زواجي من صهري 💍مكتملة💍

الجزء 23 💍❤️

**بارت 23**
**زواجي من صهري**
العربي:(دمعو عنيه وعلاش ميدمعوش وهو شاهد على حياة هدا البنت من نهار جات لدنيا )نجلاء صغيرة البريئة بقية فقلبك ابنتي وانا كنشوفها وهي دبا لي جلسة قدامي وخا تغيري فشعرك مغتخبيهاش عليا
علاش انجلاء علاش كدري هكا فراسك
نجلاء: حيت سرجاوني باش نولي هكا اعمي هوما ردوني هكا وانا وليت كيف بغاو (مسحات دمعة نازلة من عنيها دغية وهي تهز ديك الميكة )عمي هذا كادو ليك نتمنى اعجبك وسمح ليا غنمشي
العربي:شدها من يدها  )لا مغتمشيش يلاه نديرو كسكروط فالدار وتشوفي حليمة راه توحشاتك
نجلاء: حتى انا توحشتها مي مبغيتش نبان ليها دبا فهذا الحالة غتبقا تسول مفيا لي جاوبها مهم عطيها واحد الامانة كينة تما وسلم عليها اعمي (باست ليه راسو وناضت مشات فحالها وكتهدر مع رسها)
نجلاء: شحال من مرة كنقول منضعافش مبقاش نبكي (مشات بقات كدور فالدوار وتفكر دكريتها وصلات لبلاصة فين كانت كتسرح وقفات كتشوف غيها وكتخايل رسها جلسة تمى كتحفض )اقدر هنا فين بقات نجلاء البريئة
فالدار عند.توريا لي بقات جلسة وعنيها على الباب كتسنى حدها امال ورشيد
امال:عطني نشوف المسموم
رشيد:لاأ والله لا شديتها ولا قربتي ليها
امال:ماما قوليه اعطني نشوف
توريا: (شافت فهم )عطيها انت داك المشقوف لنوض نهرسو فوق راسك
رشيد:مغنعطيهش ليها دالتي ونجلاء لي مكتحملوش هي لي شرتها ليا فعلاش غنعطيها ليها وهي مكتحملش نجلاء
امال:(درباتو لضهرو بواحد لبونية قطعات فيه النفس)هاك الجد ولديك المسموم بحالك بحال ديك النحس لي كتهدر عليها
رشيد:(حط طابليت وناض ليها كيدرب فيها بيديه وبرجليه ويطير فوق رسها)بلاتي نوريك النحس وسم البقرة
امال:وعااااع وماما
توريا:(ناضت لهم كدرب فيهم بجوج)الله ينعل طسيلتكم اتريكت الهم (دربات رشيد وشدات امال بدات تقرس فيها)
رشيد:علاش كدربي فيا ياك كنت جلس مقستهاش هي لي درباتني😭
امال:تفو عليك الحمار انت وديك الكلبة لي جابت ليك دكشي
رشيد:والله حتى نقولها ل ايوب غير بلاتي ايجي انقول ليه كاع هذاشي ونعاود ليه على فاش مشتي انتي ولبنات ولولاد لجنب الواد وجلستي انتي وولد ايت حمد كظحكو
توريا:(غير سمعاتو اش قالت وهي تخرج عنيها)كفاش
امال:عندك اماما كيكدب
رشيد: مكنكدبش شفتك انتي وياهم وفاش شافتني قالت نعطيك 10 درهم غير منقولهاش
توريا:اويلي على الكلبة بغات تفضحني (شدات امال كتقرص فيها وتعضها وتنتفها من شعرها)
امال :اااعاااع ماما عافك براكة مبقاش نعاود
توريا: لا غير عودي الكلبة كاكي (سلختها مزيان ونهرات فهم بجوجهم)غبرو من قدامي الله اغبر لكم شقف اتريك الناقصة الله يتبعكم لبلا
(مشات امال كتبكي طلعات لسطح ورشيد مشا لواحد لبيت كيخربق فطابليت )
عند نجلاء لي دخلات فات لمغرب عاد جاية كتمزك وتغني والابتسامة فوجها دفعات لباب ودخلات لقات توريا واقفة فديك الباحة شافت فيها نجلاء وصغرات عنيها )
نجلاء: باقي مجاش رجلك جاية وفبالي بلي غلقاه كيتسناني قدام لباب مي مبانش يعني مرجعش مامولفاش ليه اتعطل حتى هذا الوقيتة ياك ما كيخونك