فهد :(زير عليها كتر )اه وخا غنعونك ا نجلاء اما معاك وغنوقف جنبك حتى توصلي لي بغتي انا معاك
نجلاء:(طمنها وهي تعنقو بيديها بجوج هي محتاجة لهذا العناق بزاف محتاجة تسمع انا معاك غنعونك )شكرا شكرا بزاف (دام صمت لدقائق تيتسمع غير صوت قلبهم وانفاسهم بعدات نجلاء عليه وهي تشوف فيه ونطقات)فهد مابغيت حد يعرف هذاشي عافك خليه بنتنا انا وياك وعدني فهد
فهد:(مسح دموعو وهو يشد يدها لي مدتها ليه)كنواعدك مغنقول لحد حتى حاجة هذاشي بيني وبينك وانا وياك غنتعاونو حتى تحيدي هذا الدواء
نجلاء: حم كيفاش نديرو انت
فهد:(قطعاها)انا غنتحول ل كازا على قبلك غنجي تما ونسكن تما وغنكون جنبك حتى تحيديه بمرة اوكي
نجلاء: اه اوكي شكرا دبا بغيتك ضحك ديك ضحيكة تاعك لي كتخلي عنيك يتغمضو 😊بغيت نشوفها دبا يلاه نشوف
فهد:زمرة باز لبرودة قلبك اختي هاني غنضحك 😊مزيان هكا الخرية
نجلاء: هههه مبقتي تحشم الخراي ياك انت لي كنتي اخرى يومين 😕
فهد: (شدها من شعرها)بسبابك زمرة يلاه تفطري دبا
نجلاء: (تنهدات )شكرا مرة اخرى
فهد: انتي لي شكرا حيت تقتي فيا وشركتني قصتك
نجلاء: دبا نسها هنا عافك اجي كديرين الاجواء لتحت واش كلشي مهدن ولا باقي البركان ناشط
فهد:هههه لا كلشي مهدن وكيتسناوك تفيقي فراسك كلشي كيفتاخر بيك
نجلاء: حيت ديت البنات الحبس😕
فهد:لا حيت ربيتي ولاد الفشوش ههههه يلاه شنيولة تنزلي
نجلاء: ارى ليا البلية تاعي الله يعفو
فهد:(عطها القرعة تاع دواء)هاكي
شدتها نجلاء خبتها وخرجات هي وفهد وتلقاو مع اميرة برى البيت شافت فيهم بشك وهي تبدأ تجري وتبكي
فهد:اميرة
نجلاء: اتكون فهمات غلاط 😐سير عندها
فهد:اووف اش هذا البنات هوما وعقلهم
نجلاء: هي كتبغيك ومن حقها تغير عليك سير عندها فهمها بلي نجلاء عمرها تاخد رجل شي وحدة ولا تشوف فيه شي شوفة خايبة فهمها بلي حنا اصدقاء وهي زعمة عايشة ف امريكا وغتفهم
فهد:اوكي هاني غنمشي نهدر معها ياربي صبرك
نجلاء: اوكي(تمشا فهد وتبعات ليه العين حتى شافتو دخل لبيت اميرة وهي تنهد)علاش متلقيناش من قبل انا وياك
اوس:(جاي من ورها وهو يوقف كان لبس سروال كيطمة كحل وتيشورت بيض)حم
نجلاء: (دارت بالعرض البطيئ شافت فيه وهي تنزل رسها)...
اوس:اجي معيا بغيت نهدر معاك
نجلاء: حم انا بغيت نفطر (مشات بغات تهرب منو ههه ولاكين شدها من يدها)
اوس:قالت بغيت نهدر معاك اجي معيا
نجلاء: (نترات يدها من يدو)فاش غنهدرو اصهري
اوس:تبعني وتعرفي فاش
(مشات نجلاء تبعاتو طلعو لطابق تاني ودخل اوس لواحد المكتب ودخلات وراه جلس اوس وشاف فيها )
اوس:جلسي (جلسات نجلاء قدامو وكتشوف فيه كتسناه ينطق)عاجبك الحال هاأ كنتي على شوية وتودعي شفتي سخونية الراس باش كترجع نجلاء علاش كطريني نغلط معك وكنت على شوية غنقتلك بلا منقصد
نجلاء: (تفكرات فاش كانت غطيح وهي تنوض وقفات )انا نسيت نسيت كلشي اه نسيت(كلما تفكرات دكشي كتخاف وكتبغي تهرب منو)
اوس: (وقف فاش شفها بغات تهرب تخرج مشا شدها حيت بغات تخرج)نجلاء مالك علاش كتخافي علاش كنتي كتقولي منلوحكش لظلام اش وقع معاك علاش هذا الخوف
نجلاء: موقع والو ماملي والو ا
اوس:علاش خايفة ومناش انتي كنتي كتقولي لا منلوخكش لضلام وكنتي خايفة بزاف وتصدمتي وكتقول مغتقولش ل سهام
نجلاء: (شافت فيه تفكرات اش كانت كتقول وشافت فعينو هو كيشك فشي حاحة وهي تنهد)معلوم غنخاف راني بنادم وكنت غنطيح من فوق داك الجفر وكنت مدلية لتحت انا شفت الموت بعني فهذيك ردة فعل عادية يعني عادي نتصدم ونخاف ونهدر بهسترية وكنت كنقول مغنقةلش ل سهام باش طلعني ومتلوحنيش باش منعاودش لسهام اش وقع هذاشي عادي اسي العلامي شوف انا نسيت كلشي عافك نسا دكشي ومتقولش ل سهام هي غتخاف
اوس:زعمة كتهمك سهام فراسك ليل كل وهي كتبكي حدى رسك منعساتش ولا شافت النعاس بشبابك هي ضلماتك علاش مابغتي ديري عقلك اش داك لشي مدبزة ملي عونتي الرجل رجعي فحالك لاش دربتي
نجلاء: حيت انا راسي قاصح وهكا ديرة وهذاشي لي عطا الله وقالتها ليك من قبل
اوس:(ستفزاتو)وانا قالت ليك من قبل تكمشي على عضامك وشدي لارض ولا نعطبك شوفي تعاودي تخرجي رجليك نقطعهم ليك تكمشي حتى نرجعو
نجلاء :سلتي هدرتك وخا نمشي نفطر
اوس:(شاف فيها وتنهد )سير فطري وتكمشي نشوفك ديرة ها ولا ها نتفاهم معاك
نجلاء:😒😒😒(حلات لباب وخرجات نزلات ومشات لبيت اختها وقفات حدا الباب وتفكرات هدرت سهام وهي تزير على يديها وغمضات عنيها وحلتهم ورسمات ابتسامة على وجها ودخلات لقات سهام ناعسة وشعرها طويل مشتت فوق المدربة جلسات حدى رسها وبدات تلعب ليها فشعرها بحب حتى حلات عنيها )صباحو سوسو بب صافا
سهام: نجلاء 😭
نجلاء: (نزلات عنقتها)ششش البكاية الخرى مالك غير كدمعي واش عندك الخزان عامر بالدموع كون درنا سد كون عمرتيه لينا بدموع
سهام: سمحليا
نجلاء: شش موقع والو من حقك تعاتبني من حق الام تعاتب بنتها وتجبد ليها ودنيها مرة مرة وهذاك حقك ومرستيه وانا نسيت بب وبغيتك تنساي ويلاه ناكلو شي حاجة فيا جوع ومعرفت فين كينة الكوزينة ديالت ايت العلامي
سهام: (وقفات وجمعات شعرها دارت زيف على رسها )اه انا نمشي معاك ونوجد ليك لي بغتي
نجلاء: (شدات يدها بستها بحب وهي تقرب عنها مسحات ليها عنيها وباست جبهتها )فراسك كنبغيك بزاف بزاف ومهما درتي وقلتي مغنتقلقش منك حيت كنبغيك بزاف انا حليت عني فيك انتي وايوب انت وياه هوما دنيتي ومافيها و ومكنحملش نشوف دموعكم و عافك مبقاش تبكي بزاف
سهام: (عنقتها بحب )حبيبة ديالي حتى انا كنبغيك بزاف سمحليا على اي حاجة صدرات مني فلحضة غضب
نجلاء: هانية ابب حتى انا فلحضة غضب دربت شحال من واحد 😌الله يسمح لينا يلاه نزلو نمونجيو 😋
سهام: (شدات فيدها)يلاه 😍
لتحت عند الدراري لي مجموعين فالجرد جاد وعماد وهاجر بتسام اسراء وايمان
جاد:تعطلات نجلاء فالنعاس كون غير فاقت خلاص
اسراء:خويا ماهذا ياك ما كتحب ناري الزغبي حالتك صعيبة
جاد:غير اعجاب اختي هههه
بتسام:الاعجاب تم حب
هاجر:تم عشق وهيام
عماد:رجوع الله البنات راه البنت باقي صغيرة ماشي ديال هذاشي
جاد: دبا نكبرها اخاي 😌
ايمان:(غير سمعاتو اش قال وهو تنوض مشات كتجري لبيتها وكتبكي)😭
هاجر:مال هذي تاني
اسراء: ناري زعزعتنا حسيت بحلا زلزال لي طرب كتجري والارض كتحرك
هاجر: هههه خليونا منها جاد واش بصاح عجباتك نجلاء
جاد:صراحة صراحة انا معجب بسجعتها وبجملها ولاكين هي قاصير وانا كبر منها نجلاء بغيتها صديقة ليا وبغيت نتعلم منها السجاعة
عماد:(فرح فاش سمعو اش قال )😊وي سجاعة مع رسها
عند نجلاء لي كانت نزلة هي وسهام حتى دربات فهم ايمان شوية ويطيحو فالدروج
نجلاء: الحفيظ الله اتي مالك بشوية عليك غتشتفي علينا😕
ايمان:(شافت فيها وهي دفعها بالعاني )بعدي عليا الخرية لاش جيتي عندنا لاش
سهام:ايمان ختي مجاتش عندك حترمي راسك😠
نجلاء: سهام خليك منها يلاه نفطرو😊(جرات ختها نزلو لتحت لقاو الناس الكبار جلسين هههه هذا المرة كلشي مجموع ماشي غير الجدة سي مصطفى شاف نجلاء نزلات هي وسهام ناض عندهم وهو يمشي عند نجلاء)
مصطفى: بنتي نجلاء كيف صبحتي
نجلاء: مزيانة عمو (نزلات رسها )
مصطفى: (مد يدو رفع ليها رسها )لا ابنتي خليه مرفوع عمرك تنزليه لارض انا فاخور فيك
نجلاء: (شافت فيه )حيت سلخت دوك دراري و دخلت لبنات الكوميسرية😕
مصطفى: هههه انتي سلختهم حيت ديرين علاش والبنات مزيان ملي دخلتهم باش يعرفو اشنو فالدنيا ويعرفو بلي ماشي غير مكياج ولباس وزواق لي كين برافو عليك حيت قلبك حنين وعونتي لي محتاج انتي مديتي يدك شدتي فلي محتاج لي اشد فيه
نجلاء: (شافت فيه والابتسامة فوجها وهي تفكر فهد ونطقات )انا مديت يدي لي محتجها وتمدات ليا يد حتى انا يعني فاش كتعاون ربي كيجيب لي يعاونك وياخد بيدك
فاختة :تبارك الله عليك بنتي الله يكمل بعقلك
الجدة:(شافت فيها وهي تنطق )اجي الهنا اديك السلعفنة
نجلاء: (شافت فيها )واش انا
الجدة: خيالك اجي الهنا (تقدمات عندها نجلاء وقفات حدها )نزلي عندي (نجلاء على نيتها نزلات وهي تشدها الحدة من ودنها )هذي حيت يدك خفيفة وخصرتي الخير لي درتي الشنولة 😒
نجلاء: (شافت فيها وهي تمد يدها شدات فيدها وبستها )طايش الالة رضية اش ندير بلية فيا وخا نبغي نشدهم هوما مكيزكاو
الجدة: سيري تفطري راه وجهك صفر بالجوع ويديك الى مبغاوش ينقصو الخفة انا نبالي بيهم بالشحط
الكل:ههههههه
سهام كترقب من بعيد وكضحك هي فخورة بختها وشافت عائلت رجلها كيف فاخورين بيها بتسمات بأريحية وهي كتشوف الجدة كتجبد لنحلاء ودنيها
سهام: ربي يعوضك خير اختي على طيبة قلبك وحنيتو
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
