زواجي من صهري 💍مكتملة💍

الجزء 137 💍❤️

نجلاء: معقد بحالك 😒
اوس:ممم يلاه نشفو اش تختار بنتي نشوف دوقها لي ممعقدش غير هو ابان لي مزير ومعري نتفاهم معاك
نجلاء: (شافت فيه وهي تنطق)دبا واش غتشري ليا ولا غدابز معيا باش غير نفهم
اوس:نشري ليك نجلاء بغيت ناخد ليك واحد الحاجة على دوقي ونتمنا تلبسيها غدا
نجلاء: (كتشوف فيه )اشنهي
اوس:(شد فيدها وهز اويس)اجي معيا (طلعها بلاصت جلالب وقفات كتشوف اوس مد يدو ختار ليها واحد جلابة ف زيتي واحدة فشيبي مستيلين ومدهم ليها )هدو
نجلاء: (شافت فيه نفس ستيل لي كتلبس سهام نطقات)انت باغي تلبسني بحال اختي
اوس:انا لي كنت نختارهم ل سهام هذا دوقي كيعجبوني جلالب هكا مستورين واسعين داري ليا خاطر غير نهار واحد عافك
نجلاء: (شداتها من عندو وهي تمشي دخل بلاصت تبدال قيسات الاول وخرجات عندو وهي شدها من لتحت كتبان سبرديلة هههههه) دبا هذاشي زوين😒
اوس:(شاف فيها وناض حيدها ليها من يدها طلقها وشاف فيها ونطق)طويلة عليك شويكة نبدلو طاي وغتجيك زوينة فراسك كيجي معاك البلدي حسن من سراول
نجلاء: انا غلبسو غير العيد صافي
اوس:(كيحاول يقنعها مي مع من ههههه اسحب ليك سهام هذي غتعيا معاها بزاف سي اوس )اه وخا
(مشا ختار ليها واحد اخرى وعطها ليها جتها هي هديك وختار ليها فراشة فالزرق وقفطان سامبل تاع جوهرة فالبيج سلا وهي تقول ليه)
نجلاء: شفتك لبستيني على دوقك كاع مخلتني نختار زربتي عليا
اوس:ياك عندك الحوايج بزاف يعني داكشي لي غتختاري عندك منو بزاف هذاشي لي معندكش يلاه قدامي (هز دكشي وجرها نزلو ولقاو واحد لولد نزل لهم الاكياس لي فيهم حوايج دراري حطو دكشي فاللوطو وطلعو )
اوس:نجلاء اش بالك نمشيو نتعشاو فشي بلاصة
نجلاء: لا يلاه لدار راه اقبال غتكون كتبكي
اوس:سولت عليها الوليدة قالت نعسة وموالين دار تلقاهم تعشاو ونعشو يلاه نتعشاو ونمشيو لدار
نجلاء: اه وخا (مشا اوس عرض عليها لواحد ريسطو فخم جلسو وختار العشاء عبارة على سلاطة والحوت وختار سوبة صحية ل اويس بداو كياكلو نجلاء كتوكل اويس وتاكل كيبانو عائلة زوينة بزاف )
اوس:(كيشوف فيها وهو يمد يدو مسح ليها كيتشوب من فمها حيت حطوه ليهم مع لفريت ونطق)شكرا
نجلاء: (شافت فيه)نعم
اوس:قبيلة شكرتني حيت بغيت نخرجك تختاري الحوايج لدراري وانا كنشكرك حيت خرجتي معيا وعشت هذا اللحضات معاك وخلتني نختار ليك الحوايج على دوقي
نجلاء: (شافت فيه وهي تنطق بهمس)حوايجك غلبسهم غير مرة وحدة
اوس:سمعتك اش قالتي غتبقاي تلبسيهم فالمنسابات
نجلاء: واش عندك ودنين ولا برافور
اوس:هههههه انتي لي واش هذاك همس ولا تكبير صوت
نجلاء: واش تنوض تحرك راه اويس نعس وتقيل ولا تشدو عليا راه دروني يدي
اوس:ههههه اراه نشدو ونشدك معاه الى بغيتي
نجلاء: (تفكرات داكشي لي كان واقف وهي تسرط ريقها)لا بلاش متشدني منشدك يلاه نمشيو راه عيت (وقف اوس من بعد مخلا الحساب ومشاو للوطو توجهو لدار نجلاء صافي عيات بدوران حطات رسها وبدأ نعاس يشد فيها واويس ناعس فحجرها اوس بقا غير كيشوف فيهم حتى وصل لدار وقف ودار باش اهدر معها بانت ليه ناعسة وهو يبتاسم
اوس:مشيشة تاعي عيات ونعسات (حيد ليها واحد لخصة تاع شعر من فوق عنيها وبقا كيشوف فيها شحال وفمها مبقاش قدر يقاوم نزل عليه كيبوس فيه بشوية حتى جعر وبدأ امس ويشفط فيه شي لي فيق نجلاء حلات عنيها في وهي دفعو بجهد وهزات يدها صرفقاتو)
نجلاء: علاش قربتي ليا تفو عليك دكشي علاش مخرجني عند بالك الى شرتي ليا حوايج دير فيا مبغيتي انت مكتسواش واحد ستغلالي كنكرهك
اوس:(شاف فيها واحد الشوفة خلاتها مشوكية فبلصتها مفهماتش اشنو معنى دوك النظرات ومشا هز اويس وسد الباب )
نجلاء : (كتدوي مع راسها ) علاش دار فيا ديك الشوفة هو موالف الا غوت تاهو كيتعصب ويغوت عليا وعلاش مبانش عليه معصب ..انا اصلا مالي واقيلة فهم الغلط تاعو(نزلات وهي تمشي طلعات لبيت دراري لقات غير اقبال فهمات بلي اوس دا مع اويس لبيتو دخلات وهي تمشي لمريا كتشوف فمها وكتقيص فيه)زمل فيما نبان ليه يبدأ يشلقم فيا مزيانة فيك ديك تصرفيقة باش تعلم مرة اخرى تقرب مني (دخلات بدلات حويجها ورجعات نعسات فوق سرير كتخمم فديك شوفة لي شاف فيها اوس خلعتها معرفاتش معناتها هو موالف فيما تغوت عليه ولا تعيرو يشدها يعضها ولا يتعصب عليها )
عند اوس لي دخل لبيتو حط اويس فوق لفراش وهو يوقف زير على يدو وكيدور فالبيت متسرطاتش ليه نجلاء دربو وتعيرو وتقول عليه واحد ستغلالي
اوس:صبرت ليك بزاف وسايست معاك كنقول دبا تولف اليوم تولف ولاكين انتي باينة مغتجي غير بالعين الحمرة معجبك الهتمام ديالي وخوفي عليك وحبي ليك انا نبدلو ا نجلاء (دخل لبيتو دوش وخرج لبس غير سروال كيطمة فالكري وخلى الفوق عريان تجبد فبلاصتو جنب اويس لي حيد ليه سباطو وسروال دجين لي كان لبس خلاه بتيشورت ولشورط نزل باسو فراسو ونعس جنبو
اصبحنا واصبح الملك لله
فاقو الكل اليوم يوم العيد كلشي فاق كيوجد فراسو لبسو احلا معندهم ومن ضيمنهم نجلاء لي فاقت دوشات ودوشات ل اقبال ولبستها جبادور رطب لبسات هي جلابة فشيبي لي شرى ليها اوس
تحل لباب دخلات منو هاجر جابت اويس
هاجر:صباح الخير بب عيد مبارك
نجلاء: صباحو زين علينا وعليك تعيدي وتعاودي
هاجر: هاكي اويس قالك اوس لبسيه حوايجو ونزلو نمشيو لمصلى (هاجر لبسة جلابة فالغوز بارد ولاحت فولار على رسها)
نجلاء: (تعجبات من اوس هو موالف استغل اي فرصة باش يدخل عندها دبا سيفط اويس مع هاجر شداتو كتبوس فيه)صباح الخير زين ديالي كيف صبحتي مبروك العيد
هاجر: (هزات اقبال )انا نزل البخوشة بانت ليا واجدة
نجلاء: اه نزليها ندوش ل اويس
هاجر: راه مدوش راه غير باقي بنفس الحوايج دالبارح اوس دوش ليه
نجلاء: اه وخا (خرجات هاجر ونجلاء مشات جبدات جبادور لي شرات ل اويس لبساتو ليه وهي كتهدر )خلا الولد بايت بحوايج تاع برى باش ميجيش ياخد ليه حوايجو 😣(لبسات ل اويس جابدور فالزرق وهزاتو نزلات القات الكل جلسين كيشربو الحليب وتمر حيت حتى يرجعو من المصلى عاد ايحطو الفطور )صباح الخير عليكم
الكل:(شافو فيها لبسة جلابة )صباح الخير
اوس:(شاف فيها بنص عين ودار راسو متسوقش ليها كيلعب مع اقبال اوس لبس جابدور فالبيض فقو جلابة زرقة توبها كيبان منو جابدور ولبس بلغة فالزرق )😒😒
فاختة:(وقفات مشات عندها وهي تسلم معها بالوجه )مبروك عيدك زين
نجلاء: الله يبارك فيك خالتي(تقدمات سلمات على مصطفى وعلى مريم وسعاد والبنات لي كلهم لبسين البلدي كلشي لبسة جلبة المغربية سوا الرجال سواء العيلات نجلاء وصلات عند اوس معرفاتش واش تسلم عليه ولا اش دير شافت فالكل كيشفو فهم وهي تمد يدها ل اوس)
نجلاء: مبروك العيد
اوس:(شاف فيها وهو يوقف جرها بسها فرسها )الله يبارك فيك (مشا شد اويس من عند فاختة كيبوس فيه وخلا نجلاء وراه واقفة مصدرمة )حبيبي لبستي واجك هأ نمشيو
اويس:خرجو برى 😍
اوس:اه نخرجو برى (هزو هو واقبال )مشينا
مصطفى: يلاه راه غيصليو علينا
خرجو كلهم وركبو فطوموبيلات مصطفى ركب هو وفاختة ومريم وسعاد وجاد ركبات مع ايمان وفهد اميرة وعماد ركبات معاه اسراء
اوس:(شاف فهاجر ونطق)هاجر اجي ركبي معيا (حل ليها لباب تاع القدام ركبات فيه )
نجلاء: (بقات كتشوف فيه حتى عيات وهي طلع لور جنب دراري وساكتة طريق كلها كتشوف اوس منخلها بحلا مكيناش وصلو مصلى القاو الناس تجمعو وكتسم سبحان الله والحمد لله ولا الاله الا الله الله اكبر الله اكبر
نزل اوس شد اويس
اوس:هاني غنشد معيا اويس ردو لبال ل اقبال (شاف فنجلاء هزتها ومشات عند فاختة خلاتو كيهدر مع هاجر سلاو من صلاة العيد ورجعو لدار لقاو الخدمة رحمة وجدات ليهم الفطور هي كتعيد معهم هي ورجلها حيت ساكنين فالدار تاع الخدم فالفيلا لقاو فطور مغريبي دايزو الكلام ها المسمن البغرير البطبوط الرغايف اشكال وانواع والحلويات المغربية والكيكات والحريرة الحليب والعاصير اتاي بالنعناع وطرب الاندلوسي مطلوق فالدار ورحيت البخور عاطية هذا هو العيد المغربي لي مدارش عبد الرحيم صويري فالدوزم نهار لعيد فصباح اجي يقول انا ههههه كيجيب ليا نعاس مهم جلس الكل كيفطرو فجو مليئ بالضحك وتقشاب من غير نجلاء لي غير كتشوف ب اوس بنص عين هو تغير معها غير من لبارح اليوم )
مصطفى: احم سيدنا يلاه ندبحو راه مزال تبعنا صلاة الجمعة
اوس:انا نمشي نبدل حوايجي ونزل(طالع لبيتو مشا لبس شرط حد ركبة فالبلومرين وتيشورت فالگري وسندلة صبع خرج تلقا مع نجلاء طلعات هي واقبال مشا قرب ل اقبال بسها)
اوس:كبيدة ديال بابا انعيسيسة نوضي شوفي العيد (كيهدر مع اقبال وكيشوف فنجلاء غير بنص عين سلا ونزل مهدرش نع نجلاء)
نجلاء: (تبعات ليه العين حتى مشا وهي تسوط ودخلات لبيتو تما فين محطوطين حويجها جبدات منو فراشة خفيفة فالگرونة وهي تخرج مشات حيدات جلابة ولبستها وطلقات شعرها وحطات اقبال بلاصتها حيت ناعسة وهي تنزل لتحت لقات كلشي فجردة واقفين
اوس:(شاد اويس لي خاف كيبكي فاش شاف الحوالا جابو مدو ل نجلاء )سير عند ماماك
اويس:مامي مسيو خافت خافت مامي
نجلاء: (عنقاتو )شش متخافش حبيبي اجي ندخلو (مشات دخلات لداخل كطل عليهم من زاج شافت اوس دبح حاولي ديالو وفهد دبح ديالو حتى هو ودبح مصطفى ودبح جاد حتى هو وعماد دبح ديالو دبح العساس حتى هو رجل الخدمة وبداو كيسلخو فهم نجلاء سهات ف اوس لي كيسلخ تقول كزار بسيف هو موالف يدبح فالعيد كتشوف فيه كيف كيقطر بالعرق
هاجر: (دخلات جنبها )ناري ايقول لينا غسلو دكشي انا نهرب
نجلاء: شنو
هاجر: ديما فهد واوس كيحگرو علينا ويخليونا نغسلو دوار وخا خالتي رحيمة كتبغي تغسلهم كيقلو لا ايمان وهاجر وبتسام لي يغسلو دكشي انمشي نهرب