نزلو دراري ل براهيم اشوفهم هو كان جلس مع الجدة ومصطفى وعنيه على الدرج كيتسنا نجلاء بلهفة تنزل الخرين كيهدرو معاه وهو كيجوبهم غير ب اه لا حتى بانت ليه امال نازلة هازة اويس وايوب هاز اقبال وتبعهم رشيد حس بخيبة امال
براهيم: (نزل راسو ونطق)هي منزلاتش هي مبغاتش تشوفني
الجدة:ايوا راه ماشي ساهل لي داز عليها هي نتضراتك بزاف حتى عيات جا دورك تنتاضرها ابراهيم (فعلا الدنيا دوارة كانت نجلاء هي لي تجلس تسنا براهيم وفالخر تحس بخيبة امال وهاهو براهيم تحط فنفس الموقف)
براهيم: عندك الحق خالتي عندك الحق هي نتضراتني بزاف ودبا جا وقت الانتضار حتى انا غنتضر ومغديش نيأس وبنتي غترجع ليا وتسمح ليا (وقف خرج لبرى تحت انضار الكل )
مصطفى: نمشي نهدر مع نجلاء
الجدة:(شداتو)لا خليك اولدي خلي نجلاء تسمح من قلبها متجبروهاش هذا المرة على شي حاجة الله ارضي عليكم خليو البنت تاخد قرار مرة وحدة فحيتها هذا المرة الامر كيتعلق بمشعرها
مصطفى: اه وخا الوليدة
دازت ديك ليلة وجا صباح فاقت نجلاء على يدين اويس كيلعب ليها فوجها وكيبوسها
نجلاء ؛مممم شي حاجة رطبة ديالت المكلة كتقيس فيا وانا غنوض ناكلها(ناضت شدات اويس طيحاتو على ضهرو وبدات تبوس فيه وتهر فيه وهو كيضحك عاجبو الحال)
اويس:هههههههه لا لا مامي هههههه
نجلاء: ناكلك انا ناكلك فين فرمجتي تانية ناكلها
اويس:باح(كيمتل بيديه
نجلاء:(شافت فيه وشافت جيهت الكونة تاع اقبال )شكون دها هأ يلاه نزلو نشفو شكون خدا فرمجتي (هزات اويس ودخلات لدوش غسلات وجها وغسلات ل اويس وخرجاتو بدلات حويجها لبسات بيجمة فالقوي فيها تويتي الوصط بالبيج وبدلات الفوطة الصحية حيت جتها دم وهي قدات شعرها جمعاتو وهي تلبس صندلة تاع صبع وهزات اويس غدية نازلة كتبان كيوت بحال شي بنوتة صغيرة وصلات اخير درجة وهي توقف جمدات بلاصتها بان ليها اوس جلس هو والجدة وفاختة شاد اقبال كيبوس فيها لبس سروال دجين اسود وتيشورت بيض وكويرة وشعرو رجعو لور بقات كتشوف فيه حتى فيقها صوت اويس لي عيط.بسميتو
اويس:بابييييي
اوس:(دار شاف فيه وهو ينوض مد اقبال لمو وتمشا جيهتهم وهو كيبتاسم بحب كيشوف فيهم هو توحشهم بزاف وصل جنب نجلاء وهو يشوف فيها ودور عينو دغية لجيهات اويس مد ايدو شدو من عندها)ولدي حبيبي توحشتك بزاف 😍😍😘😘😘(بقا كيبوس فيه شحال ويعنق فيه نجلاء بقات وقفة كتشوف فيهم شافت اوس كيبوس اويس وفرحان ومكيشوفش فيها اسحاب ليها باقي مقلق منها حدرات رسها وبغات تمشي فحلها ودموع فعنيها يلاه خطات خطوة حسات بيد شدتها من معصمها وهي توقف اوس شدها وجرها عندو وقفها قدامو)فين هربة مشيشتي هأ توحشتك بزاف توحشت نجولتي
نجلاء: (شافت فيه حتى هي توحشاتو بزاف وحسات بالفرغ هذا شهر لي مشا فيه بدات دمع ودرب فيه)فين مشتي وخلتينا هئهئ علاش مودعتينا علاش خلتي دراري توحشوك بزاف
اوس:غير دراري لي توحشوني
نجلاء: تفو عليك زمر علاش رجعتي تبقا تغددني بهدرتك (مسكينة تخلطو عليها العرارم الدورة الشهرية من جيهة وتوحشاتو من جيهة هههه)
اوس :(جرها عنقها لصدرو بحب وبسها فرسها وحتى اويس بسها فرسها كيف دار باه )ششش سمحليا حبيبة مبقاش نخليكم وريا دوز هذا شهر خايب بلا بيكم
نجلاء: (دورات يدها عليه وكتبكي)علاش مشيتي ياك انت قالتي مبقاش تخلينا 😭
اوس:كنت مطار نمشي احبيبة وهاني رجعت قولي واش توحشتيني
نجلاء: (زيرات عليه كتر )اه اه بزاف انت مشيتي حيت انا غلط ياك مبقاش تمشي وتخلينا انا مبقاش نعاود نعطي شي حاجة لشي حد و
اوس:(سكتها قبل متفضحو تاني)شش سكتي لا مشيت حيت عندي خدمة بزاف كنت بغيت ندوز تلات ايام ونرجع ولاكين خرجات ليا واحد الخدمة وبقيت
نجلاء: علاش مسولتي فينا😭
اوس:(كيسمعها اش كتقول هي ولات مطلوقة معاه فرح بزاف حيت هذا الفترة لي بعد عليها جابت نتيجة عنقها كتر وحط فمو على رسها كيبوس فيه وكيهدر)شكون قالك مكنسول فيكم هأ(هوما معنقين وكيحيدو شوقهم من بعض غافلين على الاعيون لي عليهم وعلى الجمهور لي واقف كيتفرج فالرمنسية ههههه هدو عائلة العلامي وعائلة الراضي لي وقفو كيتفرجو وفرحانين ليهم )
نجلاء: فين سولتي
اوس:كيوصلني تقرير تاعكم يوميا كنشوفك ديما اش كديري
نجلاء: (جمدات بلاصتها فاش سمعاتو تفكرات زياد وهي تبعد عليه صرطات ريقها وهي تبدأ تعض فدفرها بتوتر ونطقات )هو دخل وانا ديتو لبيت دراري فهمتو كلشي وهو قتنع وصافي هذاشي لي وقع😰😨
اوس:(مفهمهاش اش كتقصد شاف فيها يلاه غيسولها وسمع صوت لي قطعهم بجوج خلاهم يدورو جيهتو )😒
براهيم: بنتي نجلاء
نجلاء: (كانت كتشهد عند بالها اوس حط كميرات مراقبة فالدار وغيكون شاف زياد مفرسهاش بلي فهد وهاجر هوما لي كيصورو ل اوس نجلاء ودراري كل نهار سمعات صوت براهيم وهي دور شافت فيه شاد مونيكا غليضة هدوك لي كتكيهم اتسدو عنيهم والى وقفتيهم اتحلو هههه مسحات دموعها )🙍
براهيم: (جاي جيهتها ودموع فعنيه )نجلاء بنيتي
نجلاء: (شافتو جاي جيهتها وهي ترجع جوج خطوات للور شي لي خلا براهيم اوقف )نمشي نغسل وجهي
اوس:(شدها من يدها ونطق)لا نجلاء متهربيش وقفي واجي كيف ديما
نجلاء ؛(شافت ف اوس وهي تشوف فبراهيم ونطقات بزز )نعم سي براهيم
براهيم: بنتي نجلاء حبيبة ديالي جبت ليك هذي
نجلاء: (قربات عندو شي لي خلى براهيم افرح شدات المونيكة كتشوف فيها وهي تنطق)وخا فات عليها الفوت جات ولاكين مبقاتش اللهفة تعها فقلبي (شافت فيها وهي تنطق)وماشي اصلا هذي لي كنت بغيت انا كنت بغيت باربي وكتغني وشعرها رطب ورقيقة ولبسة كسوة تاع العروسة وطالون وعندها مريا وساك ومكياج واكسيسوارات هكا شفتها وتمنيتها ولاكين فات الفوت
براهيم: (شاف فيها وهو يبدأ ابكي )بنتي سمحليا عافك
نجلاء: (شافت فيه كيبكي وهي تمد ليه مونيكا )مونيكا لي بغيت غالية اسي براهيم
براهيم: (شافها غتمشي عطاتو بضهر وهو يمد يدو شدها من يدها ونطق)حتى حاجة متغلى عليك بنتي عطيني فورصة نصلح غلاطي عافك
نجلاء: (شافت ف اوس لي واقف متبع معهم غمضات عنيها ونزلو دموعها مسحاتهم دغية وهي تنطق)انا غنطلع لبس حوايجي باش نجي نخرج مع سي براهيم اشري ليا باربي لي كنت بغيت نشوف الى حصلت عليها اش غيتغير
براهيم: (طلقها وفرح بزاف )اه بنتي انا كنتسناك
نجلاء: (دارت شافت فيه وهي تنطق )واش جبتي طموبيل تاعك سي براهيم
براهيم: (شاف فيها ونطق)لا حيت بعتها
نجلاء: خصارة كانت امنيتي نركب جنبك فيها شي نهار (دارت خلاتو منزل راسو وطلعات لفوق كتبكي وكلشي كيشوفو فيها بقات فيهم بزاف )
اوس:(شاف فبراهيم لي شد راسو وكيبكي تقدم عندو ونطق)هي غترضى وغتسمح انا كنعرفها قلبها بيض وعمرها مكتحقد
الجدة: (بقا فيها براهيم حيت شافت الندم فعنيه قربات ليه وهي تحط يدها على كتفو )نجلاء عمرها حقدات عليك ولا غتحقد اولدي هي غتسامحك
براهيم: غير تسمح ليا مابغيت والو من دنيا انا بغيت غير بنتي تغفر ليا الاجرام لي درتو فحقها انا سلبتها حقوقها وطفولتها انا انسان مكنسواش 😭
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
