(اوس فاش شاف الجدة كتواسي في براهيم دار طلع للبيت عند نجلاء دخل لقها لابسة سروال دجين مع قميجة كحلة طويلة ملور و قصيرة من قدام و كتمشط في شعرها)
اوس : نجلاء
نجلاء(دارت شافت فيه و بدات تضخك): اوس ههه شفتي انا غنخرج مع براهيم باش يشريلي باربي هه شفتيه جاب ليا دومية غليضة و انا معجبتنيش و هوا قالي يشريلي باربي لي بغيت ههه
اوس(شافها هكاك عرف بلي رجعو ليها المواجيع تاع الماضي عرفها كضحك بالفقصة مشا ليها بزربة وجمعها عنقها لصدرو): شتو
نجلاء(بدات تبكي بالحرقة): اوس حتى قلت نسيت و تاقلمت مع حياتي رجع ثاني علاش جا دبا علاش كتخلوني فاش نحتاجكم و تمشيو علاش(دفعاتو حتى بعداتو منها و خرجت من صدرو و بدات تضرب فيه بيديها لصدرو و تهدر وتبكي فنفس الوقت اما اوس خلاها تخرج كلشي كاع لي درها) كتمشيو حتى نولف و ترجعو تاني علاش عزيز عليكم تعدبوني اش درت ليكم (نجلاء جمعت حتى اوس حيث خلاها شهر و مع الهرمونات تع دم لي فيها كملت عليها)
اوس:شو نجلاء سمعني متبكيش سمعيني انا نشرح ليك
نجلاء : متهدرش معايا كنكرهك نكرهكم كاملين فاش تنبغيكم جنبي منلقاكمش حتى يفوت لفوت ونولف بوحدي عاد ترجعو لحياتي و شي يقولي بنتي بساهل و انا حياتي كاملة نستنا في هذا الكلمة و شي يقولي حبيبتي مورا مخلاني شهر بلا ميسول عليا 😠
اوس(معجبوش الحال فاش شافها هكاك هوا والفها قوية ندم بزاف حيت خلاها شهر بلا ميقوللها بسلامة ولا يسول فيها مشا عندها شدها جبدها عندو و بدا يبوس في راسها و يهدر معاها): سمحيلي قلبي منعاودش نخليك ونمشي حتى بلاصة من غيرك رجلي برجلك ( عاود باسها في راسها وشدها من يدها جرها معاه مشا جلس فوق المدربة فرق رجليه وجرها جلسها فوق رجلو و بدا يمسحلها في دموع ) حبي انتي كنتي في بالي من نهار لي مشيت فيه ومودعتكش حيت كون جيت نودعك مغنقدرش نمشي نبعد عليك و كنت كل يوم نقول لهاجر او فهد يعطون خبارك حيث مبغيتش نهدر معاك حيت غير نسمع صوتك غدي نخلي شغلي فنص ونرج كنجري عندك(شاف فيها كتشوف فيه وهو يهز خصلة من شعرها كيلعب بيها ) انا فاش مشيت من هنا درت فبالي ثلثيام ونرجع الى كاع طولت ولاكين فاش مشيت خرجات ليا شي شقية انا حليت شريكة جديدة وطريت نجلس حتى اسستها و وقفتها على رجليها و هاني معاك
نجلاء:(شافت فيه وهي تقول )هذي ماشي سبة باش متهدرش معايا عيطلي و سول فيا نيشان بلا مدير وسط بهاجر و فهد
اوس : حبي ليك هوا لي خلاني ندير وسط باش غير منسمع صوتك نهز دوزاني و نجيك كنجري نجلاء انا كنبغيك بزاف (شاف فيها كيف مخرجة عنيها فيه)
نجلاء (خدودها بغاو يطرطقو و كلمت حبي ليك كنبغيك تلفتها ناضت كتجري وقفت و بدات تأتأ هع): آ اوس رآه يستنا فيا اه قصدي سي براهيم رآه كيستنا فيا نمشيو نشريو باربي يلا باي (خرجت كتجري من البيت وقلبكها كيرقص سامبا ودنيها كيدرب فهم الناقوص ورجليها كيترعدو وصلات جنب دروج وقفات وشدات فالحيط كتنهج وديك كنبغيك كتردد فودنيها معرفات باش تبلات اما اوس شبع ضحك عليها فاش شفها هربات بديك طريقة عرفي بلي صدمها بتاسم وناض)
اوس:اش درتي فيا انجلاء دبحتيني بعويناتك(خرج تبعها لقها عاد بدات تنزل فدروج نجلاء من بعد منتاضمو دقات قلبها وسترجعات انفسها وتوزونها لي خللو ليها اوس بديك الكلمة تنفسات ومسحات دموعها وبدات تنزل برازنة وفوجها الابتسامة لي موعودة توريها لبراهيم وصلات جنبو شافت فيه)
نجلاء: مشينا سي براهيم
براهيم: (كان جلس فكرسي والجدة ومصطفى كيواسيو فيه حتى شفها وهو يوقف )اه يلاه
ايوب:(شاف ختو كيف كتهدر وكيف كتصرف عرف بلي لداخل ديلها كيتقطع جا عندها شدها عنقها وهو يقول)انا فجنبك انا غنمشي معاك
نجلاء: (عنقاتو وبعدات عليه ونطقات)لا خويا متجيش معيا انا بغيت نخلي سي براهيم اعيش طفولتي لي فات عليها الوقت هو جاي دبا استرجعها نعاونو باش اعيشها انت متجيش معيا باش متخطف مني الاضواء من ديما كتخرجو معاه انتما يعني عاش معكم طفولة انا لي عاد طفات عليه شمعة وقال بغا اعيش طفولتي يلاه اش فيها نرجعو صغار فخطر سي براهيم 😊مشينا
براهيم: (كل كلمة كتقولها كدخل بحال موس فقلبو شاف فيها كيف كتبتاسم عرف بلي لداخل ديالها طايب وهي كتصنع الفرحة )اه يلاه
اوس:(نزل شاف فيها )شيفور ايوصلكم نجلاء ردي لبال لراسك
نجلاء: وصي عليا سي براهيم انا دبا صغيرة فعمري 3 سنين سي براهيم لي كبير وخاصو يرد ليا البال ويتحمل اي حاجة غنديرها
اوس:😮😮(مشا عندها شدها من يدها حيت خايف لتزبل شي حاجة)نجلاء اش نوية ديري
نجلاء: والله مغندير والو غنخرج غير مع سي براهيم اشرليا باربي ونرجع
اوس:(قرب حدى ودنها ونطق)حبيبة ديري عقلك انا عارفك باغي تخليه احس بتانيب ضمير غير هو متقسايش بزاف ومتهوريش تدكري اخير مرة تهورتي اش كان ايوقع
نجلاء: مغندير والو(مشات خرجات وتبعها براهيم)
اويس:مامي مسي مامي
نجلاء: حبيبي خليك مع جداك اليوم نجلاء مامسلياش تكون مامي ولا شي حاجة اخرى براهيم بغها تكون نجلاء صغيرة منقدرش نديك معيا حتى اسالي براهيم مني ونرجع ليك حبيبي(خرجات ومشات ركبات فللوطو وركب براهيم جنبها وتحرك شيفور نجلاء حطات رسها على زاج وكدرب فيه بصبعها ومركزة فبراهيم لي كيفرك فيدو نطقات)قول شنو عندك سي براهيم
براهيم: (هاز عينو شاف فيها تصدم بحلا كتقرى الافكار تاع بنادم نطق)انا بغيت
نجلاء: تقول سمحليا على كلشي قالتيها اشنو لي جديد
براهيم:😮😮
نجلاء: (شافت فيه بنص عين وهي تكمل )مزال عندك شي هدرة قولها حيت عندك غير هذا النهار وغنرجع كيف كنت وغنقطع صيلة بينتنا تاني
براهيم: (تنهد)انا عارف راسي دنبي كبير بزاف وغلط فحقك بزاف وكنت اناني انا كنت كنبغي عاتيقة تعرفنا فالمدينة فاش كنت كنقرء تما عاتقة كانت بنت يتيمة انا فاش تعرفت عليها لقيتها بنت الاصل وخا يتيمة ومعندهاش وليدها حفضات على رسها وكفحات وخدمات وكتقرأ هازة رسها بالحلال وانا بغيتها بزاف حيت انسانة طيبة ورجعت لدوار هدرت مع الوليد باش اخطبها ليا هو رفض قال بلي معندهاش الولدين زائد هي بنت المدينة مغتهز ليك دارك فالدوار ومغتعرف لتقليدنا واعرفنا انا تشبت بيها بزاف مشيت تزوجتها بلا خبار الوليد وجبتها هو تقلق مني شي عام وانا ساكن فالمدينة فبيت لي كانت فيه ماماك الله يرحمها كنت مزال كنقرأ وكنخدمو وهي صبرات معيا وخدمات معيا كانت ونعمة الزوجة حتى واحد النهار مرض الوليد وعيطات ليا الوليدة ومشينا نشفوه مهم ديناه لصبيطار وتدوا رجع بيخير وصافي رجعنا عشنا معه حيت داك العام هو اخير عام لينا فالجامعة فاش جبت ماماك العربية شمرات على درعها وخدمات معيا فكلشي وهذاشي زاد دخلها لقلبي كتر حيت غدية معيا بالنية واي حاجة كتشوفني كنخدمها كتلاح معيا تعاون معيا فضرف عام ولاو عندنا البلادات هي درت دجاج كتبيع البيض وتجمع الفلوس حتى اوليو بزاف تشري دهب وفاش اكتر كنمشيو نبيعوه ونشريو البلدات مهم درا الاراضي لي مكانوش عندنا بزاف و بنينا ديك الدار حيت فالاول كانت الدار تاع الوليدة قديمة فالبلاصة فين كان الكوري مهم عاتقة خلات الوليد اغير ديك الفكرة لي كان واخدة على بنات المدينة وانا بغيتها من قلبي ولدات سهام الله يرحمها ومن بعد ايوب وبدات كتمرض وفاش دوزات كان عندها الكيس وكان خصها عملية وفاش قربات دير عملية مشينا لسبيطار لقينها حاملة وطبيب قالها خاص دير اجهاض باش دير عملية هي رفضات وخرجات من سبيطار وانا طبيب اكد ليا بلي حيتها فخطر وخصها دير عملية هي كانت العملة ديلتها تحددات وقتها وفاش عرفات رسها حاملة مبغاتش ديرها ياما سيست معها والو وياما تخصمنا حتى فات تلات شهور صافي فات الفوت على العملية وعلى الاجهاض رضيت بالامر وطبيب قال ليا خصها ترد البال لرسها حتى تولد ولاكين هي مكانتش كترد لبال هي كانت موالفة تشقا وتخدم كلما دخلت لقها كدير شي حاجة وانا مبغيتش نخصرها وعيت منهدر معها واحد النهار فللحضة غضب لحت عليها اليمين الى وقعات ليها شي حاجة انا مبري من لي فكرشها وفداك النهار خرجت من هنا جات سهام تبعاني من هنا قالت اجي راه ماما غادي منها دم كانت شتا خيط من سما جيت كنجري ونطلب الله متوقع ليها شي حاجة هي عاد فسبع شهور جا معيا العربي وهزينها كنجريو لسبيطار ومع شتا تخربات طريق وطاح شجر وحنا كنزلو نحيدو الحجر وشجر من طريق موصلناش بكري والطبيب عتقك غير انتي وماتت عاتيقة ومات قلبي معها وليت انسان قاسي بزاف الوليدة كطلبني غير نشوف فيك انا مابغيتش وندمت حيت مشفتش فوجهك ديك الساعة وحيت مشفتش فين من بعد انا من ديما كنتفداك ومكنشوف فيك اول مرة شفت وجهك بانت ليا صورة عاتيقة وحسيت بقلبي تدبح انا بغيت عاتقة من قلبي ومقدرتش على فرقها
نجلاء:(كانت كتسمع لقصة حب براهيم وعاتيقة وهي كتبتاسم عجبتها حتى شافتو كيبكي وهي تنطق)ولاكين من بعد تزوجتي وولدتي اسي براهيم وبقيت غير انا لي خاصرة لا أم لا اب انت فقدتي زوجة وعوضتيها وتبرتي من بنت وجاتك بنت بلاصتها (شافت فيه كيف شاف فيها وبغا ينطق سبقاتو قالت )وصلنا سي براهيم (نزلات قدات حويجها ومسحات دمعة خانتها وهي دور عندو شافت فيه نزل كيمسح دموعو
نجلاء: يلاه ندخلو لمرجان راه فيه الالعاب
❌❌وا البنات معرفتش واش فراسك ولا لا ولكن راه تحطات قصة جديدة "الطبيب المرفح و الممرضة المفروحة ❌❌
أنت تقرأ
زواجي من صهري 💍مكتملة💍
عاطفية💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
