خرجات نجلاء من لباب وسهام تنهدات وهي ترجع عند لجدة لي شاعلة
الجدة:سهام اش هذاشي كنشوف علاش خلتي ختك دير هذا الحالة فرسها 😠
سهام:الميمة (بقات كتفكر اش تقول ليها الجدة عقلية قديمة هي وحلات غير مع اوس باش تقنعو كيفاش غتقنع هذي دبا تفكرات هدرة نجلاء وهي تغمض عنيها)الميمة انا عاد جبتها وعلى قبل هذاشي فاش لقيتها فالبلاد ديرة هذا الحلة مرضيتش وجبتها نغيرها الميمة هي دبا صغيرة راكي كتعرفي هذا الجيل ديال دبا عندي وخاص معاه الخاطر
الجدة: (شافت سهام مقلقة وهي تنهد قربات عندها)مدريش فبالك ابنتي سمحليا غوت عليك ولاكين فاش شفتها قدامي تعصبت حيت مايمكنش خت كنتي تكون هكا انا فاش عودتي ليا عليها تخيلتها بحال فاش جيتي عندنا ماشي هكا
سهام: ماشي مشكل الميمة شوفي نجلاء راه عقلها طيش عافك متديش على هدرتها الميمة انا غندير جهدي معها حتى ترجع كيف كانت
الجدة: (تنهدات وهي تنطق)عارف ابنتي بلي الوضع لي عاشت صعيب غير تخطاك الام مشيتي فيها نجلاء عاشت مع مرت الاب ومرت الاب عمرها تبغي الخير ل ربيبتها ومعلمتهاش صح من لغلاط فراسك كون عرفت هكا كون جبتها معنا فاش تزوجتي تربى وصطنا يلاه الله اهديها
سهام: (كتشوف هذا العائلة كيحكمو بلا ميعرفو تنهدات وهي تنطق)امين الميمة
الجدة: اجي جلسي ترتاحي راكي حاملة عطي راسك الرحة
سهام: وخا الميمة (جلسات سهام وتكات فحجر الجدة والجدة كدوز ليها على شعرها )الميمة توحشتك
الجدة:حتى انا ابنتي كون غير جيتو تعيشو معنا فاس
سهام: الجدمة الميمة هي لي حكمات مهم بحال فاس بحال كازا قراب ماشي بحال الاول
الجدة: اه الحمد لله ملي غير دخلتو لبلاد ماشي مهم فين تسكنو
سهام: الميمة علاش مجاتش ماما فاختة معاك وعمتي مريم
الجدة: كانو غيجيو ولاكن فاش حضرنا العراضة عند عائلت خطيب بتسام قررو اديرو العرس من بعد شهر
سهام: ياك كانو غيديروه فالصيف
الجدة: مبقاوش ولاد اليوم زربانين وزربونا حتى حنا راه خليت الدنيا مقلوب فاس مريم وفاختة كيجريو ويقلو مجراو كيفصلو ليها الحوايج ويتقضاو اش غيخص دكشي علاش مجاوش معيا
سهام: اه صعيب توجد العرس
الجدة: وييه وخصوصا المغربي
سهام: هي غنحضرو العرس المغربي شحال هذا محضرتش شي عرس
الجدة:اه ابنتي اش بان ليك تمشي معيا لفاس وتحضري لكلشي حتى اوكان يجي اوس(زعمة تبداي الاجواء من الاول)
سهام: لا الميمة حتى يوصل العرس كيف كتشوفي كينة نجلاء كتقرا حتى تشد العطلة ونجيو
الجدة: اه نسيتها
سهام: حتى انتي الميمة جلسي معنا حتى نمشيو كاملين
الجدة:لا ابنتي راه غير جيت نشوفك فرحت فاش قاليا اوس بلي حملتي ومكرهت امتى نجي عندك غير شدوني هدوك بديك العرضة دبا ملي شفتك انرجع نوقف على كلشي حيت يمشيو اديرو ليا شي شوهة
سهام: كيفاش شوهة
الجدة: ايقلو ليك اديرو دكشي عصري فالعرس ويحيدو تقاليد تعنا دكشي علاش نمشي نوقف على كلشي
سهام: هههههه ان شاء الله الميمة(الله ايكون فعونك يا بتسام )
عند نجلاء لي خرجات من لبرطمة لقات سانسور عامر وهي تمشي تنزل مع دروج
نجلاء: يلاه كنبغي نتهدن كيخرج ليا شي قمقوم فوجهي ويشعلني يخ
نزلات وصلات لتحت وهي تخرج قدام لباب
نجلاء: (جبدات تليفون من جيبها وصونات على خولة)الو زين كين شي غدا عندكم
خولة:كيفاش
نجلاء :عرضت على راسي نجي نتغدا عندك واش كين ميتحنجر تما 😒
خولة:مجود مرحبا فين انتي
نجلاء: هاني جاية عندك (قطعات مع خولة وخشات تليفون فجيبها يلاه غتحرك وهو يوقف قدمها عزرايل)
اوس:فين غدية باقي الحال القريا 😒
نجلاء: (طلعاتو وهبطاتو وهي دوي)غنمشي عند صحبتي نتغدا تما ومن تما ليسي حيت لفوق كينين شي ناس كبار صحتهم على قد لحال والى بقيت تما غدي توقع ليهم شي حاجة دكشي علاش غندرق كمارتي ونتفدا نتحاك بهم (كملات هدرتها وهي دوز من حداه خلاتو كيخمم شكون هذا الناس الكبار )
اوس:(دار اهدر معها لقها مشات)نجلاء اووف اش هذا المصيبة وشكون هذا الناس الكبار 😳ناري الميمة (تفكر جداه لي قال لي الاب تاعو بلي جاية وهو يجري خايف عليها لتكون نجلاء سكتات ليها القلب ههههه )
نجلاء مشات عند خولة تغداو ومن تما ليسي
خولة:نجلاء قالت لبابا بلي واحد صحبتي بغات تخدم وقالت ليه بلي هي كتقرا وطلبت منو يلقا ليك شي خدمة لي تناسب الوضع ديالك
نجلاء: مرسي الحب والقريا ماشي مشكل الى بطلت شي سوايع 😌
وصلو لبات اليسي دخلو عند العربية عند واحد الاستاذة معصبة غير بوحدها وكتقلب غير مع من مشات نجلاء كيف العادة جلسات لور هي وخولة
نجلاء: فراسك درني راسي بقلت نعاس مع لبار صهرنا حتى 2 وفقت بكري كنحس براسي غيطرطق
خولة:انا نعست شوية قبل متجي عندي صعيب سهير
نجلاء:(جرات واحد كسكيطة من محفظة تعها وهي ديرها على وجها ودارت ليكيت فودنيها )نعس شوية حيت راسي غيتقسم ليا
خولة:نجلاء ماشي عند هذا المعصبة راه غتبرد فيك غديدها خليها حتى نخرجو ونعسي
نجلاء: ششش
سكتات خولة وكتشوف بداو دراري يدخلو ودخلات معهم الاستادة حتى هي جاية تبعكك مشات حطات محفظة تعها فوق المكتب وبدات تكتب فالدرس وتشرح مرداتش لبال ل نجلاء لي متكية لور ماكنتش كتبان حتى كتبات الاستادة سبورة كاملة وشرحات درس وهي تبان ليها لالة الاميرة ناعسة وهي تعصب مشات عندها (انا الله اهديك اوستادة كملي درس وخليها ناعسة والاستادة مبغاتش ومسمعاتش مني خليوها تجرب حضها😂😂😂😂😂
الاستادة: (قربات عندها وهي توقف عليها)هيه وا العمالة وبرشيد.
نجلاء: (كانت فيقة اصلا وعنيها غير غمضاتهم حيت كيحرقوها بقلت النعاس ولاكين مهدراتش )😯
الاستادة: (شافت لكيت فودنيها وهي تنترها ليها)اهديك ياه ومعاك كنهدر راه معنديش اوطيل سانك اطوال هنا باش تكسلي ليا نوضي تقراي الى بغتي 😠
نجلاء: (بهدوء بلا متحل عنيها)استادة سيري كملي درس راني متبعة معاك
الاستادة: شنهو تقعدي الى بغتي ولا تحركي درقي كمارتك من حديا
نجلاء: مفيا لي ينوض اوستادة غير سيري كملي درس ودرني مكيناش كاع
الاستادة: (تعصبات من هذا الجمادة لي قدمها تلامد متبعين معهم كيتسناو نجلاء تنوض تخرج بحال داك النهار ولاكين هياهات تم هيهات مع نجلاء مكتبغيش تكرار عزيز عليها تغير )نوضي خرجي عليا
نجلاء: استادة صوت عالى بزاف وراسي درني شوفي سيري كملي درس وبلا متعيي راسك حيت مغنخرج حتى يخرجو كاع تلاميد
الاستادة:(بالغوات وكدرب فالطاولة )غتخرجي هي غتخرجي ودبا
نجلاء: (شافت فيها والابتسامة مرسومة على وجها )اوكي استادة هاني غدية
الاستادة: برى 😬😠
وقفات نجلاء بكل هدوء وتمشات والاستادة واقفة لور كتشوف فيها مشات لالة نجلاء هزات الممساحة مساحة كاع داك درس لي كتبات الاستادة من صباح وهي تشرح فيه ودراري غيكتبوه الحاصول دربات ليها كلشي فزيرو
نجلاء: (دارت شافت والاستادة لي مطرعة فمها بالصدمة )دبا درت علاش نخرج ولاكين باقية غير 3 دقايق وتصوني يعني مبقاش الوقت فين تكتبي تاني وتشرحي والتلاميد ينقلو دكشي (شافت فدراري والبنات لي اصلا جاهم الملال ناضو وقفو كلهم كيضحكو وخرجو نجلاء ساست يديها وشافت والاستادة) حم قالت لي مخرجاش حتى يخرج كلشي وهاهما خرجو و دبا هاني غدية
الاستادة: بنت القحبة غندير بيك تقرير
نجلاء: (كانت غدية سمعتها وهي ترجع عندها والابتسامة على وجها)بما انو اول غلطة ليك غدي ندير راسي مسمعتك ونفوتها ولاكين تعاوديها غتجبدي غير نحل على راسك وداك الخرى لي جلسة تشرحي فيه وجتي تفيقني باش نتبع معاك اجي عندي نشرحو ليك حتى تفهميه عاد قريه لدراري 😊
خرجات وخلات الاستادة بغات تاكل جنبها بالفقصة تعصبات وبدات تسب وتغوت بكل جهدها حتى طاحت بالاعصاب هههههه
جات الاسعاف هزات الاستادة لي سخفات
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
