زواجي من صهري 💍مكتملة💍

الجزء 29 💍❤️

**بارت29**
** زواجي من صهري*"
نجلاء:توريا كدافعي عليا ولا خيفة على رجلك ههههه اودي غير طلقيه ياك بغية تفرجي طلقيه افرجك فيا (جلسات فوق سداري وهي طلع رجليها ربعاتهم ومسحات فمها لي نازل منو دم وكتشوف فتوريا لي شادة براهيم )بيني وبينك مصدقتيش والله مطلعتيش وافية لرجلك معودتيش ليه على اش درت
براهيم :(كيتغدد ليها بغا ادوز مي كلاتو توريا)طلقي انتي مني
توريا: براهيم مديرش ليها لي بغات هي كتقلب غير تقتلها باش تشد فالحبس
نجلاء:اتي مالكي غبية شكون قالك كنموت انا ههههه كون كنموت كون مت نهار كون باقي صغيرة وشدتني من يدي ودلتني لبير كنشوف الضلمة تحتو😉
براهيم:( شاف فتوريا لي تبدل لونها يلاه ايدر سمعها كملات )
نجلاء: وكون كنموت كون مت فاليالي لي كنت نبات بجوع ونضل بيه نهار كامل ولا فاش كنتي تصفطني نسرح فالخلا وصط النهار تاع الصيف فشموسات الحارة مكين حد برى كندور غير انا والعقارب والفاعي اه ولا الوقت لي كنتي تشدني تعطني ملخة تاع العصى بلا كدربي فالبندير 😏(كتهدر بكل هدوء مرفوق بإبتسامة )سو متخافيش امدام الراضي حيت معك نجلاء بسبع الرواح مكتموتش غير طلقي راجلك ابرد غديدو حيت الى مبردهم دبا من بعد ايندم فاش اخرج لداور ههههه بان ليا باقي مخرج اشوف اش وجدت ليه فالدوار(شافت فبراهيم لي كيشوف فتوريا بستغراب وهي تهد)بلا متشوف فيها بحال هكا هي مصدقاتش اسحابلي غتعاود ليك كلشي ساعة مصدقاتش معواتش ليك كيف جيت بلوك جديد ولبس المزير وجيت ركبة فترونزيط عامرة بالناس تاع دوار وحتى تاع الدوار لي من لهيه وكلهم كيوشوشو عرفتهم اش كيقلو مهم ماشي غير هكا جيت دخلت لدار قصدي لدارك 😌 بغيت نقصي ونمشي نخمد مي مرتك الله احفظها عطتني فكرة زوينة قالت نخرج لدوار اشفوني ديرة كيف العزري ههههه وانا معطلتهاش لبست وتقديت وخرجت ديك ساعة ودرت دوار كامل حيت هدوك لي جيت معاهم غدي اعاودو لناس تاع الدوار مي مغديش اعرفو اوصفو ليهم صورتي دكشي علاش درت عليهم كاملين اشوفوني 😊 وانا كنتمشى كنسمع الرجال وعيلات كيقلو شفو بنت براهيم لحاصول درت ليكم البوز فالدوار نصحك متخرج هذا الايام حتى القاو الناس فاش اتلهاو وينساو سيرتك(كتهدر وتبتاسم وخا كلات دق )
توريا: علايش كتقلبي انتي هاأ اش بغتي منا
نجلاء:ههههه نشهر بيك انتي ورجلك وراه بديتو تشهرو فدواور وبغيت نوصلكم لعالمية كيعجبني فاش الناس كيشيرو عليا ويقلو شفو بنت براهيم اش دارت
براهيم: شكون قالك انتي بنتي هاأ كنضن فاش تبريت منك مكنتيش كتفهمي ديك الساعة دكشي علاش غنعاودها ليك بفمي دبا انا ماباك وانتي ماشي بنتي ومكنعرفكش وانا مبري منك دنيا واخيرة كتسمعي انا معندي حتى شي بنت اخرى من غير سهام وامال انا عندي سهام وايوب وامال ورشيد هذو هوما ولادي(قالها وهو كيورك على كل حرف)
نجلاء: ونحس المنحوس لي هو انا وغيتبعك حياتك كاملة كيف التابعة (قالتها بهدوء وشافت فبراهيم واحد بعنين حمرين مي بدون دموع نجلاء نشفو دموعها فالصغر ناضت وقفات وخرجات من داك البيت خلات براهيم وتوريا مصدومين من هدرتها ومن شوفة تعها عنيها كيخلعو حيت ولاو حمرين بزاف بحلا لقدرتي فهم الدم طلعات نجلاء مع دروج بزربة دفعات باب بيتها ومشات جرات داك صاكدو تعها كتحل فيه ويديها كيترعدو وفمها حتى هو كيترعد بدات تبقشش فداك صاك خوات منو كاع لي فيه بانت ليها واحد قرعة صغيرة تاع زاج قهوية شدتها بيدها لي كيترعدو وحلتها وكبات شي تلات حبات تاع دواء فيدها وهي تلوحهم دغية لفمها وصرطاتهم جلسات على ركبيها كتنفس بجهد غمضات عنيها وحلات يديها بحلا غتعنق شي حد بدات تنفس شهيق زافير حتى مبقاتش كترعد سدات ديك القرعة وخشتها فصاك وهي تحل عنيها وقفات وتمشات حتى وصلات داك السداري تجبدات على ضهرها تما وكتشوف فسقف وديك الهدرة تاع براهيم مزال كتعاود فرسها انتي ماشي بنتي وعمرك غتكوني ...... غمضات عنيها بهدوء وفرسها بزاف الافكار كل واحد وكيفاش كيهدر
حسات بشي حاجة دافية داحت على خدها بقات بنفس الوضعية ونطقات
نجلاء: رشيد متبكيش وسير خرج من هنا دبا
رشيد: (تلاح عليها عنقها وخشا وجهو فعنقها وكيبكي )😭نجلاء اختي هئ هئ شفت بابا كيف دربك انا شفتو بقا فيا الحال
نجلاء: انا كاع محسيت بداك درب قد محسيت بهدرتو (هزات يدها لي حستها تقيلة عليها بمفعول تاع دواء(ملاحضة البنات هذا الدواء مزال غتهدر ليكم عليه نجلاء وتعرفو ديلاش وكيفاش حتى ولا تاخدو )هزات يدها حطتها على ضهر خوها )ششش رشيد عافك متبكيش اخويا مكنحملش نشوفك كتبكي عافك سكت
رشيد: حتى انا مكنحملش نشوفهم كيدربوك مكنحملش نشوفك كتاكلي العصى عافك اختي سيري من هنا وجلسي فديك البلاصة فين كتقراي مبقاش ترجعي عندهم ايدربوك سري عفاك هزي حويجك وبعدي من هنا 😭
نجلاء: كنتوحشك كنبغي نبعد.كنتوحشك اخويا وكنتوحش نجلاء صغيرة كنجي نقلب عليها هنا باش نشوفها حيت بقات فشي قنت فهذا الدوار تفرقات معيا وانا كنطلع على قبلكم بجوج
رشيد: (زاد.زير عليها كتر )اختي حتى انا كنتوحشك وانتي عزيزة عليا ومكنحملش نشوف بابا كيدربك ولا ماما كتسبك
نجلاء: عادي ولفت دكشي ولا من روتيني اليومي شوف عافك خلني نبقى بوحدي
رشيد: لا منخليكش حتى ندير ليك زبدة باردة لوجهك باش ابرى ليك
نجلاء: اشنهي
رشيد: زبدة جامدة فالفريكو انا واحد نهار طحت ودرتها ليا ماما وبرات ليا جرحة حتى انتي انديرها ليك ويبراو جروحك
نجلاء: اه مزيان مي انا مبغيتش جروحي يبراو بغيتهم اترساو فيا غير خليهم
رشيد: لا غنديرها ليك ولا منخرج من هنا
نجلاء :(حلات عنيها وهي تنطق )ديرها وسير خرج خلني (هز رشيد الزبة كيدوزها ليها على وجها وجبهتها وكيشوف فيها مكدير حتى شي ردت فعل بحلا متقسحاتش رشيد.ولا اوحوح فبلاصتها كلما قاس شي قنت مدروب فوجها )
رشيد: كيدروك
نجلاء: تو تو مكنحس بوالو فهذا اللحضة (حيت شربات دواء )
سلا رشيد وخرج خلاها كيف شي جمادة كتبان بحال شي مونيكا حالة عنيها كون ما صدرها لي كيطلع ويهبط تحلف عليها حتى ماتت
فالتحت عند براهيم وتوريا
براهيم: كنتي كتدليها لبير هاأ(كيغوت على توريا)
توريا:😨الله اهديك ابراهيم متقولش ليا تيقتيها راك سمعتيها اش قالت هي كدير هذاشي باش تنكد علينا عشتنا وتحررها علينا واش انا نقد ندير دكشي لي قالت ربي شاهد عليا عمري توشيتها بشي حاجة خايبة من غير درب كندربها كيف كنت ندرب امال عمري فرقت بنتهم وزيدون انت قالتي ليا منقربش ليها حيت سهام غتقلق وانت مبغتيش تقلق سهام وقالتي بلي وعدتي امك بلي غتعيش فهذا الدار وحتى حد ميتوشيها
براهيم: الكلبة الخرى خلتني كلي نترعد مي الى عاودات خطات هذا العتبة منتسماش براهيم نوريها
توريا: (غير سمعاتو وهي تخرج عنيها)كيفاش واش غتجلسها فالدار من القريا
براهيم: اه عمره غترجع لشي قريا ولا تحط رجليها برى
توريا: لا لا لا ابراهيم الا هذيك مديرهاش
براهيم: مالك انتي من امتى ولتي تعرضيني وتجي من صفها
توريا:لا ماشي كنعرضك ونجي من صفها انت الى جلستيها من لقريا سهام غتعرف وحتى رجل سهام غيعرف وهو لي هدر معاك باش تخليها تمشي تقرا تما نهار الاول والى جلستيها غيتقلق منك ايقولك كلمتو مكتسوا عندك والو شوف خليها تمشي تقرا لربما اشوفها شي حد كيف سهام ويجي اتزوجها وتمشي درق كمرتها(توريا قنعات براهيم باش ميخرج نجلاء من القريا ماشي حبا ف نجلاء وبغات ليها لخير لا توريا خايفة على رسها ليخرج فيها شيب لزرق كطلع نجلاء يومين كتركب فيها الاعصاب وطلع ليها طونسيو وترفع ليها سكر عساك تعيش معها ديما ههههه)
دازت شي 3 سوايع على نجلاء وهي مجبدة بنفس طريقة متحركاتش مغمضاتش عنيها بقات غير مكونسية حتى حسات بدتها كتخفاف تاني وهي تنوض وقفات وخرجات نزلات لتحت داز على امال لي كانت كتشوف فيها شي شوفة فشكل
نجلاء: (ببتسامة بحلا موقع والو )امولة صافا كين شي غدا فراسك فيا جوع مفطرتش 😌
امال:😮😮
نجلاء: شداتك القوة 😕اوف كديعي لي وقتي خلني نمشي نغسل وجهي فيا ريحت سمن (مشات دخلات لدوش تغسل)
امال:(وقفات مشات عند امها لكوزينة)ماما نجلاء نزلات وكضحك تاني وتصروفتها فشكل بحلا مدربها بابا ولا عيرها عرفتي كضحك وقالت فيها جوع
توريا: ياربي تلطف بينا باينة غتبرد فينا كاع دكشي لي داز عليها هذا الصباح امال بنتي عرفتي اشنو سري انتي ورشيد عند جداتك تغداو تما حسن ليك سري عند خوالك حتى تمشي هذا المسطية
امال:ماما نجلاء ماشي مسطية وهي ضريفة غير حنا لي كنجبدوها وكنضلموها هي وخا كتهدر وتخشي لينا الهدرة مي راه كتنصحنا وحنا عزاز عليها فاش كتجي كتجيب لينا معها شي حاجة 😢
توريا: اتي سيري دري دكشي لي قالت ليك ونفدي بجلدك راه ليوم كلات مكلا الطبل نهار العيد وسمعات هدرة قصحة من باباك وتقدر تسيف فأي لحضة وانا خايفة عليك يلاه تحركي
نجلاء: (من قدام لباب )ماشي لهذا الدرجة امدام الراضي ويلي خايفة على بنتك مني لنمص دمها بنت ليك مصاصة دماء وخرجين ليا نياب من جنب فمي 😌 (شافت فأمال لي تخبات وراء امها وهي تبتاسم)تحركي امال هربي عند. جداتك تخباي تما حتى نمشي لناكلك مع فيا جوع مفطرتش منضمنش ليك راسي 😈