سلاو ورجعو لدار محملين بالاكياس هههه تاع الحوايج سهام مشات كتجمع فالحوايج لي غيديو معهم وجنبها اوس خدام فالبيسي
سهام:اوس هذا غيجي مع نجلاء ياك
اوس:(هاز عينو فيها شفها حلات واحد قفطان فالبيض والكحل داير بحال غوب من لتحت ديرة بيهم واحد شبكة )ياك قالت ليك مغتلبس دكشي علاش كتقلبي تاني شوفي الله ارحم باك فوتيها وخليها على رحتها بلا مضغطي عليها تصدق مرونا لينا فاس العتيقة سفها على علهى
سهام: هههه لا متخافش اصلا كين لي يقنعها تما
اوس:ياك ما بغتي دخلي الميمة فالموضوع راك شفتي اخير مرة اش وقع وجدة صحتها على قد الحال غير بلا مدخليها فهذاشي (الله امسخك على جداك كتسنى شي حد يطلب منها دخل هي راه كتخشي كمرتها فكلشي )
سهام: لا ماشي الميمة انا كنهدر على فهد هو ويها كيتفاهمو بزاف وكتناقش معاه يعني اي حاجة طلبها منها غديرها
اوس:فراسك هذا تفاهم لي بناتهم خلعني
سهام: علاش اتخلع عادي فهد بحال خوها
اوس:ماشي دكشي لي فبالك انا تايق فخويا ميشوف فيها نضرة خايبة
سهام: وشنو لي خلعك
اوس:واش نستي اخير مرة اش وقع خرجو غير نص نهار راداتو شد الفراش شي يومين وهو كيتقطع بالوجع راه كنخاف حيت هو مسطي وهي كتر منو والى تلقاو غيرنو الدنيا😒
سهام: ههههه فكرتيني ناري كيف رجع فهد وكيف دوز دوك الايام عندها مسكين نهار صح هرب معاودش حتى دقيقة😂
اوس:ننن جا معاك ضحك ضحكي
سهام: وصافي راه تهدنات مبقاتش دارت حتى حاجة واقيلة دارت عقلها
اوس:هذا الهدوء ديلها خلعني عرفتي من كترت مكدير شي زبلة زعمة مكتفوش حتى نهار بلا مدير شي حاجة ودبا تهدنات وشهر هذا مدارت والو خلعاتني هذا الهدوء كيأشر بلي جاية عاصيفة فالطريق غير الله يحفظ
سهام: الله يستر محنا على فالك هي راه درت عقلها غير خليها ومشفتيش النقط ديلها كتقرى مزيان يعني دتها فقريتها
بقاو مجمعين عند نجلاء لي جلسات حتى رتاحت وهي تنوض الكوزينة دخلات ليها حلات الفريكو جبدات منو جوج دجاجات دارتهم تحت الما يطلقو وهي تجبد الكبدة ديالتهم سلقتها وهي تقطها شرملتها مع توم وحامض مصير والربع وتوابيل خلطات مع زبتون خضر وشعرية صنية قدات شرمولة تاع دجاج شرملاتو وعمراتو خشاتو اطيب فالفرن ودارت الخضر تفور الخيزو والبطاطا والوبيا خضر هذاشي كدير فيه وكدندن مع الاغنية لي كتسمعها حيت دارت ليكت فودنها دارت عاصير تاع الفريز وليمون ودارت روز طاب خلطاتو مع طون وميونيز ودارت سلاط مغربية تاع مطيشة خص بصل وخيار وفجل قدتها ودارت فالديسير سلاط فخوي باليغوت وداا كيك بارد بالفلون والفواكيه الحمر سرعات دكشي هههه نجلاء مكدخلش لكوزينة بزاف وفاش كدخل ليها كتبدع فيها غير تكون عندها الگانة شافت دجاج طاب وتحمر خراتو من الفران وهي تحطو فطبسيل وجناب تاعو فرشات فيهم الخص وستفات ديك الخضرة المفورة من بعد مسوطتها مع شوية زيت العود وزعتر والكامون بدات تحط فدكشي
سهام: (كتشمشم )اوس شم شي ريحة
اوس:(غير سمع شي ريحا ناض قفز مشا كيجري)باية ختك شعلات العفية فالدار (ناري على باطل )
خرجو لقوها ستفات دكشي فالطبلا وهوما يتصدمو
اوس: (كيشوف فيها لبسة سروال كيطمة فالزرق وتيشورت فنفس للون وشعر جمعاتو بفليل شدة سليلة فيها الخبز )سهام واش هذا ختك مامعهاش شي جن كيدربا وتسيف كل مرة
سهام:😮معرفت انا مابقيت فاهمة والو
نجلاء: (حطات ديك السلة وهي تهز رسها شافت فيهم لقاتهم كيشفو فيها وهي تنزل عنيها كطلع فرسها وتهبط فيه )😒اش كتشفو فيا دزو تاكلو الى بغيتو انا فيا جوع غناكل (جلسات شربات قرعة تاع الماء وبدات تاكل من سلاطة)
سهام: بغيت ناكل هذاشي كيشهي اختي (مشاو جلسو كياكلو فهدوء اوس متبع مع نجلاء غير بنص عين حلفة حتى تقتلو يإما بصدمة ولا بالغدايد والفقص ولا بالبرود ههههه
تعشاو فسلام وهي تنوض مشات دخلات لبيتها تنعس وتستاعد لنهار جديد لي غدي تسافر فيه لمكان جديد وتلقا ناس جداد تنهدات وهي تغمض عنيها في هدوء
صباح جديد مكان جديد وبضبط فاس العتيقة نزلات نجلاء من الطائرة الخاص ب اوس العلامي في مطار فاس سيس الدولي تبعات اوس هو وختها غدين مشادين فبعض هي غير كدور فعنيها كتشوف التصميم تاع المطار والهندسة تاعو وزخرفة دكشي واو (صورة في تعليق)خرجو لقاو اللوطو تاع اوس وجدوها ليه الكارد تاع الاب ديالو هههه طلع هو وسهام القدام ونجلاء طلعات لور بقات متبعة كتكتاشف المدينة كتشوف البني تعها زوين ومختالف على بني تاع كازا بقات غير مركزة فالطريق اوس وسهام كيهدرو مع بعض توجهو لقصر ايت العلامي وقفو قدامو وتحل الباب الحديدي الكبير دخل اوس باللوطو وتمشا واحد مسافة طويلة عاد وقف جنب واحد النافورة مزخرفة كيطلع منها الماء نزل هو وسهام كيقد فحوايجو تبعاتهم نجلاء لي غير كتشوف بعنيها
تقدم اوس قدام لباب
سهام: (دارت شدات فيد ختها)حبيبة اجي معيا
نجلاء: عاني جاية (وقفو قدام لباب الخشبي وصونا اوس حلات لهم الخدمة كان الكل مجموع على طاولة الاكل كيفطرو الجدة وفاختة وسي مصطفى غير شافهم ناضو ستقبلهم قدام لباب كيعنقو فهم ويبسو ههه كيعنقو فاوس وسهام اما نجلاء بقات لور كتشوف فهم
فاختة:مرحبا ولدي مرحبا بكنتي على سلامتكم(كتبوس فهم وتعنق )
الجدة:(عنقات اوس حتى هي كتبوس فيه )على سلامتكم واخيرا وصل اخير فرض فالعائلة وتجمعو ولادي وحفادي
اوس:(شاف فالطبلة بان ليه عمو ولادو ومرتو عاد )الله يسلمك الحنينة
نجلاء: (مسكينة بقات غير وقفة كتشوف معرفات واش تقدم تسلم ولا ترجع تخرج ولا تبقا واقفة
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
