زواجي من صهري 💍مكتملة💍

الجزء 59 💍❤️

نجلاء:(شافت فساعة عاد 11 )اه وخا هاني جلسة وخا قهراتني رحيت الخرى ههههه توفو (جلسو يتفرجو ويضحكو )
خولة:شفتي اش كانو غيديرو فينا اختي غير ربي حفضنا منهم
نجلاء:انتي غير سيري بنية وحاجتك مقضية  هوما ارادو بينا كيد وربي رد فهم شرهم وكيخلصو دبا (تنهدات وبقات كتشوف فهم كيف مبهدلين )شحال من مرة نبهتهم وبعدت ولاكين بنادم دين مو كموني لما تحك ميعطي الريحة
خولة:هههه وييه كانا بغينا غير نديرو ليهم اسهال ساعة داروها ل ريوسهم بيدهم وتحكو مزيان وريحتهم كتعطعط
نجلاء:ييخ تفو نوض اختي نتقاعدو راه تقهرت
خولة:لا نبغيت نتفرج فالمباشير اختيشي من شحال هذا وانا ندعي فهم ونستنا هذا اللحضة والله لا فلتها
(لحاصول تفرجو لبنات حتى شبعو ومحسوش بالوقت كيف داز حتى جبدات نجلاء تليفون لقات 1 تاع ليل ولقات شحال من ابيل من عند سهام واوس )
نجلاء: قفارت اختيشي يلاه نتحركو
خولة:اش كين
نجلاء: تلي تاعي غيطرطق بليزبيل من عند سهام ورجلها
خولة:يلاه نوصلك لدار
(مشاو لبنات وخلاو وراهم الحفلة مزال مستمرة خلاو لفرجة لوالاد ليسي والبنات لي حضرو هههه مروان وجماعتو ولاو ضحكة قدام ليسي كامل مي هوما لي قلبو عليها عيات متنبهم غير بفمها وتبعد وهوما قالو بغاو اشوهوها ماعرفينش بلي نجلاء عندها ديرع حامي وهو دعوات الناس لي كيبغوها غير الدعوات لي دعات معها الام تعها وهي مزال فالكرش كفين وافين وخلي عليك جدتها شحال دعات معها ربي يحفضها والعربي ومرتو حتى هوما ديما كيدعيو معها فكل صلاة وايوب كيدعي معها ورشيد وسهام وصحبتها خولة والناس لي كدير معهم الخير ديما كيدعيو معها مكينسوها واحد دعوة كيقولها ليها العربي سير ابنتي الله انقي طريقك من شوك ودعوة في ضهر الغيب مستجابة
دكشي علاش غنقول ليكم لبنات حداري تم حداري ديرو لناس علاش ادعيو فيك وعليكم فالغيب حيت ربي كيستاجب ديرو لناس علاش ادعيو معكم وماشي عليكم
نرجعو القصة
فالدار عند اوس لي رجع حيت سلا خدمتو دغية ورجع بليل حيت خايفة على مرتو حاملة ومعها شيطانة نجلاء اتوقع منها اي حاجة جاي من رباط كيجري موصل حتى 12 دليل دخل لقا غير سهام لي كينة كدور فالدار باين فيها متوترة
اوس:سلام حبية
سهام: اوس رجعتي 😨
اوس:اه سليت شغالي ورجعت (شاف فيها )مالك متوترة اش كين
سهام: والو مكين والو
اوس:مزيان علاش صهرانة حتى دبا
سهام: غير مجانيش نعاس (كتحاول تخبي بلي نجلاء مكيناش)
اوس؛فين ختك
سهام: هي  هي فالبنت اه ناعسة فالبيت
اوس:ممم اوكي يلاه اجي تنعسي حتى انتي (دخلو لبيت مي سهام ممرتحاش وكل مرة تشوف فساعة فات ل12 لوحدة وهي تنوض)
سهام: اوس نجلاء مكيناش هي تعطلات وانا خايفة عليها 😭
اوس:(وقف كيشوف فيها )كيفاش فين مشات😠
سهام:هي مشات لواحد الحفلة تاع صحبتها عندها عيد ميلاد وهي قالت غترجع قبل 12 وشفتها تعطلات ومكتجاوبش على تلي تاعها وانا خايفة عليها😭
اوس :(تعصب بزاف)علاش خليتها تمشي😠
سهام: انا قالت مافيها باس تخرج شوية تبدل لجو
اوس:تبدل لجو فنصاصة داليل ومع البراهش وفحفلة واش انتي عندك شي عقل ولا متكسابيه
سهام: علاش كتغوت عليا دبا انا غنمشي نقلب عليها 😭
اوس:جلسي الارض فين تقلبي عليها واش عارفة العنوان تاع البنت
سهام: لا مسولتهاش 😭
اوس:ياربي اش هذا الويل انا فيه اش هذا الحماق باغين تسطيو جد ولديا لا😠(زقف وهز تلي كيصوني على نجلاء مرة جوج تلات 10 ولا من موجيب صافي شعل اوس )بربي حتى نتفاهم معها بان ليا مغتهناش حتى نعطب جد ولديها من شي ظلعة (خرج وخلا سهام نزل بدأ تاني رحلت البحت عن نجلاء ههههه ناري هذي غتقتلو بالفقصة قبل الوقت )
اوس:خر يامي وليت نخيط فدروبا فنصاص ليل بسباب البرهوشة (شد  تلي كيصوني عليها مكتجاوبش وبدأ ابقشش فيه حتى حدد موقيعها فين كينة )هاني جاي لولديك ليوم نعاود ليك تربية 😠
وقف اوس حدى لفيلا تاع مروان يلاه نزل وهي تبان ليه لالة نجلاء جاية كتفرنس معلوم تفرنس وهي خلات طاح كتر من نايض لداخل شفها بغات تركب مع خولة فاللوطو تاعها وهو يغوت بسميتها )نجلاااااااااء😠
نجلاء :(شافت فيه بهدوء توقعات منو اكون معصب وكيغوت ههههه ومخلعهاش شافت فخولة وهي تسلم معها بيدها )باي بب صهري جاي واكيد غيهجر ليا كاع داك ضحك لي ضحكت ولا نهجرو ليه وحدى من جوج يلاه تهلاي حتى غدا ونتقاشعو فليسي
خولة:وبغيت شوية من برودة قلبك اختي فراسك بهرتيني بهذا البرود لي فيك مشفتيش سيد كيف جاي مكشكش ليك وانتي باقي مهدنة😨
نجلاء: هههه ريلاكس بب يلاه باي قبل ميوصل داك البركان اجمعك معيا(كتشوف فاوس واقف ومعصب وجاي جيهتهم)
خولة:ناري هو معصب وهاهو جاي ليك قفرتيها يلاه نهربو
نجلاء: نو ماشي انا لي كنهرب(شافت ف اوس لي  وصل حدها وهو فقمة الاعصاب شدها من يدها بلا كلمة بلا جوج جرها دخلها للوطو وطلع كسيرة ولاكين لوجهة ماشي دار توجه لشاريكة ونزل نزلها وهي غير كتشوف دخلها لواحد المكتب وجلس كيشوف فيها (اوس في صورة )
اوس:(كيشوف فنجلاء قدامو وصغر فيها عينو )دبا غير قولي ليا اش ندير فيك هاأ هدرت معاك بفمي دربتك وانتي راسك لي فيه فيه خرجت فصباح نبهت عليك كتر من مرة وياك وياك نجلاء ديري شي حاجة جلسي تكمشي على عضامك تبريت منك ولاكين انتي لي فيك فيك مكتهنايش بان ليا باغية تجيبها فراسك
نجلاء: (كتشوف فيه حتى سلا وهي تنطق)مالي اش درت تاني 😒
اوس: (بغا ينوض ليها ابرد فيها الاعصاب افرشخها ولاكيت زهرها تاني وقفو هههه  وقفاتو  سهام لي سونات عليه وهو يجبد تليفون من جيبو جوبها  لقها كتبكي)الو سهام
سهام: اوس واش لقتيها😭
اوس:(شاف فنجلاء وزير على يدو)اه لقيتها هاهي معيا غدي نجيبها لدار متبكيش انتي تهدني اوكي
سهام:اه اوكي عافك جيبها 😭
اوس:وخا هاني جاي (قطع وهو يرجع تليفون لجيبو وشاف فيها جلسة كدور فعنيها وهو ينطق بهدوء) اش درتي
نجلاء: نعم كيفاش اش درت
اوس:(كيلعب بلسانو فمو هاز حاجب ومنزل لاخور وهو ينطق )انا عارفك انتي ماشي ديالت الحفلات ودكشي داك الاجواء مغيعجبوك دبا بغيت نفهم علاش مشيتي لديك الحفلة وتعطلتي من لفوق فيها بغيت غير نعرف اشمن منتيف درتي تاني (هههه ولا حفضها ياخوتي ههههه عارف هذي مزبلة شي حاجة)
نجلاء:😳(كتشوف فيه كيفاش كيهد)حم والو غير حضرت حفلة كليت لكيكة وشربت عصير وسمعت الغناء وشطحنا صافي وخرجنا
اوس:متأكدة مطيرتيش شي ودن لشي حد ولا عورتي شي حد زعمة واش غير وقفتي عند شطيح والغنا والمكلة 😒
نجلاء: حم اه غير دكشي صافي لي درت
اوس:(تنهد وهو ينطق)مغيبان حتى غدا عاد نشوف اش درتي عرفتي انتي باينة غطرطقي لجد ولديا شي عرق فالراس عاد تهناي
نجلاء: راه انت لي درتني فراسك اصلا مكنتوشيك وانت لي كتقلب تفقص راسك وتعصب على والو
اوس:لا متوشيتني بوالو غير جيت فالنصاص ليل لقيت مرتي كيف الحمقة فالدار كدور وتبكي بغتي تسكتي ليها القلب ولا اش بغتي 😬وزيدها مدرتي والو(ناض وقف مشا عندها وهو ينزل عندها وكيهدر بنبرة تهديد)لي اخير مرة لي اخير مرة غدي نتبرى منك غتركني وتديها فقرايتك ولا قسما بالله حتى نعوقك كتسمعي (كيهدر وكيورك على الهدرة)وغتبعدي ليا على تبرهيش وداك الحفلات والخريج فالنصاص اليل غتنسايه ولا قسما بالله العاضيم حتي ندفنك حية نوريك السهر والخرى كيف دير
نجلاء :(بقات غير كتشوف فيه كيفاش كيترطى غير بحدو )😒😒كنضن سهام فالدار بوحدها وكتبكي
اوس:(عصباتو وهو يصلي معها وشدها من شعرها وكيهدر حدى وجها )بسبابك القحبة بسبابك هي فالدار كتبكي وانا تبريت منك شحال من مرة بلي الى عاود بكات نفضي موك
نجلاء: (غمضات عنيها وهي تنطق)حتى انا شحال من مرة قالت ليك امي لا 😠 (دفعات ليه يدو وهي تهز صبعها )متجبدهاش مرة اخرى عيرني سبني دربني دبحني غير أمي خليها ناعسة فالقبر والى مابغتيش تحترمها على قبلي حترمها على قبل مرتك(زيرات على يدها وتمشات قدامو خلاتو واقف كيشوف )
اوس:(فهم بلي هي كتعز أمها بزاف وديرة ليها بلاصة فقلبها تنهد وبدأ اهدر بينو وبين راسو )معرفت واش عارفة رسها غير مربينها ولا اشنو (اوس فاش كان عمرو 15 سمع براهيم فاش قال بلي نجلاء ربتها أمو وهو عند بالو هي غير متبنية هههه تنهد اوس ومشا تبعها لقها كتسناه حدى للوطو)ركبي تحركي😠
تنهدات نجلاء وركبات جنبو وطريق كاملة وهي ساكتة هي كضحك وتستافز فالناس ومعلبلهاش ولاكين تجبد ليها عتيقة لا متقبلهاش هي تحمل اي حاجة إلا شي حد اقلل من عتيقة بسبابها وصلو لدار نزلات ومشات طلعات هي واوس لي غير متبع معها
اوس:(بينو وبين راسو )هذا المصيبة وهي ساكتة كتخلع والى هدرات يالحفيظ الله اما الى خدمات يديها كان الله في عون الامة (تحل لباب تاع سانسور وخرجات منو نجلاء وتبعها اوس حل لباب بسوارت ولقاو سهام واقفة
سهام ؛(كانت على اعصبها كتسناهم غير بانو ليها وهي تنوض عندهم بجرية )نجلاء فين كنتي
نجلاء: (بهدوء )كنت فالحفلة (كملتها ومشات لبيتها دخلات وسدات لباب )
سهام: فين كانت
اوس:كانت فالحفلة ومعها واحد لبنت تلقيتها قبيلة فالصباح جات معها لهنا
سهام: اه خولة
اوس:اوووف عيت شوفي اخير مرة تخليها تمشي لشي بلاصة الله افك هذا ليلة على خير (باقي متيقش بلي حضرات غير الحفلة ههههه)