**بارت 18**
**زواجي من صهري**
حيدات نجلاء محفظ من ضهرها حلتها جرات منها واحد طرف تاع الخبز حرفي ونزلات حمرات واحد القرعة تاع الماء من لواد وجلسات تاكل فداك الخبز ودوزو بالماء كلات وجبدات الكتوبا تعها كتراجيع فهم مهم دير شي حاجة مفيدة ليها
بقات النهار كامل وهي سارحة الغنم حتى فات العصر وهي ترجعهم دخلاتهم لزريبة وجات داخل لدار وخايفة بزاف كتمنى متلقاش لا امال لا رشيد باش متاكل العصى تاني بسبابهم (بدات كتسلت غير بشوية لتلقاو ليها رشيد كيبغيها تهزو وامال كتغير عليه وكتجبد ليها صداع ونجلاء كتاكل العصى دكشي علاش مبغاتش تشوفهم بجوج )
براهيم: افين كنتي اديك الكلبة مسعورة فين ضيعة نهار كامل
نجلاء: (وقفات فاش سمعات صوت ابها كانت عطياه بضهر وبتسمات حيت هدر معها وخا عيرها مهم هدرها دارت عندو كتشوف فيه )كنت سارحة الغنم ابابا
براهيم: (شاف فوجها وهو يدور وجهو )طرقي عليا كمارتك
نجلاء: (شافت فيه وهي درب برسها ومشات فحلها)😢
براهيم: (زير على يدو )وجها بحال وجها حلفة حتى تعدبني مشتي وخلتي هذي تفكرني بلي فقدتك اه ا عتيقة من بعد مابقى حلات ليا العيشة(كمل كلامو وهو يخرج غافل على الودن لي كتسمع من ورى الحيط )
توريا: عمرها تحلا ليك محد هذا وجه النحس هنا بغيت ربي يخدها حررات عليا عشتي
(تفو عليكم بجوجك اتريكت المنافقين فاش كتلقاو مكين غير حبني نحبك ومن بعد تحطو البطل على البنت بلي هي سباب حتى حياتكم هكا ايخ)
داز اسبوع
واليوم هو يوم المعود جاو عائلة سي مصطفى لدوار بصغيرهم وكبيرهم حيت ايديرو عرس لولدهم اوس وسهام لي خطبوها من سي براهيم فهذا الاسبوع وفرح مهزاتو دنيا ولد سي مصطفى غيتزوج بنتو قبل وعطاها لهم بلا شورها ههههه اصلا هي لي جبتو علاش ايتشاور معها قررو العرس ودريب الصداق غيكون نهارواحد وجدو العرس فخم فالفيرمة تاع سي مصطفى لي فيها دار كبيرة ديرين الخزانة على شكل القاعة برى فالجردة زينوها من لداخل تحلف عليها قاعة حفلات فالمدينة دبحو شي جوج عجولة ديرين صداقة لناس دوار الرجال بوحدهم دوزهم نهار وعيلات بحدهم دوزهم حتى هوما نهار واليوم باليل مجموعة غير العائلة تاع براهيم وتاع سي مصطفى عائلتهم صغيرة والكبيرة وماجورهما مهم جاو من المدن ومن القرى باش افرحو معهم
فالدار تاع سي براهيم فديك الباحة الواسعة تحت القواس ديرين حفلة الحناء ل سهام لي لبسة قفطان بيض مطروز بالخضر (القفطان في صورة)محنية يديها ورجيلتها وجلسة فالبرزة باللون الاخضر الملاكي ديرين بيها العيلات كيغنيو والبنات كينقشو شدين نوبة البطلة تعنا نجلاء جلسة جنب اختها وفرحانة واخيرا نجلاء هذا الايام فاش رجعات سهام مبقاش حتى حد اتوشيها حيت كتبقا مع سهام ومرت ابها متقدرش تهدر قدام سهام حيت سهام غدور فيها وسي براهيم عزيزة عليه سهام حيت هي اول وحدة فوالدو مدللها وميبغيش لي اخصر ليها خطرها
سهام: (كتشوف فنقشة تاع نجلاء) جاتك زوينة الزين تاعي مي علاش مدرتيها لتحت
نجلاء: لا مبغيتهاش تبقا فيا بزاف ولتحت كتبقا لاصقة فيها شفت مي خدوج كيف كتكون كحلة فيديها هههه(كتقصد جدة امال كتجي عندهم مرة مرة كدير ديك طليصة تاع الحنة ليدها وكتكون كحلة )
سهام: ههههه خفتي تلصق فيك راه هذي تاع النقش دغية كتمشي
نجلاء: وخا انشوف تاعك
سهام: (ورتها يديها)هانتي شوفي واش زوينة
نجلاء: اه زوينة بزاف وحتى القفطان تاعك وتاج لي لبستي زوينين 😍
سهام: (كتشوف فيها بحب)وانا مزوناش
نجلاء: زوينة بزاف بغيت نكبر حتى انا بحالك وندير عرس ولبس هذاشي وندير تاج 😍
سهام: هههههه غتجي احسن عروسة ورجلك ايكون اسعد وحد فالدنيا
نجلاء: كفاش رجلي
سهام: هأ علاه بمن اتزوجي الى لبستي هذاشي معلوم غتزوجي بالرجل وغيكون رجلك
نجلاء: لا انا نتزوج بلا رجل نجيب العيلات اغنيو والبنات انقشو ولبس بحال هكا ونديرو الماكلة صافي
سهام: ههههه اويلي على مصطية تاع اختي مهم حتى تكبري وتفهمي هذا شي دبا نوضي نشوف كيف جاك جبادور
نجلاء: (شافت فرسها لبسة جبادور خضر مدروز جها زوين بزاف سروال قندرسي ولفوق تاعو قصير شرتهم ليها سهام )هانتي جاني زوين عجبني بزاف فراسك البسو مدرسة اشوفوني البنات اقلو ليا زوين
سهام: حتى تكون شي حفلة فالمدرسة ولبسيه مشالله تبارك الله على اختي قولي علاش انتي زوينة بحال هكا هاأ
نجلاء: حيت كنشبه لماما عتيقة
سهام: (غير سمعات بسميت امها وتفكرتها وبداو دموعها كينزلو اه شحال صعيب تدير فرحتك ومتكونش امك معاك تفرح ليك وتشاركك هذا النهار )😢
رضية:(كانت جلسة قريبة منهم حتى بانت ليها سهام كدمع وهي تجي جلسات جنبها)بنتي مالك اش مخصر خاطرك فنهار فرحتك
سهام :هئ هئ تفكرت ماما الميمة (عنقاتها الجدة كتواسي فيها )
نجلاء: (شافت فختها كتبكي وحتى هي بدات تبكي معها ناضت خرجات كتجري حيت مكتحملش تبكي قدام شي حد خرجات لبرى مع كانت خبات وجها وكتجري دربات فواحد شخص حتى طاحت لارض وحدرات رسها )😭
اوس:( شاف بنت صغيرة قدامو طايحة وجها مخبي بشعر مد ايدو ليها بغا اوقفها)ياك ما تقصحتي
نجلاء: (غير سمعات صوتو وهي تصرط ريقها وبدات كتحبو فالارض حتى دارت عطاتو بضهر وهي تهرب )🏃🏃🏃
اوس:(بقا غير متبع ليها لعين من حتى غبرات مفهمش مالها )😕😕
(ههههه حتى انتما مفهمتو والو اجي نفهمكم البنات هذي نجلاء وسخات دوصا مع صهرها 😂
فلاش باك
النهار فاش غبر اوس وخلا سهام كان جا لبلاد مهم فاش حط سي براهيم وتغدا معهم خرج ركب فاللوطو تاعو بغا امشي غدي وكيشوف فالطبيعة حتى خرجات قدامو واحد المعزة شوية ويقتلها شد الفران فاخير للحضة )
اوس:شت اش هذاشي ياك ما قتلتها (نزل ايشوف لمعزة مي خرجات ليه مولات المعازة)
نجلاء: انت الزمر كنتي اتقتل المعزة تاعي مكتشوفش العمى (كتغوت عليه)
اوس:اش هذا قلت لحيا البرهوشة علاه شكون قالك سرحي فالطريق
نجلاء: بلاتي نوريك البرهوشة الزمر (هزات واحد الحجرة شيرات عليه خوا ليها دربات فاللوطو يلاه ايدور راسو اهدر هزات وحدة اخرى درباتو جاتو لصدرو )
اوس:الله انعل زمل بوك البرهوشة (بغا امشي اشدها وهي تشير عليه تاني بحجرة جاتو لكرشو وهربات وكتعير فيه)
نجلاء: تفو عليك الحيوان كانتي اتقتل معزة وزيدها كتعيرني هاك تعلم (شيرات عليه وشافتو جاي وهي تهرب طلعات فواحد التلة )
اوس:وخا لموك والله وتباني ليا حتى نعاود ليك ترابي البرهوشة
(مشا اوس فحالو نجلاء نسات دكشي حيت عند بالها مبقاش غتلاقا بيه ساعة تصدمات نهار رجعات من المدرسة وبان ليها قدام لباب هو وايوب نهار جاو اخطبو وفاش عرفاتو هو لي غيتزوج بختها من تما ولات تهرب منو وتخبا خايفة حيت تحلف عليها وخايفة ايقولها لباباها ويسلخا براهيم ههههه)
العودة الى الحاضير
دخل اوس لبلاسة فين جلسة سهام والعيلات هذاشي دارو تحت طلب امو صونات عليه قالت ليه اجي تصور مع العروسة بالبسة تاع الحناء وهو جاي لابس جابدور فالبيض وفوقو جلابة خضرة بتوب شفاف(بحال كيف كيلبس مولاي حمد فياقوت وعنبر 😂)
دخل جلس جنب سهام لي سكتات من لبكى حيت الجدة وستها وقالت بلي هي امها فهذا اللحضة وحتى لالة فاختة ومريم دارو بيها تعملو معها بحنان )
اوس:(قرب عندها هدر ليها فودنها)جتي زوينة احبيبة
سهام: (بخجل )حتى انت جتي زوين بالبلدي
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
