زواجي من صهري 💍مكتملة💍

الجزء 26 💍❤️

**بارت 26**
**زواجي من صهري**
وصلات نجلاء جنب لباب وهي توقف حيت سمعات صداع توريا وبرهيم واصل حتى لبرى
توريا: لقيتها مسلكاك كتمشي تغبر والله اعلم فين وملي تجي تبدأ تكدب عليا كنتي فسوق وكنتي غتجي لدار وشوية لقتي واحد الهمزة فرحبة تاع المعازة وشريتهم وديتيهم تبيعهم هذا هو الموال تاعك كلما سولتك فين كنتي
براهيم:توريا مشفتيش راسك عيقتي واش انا كرهت نجي نجلس معاك هنا نعس مرتاح مي اش غناكلو ناكلو الحجر
توريا :اسدي متبقاش دير ليا هكا انت راه عندك باش تعيش وتعيش دوار على قدو يكفي انك نسيب سي مصطفى وخيرو مشتت فدوار
ابراهيم:كطلبي مني نولي ندل راسي ونعيش على حساب رجل بنتي ها خر يامي نولي عبئ على الناس ونسعاهم ومزيان تبارك الله 😠😬
توريا: ماقلت ليك تسعاهم راه حق بنتك هذاك وانت كبرتهم ودبا خاصهم اردو ليك دين
براهيم: اه دين لي رديتي لباك وموك هو لي خاص نطالب بيه ولادي عرفتي اش اجيك مليح قبلي عليا قبل منقلبها عليك بلي فيها (كيقصد الدار)
توريا:ايوا سمع اسدي الى انت كتمشي المدينة تعيش حياتك بصحتك ولاكين متسناش مني نقبل ليك بهذا الدل لي حطتني فيه شوف داك الكوري لي درتي بغيت كاع دكشي لي فيه اخرج وبغيت حتى انا داري تصلح وتنقا وبغيت نعيش حياتي كيف كاع العيلات ماشي نتخشا فتمارة وفالبرز تاع البقرة وانت تمشي ديع ليا فسواق ولا منعرف فين كاع كتمشي وتخلني غارقة هنا فالعفن وفالصداع دلولاد ونزيد صداع تاع ديك الكلبة تاع بنتك من الفوق لي ديرة فرسها واحد.الحالة كيف عزري الدوار
براهيم :(واقف كيشوف فيها)وخا الالة بغتي تعشي فالرحة ميكون غير خطرك دكشي لي فالكوري انا نخرجو كلو نبيعو وعشي ليا الراحة اتوريا غير دبا فوتني عليك راه راسي ايترطق بسهير (كمل كلامو ومشا طلع مع دروج تجاهل واش جبدات ليه نجلاء فالموضوع )
توريا: هرب كيف موالف دير فيما نهدر معاك تعطيها ليا بنخلة وتزيد خلفة مع طريق(جلسة تبرح فالمراح بوحدها حتى سمعات صوت نجلاء)
نجلاء: متخرجي تبرحي فجامع حسن(شافت فتوريا لي واقفة وهي تكمل)فراسك عاد.خلتيه انفر منك كتر العيلات الحورات القدات ماشي هكا كيتعاملو مع الرجال بسيف ميمشي ايبقا اديع فسواق ولا منعرف فين😉
توريا: انتي اخير وحدة تهدر وتعطي دروس لناس وتوريهم كيف اتسرفو
نجلاء: مكنوريكش غير كنهدر فراسك الفيسبوك فين النشر وتعليق هكا وقع هنا انتي نشرتي وانا كنعلق عليك  تفاعل درت ليك اغضبني ههههه مهم خلنا من الفيسبوك مغتعرفيش انتي فهذاشي حيت انتي متخلفة وبراكة عليك غير مسلسلات دوزيم لي خرجو عليك حتى ولتي تهدري مع رجلك بنفس الهدرة تاعهم (بدات كتقلد فتوريا وكتمتل)انت كتخوني الحقير مخليني فدار غارقة فالبعر ومخلي ليا دراري ومشتي تعشق ليا انت ولعيلات البليد ابوووف فراسك انا لي أنثى بحالك جبتي ليا تقية بهدرتك عساك هو لي رجل وبيني وبينك الى خانك مع شي وحدة متستغربيش (طلعات توريا ونزلتها بواحد نصرة تاع الاستهزاء
توريا: علاه انتي انثى فنهي هذا الانوتة لي كتهدري عليها انا شافة قدامي عزري دوار(بغات تستفزها مي هيهات تم هيهات مع نجلاء متقديش عليها)
نجلاء: ههههه متعرفيش لاسلوب تاعي امدام وخا تبغي تعاملي بيه مغديش انجح معاك  حيت انا لي بتكرتو ابب وانا بوحي لي كنعرف ليه (كتقصد تعطي لبنادم علاش ايدور وتخليه شاعل كيف لفتيلة وتزيد )يلاه تلاحي من قدامي نمشي ندربها بشي تدويشة
توريا: تحيدي لجنابة
نجلاء: (كانت غدية فحلها حتى سمعات اش قالت وهي توقف زيرات على يديها وغمضات عنيها شوية حلتهم كيبانو كيف جغمة تاع دم مدات يدها هزات واحد المحابق كي تما شيرات بيه على توريا درب فالحيط جنبها شي لي خلا توريا تغوت وتهرب هدرات نجلاء برود )هذا المرة درب فالحيط.مرة الجاية غيجي فكمرتك نخصرها ليك (كملات كلمها دطلعات مع دروج خلات توريا كترعد بالخلعة وي ولات نجلاء تخلعها بزاف حيت الى تعصبات كتسيف كتولي وحدة اخرى رغم الهدوء تعها فاش تعصب اي حاجة جات قدمها تشير بيها )
توريا:المجنونة الخرى شي نهار تقتل شي حد غير الله احفظ منها وصافي (تفكرات واحد النهار الدبزات مع نجلاء وجبدات ليها امها ونجلاء دربات يدها خشتها فواحد  زاج حتى بدأ دم كيطوش منها وهي دور لتوريا وقالت ليها هذا الحر لي دربت بيه هذا سرجم وهذا نجلاء لي جبدتي مني نصحك متبقايش تعاودي تجبديها حيت تقتلك ومتحسب ربي خلقك هانتي شوفي ايدي غدي نخيطها وتبقا هذا الدربة مصورة فيها ماشي باش تفكرني لا باش تفكرك انتي بلي لداخل ديالي كينة واحد نجلاء لي متقديش عليها والى خرجات ترحمي على روحك )
...ماما
توريا:اه نعام اش كين
امال:بغيت نفطر راه قريبة 12 غنمشي المدرسة(فالمدرس العمومية كيقريو نهار سبت )
توريا: (حيدات واحد سندالة شيرات عليها)سيري الله اتبعك لبلا ياك مابغتني نجي نقاد ليك البيبرونة راه الكوزينة 😬
(انا الكاتبة رميسة يالطيف مع هذا تريكت الهبال انا دروني فراسي بالمشاكل تاعهم وصداع اووف )
طلعات نجلاء لبيتها حيدات الحوايج لي كانت لابسة ولبسات بيجمة طويلة  شافت فرسها وهي تجبد.واحد.زيف عكفات بيه رسها ونزلات مشات لكوزينة لقات الحم محطوط والخضرة يلاه جبهم براهيم   وروينة تاع المواعن وامال كتقلي فالبيض شافت فيها وتنهدات مشات جبدات واحد.طاجين وهزات الحم قطعات منها شي طراف دارتهم فالطاجين ودارت ليهم زيت والعطرية وتومة وربيع شوية بصلة ودرتهم اتقلام هههههه عطيتكم المقادير تاع طاجين😂 سدات طاجين خلات الحم تقلى وهي تنقي جلبانة وبطاطة وجدتهم ومشات غسلات دوك المواعن نقات الكوزينة حيت توريا خلتها كحلة كلها معفنة هزات الخضرة غسلتها ومسحتها درتها فشبيكات دخلتها لتلاجة ولحم قطعاتو دارتو فالفريكو وغسلات دجاج حتى هو هذاشي كل درتو تحت انضار امال لي خرجات عنيها فيها كتعجب منها حيت كل مرة تسيف غار قبيلة خرجات كيف عزري الدوار وهاهي دبا لبسة العكافة والبيجمة وكتشقى سلات دكشي ودارت الخضرة فوق الحم ودارت ليه الماء وهي تمسح يديها وهزات تليفون مشات جلسات كتكونيكطا فيه
نزل براهيم مشا توضا حيت قريب يأدن الضهر توضا ورجع دخل لبيت فين كانت نجلاء جلسة غير شفتو دخل وهي توقف تقدات فالوقفة وكتشوف فيه وعنيها فيهم واحد النضر فشكل كتسنا شي حاجة معرفاتش اشنهي ايمكن حضن من الاب تعها ايمكن بغات تمشي تبوس ليه ايدو وراسو لا لا هي كتسنا اغوت عليها انهرها ويحتقرها (هدو افكار نجلاء مداربين كيفصلو ويخيطو كيف غيتصرف براهيم )
براهيم: (شاف فيها وهو يدور وجهو لجنب )رشيد
رشيد:نعم بابا
براهيم: جيب ليا صلايا
نجلاء: (شافت فيه وهي تبتاسم ابتسامة كلها سخرية ورجعات جلسات فبلاصتها بهدوء كتهدر مع رسها) اش كتسناي منو فين عمرو شافك واش كينة باش ايشوفك هذا المرة واش ايسحاب ليك الى بعدتي عليه ايتوحشك ويحن فيك فيقي انجلاء  فيقي براكة من الاحلام
خرج براهيم وتبعو رشيد بصلاية ورجعات نجلاء لعلمها الخاص علام القصص والافلام تاع الرعب والاكشن
فبرا لالهم توريا عاد طفات عليها شمعة جاية قالت ليك دير الغدا لقات كلشي واجد
توريا: بسم الله الرحمان الرحيم شكون جمع هذاشي وقاد الخضرة ونصب الغدا تف تف بسم الله الرحمان الرحيم ياك ما معنا اهل المكان
امال: (من ورها لبسة الحوايج جداد لي شرات ليها نجلاء وهازة محفظة فضهرها )هذي نجلاء لي دارت دكشي كل ودارت واحد طاجين بنين غير من ريحتو ماما انا غنمشي المدرسة عافك خلي ليا حقي من طاجين (دخلات هزات قرعة تاع الماء وخرجات خلات توريا مكونسة بلاصتها من صدمة هههههه )
توريا: واش هذي هي المسطية لي كانت اتقتلني قبيلة وخرجات كيف عزري الدوار هاهي نضات الكوزينة ونصبات الغدا ياربي سلامة واقلة مسطية ديال بصاح كل مرة تسيف وتولي وحدة فشكل ياربي سلامة 😨