مصطفى :(شاف فيه وهو ينطق)نهار الجمعة انا غنمشي لبلاد نطلع على براهيم كيف بقا اش بان ليك تجي معيا وتهدر معاه وطلبها منو ومنها نيت نديو فاختة ونجلاء ودراري يبدلو الجو اش بان ليك
اوس:وخا الوليد لي بغتي (شاف فيه وهو ينطق)حم هي مغتبغيش تقبل
مصطفى: (شاف فيه وهو ينطق)غنقنعوها حتى تقبل غير هو نهار نسمع بلي حطتي عليها يدك غتلقاني قدامك باش نكنو واضحين
اوس:(شاف فيه وهو ينطق)غدي نحط عليها يدي الى دارت علاش اما الى مدرتش علاش راه مغديش نتوشيها
مصطفى: اميمتي مع من انا اربي لما قول ليا من امتى ولتي هكا هاأ
اوس:اش وليت
مصطفى: امتى تبدلتي فين داك اوس المسطي لي غير كيضحك ويقشب ويتحاول مع الناس عمرو هز يدو على شي حد
اوس:(كيسمع ليه وكيتفكر كيف كان وكيف ولا من نهار شاف نجلاء وهو مبدل وهذاشي كل كيدير غير مع نجلاء مفهمش راسو )والله معرفت امتى ولا كيفاش ولا علاش مهم هذاشي لي عطا الله
مصطفى: لا حولا ولا قوة الا بالله عرفتي اشنو غطلع تمشي تعتدر من البنت وتصلاح معها حاول تدير لماء منين ايدوز باش ملي نجيو نبغيو نقنعوها تقنع لينا اما على مابليا تموت ولا تقبل بيك
اوس:ممم غنعتدر منها من بعد دبا بغيت نسولك
مصطفى: اش
اوس:بغيت نعرف كيفاش براهيم متبني نجلاء زعمة عائلتها فين ومنين جبها (قال الاب ديالو هكا بغا ايشوف اش كيعرف )
مصطفى: والله معرفت هو قال بلي خالتي السعدية الله يرحمها هي لي جبتها تبنتها هذاشي لي كنعرف علاش كتسول
اوس:لا والو
مصطفى: واش باغي تعرف اصلها
اوس:ماشي هكاك
مصطفى: ولدي لي كيهم هو نجلاء وطيبت قلبها وشخصيتها وهي بنت براهيم هذا هو لي كيهم وداكشي لاخور مكيهمناش
اوس:(تفكر كلمها وهو يتنهد)الوليد اش بالك غدا نمشيو البلاد ماكين لاش نستناو حتى نهار الجمعة
مصطفى: ممم وخا حتى هذا نضر
كان اوس كيداكر هو والاب ديالو حتى تحل الباب دخلات منو فاختة شافت ف اوس وهي تجلس
فاختة:مصطفى اش درتي مع ولدك اشمن حل
مصطفى: غدا غنمشيو نخطبو ليه
فاختة: نخطبوها ليه نعطيوه سلطة فيدو باش يبدأ يفرشخ فالبنت
اوس:(شاف فالام ديالو)الوليدة انا راه راجل ومغديش نجي لقها معنقة هي واحد فالشاريع ونوقف عليهم نسولهم عافكم اش كنتو كديرو زائد انا هدرت معها قالت ليها طلعي لدار مكنتش غندير فيها يدي وهي رسها قاصح وقفات ضد ودبا انا غنخطبها غنتزوجها وغتكون مرتي وتعيش معيا ومغيخصها حتى خير ونهار دير علاش تاكل العصى مغديش نعطلها (ناض وقف وخرج خلاهم )
فاختة: مال هدا واش هبل
مصطفى: الحب هداك الحب ديالي ولدك طاح فالبنت ومرضاش يقولها وانتي عونيه يتزوجها
فاختة: اش كتقول هو عاد ماتت مرتو لي كان كيبغي
مصطفى:اودي والله مافهمت فيه والو كون تشوفي عنيه كي كانو داك النهار فاش قالت ليه نزوجها لواحد فالدراري نجلاء راه عندها شي حاجة فعنيها كيأسرو الواحد وكدخل القلب بنادم بدون شعور منو وخا يعيا ميقومها غدي دخل حيت هي مقبولة من عند الله
فاختة: بصاح هي مقبولة من عند الله ودغية كدخل لقلب بنادم وعنيها فيهم واحد النضرة كدير التنويم لبنادم وتخليه يخدع ليها وراك شفتي خالتي لي كانت ميعجبها العجب كيف تغيرات مع نجلاء وبزاف ديال الناس دخلات لقلبهم وشوف غير إقبال لي صغيرة مكترتاح غير فحضنها تقبلات نجلاء كأم ليها واويس كون تشوف كيف كيجلس يبقا يبوس فيها ويعنق فيها باين بلي متعلق بيها بزاف
مصطفى: الله يرضي عليها بنتي ويكمل بعقلها ويهدي داك البركان تاع ولدك ويعرف كيف يعملها هذي راه جوهرة تمينة ومخصوش يضيعها من يدو
(بقاو يتناقشو نخليوهم ونطلعو لفوق عند اوس لي مشا دق فباب بيت نجلاء مسمعهاش وهو يحل دخل لقا غير دراري لي نعسين خرج مشا الكوزينة ملقهاش وهو يمشي الاطيراس عرفها غتكون تما لقها جلسة فالبلاصة لي موالفة تجلس فيها كتزعلل فالكرسي وشعرها مطلوق كيهزو البرد تنهد وهو يمشي جلس قدمها
اوس:(بقا شحال كيشوف فيها حتى بانت ليه غتنوض مد يدو شد فيدها وجلسها وهو ينطق)علاش خلتيه يقرب منك وعلاش فاش طلبت منك طلعي لدار مطلعتيش علاش كنت معصب وكنت عارف راسي مغديش نتحكم فيه كتر وطلبت منك طلعي لدار ولاكين انتي ديما عزيز عليك الزكير كنحاول منكونش قبيح معاك كنحاول منديرش فيك ايدي ولاكين انتي كتخرجني على طوعي وكدري غير الحاجة لي كتعرفيها كتعصبني هي لي كديري
نجلاء: (نترات يدها منو وهي تنطق )دبا اشباغي مني ياك درت دكشي لي معجبك وانت درتي دكشي لي بغتي ديرو وقالتي لي بغتي لاش جاي عندي دبا 😠
اوس:(شاف فيها كيف معصبة وكتهز شعرها بزعاف تردو لور دودنيها نطق)جيت نعتادر منك
نجلاء: واووو سي العلامي كيعتدر من اللقيطة هذي خصها دخل التاريخ 😒
اوس:واش عمر شي حد قالك لسانك كبر منك
نجلاء: انت اول واحد قالها وشكرا حيت قالتيها حتى هي قول مزال شنو باقي عندك ماقلتيه عليا
اوس:(شاف فيها طول شوفة)مالك دبا كتغوتي انا جيت نهدر معاك
نجلاء: (خنزرات فيه )لا جاي دابز معيا ودبز فيا وقالت نعاونك ندير ليك علاش دبز
اوس:(شاف فيها وبتاسم)عارف مكتحملنيش ولاكين ماشي لدرجة غير تشوفني تبغي دابزي معيا ههه
نجلاء: مزيان ملي عارف بلي كنكرهك انا غنزيدك بزاف ديرها حدها ماشي غير مكنحملكش
اوس:ممممم واش اخور من غير هذاشي اش كتحسي من جيهتي من غير الكره
نجلاء:انا مكنشوفكش كاع واش كين
اوس:مممم وخا خلينا من هذاشي بغيت نسولك
نجلاء: مغديش نجوبك (وقفات بغات تمشي ولاكين شدها جلسها وجلس فوق طبلة قدمها وحل رجليه وجليها وصط رجليه شد فجناب تاع كرسي ونزل راسو عندها كيشوف فيها ونطق)انا بغيتك تجوبني وغتجلسي غنسولك وتجوبني
نجلاء: (جلسات كتشوف فيه وهي تجمع رجليها تناتهم و خشاتهم تحت الكرسي وبعدات منو تكمشات فالكرسي )اشباغي
اوس:انتي قالتي بلي بنت براهيم من صلبو وبنت عاتقة وعمي قال بلي انتي متبنية
نجلاء: عمك عندو الحق صافي جوبتك يلاه خلني نوض
اوس:(شاف فيها فعنيها وهو ينطق)نجلاء جوبني عافك
نجلاء: (ركزات فيه شوفة وهي تنطق)واش عمي مصطفى خبطك بشي حاحة تقيلة لراسك ولا كيفاش
اوس:علاش
نجلاء: حيت جتي تعتادر وتسول وممولفاش ليك اسي العلامي وقالت نشوف واش انت طبيعي ولا كلتي شي دقة راسك
اوس:(جابت ليه ضحك بهدرتها )ههههه طبيعي وبزاف دبا جوبني
نجلاء: جوبتك عمك عندو الحق انا للقيطة كيف قالتي
اوس:(حط صبعو على فمها ونطق)ششش عمرك تعوديها
نجلاء: (بعدات ليه يدو من فمها ونطقات )اشنهو الفرق بين نقولها على راسي وبين قولها انت ياك للقيطة للقيطة
اوس:(تنهد)قالتها فللحضة غضب
نجلاء: عند الغضب ركز جيدا سوف تسمع الحقيقة(شافت فيه وهي تنهد ) فراسك بنادم فاللحضة غضب تيقول الحقيقة دكشي كاع لي لكيشوف فيك كيقولو ليك وانت فديك اللحضة قالتي باش كتحس من جيهتي وكيف كتشوفني
اوس:(حيد ايدو مسح على شعرو )انا شفتك انتي وزياد معنقين وتعصبت ودرت لي درت وقالت لي قالت
نجلاء: (ستغلات الفرصة فاش حيد يدو وهي تنوض ونطقات)انت مالك علاش تعصب الى شفتني معنقة شي حد ياك معنقتو بيديك
اوس:(شاف فيها وزير على يدو بغا ينوض ليها وهي تهرب تنهد )هذا البرهوشة حلفة حتى تصطي جد ولديا ولا نقتلها على فعيلها (درب براسو)هدرت حتى عيت ودبزت حتى عيت ولي فرسها فرسها ياربي شي تالويل دالخير معها
(ناض وقف ومشا دخل تلاقا باباه وماماه طلعو من لتحت )
مصطفى: العود اش درتي
اوس:درت ليا الوليد كنستيلم يدي فوق راسي جيت حتى عندها وتلفت معرفت حتى كيف نعتادر منها واصلا هي متبغيش لي يعتدر منها رسها كيف الطنگة انا نلغي وهي دير لي بغات
فاختة:هي لي تعرف ليك الله ينصرها عليك ويقويها
مصطفى: هههههههه عشت وشفت اوس مستسلم
فاختة:فنهي نمشي نقول لها توجد رسها غدا غنمشيو البلاد
اوس:رها فبيتها
مشات فاختة عند نجلاء بغات تخبرها بلي غترجعها لمسقط رسها ههههه دخلات لقتها كتصلي العصر ستنتها حتى سلات
فاختة:الله يقبل بنتي
نجلاء: امين خالتي
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
