زواجي من صهري 💍مكتملة💍

الجزء 15 💍❤️

**بارت15**
**زواجي من صهري**
فهد:ودبا اش درت ليك ياك فالاول عارضتك وتقلقتي ودبا ساندتك وتقلقتي تاني اش ندير هههههه
اوس:عوني غير بسكاتك الزمر
راضية:اوس خليك منو وتبعني لبيتي نهدرو فهذا الموضوع راه لقيت ليك بنت شهوة منها غزالة ومأدبة وديالت الزمان
اوس:لا الميمة بلاش راني باقي صغير وبرهوش كيف قالت الوليدة مهم نخليكم دبا نمشي نبدل هذا الحالة راه بداو حويجي احماضو بريحت تقية ييع (هرب قبل متشدة جداتو هههه)
فاختة :واش اخالتي بصاح غتزوجيه من نيتك كتهدري
راضية:اه من نيتي كنهدر لولد بغا لحلال وحسن نزربو دبا ملي قالها بلا ميمشي لفساد ولا دور بيه شي كافرة تبعدو على دين  ويقولك كنبغيها(كملات هدرتها ومشات لبيتها زعمة صافي سدينا الهدرة متنقشنيش )
فاختة :مصطفى دوي اش هذاشي راه ولدي هذاك ومن صغرو معندي عليه كلمة من لي تزاد وهي كتقرر فحياتو بزاف
فهد:الوليدة سمحليا نقولك راه اوس كبر وفات 18 فالقانون راه هو يقدر ياخد قراراتو بوحدو فعلاش غتبقاو دخلو فيه لا انتي لا الميمة
فاختة:انت سكت راه مهدرتش معاك
مصطفى: فهد قال ليك الصح بعدو على الدري راكم خنقتوه وبسبابكم طج وخوى لبلاد بسباب مشاكلكم ديرينو كيف لعبة بينكم وهو معرف لمن ادير لخطر دكشي علاش هرب وخوى البلاد خلها ليكم وايلي من صغرو وانتما خنقينو ميلعب كيف بغا ميلبس كيف بغا اش هذا الويل
فاختة: حيت اموك هي ليك كتشد معيا زكير
مصطفى: فاختة واش مشفتيش راسك اش كدري راه كتولي نوسخة على امي حتى انتي بغية دخلي فحياة الناس وتقرري عليهم وتغري على ولدك حيت غيتزوج
راضية:كفاش كتقرن بيني وبين مرتك ودرب بيا المعنى(خرجات وسمعاتو اش قال ).
مصطفى: حيت بصاح هذاشي لي كاين وانا غنخرج من هنا نبدل ساعة بخرى حيت لزدت شي دقيقة غنتسطى
(خرج وخلاهم كيشفو فبعض وفهد سلت بشوية حيت ابردو فيه الغدايد تبعاتو بتسام وهاجر وعماد هربيو بقات )
راضية: (كتشوف فاختة) عندك متقولي
فاختة :ولدي غيتزوج عرضت حيت كنشفو باقي صغير انتي هدرتي قالتي علاش الاب تاعو تزوجني وهو فنفس العمر وعشنا بخير وقرينا صراحة قتنعت بكلامك مي تنوضي تبغي تختاري ليه مرتو لا اخالتي على الاقل خليه اتزوج لي حب هو راه هذا المرى ماشي لعبة غيشريها ولا لبسة باش انتي تختاري بلاصتو(هي كتقصد هكا حيت فاش كان اوس صغير كانت الجدة تاعو هي لي تختار ليه لباس والالعاب مهم كدخل فكل تفصيلة من حياتو)
راضية: كملتي هدرتك
فاختة: اه كملتها ونتمنى دري بيها هذا المرة وخلي اوس اتنفس ومنبقاوش ندخلو فقراراتو لا انا لا انتي
راضية: اوس انا مربياه وعارفة مصلاحتو وحتى لبنت لي تصلاح ليه
فاختة: علاش اخالتي علاش كدري هكا
راضية: على قبل الحب
فاختة: كفاش على قبل الحب
راضية: (جرتها من يدها )اجي جلسي المكلخة نفهمك
فاختة: هاني جلسة الله اسمعنا خبار الخير
راضية: اولا اوس انا وياك لي هربناه وخليناه امشي اعيش برى المغرب وملي مشا وانا بالي معاه خايفة عليه دبا كتعرفي ولاد ليوم كيمشيو الفسد ولبنات زناقي وانا خايفة عليه من الامراض ومن شحال هذا بغيت نزوجو غير قالت راه باقي صغير ودبا ملي قالها قالت زربة عليه ووفقتو دغية باش اتزوج ونطمنو عليه
فاختة: اه مزيان مي علاش مخلتيه اختار لي بغا واش حيت خفتي اختار شي وحدة نصرانية
راضية: لا غير بغيت لعب ليه على الاعصاب شوية
فاختة: كفاش يعني غتخليه اختار لراسو
راضية: لا غدي نختار ليه حبيبت قلبو لبنت لي كيبغي هو 😄
فاختة: (بقات غير كتشوف )الى فهمت شي حاجة بغيت لعمى اصيبني
راضية: انتي راكي مكلخة ومكتشوفيش اش كيوقع فجنبك كون كتركزي على دارك وعلى ولادك كنتي عرفتي علايش كنهدر (فعلا عندها الصح هذا الجدة عنيها ديرين بحال كامرات المراقبة محلولين 10\10 كتراقب الصغيرة والكبير حتى حاجة متزهق ليها وخا تشوفها مكتشوف فيك مباشرة مي راه نص عين تعها كافية تراقب 180 درجة )
فاختة: واشنو دبا غتقولي ليا شكون وفاش كتفكري ولا غتبداي تصبني فيا هنا
راضية: اوس ملي جا وعينو على سهام وسهام بنت غزالة ومربية وهي تصلاح تكون مرت حفيدي يعني اوس كيبغي سهام وانا غنساند هذا الحب
فاختة: بصاح سهام لي لفوق هي لي غتزوجي ليه
راضية: اه هي واول مرة قرار اوس كيكون صحيح
فاختة: اه اختار وعرف اش ختار سهام بنت مربية مشالله عليها اي واحد اتمناها لولدو
راضية: اه بنت مربية وصبارة ومسؤولة وطموحة
فاختة: اه الله اكمل عليهم انا نمشي نطمن اوس ونبارك ليه (ناضت وقفات وهي تشدها راضية خبطتها مع سداري)اي
راضية: جلسي للارض مالك بحلا قرساتك شي حاجة كون بغيت نطمنو كون طمنتو قبيلة غضيعي كلشي
فاختة: كفاش ياك هو باغيها وانتي بغتها وانا ياعني مكين حتى مشكل خلينا نقولها ليه
فاختة: كفاش ياك هو باغيها وانتي بغتها وانا ياعني مكين حتى مشكل خلينا نقولها ليه
راضية: صبر ياربي مع هذا المكلخة شوفي سمعني مزيان اوس كيبغي سهام وحتى سهام كتبغيه ولاكين هي معترفاتش ليه هي كتحاول تخبي حبها وعنيها فضحينها سهام خصها تقرر حتى هي اشنو بغات ماشي نحطوها قدام الامر الواقيع دبا حنا الى قلنا ل اوس بلي عرفينو بغي سهام هو ايطلب نخطبوها وسهام الى خطبنها غتوافق حيت متقدرش ترفض لينا طلب يعني هي غتقبل فوق خطرها غير باش دير لينا الخاطر
فاختة: وكفاش غنديرو الى مقالتي لهم حتى حاجة وهي مهدرات نخلهم
راضية: لا سهام غتهدر فاش غتسمع بلي انا غنختار ل اوس غتحس بالخاطر وغتشوف رسها غتفقد حبيبها وغدي تهدر ودير المستحيل باش ميكون لحتى وحدة
فاختة: والله اخالتي حتى انتي امرأة حكيمة صراحة كنت ضلمتك من شحال هذا مكنتش نفهمك دبا كبرتي فعني بزاف حيت كتساندي الحب وكتخلي بنادم لمساحة فين اقرر
راضية: اه هي شحال هذا كنت نازلة من عنيك انا من ديما كندخل غير من اجل مصلاحة بنادم وراه غير انتما لي مكتفهمونيش
فاختة: غير بعض المرات اخالتي كدخلي لمصلاحة بنادم وبعد المرات كتقصي ليه جناحو وتقولي هذاشي لمصلاحتك
راضية: (خنزرات فيها)انتي ميبغتيش تخلي الهدنة بنتنا تستمر
فاختة: لا اخالتي سمحليا راه
راضية: راه راه  اشنو😒 عرفتي نوض نمشي نتوضى نصلي حسن منقلبها صباط معاك
الفوق عند سهام لي دخلات دوشات وبدلات حويجها وهي جلسات كدور فالبيت
سهام: ناري اش ايكون قال لهم غموت بالفضول (كتعض فدفرها) نمشي عندو نسولو لا نمشي بعدا نتفاهم معاه زمل خلاني هنا كنصهر نتسنا فيه وهو معرفت فين غبر 3 ايام ومن بعد جاي كيفرنس ولاكين عبرت عليه تقيلت عليه الحمار لاخور تفو عليه سبب ليا فالارهاق بقلت النعاس 😬(الله استر علاه دا عنيك معاه وخلاك بلاش اتي نعلي شيطان البنت )
عند اوس لي ندم حتى جبد حس زواج فكانش فراسو غدخل جداه فالموضوع قلع تريكو تاعو
اوس:معرفت اش كلات هذا المعفونة حتى هي تقية تاعها حامضة وملقات فين طلقها غير على صدري (لاح تريكون وهو يبتاسم فاش تفكر كيف تقيات عليه سهام )مقبول منك كلشي احبي كون شي حد اخور من غير تقيا عليا كون قتل جد ولديه فبلاصتو مي انتي اي حاجة كديريها كتعجبني احياتي
دخلات سهام مدرمة دفعات لباب وهو يهز عينو شاف فيها كيفاش عقدة حجبنها ومخصرة سيفتها وجها كيدل على الغضب الشديد ههههه فكراتو فاول مرة تلقها
سهام: انت (يلاه قالت انت وهي تحل عنيها من صدمة حيت سيد عريان من صدرو وليزبادو كيبانو وكرشو بحال الفركة وصدرو مزغب فيه داك زغب خفيف زادو رجولة )
اوس:(شاف فيها كيفاش حلات عنيها وفمها بتسم بشر وقرب منها وهو يمد صبعو رفع ليها دقنها حتى تسد فمها )سدي فمك الموت كدور وعينك ريدهم لبلاصتهم راه قريب اطيحو الارض
سهام: (دارت عطاتو بضهر )تفو علاش عريان لبس حوايجك الزمر
اوس:اولا هذا بيتي سديت بابو وتعريت فيه تانية تعريت حيت الالة تقيتي عليا واحد تقية حامضة كون غير خرتي ولا هذا تقية لي فيها ريت زفورية
سهام: (صدمها وهي تصرط ريقها )سمحلي حيت دخلت عندك بلا مندق (يلاه غدية بغات تمشي وهو يشدها من يدها)
اوس:دبا دخلتي دخلتي قول علاش جتي
سهام: (غمضات عنيها وبقات عطياه بضهر)لبس حوايجك باش نهدرو
اوس:(عرفها حشمانة منو بتاسم مع راسو هذاشي لي خلاني نبغيك )وخا تسنايني هنا ندوش نحيد عليا هذا الريحة المزفرة  ونلبس حوايجي
سهام: (تعصبات منو وهي دور عندو بلا متشعر بدات تخبط فصدرو)ديك ريحة المزفرة راه باقي ليا هنا(كتشير لقرجوطها )كلما بغيت نصرط ريقي كنحس بتقية غتخرج وكلشي بسبابك ازمر انت تهز راسك وتمشي معرفت فين وانا نبقا سهرانة كنتسنا فيه ترجع معرفت حتى منين غترحع حتى شدني الارهاق بسبابك ومي رضية شرباتني البيض خضر بزز قلب ليا المعدة تاعي وكلشي بسبابك تفو عليك😠😬
اوس :(بقا مركز معها مرة درب فيه مرة تشير بصبعها وكتعبر بيديها وتغوت داب فيها وفشفيفها كيف كيتحركو مكرهش انقز عليهم اصرطهم  مي شد فراسو حيت حلف حتى ايخليها تگر بكلشي)علاش انا سباب واش انا قالت ليك تسنايني حتى نرجع ولا ديت ليك معيا عنيك وكتسنايني نردهم ليك باش تنعسي بيهم وعلاش رهقتي راسك ومكتنعسيش
سهام: حيت كنت مخلوعة عليك وغرت عليك لتمشي عند شي وحدة وبزاف ديال افكار تجني فراسي (قالتها بلا متشعر ومزال مشعرات اش قالت كملات وهي كتخنزر فيه )كنتي مع شي وحدة ياك انت دوزتي معها هذا 3ايام