زواجي من صهري 💍مكتملة💍

الجزء 33 💍❤️

**بارت33**

بتسمات ليه سهام بحب شي لي خلا ايوب حتى هو ابتاسم بحب فرح لختو حيت لقات لي ابغيها ويحن عليها وكيتمنا حتى نجلاء تلقا لي اعوضها كاع لي فات
ايوب:ساليتو من الحب والعشق ودكشي نتحركو
سهام:الله امسخك تحرك شوف سير معاه خدو وراق د انتقال لنجلاء وبلا متقول ليها والو
اوس:(هدر قبل متكمل)حيت مدام العلامي بغات دير ليها مفجاأة انا فنضري كون غير  تشورتي معها واش تبغي تمشي معاك
ايوب:(نقز قطعهم )عند بلاش دريها ليها مفجاأة وديها معاك(هو عارف نجلاء الى تشورو معها مغتبغيش )
سهام:(هدرات مع اوس)شفتي لي كيفهم راه قالت ليك انت مكتعرفش نجلاء كيف كنعرفها انا وايوب ياك ايوب
ايوب:(شاف فيها وهو يبتاسم)اه (مع راسو نو اسهام مبقاتش ديك نجلاء لي كتعرفي تبدلات بزاف دكشي علاش من الاحسن تديها معاك لعلا وعسى ترجع لينا نجلاء لي كنعرفو)
طلع ايوب واوس للوطو وتحرك اوس لوجهة ليسي مشا اوس خدا الوراق تاع نقل ل نجلاء بلا خبرها حيت اوس يدو واصلة مكلفوش هذاشي غير مجرد مكلمة هاتفية وكلشي وجد وصلو ايوب ل مطار ورد ايوب للوطو لسهام اوس مشا لكزا قيد نجلاء فواحد ليسي تما
داز نهار ليوم يوم لقاء الاخوات
نجلاء وسهام
قدام ليسي كانت واقفة للوطو كحلة من نوع بورش وفالداخل تعها جلسة سهام على وأعصابها وايوب جنبها
سهام:اووف ملها تعطلات (كتشوف فالباب تاع ليسي ومتشوقة امتى تبان ليها اختها لي مشفتها تقريبا عمين هذي)
ايوب:(شاف فيها وهي ينطق )سهام راه باقي لحال خصها 10 دقيق باش تخرج راه غير انتي لي زربتينا وجينا وقفنا هنا
سهام: ايوا اش ندير راه توحشت جوجو تاعي وحتي فاش كنتاصل بيها ابيل فيديو مكتهدرش معيا بزاف  اتكون كبرات ياك
ايوب:لا صغارت الله اهديك ههههه
سهام: كطنز عليا الحلوف
ايوب:ايوا انتي لي كتسولي واش كبرات مالك بغتيها تبقا صغيرة معلوم كبرات و و(بقا متردد شحال وشرد كيشوف لبعيد )
سهام: و اشنو (كتشوف فيه بشك)
ايوب:(تنهد وتقاد فالجلسة دار كيشوف فسهام )شوف سهام انا كنت متردد مبغيتش نقول ليك مي خص نهدر نجلاء راه كبرات وتبدلات بزاف
سهام: اش كتقصد
ايوب:نجلاء ولات وحدة اخرى مهم معرفت كيف نقول ليك ولا كيف نفسر اووف(شد فراسو وتنفس بجهد)
سهام: ايوب كتخلعني اش واقع مع اختي
ايوب:اختك تعرضات لضغطات النفسية وتعرضات لتنمر وصط اهلها هي تعرضات لتمييز والاهمال وبزاف دالحواج لي خلوها تغير وتولي عندها شخصية اخرى ماشي معنا نجلاء لي كنتي كتعرفي قليل قليل فين تبان ومع من بغات تبان كتبان
سهام: كيفاش والله مفهمت منك والو
ايوب:نجلاء ولات كدير بزاف حوايج غلاط وتشد زكير مع بابا الحاجة لي تعرف غتقلقو هي لي كدير باش اعنفها تقدر تقولي هي ولفات المعملة سيئة منو والى محصلاتش عليها كدير علاش ادربها ويعملها خايب هي قالت كترتاح فاش اهدر معها ولو بالخايب نجلاء تعرضات لبزاف دالحوايج وصبرات عليهم حتى فاض بيها الكاس مبقاتش تصبر ومبقاش اهمها حتى حاجة لدرجة ولات تخصر صورتها قدام الناس ديال الدوار فاش سولتها قالت باش كيعجبني نسمع شوف بنت براهيم وشوف تربيت توريا
سهام:😭حشوما على بابا هو لي وصلها لهذاشي كل هي كانت حنينة فصغرها وتحتارم الناس وتحتارمو حتى هو وتبغيه ياما مشات عندو وقمعها هاهي دبا كدير حوايج خايبة باش غير تسمع بلي هي بنتو
ايوب:اه بابا قالها ليها فوجها هو تبرى منها فوجها وزاد ازمها بزاف دبا نجلاء الى بقات هنا غضيع منا هي كدير اي حاجة لي اشوفوها الناس خايبة باش انعتو فبابا وخفتها تغلاط شي غلاط لي تندم عليه هي دبا باقي مراهيقة ومعرفاش وملي تكبر اتندم دكشي علاش ديها اختي معاك بعديها على هنا وحاولي تصحبيها وتخليها تخوي قلبها ليك انا كنحاول نجبدها هي كتخبي وكدير رسها فرحانة وتبدأ ضحك وتضحكني معها انا عارف هي مكتبغيش تنكدها عليا
سهام: حتى انا رجعت على قبلها وانا مغنمشي حتى نديها معيا يكفي الضلم لي عاشتو هنا
ايوب:هي مغتبغيش مي حاولي تقنعيها
سهام: كفاش مغتبغيش تمشي معيا نجلاء انا عزيزة عليها وهي من ديما كتقول امتى تدينا معاك
ايوب:كانت كتقول فصغرها اختي دبا راه تخلات على كاع ديك المططلبات تاع الصغر مبقاتش بغاتهم نجلاء كنحسها باغية شي واحد من هذا الدنيا وهو 😢حنان الاب بغات تحس رسها بنت براهيم وبغات هي بغات تأكد هويتها وبلي هي بنت براهيم
سهام:😭عيت منهدر مع بابا علاش قلبو قاصح لهذا الدرجة
ايوب:بابا واحد اناني حمل نجلاء مسؤلية موت ماما وهو مشا تزوج وعاود حياتو ونجلاء كدفع التمن ديال شي حاجة مدرتهاش
سهام: ايوب متقولش هكا على بابا هو كان غير كيبغي ماما
ايوب:لا بابا اناني كون كان كيبغي ماما مغيتزوج
سهام: خلينا من بابا دبا شوف كنفكر ندي نجلاء عند شي طبيب نفساني
ايوب: هههه(كيضحك بسوخرية )
سهام: علاش كضحك
ايوب:عرفتي الى بغتي تدي شي حد لطبيب دي بابا حيت هو لي خاصو اتعالج هو حمل نجلاء دنب موت ماما عند بالو هكا كيتسما كيبغي عتيقة ومخنهاش حيت تبرى من لي كان سباب موتها وتزوج دار حياتو يعني عصفورين بحجر واحد هو كمل حياتو ونجلاء تخلص باش سي براهيم اتسما مخانش مرتو ااووف ولا عرفتي اشنو ديني انا نيت محتاج شي طبيب حيت كنحس براسي غنتسطى من هذا الوضع 😒
سهام: ايوب بلا مدير فراسك حتى انت هكاك خلينا غير نلقاو الحل نجلاء هي لي مهم دبا نبعدها على هذا العالم الضالم نحاول نتهلا فيها ونعوضها لي فات
ايوب:اه احسن مدرتي وانا فاش غنشوفكم مرتاحين وعايشين فسعادة حتى انا غنفرح
سهام: (شافت فيه بحب وهي تلاح عليه عنقاتو)الله اخليك لينا
ايوب:(بسها فرسها بحب)ويخليكم ليا اخوتاتي يارب فراسكم انتما لي كنشم فيكم ريحت ماما والميمة 😭
سهام: (بدات كتنخصص حتى هي اه فاش افكرك شي حد بإنسان عزيز علك وانت دفنتيه تحت الارض  صعيبة بزاف)😭
بكاو حتى فشو على قلوبهم