طلقها براهيم وخرج لبرى كان شيئ لم يكون وجلس كيضحط ويهدر معهم فهد شاف فيهم معجبوش الحال وهو ينوض خرج مشا يبات فالاوطيل
عند نجلاء فاش خرج براهيم مشات شافت رسها فالمريا وهي ضحك بستهزاء
نجلاء: هههه عصبت براهيم خليتو يكشكش (قاصت جبهتها لي بانت فيها ضربة )هذي ندبة صغيرة بزاف مقارنة بهذيك لي خلا فقلبي (مشات تكات وستسلمات لنعاس حولات متفكر فيهم صباح الصباح وهي تنوض لقات الوقت باقي موصلش دخلات لدوش دوشات وهي تلبس حويجها شافت رسها البلاصة فين تدربات خبتها بشعرها وهي تخرج لبرى باقي مكين حتى واحد. تمشات على رجليها ليسي باش تنفس شوية الهوى وصلات ليسي وجلسات كتسنى فخولة
فالدار ناض الكل فطرو وودعو سي براهيم لي غيمشي
سهام:(عنقاتو بكل جهدها )بابا تهلا فراسك
براهيم: حتى انتي ابنتي تهلاي فراسك انا غندعي معاك ربي يفك وحايلك على خير
اوس:(كيشوف جيهت بيت نجلاء لي مبانتش هذا الصباح نطق)سهام فيقي نجلاء راه غيمشي عليها الحال ومنها تودع عمي
سهام: (شافت فالاب ديلها وهي تنهد مشات لبيت تفيقها ولاكين ملقتهاش )هي اتكون مشات اليسي بكري
براهيم: (مبغاش يبين ل اوس)يلاه سلمي عليها انا خاصني نتحرك ليفوتني الكار
خرج اوس سبقو يلاه غيتبعو براهيم مدات سهام يدها شدات فيدو
سهام: بابا 😭عافك حن عليها ا بابا عافك حن خلاص نجلاء محتاجك بزاف هي محتاجة منك غير كلمة بنتي ا بابا انا مخليت مدرت ولاكين معوضت ليها هذا الكلمة حن عليها ابابا راه الموت والحياة هذي وانا معرفت واش مزال غيتكتب ليا عمر جديد باش نكون معها عافك بابا تنازل براكة من القسوة هي
براهيم: (قبل متكمل قرب منها شد وجها بين يديه وبسها فرسها ونطق)خليتك على خير بنتي تهلاي
(خرج مشات تبع اوس ودخل لسانسور نزل
سهام بدات تشهق بالبكا وشدات على فمها بيدها
سهام: علاش ابابا علاش قلبك قاسح هكا علاش
جات الخدمة سندتها حتى وصلتها لبيتها وعطتها دواء تعها ونعسات سهام
عند نجلاء لي خرجات مع 10 لقات فهد كيستنها قدام ليسي شافتو وهي تودع مع خولة ومشات عندو
فهد:(تحنا وحط يدو على كرشو ومد تانية )تفضلي جلالة الاميرة
نجلاء: (جاب ليها ضحك وهي تعطيه تحية بحال اميرات القصص)شكر
طلع فهد للوطو وكسيرة
نجلاء: فين غدي بيا
فهد:فين غدي بيا اخويا في غدي بيا(قلبها الغوان )
نجلاء: كنجي حتى عندك كتمشي الجدية وتحضر التبرهيش
فهد:يا سبحان الله (دها موقف حتى الكورنيش حيت عرفها كتموت على البحر وقف ونزل وحل ليها الباب وشد فيها مشاو جلسو على واحد السخرة بقاو شحال كيشفو المواج حتى كسر فهد الصمت
فهد:لبارح اش وقع فاش جا عندك عمي براهيم البيت
نجلاء: (بتسمات وهي تهز شعرها ورات ليه دربة لي فجبهتها)والو حتى شي جديد كيف العادة ولي زادو هو اني حررت عيشتو هو ومرتو وجيت لهنا نحرر عيشت اوس ومرتو
فهد:(شاف فيها وهو يدورها عدو)شوفي فيا (نجلاء دارت كتشوف فيه )
فهد:نجلاء واش انتي معجبة بزياد واش بغياه بغا تزوجي بيه كيف قالتي البارح ولا كنتي غير بغية تشدي معهم ضد كيف قال عمي
نجلاء: لا ماشي ضد انا مقتنعة بيه صحيح اني مكنحبو ومكنكرهو حيت انا معرفش فهذا المشاعير لي عارفة هو اني بغيت نبني حياتي من جديد ونكمل قريتي وندير داري وولادي انا بغيت ندير ولادي بغيت نعوض فيهم كاع لي فقدتو انا
فهد:(شاف فيها وهو ينطق)مزيان دبا طمنت وشوفي الحقيقة انا هدرت مع زياد وهو ناوي اتزوج بيك وقريتك متهزي ليها الهم حيت تناقشت معاه فهذاشي وهو قال بلي باغي يمشي ل مريكان ورا الزواج وغتستقرو تما وتكملي قريتك وتخدمي الى بغتي وانا شفت بلي هذا احسن حل باش تبداي حياتك بعيد على المشاكيل وعلى هذا المجتمع المزفت انا اختي غنعاونك حتى تزوجي بيه وتخرجي من هذا البلاد لي معطاتك غير الاوجاع
نجلاء: البلاد عمرها اداتني بلاد زوينة غير المجتمع لي دايرين بيا لي ادوني شوف انا قابلة بهذاشي كل ولاكين ماشي دبا حتى تولد سهام وتصح ديك ساعة نتزوج بزياد ونمشيو لبرى (باقي كتهدر مع فهد حتى سمعات )
زياد:وانا قابل نصبر معاك قدما بغتي
نجلاء دارت شافت فيه لقاتو واقف وكيبتاسم شافت فهد لي كيضحك حتى هو
زياد: (شدها من يدها بحب وقفها وبس ليها يدها )انا اسعد واحد فالدنيا
نجلاء: (نترات يدها من يدو وهي تهدر وهي عقدة غوبشتها )باقي مدرنا فالطاجين ميتحرق وولينا فشد اليدين والبوسان شوف انا مكنحملش هذاشي وانا قبلت بيك حيت النهار الاول جتني نيشان قالتي ناوي الحلال يعني تعناب معيا ميمشيش🙅
فهد:(طرطق بضحك وهو يحط يدو فوق كتفها وجبدها عندو وكيضحك شاف ف زياد)قصف ثلاتي الابعاد هههه
زياد: وييه طرطاق البرود (شاف فنجلاء لي زادت كبرات فعينو كتر )حم ممم دبا من بعد زواج واش مسموح نشد فيدك
نجلاء:(تزنگات )😳
فهد:لا مامسموح يلا زيد قدمنا عرضنا لشي غدا فعل تارك لشي ريسطو
زياد:لا لا اخويا غير عفوني انا نعطيكم فلوس باش تغداو فأفخم ريسطو فكازا ولاكين بلا متديوني معاكم حيت نيفي عاد ولا شوية من اخير دربة كليت من عند داك عزريل تان خوك
فهد:ههههه بربي حتى عبر عليك (قرب ل زياد وهو ينطق)باش تعرف بلي نجلاء ورها رجال كيحميوها ونهار تغلط معها مورا زواج غير دير كسكسو وترحم على راسك حيت غتلقنا قدامك
نجلاء: (بقات كتشوف فهد عجبها الحال فاش قال هذا الهدر حسات بلي هي ماشي بوحدها )😍
زياد: حم دبا قولي غير شحال من صعصع ورها باش ندير بحسابي
فهد:انا اولهم وكنضن غير انا كافي نردك كفتة 😈
زياد: متحتاج اخويا حيت نجلاء غنحطها فعني
نجلاء بقات غير كتشوف فهم عجبها هذا الاهتمام وعجبها الحال حسات بالفرحة تحركو ومشاو اتغداو على حساب زياد
تغداو فجو مليئ بالضحك والنشاط ورجعها فهد ليسي من بعد متودع معها حيت غيمشي لفاس هو جا غير على قبلها يقاد ليها امورها وملي هي قالت حتى تولد ختها خلها حتى تبغي وعدها غيكون فجنبها
داز شهر على هذاشي
بعد مرورو شهر اخار روتني على نجلاء لي دتها فقريتها وف خدمتها وف صحت ختها لي نهار على نهار كيبان عليها تعب تاع الحمل اليوم نجلاء فاقت كيف ديما قدات حلتها وخرجات ليسي دوزات نهار كامل بين ليسي ودار وفالعشية توجهات الخدمة مع ديك 5 تاع العشية دخلات بزربة تلقتها المشرفة على الفندق سميتها زهيرة
زهيرة:اش هذا التأخير انيسة نجلاء
نجلاء: (شافت فيها )مدام انا راه هكا كنخدم من ديما
زهيرة:فاش كان سي بناني هو مول الوطيل دبا راه تغير الوضع
نجلاء: (شافت فيها )اوكي مدام غنولي نجي بكري
زهيرة:سيري غيري خوايجك دغية ودوزي عندي المطبخ وصلي واحد طلبية لمول اوطيل راه فالريسطو داير جتماع
نجلاء: ولاكين مدام انا مكلفة بخدمة الغرف اش داني ل ريسطو
زهيرة: انا عارفك باش مكلفة ماشي انتي لي تقولي ليا دبا سيري لبسي حوايجك ودوزي وصلي طلبية ورجعي كملي خدمتك الى بغتي تبقاي فيها حنا راه درنا معاك فوق المزيان
نجلاء: (شافت فيها واحد شوفة وهي تنهد)اوكي مدام انا نوصلها (مشات بدلات حويجها لبسات زي الخاص بالاطيل وهي تمشي هزات القهوة داتها لمول الاوطيل لي داير جتماع بان ليها شي اربعة ديال الرجال مجموعين فطبلة واحد عطيها بضهر تقدمات عندهم وهي تنطق)احم طلبات لي طلبتو
اوس:(بلا ميهز راسو من الوراق)حطي وسيري (بدات نجلاء كتحط دكشي اوس طلع نص عين فالرجال لي قدامو بغا يستفسر على شي حاجة بان لي كيعض على قنوفتو ويغمز فصاحبو لي جلس حداه اوس جاه الفضول ايشوف فين كيشفو وشكون لفت نتباهم هكا يلاه غيدور بانت ليه يد صغيرة وبيضة حطات فنجان قهوة قدامو طلعها من رجليها لرسها جات عينو فعنيها هههه شكون من غيرها تصدم ويسحاب ليه غير كيتخيل عاود شاف فيها لقها هي لبسة جيب كحلة قصيرة حد الركبة ورجليها البيضين كيبانو ولبسة صباط طالون كحل وقميجة بيضة غطرطق عليها من جيهت صدر وشعرها جمعاتو على شكل ديل حصان والقصة نازلة على جبهتها ركز فيها شوفة مزيان وهو يزير على يدو وعض على فكو باينة تعصب دار شاف فهدوك كي بغاو يفترسوها بعنيهم نطق)تحركي من قدامي الى سالتي
نجلاء: (تلفات بيها دنيا مفهمات والو واش اوس هو مول الاطيل وقفة كتخمم معرفات واش تمشي تهرب ولا ترجع تكمل واش هي غلطات فالطبلة ولا كيفاش باقي واقفة كتخمم سمعاتو تاني)😨
اوس:(درب على طبلة)تحركي لاش واقفة عليا مزال
الخرين لي جلسين معاه حدرو عنيهم حيت بان ليهم معصب نجلاء تحركات دغية كتزرب فمشيتها ومسعودة كتلعب ورها شي لي زاد عصب اوس
اوس:(شاف فهذاك لي قدامو كيف متبع ليها العين ناض هاز طبلة قلبها عليهم وعطاه بونية لوجهو)تعاود تشوف فيها ديك شوفة عنيك نقلعهم ليك ازم***ل(مشا دخل كيقلب عليها لقها واقفة مع زهيرة مشا ليها نيشان شدها من يدها وجرها معاه دها المكتب تاعو
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
