**بارت 24**
**زواجي من صهري**
عند نجلاء لي دخلات فات لمغرب عاد جاية كتمزك وتغني والابتسامة فوجها دفعات لباب ودخلات لقات توريا واقفة فديك الباحة شافت فيها نجلاء وصغرات عنيها )
نجلاء: باقي مجاش رجلك جاية وفبالي بلي غلقاه كيتسناني قدام لباب مي مبانش يعني مرجعش مامولفاش ليه اتعطل حتى هذا الوقيتة ياك ما كيخونك
توريا:😳(خرجات عنيها فيها )اشنو لهلا احيك حتى ايخوني
نجلاء: غير كتهدري بلا متعرفي فراسك العيلات فالمدينة كيف ديرين الفرمة كديرة الهونج وصدر مبندر والوجه مجبد ورحة العطر كدوز من حداك كتخليه فيك وغير فافورار لعيلات كيف لبسين ومهلين فريوسهم اتلقا راجلك دبر على شي تيتيزة تما وكيعيش لافي معها وانتي جلسة هنا كتفوح منك ريت البعر والبقر وديرة كيف السلوكية ومكتوبة ليك 12 بين حجبانك بكترت الحقد وفمك مجموع وديرين بيه تجاعيد غير بسم ولا فرمة لا زين لا مجي بكري اما لباس خلاص بلا مندوي عليه لي شافك ميعرفك غدية ولا جية
توريا: بزاف عليك البرهوشة
نجلاء: وي بزاف عليا بهذا الحالة منقدرش نكون فحالك وخا نبغي متجي معيا 😌 دبا رجلك فين معطل ديع ليا وقتي غير هكاك كنت يسحابلي جاي وعمرتيه مزيان وهو كيتسناني ندخل وتعطلت باش اتسرجا مزيان وتسمعو الدقة المركشية ساعة ضاع وقتي وضاع حتى حلمك امرت براهيم نفخني لبرد برى على والو يلاه ميبقاش فيك الحال مرة اخرى وتفرجي
توريا: علاش كتقلبي هأ اش بغتي وعلاش كدري هذاشي واشبغتي اباك اقتلك ويدخل لحبس
نجلاء: نو نونو عندك اسمع كتقولي ابا غيتقلق منك واش بغيت وعلاش والله معرفت مهم حتى نعرف ونقول ليك دبا سيري قلبي فين رجلك لكون كيخونك راه الوقت صعيبة بزاف وكينة نسبة العنوسة بزاف والعيلات كيديرو مضهارات كيقلو لرجال ديرو تعدد حيت كين بزاف عيلات متزوجوش عندك طير ليك شي وحدة سيك براهيم (سلات كلمها وشافت فتوريا وبتسمات بشر وهي دوز طلعات لبيت شيطان فاش سمعها اش كتقول وكيفاش كتهدر بهدوء وضحك ناض هز تسبيح ومشا اتوضا اصلي حيت فعلا شعلات توريا وخلتها كدور غير بوحدها بغات تاكل جنبها )
توريا:تعطل هذا عندك اكون كلام البرهوشة بصاح لالا ميديرهاش كيفاش ميديرهاش راه كيمشي اغبر يومين عاد اجي ادوز نهار ويمشي تاني عندك ايكون بصاح كيخوني (سير انجلاء الله اعطيك الخير خلتي نار الغيرة شعلات فتوريا)
طلعات نجلاء لبيتها بدلات حويجها لبسات نفس لبجمة الخفيفة مع كرسون ههههه رجليها كيبانو من لفتاحي تاع البيجمة قدات شعرها وهي تبتاسم بشر
نجلاء:(كتشوف فرسها فالمريا )مممم تعطل سي براهيم بزاف كنت بغيتو استقبلني مي مكتابش ولاكين باقي الحال انا غنستقبلو 😈(نزلات لتحت شافت فتورية لي ديرة بحلا قطعتي القزيبة لزرمومية ههههه غدية جية فداك المراح ميقات فيها ودخلات لواحد لبيت فيه تلفازة خدمتها ودارت ام بي سي 2 لقات فيه واحد لفيلم تاع الرعبة دكشي ديال الاجرام شلظ جلخ بتسمات وهي تجبد فوق سداري وحطات رجليها على المخدة وجلسة تفرج)ممممم saw 6 وزهر مقود عندي ليوم ارى برع (جلسة كتفرج ومركزة وكلما شافت شي لقطة تاع العنف كتبتاسم دخلات امال لي عنيها منفوخين بالبكى شافت ف نجلاء طلعتها وهبطتها من رجليها حتى رسها رجليها بيضين نقين وتقطيعة لي دارت فرسها ووجها نقي معلوم سيدة كانت فالحمام قبل مطلع لدوار وكتهلا فرسها ومع هي زوينة كلشي كيبان عليها )
نجلاء: (شافت فيها بنص عين)مسمومة مبغتيش تسلمي ولا معلماتكش اموك الصواب شفتك كدري ليا سكنير بعنيك اش كين عجبتك نعطيك صورتي
امال:(مشات جلسات فسداري وميقات ف نجلاء)بغيت نتفرج ف فضيلة وبنتها (كتقولها وكتشوف فتليكموند مقدراتش تهزها )
نجلاء:هههههه ممم فضلة وبنتها عرفتي اشنو سري خرجي لمراح تفرجي فواحد وتائقي على زرمومية فاش كتحس بالغيرة كين تما فالمراح
امال:كفاش اش كتقصدي
نجلاء: لا والو عرفتي اشنو سري دري انتي واموك مسلسل سميوه توريا وبنتها صرحة غينجح لكم وتاخدو عليه الوسكار مع انتي كتسرعي التمتيل واموك كتسرع الاخراج عندكم مستقبل فني زاهير
امال:علاش كتجي كل خر سمانة ودري لينا صداع فدار وتمشي بسبابك كليت العصى اليوم علاش شرتي ا رشيد طابليت
نجلاء: ههههه كترتي عليا الاسإلا مبقيت عارفة علايش نجوبك مي غنحاول علاش كنطلع عندكم هذي راه جوبتي عليها انا كنجي باش نكد عليكم عيشتكم ونحررها عليكم وعلاش شريت ل رشيد طابليت حيت عرفت بلي غيقلي ليك بيها سم لي فيك دكشي علاش (كتهدر بكل هدوء والابتسامة فوجها )شي حاجة اخرى نجوبك عليها
امال:كنكرهك انتي شريرة اختي سهام حسن منك
نجلاء: وي سهام حسن مني بزاف وانا جلاخة (شافت فيها وهي تهز واحد الحاجب ونزلات لاخور ) نزيد نعرفك على راسي مزال ولا بلاش
امال:😮(كتعجب منها )
نجلاء: (دارت كتفرج فتلفازة وهي تهدر مع امال بلا متشوف فيها)داك دوني لي لبستي لداخل
امال:(طلات على رسها بانت ليها سمطة تاع دوني خارجة وهي تخبيها بزربة)اشمن دوني
نجلاء: لي انتي لابسة لداخل سري راه شورط تاعو حطيتو ليك هزيه صبنيه وخوديه ملي سرقتي سرقتي دي غير بياسة كولها متفرقيهمش (سكتات شوية وهي تنطق )وهزي واحد.الميكة راه محطوطة فوق سداري
امال:(كتشوف فيها ) ندخل لبيتك ونهز دكشي
نجلاء: كدخلي ليها بلا شواري وفاش قالت ليك دخلي ليها كتشوري تريكة معوجة مي عدراك راكي عايشة مع الغباء براسو ورجليه بسيف مطلعي هكا سري هزي دكشي وتقودي من قدامي خلني نركز فالفيلم وخاني نبقا مهدنة
امال:وخا (مشات كتجري لبيت نجلاء دخلات شافت شورط تاع دوني محطوط هو واحد بلاستيكة هزتهم وعنيها كيلمعو مشات كتجري لبيت امها حلات ديك البلاستيكة لقات فيها واحد لبسة زوينة مستيلية ومعها سبرديلة فنة )واو شحال زونين (ملاحضة لبنات امال كيعجبها دوق تاع نجلاء حيت توريا كتشري ليها دكشي معربن وامال كتمشي تهز حوايج نجلاء كتلبسهم حيت كيعجبها دوق تعها )البسهم نشوف كيف غيجوني (لبسات ابسة عيبارة على سلوبيط تاع توب بالگري والبيض ومعاه واحد تشورت بيض وفقو واحد.جاكيت دجين وسبرديلة بيضة مخططة بالگري فرحات امال بزاف )
أنت تقرأ
زواجي من صهري 💍مكتملة💍
Roman d'amour💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
