زواجي من صهري 💍مكتملة💍

الجزء 118 💍❤️

براهيم :غتزوجيه هي
غتزوجي بيه
نجلاء: لا هي لا كتسمع انا مغديش نتزوج بيه نموت ولا نتزوج بيه
براهيم: (دربها بواحد تصرفيقة دورها وهو يجرها من شعرها)ياريت متي فبلاصتها نتهنا منك ياريت انتي لي متي ماشي هي
نجلاء: (شافت فيه وهي تنطق بهدوء)كون كانت الموت بيدي وكون قدرت نموت كون مت فبلاصت مرتك قبل ومعشت لي عشتو وماشفتش ختي كتموت قدامي مي الغلب الله مابيدي حتى حيلة الموت ربي لي كيعطيها ومنقدرش نقتل راسي حيت مبغيتش نخصر الاخيرة بحال كيف خصرت الدنيا دبا الى بغتي دير فيا خير قتلني وهنيني حيت الموت اوهون من اني نتزوج بهذا الشماتة(دارت ل اوس لي جلس كيشوف فهم )لي مكملاش شهر باش دفن مرتو وجاي يتزوج بختها
براهيم: (صعر وهو يعطيها واحد تصرفيقة خلتها دور كلها وتخبطات فصدر اوس لي كان جاي ليها فاش سمعها قالت عليه شماتة تخبطات فصدرو وهي تهز عنيها الحمرين فيه وهي تحس بيد براهيم شدتها من شعرها دورها وكان غينزل عليها لوجه ولاكين شدو اوس من يدو قبل ميحطها )
اوس: (شد يد براهيم وجر نجلاء وراء ضهرو وهو ينطق)متحطش عليها يدك مدربهاش
براهيم: ولدي خلني نربي هذا الكلبة راه ديرة كيف الحمار الى مكلاتش دق متمشيش مقادة
نجلاء: (من وراء اوس)اه كلبة وحمارة ومغنتقادش مغديش نتزوج بيه وقتلوني دبا وهنيوني
اوس:(دار عندها وهو يشوف فيها واحد شوفة كتخلع نطق وهو كيغزز فسنانو)بيتك
نجلاء: (شافت فيه وفبراهيم)اشمن بيت واشمن زمر انا غنخرج فحالي والله لا زدت معكم شي دقيقة تريكت الهبال 😠
(غدية بغات تخرج وقفها صوت اوس)
اوس:تعتبي العتبة غتشوفي شي لي مغيعجبك مني طلعي لبيتك
فاختة:(مشات كتجري عند نجلاء شدتها)بنتي اجي معيا عافك(جرتها طلعتها فالدروج لفوق).
مصطفى:(كان جلس شد فراسو شاف ف اوس وبراهيم)واش هكا كتقنعو الواحد البنت صغيرة وهذيك ردت فعل طبيعية منها وكان عليكم تخدوها على قد عقلها وتوصلو ليها الفكرة بالخاطر وتخدمو شوية ديال العواطف ساعة غلط فاش طلبيت منكم تقنعوها
براهيم: هي غتزوج بيه يا بالخاطر يا بزز
اوس:(شاف فيه وهو ينطق)اخير مرة شي حد يحط يدو عليها ولا يدربها
مصطفى: اوس هذاك راه الاب ديالها
اوس:مابنش ليا ياك هو غير متبنيها اولا
براهيم: (شاف فهم وهو يجلس الارض شد راسو ونطق)هي بنتي من صلبي نجلاء بنتي هي جات بالغلاط كانت خطر على صحة مرتي وانا كنت نبغي مرتي بزاف وطلبتها تنزل الجنين هي رفضات وانا درت ليها خطرها ولاكين عاتقة مدتهاش فصحتها وانا فواحد.النهار فللحضة غضب حلفت بقسم اني متبري منها الى وقعات شي حاجة لعتيقة وربي جربني وخصرت مرتي نهار تولدات ديك النحس تبريت منها ومبغيتهاش فحياتي والوليدة جابتها معها وهي كتكبر انا كنهز عيني فيها كنشوف مرتي فوجها وكنكره نهار جات فيه حيت بسبابها خصرت مرتي وسندي فالدنيا (شاف فمصطفى لي شد راسو وهو ينطق)انت كنتي شاهد على قصة حبنا واش درت باش نكون معها ونهار خصرتها كحالت الدنيا فوجهي وتبريت من لي كانت السبب
اوس:(شاف فيه اش كيقول بقا كيطلعو ويهبطو وتفكر هدرت سهام ونجلاء وتفكر نجلاء فاش كطلب ختها تنزل البيبي وكتقول ليها مزيديش ضحية اخرى عافك وتفكر فاش قالت ليها سهام اوس واعي هو مغيربطش هذاشي باش واقع ونجلاء جوبتها بلي حتى هو واعي عرف اش كانو يقصدو تفكر فاش كان يدرب نجلاء ويقول عليها للقيطة حس بالدنيا كدور بيه زير على يدو ونطق)انا غنجيب العدل دبا نتزوجها
مصطفى: (شافو غادي وهو ينطق) اوس البنت مبغاتش
اوس:(دار شاف فالاب ديالو)انا غنتزوجها بزز منها وغنديها تعيش معيا فداري فين خلتها اختها مغديش نخليها ترجع تعيش لي دازت منو ولا غنخليها مع اب مريض فمخو 😠
خرج اوس وهو يهز تليفون تاعو صونا على ايوب قاليه يتلقاه دروري ودابا وايوب قاليه هاني جاي راني وصلت بني ملال مشا اوس عند ايوب وهو يجلس معاه فقهوة
ايوب:كيف بقيتي
اوس:صافا(شاف فيه وهو ينطق) ايوب بغيت نعرف نجلاء كيف كانت عيشة واش قبل
ايوب:(شاف فيه وهو ينزل راسو توتر)حم كيفاش
اوس:الاب تاعك عواد لينا مي غير شوية انا متحملتش نجلس نسمع منو وبغيتك تعاود ليا كلشي
ايوب: (شاف فيه وهو ينطق) انا معندي منعاود ليك لا بتفصيل لا والو لي قالها الوليد راه بصاح ونجلاء هي الى بغات تعاود ليك هي غتقول عافك مطلبش مني شي حاجة كتر
اوس:(شاف فيه ونطق)ممكن غير تختصر ليا
ايوب: لي واقع مع اقبال هو نفسو لي واقع مع نجلاء غير هو نجلاء تولدات فسبع شهور وملقات لا اب جنبها لا خالة بحالها كون ما جداتي وسي العربي موحال واش تعيش معنا جداتي جبتها وعاشت معنا كانت ختي سهام هي لي تكلفات بيها كتربي فيها توكلها وتنعسها جنبها نجلاء عاشت وهي منبودة من طرف بابا لي عمرو معتبرهاش واش كينة كانت صغيرة وبريئة ومع القسوة والضغط والدرب لي كانت تاكلو تغيرات ولات نجلاء لي كتعرف دبا مهم هي مبغات حتى حد يعرف اش واقع معها هي كتقولك مكتحملش تشوف فعنين الناس الشفقة كتكره رسها وكتحس بلي بصاح هي متبري منها
اوس:(حس بالغصة فقلبو بحلا خشتي سيف فيه تفكر نهار دربها وعيرها وهي كتقول انا نجلاء بنت براهيم زير على يدو وهو يشوف ف ايوب ونطق)ايوب بغيت نتزوج بنجلاء
ايوب: (وقف )اشنهو 😠
اوس:(شاف فيه ومد يدو جلسو)اجلس نفهمك ايوب انا خلات ليا سهام نجلاء امانة فعنقي وخلاتني نوعدها بلي غنديرها فعيني وباش نوفي بالوعد ديالي خاص تكون شي صيلة بيني وبين نجلاء باش نعيشو مع بعض راك كتعرف الناس والمجتمع فاش غيشوفونا مع بعض غيبداو يهدرو عليها وانا منسمحش لشي حد ينعت فيها وبغيت ندير هذا الزواج غير باش نسكت الناس ونجلاء غتعيش معزز مكرمة معيا وغنديرها فعيني بغيتك تعاوني باش نوصل لهذاشي حيت الى متزوجت بيها غدي تطر تعيش مع الاب ديالك وتعاود نفس المعنات
ايوب:(شاف فيه بصاح كلامو تنهد ونطق)وخا غنحاول ولاكين الى هي مبغاتش معندي منزيدك من غير اني نهز ختي ونمشيو فحلنا من هنا انا نديرها فعني
اوس:ايوب اويس كيقول ليها ماما وإقبال مولفها انت مغظيش تحيد أم لولاد عاد خصرو أمهم الاولة قبل شهر انت مغديش تحرمهم من نجلاء
ايوب: (حس بدمعة خانتو نزلات من عينيه مسحها ونطق)غنحاول نقنعها حتى انا مابغيتش نحرم ولاد اختي من أمهم
اوس:شكرا خويا وكنواعدك غنديرها فعيني بحالا كيف كانت سهام دير معها
ايوب:شكرا (وقفو مشاو ركبو فللوطو تاع اوس لي عيط على العدول وجابهم للدار لقا براهيم ومصطفى وفاختة وتوريا جلسين ودراري مع امال ورشيد خنزر اوس وبراهيم )
اوس:(هدر مع العدول)تفضلو جلسو
مصطفى: (وقف جاي عند اوس جرو داه القنت)اوس واش تسطيتي راه من بعد مخرجتي هدرنا معها وهي جمعات حويجها وقالت يا تخليوني نخرج من هنا يا قتلوني اما زواج هو لي مغديش يكون
اوس:ايوب غيهدر معها انا مغديش نفرط فيها وانا متشبت بفكرة الزواج كتر من قبل
ايوب: (شاف فيهم وهو ينطق)فنهي نجلاء
فاختة:راها فبيتها الفوق
(طلع ايوب عندها لقها واقفة كتشوف فصورة سهام وكتهدر ودموع فعنيها حط يدو على كتفها وهي دور تخشات فصدرو)
نجلاء: منقدرش انا منقدرش دني من هنا عافك(هنا فين داز داك الحوار لي كان فالاجزاء الاولين وايوب هو شخص لي كان باغي يدي نجلاء معاه وهي ترجعات ف اخير اللحضة وخرجاتو وسدات الباب ومن بعد سمعات صوت اقبال كتغوت شدات ودنيها بغات تنخلها ومتسوقش بغات تقصح قلبها ولاكين تفكرات رسها ف إقبال وتخيلات قسوة براهيم ومقدراتش تكون بحال براهيم مشات خرجات لقات اقبال شدها فاختة كتراري بيها وهي تشدها من عندها نجلاء ودتز داك الحوار بينتهم ودبا غدي نرجعو الى الوقت الحاضير وغنساليو من فلاش باك على طفلة نجلاء وغنعيشو معها المرحلة التانية من حياتها تبعو معيا .......