(البنات ملاحضة بغيت نعرف واش حتى انتما عندكم بحال راضية فالدار فاش كتشوف شي حد مريض ولا شي حاجة تنوض تخلط ليه شي عجب وتعطيه ليه اشربو انا بعد اه مجودة فحياتي 😂 نرجعو الموضعنا)
راضية: غير خليها اولدي تكب سمها وتخوي المزاود
مريم: كتردي ليا هدرتك دبا كترجعني انا لي كنسمم الناس ونعكر ليهم حياتهم
الجدة:باش سممتك ابنت كرشي هاأ باش حيت قالت ليك الحقيقة المرة لي فحياتك هاأ حيت فكرتك بكلامي فاش قالت ليك متزوجيش بداك شماتة راه ميصلاح ليك وفاش قالت ليك ديها فقريتك وانتي موقفة شوكتك لا منو نخلاق ودبا اش وقع هاأ ياك شفتي الدل لي عشتي فيه وفالخر هانتي رجعتي وبولادك والمصبة معندك حتى شي حاجة لي تنفعك فهذا الحياة نهار اخطاك خوك تشردي نزيدك ولا صافي نسكت
مصطفى: الوليدة عافك بركة هذا الهدرة معندها باش تفيد دبا
راضية:لا غتفيد ملي مفدة بنتي تفيد بنتها خليهم اسمعو ويخدو عبرة ويعرفو بلي زواج هو اخير حاجة تفكر فيه البنت فهذا الحياة حتى تدير قريتها فرسها ويكون عندها ديبلومات وخدمة لي دخل بيها فلوس عاد تفكر تزوج
اوس:(كان كيسوس فتريكو تاعو وكيشوف فسهام لي شدة المعدة حتى سمع جداه اش كتقول هدر مع راسو لا هذا الميمة باينة غخرب عشتي وتفرتك ليا شمل قبل ميتجمع )الميمة متقولي تجلس البنت حتى تشد تقاعد عاد تزوج منها نيت ايكون عندها مدخول كل شهر ومتحتاج الرجل😒
الكل:ههههههههههه(كلشي تشتت بضحك وحتى من مريم لي كانت مقلقة هذا اوس المسخوط الى هدر كيخلي الكل اضحك)
مريم:والله الى تقرا حتى تسالي وتخدم حتى تسالي الخدمة وتشد تقاعد عاد تزوج باش يلاه تسمى ديرة انجاز فحيتها
راضية:لا ماشي لديك الدرجة غير تكمل قريتها ويكون عندها علاش ترجع وملي تبغي تزوج تعرف تختار شريك حيتها
مريم:وي هذي معاك فيها الوليدة عندك الحق فيها انا كنت طايشة ومعرفتش نختار وفشلت فزواجي بسبب اختياري الفاشل مي دفعت تمن وصبرت باش نجحو مي مبغاش عيت اميمتي وهزيت الراية البيضة ومكنتش عارفة بلي فاش نرجع عندك غتبقاي كل مرة تفكرني بالفشل تاعي وتخلني نكره راسي ونكره الرجال ومايجي منهم (كملات هدرتها وهي تزيد طلعات فدروج شحال من وحدة بحال مريم كتخلا على كلشي وعلى مستقبلها على قبل شي حد مكيستاهلش ديك تضحية ف لي بغات تختار تعرف اش تختار حيت زواج ديال الدوام ماشي ديال ليلة ولا جوج وملاحضة اخرى الى شفنا شي وحدة فشلات فالزواج تعها فبلا منبقاو نزيدو عليها بهدرتنا لي كتقتل حيت ديك سيدة مستسلماتش حتى عيات حتى تقضى جهدها هي دارت كاع الحلول باش متفشلش مي فاش كتعيى كتستسلم وكتهرب من داك الجحيم وكطمح تعيش فسلام ولاكين المجتماع كيزيد على مبيها ويبدأ احك على دبرتها )
اوس:الميمة سؤال دبا متلا انا واش نتصنف من الاختيار الصحيح للبنت زعمة نصلاح نكون زوج لوحدة جوبني ومتصدمنيش
فهد:هههههههه راه بحال على من كانت تهدر الميمة دبا
اوس:😒نننن انت غير سكت البرهوش حتى حد مخدى رأيك
الجدة:انت تربيت ايدي اولدي وراجل وقد
اوس:(شاف فسهام وبفتخار )💪ارضي عليك الميمة دبا الى بغيت نتزوج نتزوج فيا كاع الصيفات ديال الشريك المناسب ياك الميمة
فاخيتة:انت اولدي باقي صغير على الزواج والمشاكل تاعو ديها فقريتك وخدمتك حسن ليك
راضية: بعد اباه تزوجك وهو فنفس العمر تاع ولدك وكان كيقرى وكيخدم وكيقريك حتى انتي فمدارس تاع فلوس ولا نسيتي(البنات هذا الجدة هي عزيز عليها ديما تعارض الناس كون فاختة قالت لولدها اه تزوج اولدي الجدة غتقول ليه لا انت باقي صغير ومعندك مدير بصداع الراس ونزيدك الجدة الى بغيتو تخيلوها تخيلو امينة رشيد فالفيلم تاع فيها الملح وسكر ومبغاتش تموت 😂نرجعو لموضوعنا)
مصطفى: اه على يام بحلا غير لبارح
راضية:(كتخنزر فيه )😒
اوس:صافي حتى انا غندير بحال الوليد الميمة الوليد الوليدة سمعوني انا بغيت نتزوج
سهام:كح كح انا نمشي نغسل حالتي سمحوليا
(هربات سهام حيت خافت ليحشمها على المفضيح قدام الناس)
الجدة:ربي ربي ولدي غتزوج
اوس:اه الميمة بغيت نستقر وندير وليدات
فاختة :😮😮😮
فهد:😂😂😂 واقيلة شداتو سخانة ولا ريحت التقية تاع سيهام قلبات ليه الدماغ شوف اخويا سير دوش راه غير ريحت زفورية تاع البيض لي دارت ليك هكاك
مصطفى: واش كتهدر من نيتك
اوس: اه الوليد من نيتي
الجدة:صافي انا نختار ليك المرأة لي تناسبك
اوس:اشنو كفاش لا الميمة
الجدة:كفاش لا كتعارضني ياك هكا تفقنا انا وياك انا لي غنخطب ليك.
اوس:اه تخطبي ليا مي لبنت لي بغيت انا الميمة
الجدة:انا لي غنختار ليك وسلينا
اوس:لا الميمة راه غير البيض زعمة ريحت لبيض لي قلباتني انا
فهد:ههههههههه عندك الميمة راه باغي اتزوج
اوس:(شد فهد من كرفاطو )انت غتسكت ولا نفوت فيك شي دقة)
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
