دراري:عندك الشاف راه جلسنا حتى هجمو علينا كيدربو فينا (الحاصول ترونات دنيا جمعو البنات والولاد طلعهم لسطافيت وهزو معهم حتى دوك دراري )
عند فهد:(لي تحبس فالزحام كيشوف اش واقع )ياك ما شي كسيدة وقعات ياربي سلامة كيبان ليا البوليس
اميرة:ناري جاد كيجري فالطريق ياك ما هو لي كيتسابق مع عماد تاني😱
فهد:(غير سمعها وهو ينزل خرج كيجري لقا للطو تاع جاد كيهزوها ديبناج وسطافيت تاع البوليس تحركات شاف واحد الرجل )خاي اش واقع هنا ياك ما كسيدة
الرجل:لا اولدي غير واحد البنت شافت واحد الرجل كفيف غيطيح فالحفرة وكانو شي ولاد لفشوش حداه كيصورو فيه ويضحكو هي جات عونات الرجل وهي تنزل على هدوك بالدرب مخلات فيهم غير لي نسات هاك فيديو شوف راه صورتها الله اعزها
فهد:(شاف الفيديو بانت ليه نجلاء كتسلخ فدراري وشاف جاد وعماد حتى هوما دخلو وشاف سطافيت فاش هزوهم وهزو معهم لبنات درب على وجهو بيدو)مصيبة كحلة هذي باش غنفكها مع اوس الى عرف (مشا كيجري رجع للوطو وركب كسيرة دار مع رومبا )
اميرة:اش وقع ناري دارو كسيدة ياك😱😭ماتو
فهد:سكتينا راه موقع والو غير هزوهم بوليس نمشي نخرجهم
فالكوميسرية البنات كيبكيو وعماد كيترطى
عماد :طلقوني ولاد القحاب لاش هازين البنات حنا لي دربنا طلقو لبنات
البوليسي:جمع فمك اسي اش يسحاب ليك راس نايضة سيبة ديرين ليا زحمة سير فالشارع العام وزيدينها بالمدربة وتغوت من الفوق شكون غتكون فملك الله
جاد: معك مواطين امريكي وكنضن من حقي نعيط تليفون
😠
لبوليسي :(شير بعينو ل واحد شورطي عطاه تليفون )شد عيط لمحامي تاعك
جاد:(شد تليفون وهو يعيط على اوس ناري قفرها هذا زمر يسحاب ليه فامريكا كون غير تكمشتي على عضامك حسن من عزرايل )الو اوس اجي خرجنا
اوس:(كان جلس فبيتو كيخدم من لبيسي حتى صونا تليفون تاعو جاوب )جاد منين نخرجك
جاد:شدونا البوليس وحنا فالكميسرية
اوس:(غير سمع الكوميسرية عرف شكون مولتها )اش دارت تاني
جاد:(على نيتو )نجلاء دربات شي دراري وانا وعماد عونها حيت دوك دراري بغاو ربوها
اوس:(زير على يدو )هاني جاي 😠(نزل بالزربة كيجري وهو معصب تلقاتو سعاد )
سعاد: اوس ولدي مالك معصب وغدي زربان
اوس:نخرج البراهش من الكوميسرية(فتها ومشا كيجري )
عند لالهم نجلاء لي موالفة بهذا الوضع جها عادي جلسة كتشوف بغنيها فدوك ولاد كلي ميني كيكدبو هههههه وتشوف فالبنات كيبكيو وعماد مزال كيترطى متسرطاتش ليه لبنات يدخلو الكوميسرية
هاجر:هئ هئ هئ بغيت نعيط ل اوس اخرجنا حنا مشينا فيها
جاد:هاجر متبكيش راه عيط عليه.
نجلاء: (دربات على وجها )سلات المسرحية قبل متبدأ 🙍
ايمان:كلشي بسبابك الهمجية بسبابك غنتحبسو ومدرنا والو
نجلاء: ايمان حبيبة سكتي راه راسي باقي شاعل غنوض لختي نبرد فيك فمن الاحسن سكتي
اسراء:هئ هئ جادو بغيت بابي
جاد:متبكيش راه ميوقع والو
نجلاء: (شافت فالبوليسي وهي تهدر)شوف انا كنعتارف انا دربت هدو والى متيقتنيش انا نوض ندربهم مزال قدامكم وشدوني بوحدي وطلقو البنات ودراري امشيو فحالهم
البوليسي:(بقا كيشوف فيها صدماتو حيت بغات تنوض تدارب مزال فالكوميسرية )ممم ولاكين حنا لقيناكم كلكم فنفس البلاصة كتداربو
نجلاء:(بغات غير تخرج لبنات حيت شفتهم كيبكيو)وخا انا وجاد وعماد لقيتونا كندابزو
والبنات لاش هازينهم هوما كانو غير واقفين
الدري لي دربات:عندك الشاف كلهم تحماو علينا ودربونا شوف اش دارو فينا
نجلاء: (شافت واحد ديكور دير بحال كورة ارضية كان فوق المكتب تاع البوليسي وهي تهزو عطاتو لهذا على جبهتو ونطقات بهدوء)تعاود تحل فمك الحمار نوض نجبد ليك حلاقمك نحطهم ليك قدامك نوري دين موك قوة الفهمات
دري:(شد فجبهتو كيتعجب فيها)😮
الكل منهم لبوليس؛😮😮😮
نجلاء: دبا انا دربتو يلاه حبسوني بوحدي وطلقو دراري راه غير جاو يفكونا 😒
البوليسي:(شاف فواحد شرطي واقف)نزل ليا هذي لكاب حتى تربى تما وديك الساعة نطلعاها لتحقيق 😠
جاد:(كان مصدوم حتى شافهم بغاو ينزلوها)شاف لا هي باقي قاصير ومامنحقك تحبسها مع مجرمين (اتا سكتنا راك فالمغرب ماشي امريكا )
البوليسي:(شاف فالكارت تاع نجلاء )نجلاء راضي 16 سنة وكديري زبايل كبر من راسك
فبرى كان اوس وقف وقف فهد فنفس الوقت
فهد:(شاف ف اوس)خويا
اوس: (معصب )هذاشي علاش وسيطك الحمار هاأ ياك قالت لجد ولدكم خليو زمر فالدار وفين كنتي حتى تهزو لبنات 😠
فهد:اوس انا تبعتهم وكنت معطل وزحام مشفتهم اما كاع منخلي لبوليس يهزهم
اوس:(قرب ليه وهو يهدر وورك على سنانو)غتسكت دبا قبل منجمع خويا هنا نوريك ملي مقادش ترد بالك سمع مني فاش قالت ليك خليها فالدار
فهد:(بغا يعتق نجلاء) وباش عرقتيها هي لي دارت شي حاجة علاش كتحكم عليها
اوس:حيت انا كنعرفها كتر منك (طلعو وهبطو وهو يخليه واقف ودخل الكوميسرية ولبوليس غير شافوه دخلوه لبلاصة فين كانو البنات ونجلاء)
هاجر:(غير شافتو دخل وهي تمشي عندو كتجري عندو وتلاحت عليه كتبكي)اوس خرجني من الحبس 😭انا خايفة هئ هئ
اوس:(عنقها حيت كلها كترعد)ششش متخافيش احبيبة مغيوقع والو مع خوك (شد وجها بين يدو ومسح ليها دموع وطمنها )
هاجر:مغديش نتحبس ياك
اوس:لا(كيهدن فختو لي كلها كترعد حتى تلاحت عليه اسراء حتى هي كتبكي)
اسراء:اوس حتى بغيت نخرج نمشي عند بابي 😭
اوس:(عنقها حتى هي )شش متاخفيش هنا معكم(كيعنق فيهم ويهدن فيهم بحب وهوما طمنو وسكتو هذاشي داز تحت انضار نجلاء لي جلسة متبعة معهم شافت اوس كيف عنق ختو واسراء ومسح دموعهم )
نجلاء: (تكات رسها لور وهي تبقا تشوف فهم كيبكيو واوس كيمسح دموعهم رجعات بيها داكرة لور فاش كتاكل دق وكتمشي تبكي فالزريبة يا مكانت محتاجة جي حد ايجي يعنقها ويمسح دمعتها كيدوز سناريو تاع صغرها قدام عنيها شافت بلي كل النهار كتعنف وكتبكي بوحدها حتى تنعس وتفيق هدرات بينها وبين رسها)زعمة تكون نجلاء صغيرة باقي كتبكي فالزريبة بوحدها باقي كتسنا شي حد يجي يعنقها ويطمنها ويقول متخافيش انا معاك انا فجنبك يمد يدو يمسح دمعتها (كتفكر ودمغها مشغول مرداتش لبال ل اوس لي كيخنزر فيها هدر مع لبوليس وخرج الدراري ووقف على نجلاء لي جلسة غير جسد وعقلها رجع لور )
اوس:(وقف عليها وهو معصب )تحركي قدامي
نجلاء: (عاد فيقها من سهوتها معرفاتش ملقات حد جنبها من غير اوس والبوليس )هاأ
اوس:نوضي تقاعدي قدامي
نجلاء: (شافت فالبوليس )انا درت علاش وغنتعاقب غير سير
اوس:(نزل شدها من درعها نوضها بحال شي ريشة وجرها معه)
فبرى عند فهد لي واقف كيتسنى مدخلش حيت عارف اوس معصب والى دخل فهد غير يهدر غدي يقرب عليهم اوس الدنيا بانو ليه البنات ودراري خارجين وجات عندو هاجر كتجري عنقاتو كتبكي)شش متبكيش
هاجر: تشدينا اخويا فالحبس 😭(اتي نهاك الله راه غير كوميسرية هذي اشمن حبس)
فهد:(طمنها وهو يحل ليها للوطو)ركبي اختي وسكتي (شاف ف اسراء وايمان) اسراء ايمان طلعو حدها (ركبو لبنات للور بتلاتة وهو يدور لدراري)مال زمل بوكم اش خورتو خليتكم جوج دقيق وقربلتو الدنيا
جاد:فهد هوما كانو غيدربو نجلاء وحنا دخلنا
فهد:دخلتو عرفو كيفاش بعدو لبنات من لبلاصة وعاد داربو مع زوامل علاش خليتو البوليس اجمعهم هاأ
عماد:خويا راه ميسحاب لينا غيجيو البوليس
فهد:انتما مدربين فالشارع وحبستو طريق وميسحاب ليكم غيجي البوليس 😠(شاف فهم )فين نجلاء
جاد:خلينها مع اوس
فهد:جاد طلع للوطو وصل لبنات لدار
جاد:لا غنتسنا نجلاء
(مزال كيهدرو خرج اوس جار نجلاء من يدها )
فهد:(مشا عندهم )اوس طلقها
اوس:(خنزر فيه)اش مزال جلسين تصنعو ليا هنا دار وصل لبنات لدار (كمل وجر معه نجلاء للوطو تاعو دخلها لقدام وسد لباب وطلع جنبها)
فهد:اوس
اوس: (كسيرة وخلهم )😠
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
