محتوا الرسالة
مكتوب فيها(فاش غتكون شدتي هذا الرسالة ديك ساعة غنكون انا تحت تراب اوس غتكون دبا يإما واقف حدا درسينغ ولا جلس كتقرأ فالرسالة هههه مهم نوض نزل لتحت وجبد لبيسي تاعك يلاه نوض تحرك اوس المعكاز (وقف اوس ومشا نزل المكتب وجبد لبيسي وهز ورقة تانية مكتوب فيها)(ممم مزيان دبا انا سهام توحشتك وعارفة حتى انت اتكون توحشتني وبغيت نهدر معاك يلاه ركب داك ليوس بي فالبيسي باش تشوفني وتسمعني )(ركب اوس داكشي وخدمو وبانت ليه جلسة فالبيت وشعرها مجموع وكريشتها لي واصلة لفمها ولبسة سوميج دونوي كحلة )
سهام:هاي اوس👋لباس عليك توحشتك وتوحشت اويس ونجلاء وهذا مومو لي فكرشي ممم كنفكر نسميها إقبال زوينة سميتها ياك مهم اوس انا قريب ادخل شهري ونولد ومؤخرا حسيت بصحتي ماشي حتى لهيه انا كنحس بالموت كدخلني نهار بعد نهار ودكشي علاش بغيت نسجل هذا الفيديو وبغيت نعاود ليك شحال من حاجة اوس انا بغيتك من قلبي وروحي وهذاشي خلاني نتخلا على ختي فاش كانت محتاجني اوس انا لقيت فيك دكشي لي فقدت فحياتي الاهتمام والحب انا كنت كنعطيهم وعمري تلقيتهم ماشي حيت مكاينش لي اعطيهم ليا لا بابا كيعزني بزاف وكيبغي يهتم بيا ولاكين انا كنتهرب منو كنتفداه مكنبغيش نحس بدكشي منو حيت كنحس بلي كناخد حق نجلاء حبيبتي اوس نجلاء عنات بزاف فحياتها (بدات تعاود ليه على نجلاء واش عاشت واوس كيبكي مع كل كلمة مابقاش عرف على من كيبكي سلات سهام من قصة نجلاء وهي تنطق)اوس انا بغيت نطلب منك طلب عارفة صعيب عليك وحتى نجلاء مغديش تقبلو ولاكين غنطلبو منك وبغيتك تعتبرو اخير وصية ليا اوس الى مت تزوج ب نجلاء عافك
اوس:(حل عينو على وسعهم فاش سمعها اش قالت وتبع معها)
سهام:تزوجها عافك وعوضها دكشي لي فات انت الانسان الوحيد لي حنين ويقدر يعوض ختي الحنان لي فقداتو فحيتها انت غتعوضها وهي غتعوض ولادي الحنان تاعي اوس تزوجها عافك وعيشو حياة طبيعية وعتبر هذاشي طلبي الاخير انا عارفة غتكنو عائلة زوينة بزاف انت وولادي وختي نجلاء وشي بيبي منها ايكون هو الرابيط بينكم وبين ولادي ونجلاء نتمنى طلبي يتحقق ونجلاء راه خليت ليها واحد فيديو فبيتها نتمنا تشوفو حتى هي يلاه تهلا فراسك اوس وفولدنا وفحبيبتي جوجو ومتنسونيش بالدعاء والمغفرة )
اوس:(شاف فالفيديو سلا وهو يعاودو من الاول كيحاول يستوعب اش قالت عودو وعودو وفيعلا هي طلبات منو اتزوج بنجلاء)انا تزوجتها ا سهام تزوجتها وكرهت راسي قالت خنتك مي دبا رتحيت حيت هذا اخير طلب ليك انا حققتو ا سهام الله يرحمك يارب ويغفر ليك(ناض وقف ومشا خرج مشا لقبر تعها زرها وقراء عليها شوية القرآن وسقى ليها القبر ونقاه وهو يخرج رجع لدار لقا نجلاء والولاد جلسن فالصالون مخدمة ليهم طيور بيبي واقبال فحجرها شاف فيهم وهو يبتاسم بحب وجا جلس معهم بدون حتى كلمة
داز شهر على حياة الابطال حياة كلها سكون وصمت بينتهم كيتسمع صوتهم غير فاش يهدرو مع الولاد المكلة كتوجدها نجلاء وتاكل وتخلي ل اوس حقو كياكل بحدو هذا شهر كامل داز نفس روتين نفس الصمت اوس خلها على رحتها بغها ترتاح وعاد يهدر معها
بعد مرور شهر
فاقت نجلاء بليل على صوت اويس كيبكي وكيهدر شعلات ضو لقلتو مغمض عينو وكيغت قربات ليه غير قصتو لقاتو طيب بسخانة
نجلاء:أويس حبيبي 😢😨(تهنات هزاتو بين يديها وهو شد فيها وكيبكي)
اويس:مامي هئهئ ااهعاااعع
نجلاء: (كتراري بيه وحطات فمها على جبهتو طايبة خرجات بتلفة كتجري عند اوس كدق فلباب بيد وحدة وتغوت بسميتو)اوس هئ هئ اوس 😭
اوس:(سمعها وناض قفز من بلاصتو مشا حل لباب لقها واقفة لبسة بيجمة نص كوم فالگرونة والكحل وهازة اويس بين يديها وشعرها مطلوق ودموع نزلين من عنيها ووجها بينة فيه الخلعة شاف فيها)مالك نجلاء اش كين
نجلاء: اويس مريض هو طايب بسخانة 😭مسكين يلاه نديوه لسبيطار جري اوس
اوس :(مد يدو قاص جبهت اويس وهو يدخل بزبة لبس تيشورط حيت كان لبس غير شرط والفوق عريان خرج وشد من عندها اويس)جلسي مع إقبال انا نديه لسبيطار
نجلاء: (كتبكي ومشات شدات ف اوس من كتفو)لا غنمشي معاه منقدرش نبقا هنا تسناني نجيب إقبال 😭
اوس:(شاف فعنيها وكيفاش خايفة تنهد )وخا يلاه جري
مشات نجلاء دخلات لبيت وهزات بينوار لاحتو على رسها وهزات إقبال كانت ناعسة لوتها فليزار وتبعت اوس خرجو من دار بجوج كيجريو لسبيطار نجلاء جلسة لور شدة اويس لي مخشي فيها شداتو تبوريشة وكيبكي وإقبال جنبها حطتها فالكرسي تعها )
نجلاء: حبيبي هاني معاك متبكيش حبيبي
اويس:مامي ديدي😭 (مسكين درو راسو)
نجلاء: (كتبكي معاه وكتبوس فيه فراسو )غيبرا ليك ولدي دبا يفوتك
اوس:(كان سايق وكيشوف فهم من المريا )نجلاء متخافيش مغيوقع ليه والو
نجلاء: هو طايب بسخانة وكتقول ليا منبكيش وكيدرو راسو 😭
اوس:حبيبة راه دراري صغار كيمرضو ويبراو راه سخانة شي طبيعي انديوه لسبيطار وغيخرجو ليه دواء ويبرا ان شاء الله (كيهدن فيها حيت بانت ليه خايفة بزاف وكتبكي غدي تسبق اويس عرف اوس بلي قلبها حنين وهي الى كتبغي شي حد من قلبها كتحس بيه بكاع جوريحها والى كرهات شي حد متسوقش ليه ومتنزلش دمعة واحدة عليه وخا يوقع لي بغا يوقع وصل قدام الكنينيك وقف ونزل مشا هز اقبال وشاف نجلاء نزلات قرب منهم قاص اويس فراسو لقاه باقي طايب )يلاه ندخلو
نجلاء: (كتجري واوس تبعها دخلو لكنينيك لبلاصت دراري الصغار كان اليل شي 1 قلبو على طبيب ودخلو عندو اويس)عافك ولدي مريض شوف مالو 😭
(ناض طبيب شد اويس كشف عليه لقا عندو غير حمة عادية بسبب تقلب الجو خرج ليهم قويلبات وخنيشات تاع سخانة اوس بقا غير كيشوف فنجلاء الحنينة لي كتبكي حيت اويس مرض من ديمة وهو كيشوف نجلاء الصريمة القبيحة البراد الهاديئة لي كتفرشخ فالناس بكل برود شفها وهي معصب وهي ضحاك بستهزاء وهي كتبكي بحرقة شاف كاع الجوانيب فيها اليوم شاف جانب اخر وهو الحنينة لي بكات من قلبها وخافت على ولدها صافي سلات معاه كان مرفوع وهو متبع معها وهي كتشرح لطبيب بيديها وشفيفها كيتحركو ومرة مرة كتمسح عنيها وخنونتها بمرفقها ولا ترد شعرها لور بتاسم حتى تشرگ فمو هههه)
طبيب:هذا القويلبات بقا ديرهم ليه كل سعتين الى شفتيه سخن وهذا الخنيشات ديرهم ليه فالماء
نجلاء: (نيفها حمر وحنيكتها وشفرها سردين )اه وخا دكتور شكرا ياك معندو حتى شي حاجة لي كتخلع
طبيب:(بتاسم على هذا البنية صغيرة لي مزال محتاجة لي يخاف عليها ويمسح دموعها وهي خايفة على ولد وهازة مسؤلية كبر منها )اه هو بخير الحمد لله الله يجيب شفاء
نجلاء: امين يارب
اوس؛(شفها وقفات عاد فاق من سهوتو كان بحلا نومتيه مغنطيسيا مكيسمع وكيشف غير نجلاء وقف هاز اقبال)شكرا دكتور
(تبع نجلاء ومشاو للوطو ركبات وشدة اويس لي مخشي فيها واوس جا من جيهة لخرى حط اقبال وطلع توجه لصيدلية ليلية خداو دواء ل اويس ومشاو لدار
اوس:(نزل ومشا عندها شد اويس )هزي اقبال لي خفيفة
نجلاء: (نزلات وهزات اقبال وميكة تاع دواء)واش برد شوية
اوس:(شاف فيها بحب )اه ولا شوية
اويس:بابي
اوس: هاني حبيبي (طلعو وتوجهو لبيت تاع نجلاء حط اوس اويس وبغا ينوض ولاكين شد فيه )
اويس: بابي نيني (شد يد اوس وسدها وتخشا فيه )
اوس:(تكا جنبو فوق سرير وكيدوز على شعرو)هاني بابا
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
