فاختة:كل شوية تخبط لباب عليهم وتخلعهم 😬
اوس:(دخل وعنيه على نجلاء كيخنزر فيها)ماجبتيش خالتك انتي كتبغي سيك زياد هدري😠(دار شاف فاختة) خليتك معها باش ملي تفيق دري ليها عقلها ماشي تعاونيها على هبلها
فاختة:اوس لزم حدك اوعرف بلي كتهدر مع ماماك مشي سمعت منك قبيلة تخصار الهدرة وسكت هذا كيعني عجبني هدرتك وانا خايفة منك زائد اش كدير هنا وجهك قاصح دربتي البنت شوية وتقتلها اوجاي دخل زيدها بتخراج العنين بحلا موقع والو
اوس:كون هي دارت عقلها وتبت بحال البنات كون متلقاني كل مرة تبعها جايبها من قنت بحال شي درية صغيرة والى دربتها انا مغلطش هي لي دارت علاش ودبا قدامك غدي نهدر باش تكوني شهدة على كلامي (دار شاف فنجلاء لي كطلعو وتهبطو )تعاودي تخرجي بلا ادني وتعاودي تمشي عندك شي واحد وتوقفي معاه مجرد غير وقفة عادية نگرط موك من ضهرك
نجلاء: (شافت فيه وهي تهدر مع اويس لي جلس كيشوف )حبيبي هز لعبة تاعك واجي خرج برى (دات اويس حتى خرجاتو لبرى وعطاتو باش يلعب وهي ترجع عند اوس وقفات قدامو وهي تنطق)بان ليا تيقتي راسك ولعبتي دور تاع الاخ وبلي راك مسؤل عليا شوف نقولك وقدام اموك وتكون شهدة على كلامي انا هنا على قبل ولاد ختي وانت غدخل سوق راسك وتبعد مني تفرقني عليك ماشي سوق فيا وفحياتي واش ندير فيها نخرج مع من بغيت ونوقف مع من بغيت
اوس:(شاف فيها وزير على يدو ونطق )جربي غير الى سميتك مرأة بنت مرأة جربي عوديها وشوفي اش ندير فيك انتي راكي باقي معرفتنيش
نجلاء: اش غنعرف فيك مزال انت كلك مكشوف ومعروف بنادم مريض فراسو ومعندو لا شغال لا مشغلة غير يدخل فحياة الناس ويبغي يسيرهم كيف بغا شوف سي العلامي انت لي مزال معرفتنيش والى شفتني تهدن وتبت الارض وكنحاول نغير من راسي فبلا متبقا تجي تورك عليا خليني ندير بوجه ولادك 😠(كتغوت عليه وكتشوف فيه بتحدي )
اوس:(مد يدو شدها من شعرها من لور وهو ينطق)فراسك هدرتك بصاح انا معندي لاشغال لا مشغالة غيرك انتي شغلي فهذا الوقت وفنقبلك غير نتي حتى نهرس ليك هذا جهد لي فيك (شد شعرها وقرب وجها حدى وجهو )
نجلاء: (هزات رجلها حتى لفوق وهي تعزف ليه على رجلو بجهد وطلقها وبعدات عليه وهي تنطق )حتى انا لي فجهدك ديرو بغي درب دربني باغي تقتلني قتلني وانا غندير غير لي بغيت حتى نشوف شكون غيعيا
اوس:(شاف فالمجعورة عرف بلي الدرب ميكرش فيها وخا يعيا ميدبز فيها هي مغديش تسوق ليه ولا تخاف منو نطق )بصاح عندك الحق انجلاء درب مكيگرش فيك والهدرة مكتسمعيهاش وخا انا غنعاقبك بطريقتي الموت انتي غطلبيها ومغتلقيهاش صبري تشوفي (كمل كلامو وهو يخرج خلاهم )
فاختة كانت متبعة معهم جابو ليها الضحك حيت ديرين كيف المش مع الفار اوس معصب وكيطير قالت ليه نجلاء معرفتي والو ولاكين فاش سمعات اوس اش قال فالخر خافت على نجلاء منو هو غيعقبها وهذا العقاب اكيد غيدر نجلاء بزاف تنهدات وهي تنوض تبعات اوس لقاتو هز اويس كيلعب معه
فاختة:اوس
اوس:(بهدوء)نعم الوليدة اش كين ياك ما بغتني نمشي نجيب زياد والعدول يدرب الصداق مع البرهوشة
فاختة: (شافت فيه وهي تنطق )اوس اشمن عقاب باغي تعقبها
اوس:(غادي لبيتو وهاز اويس بين يديه)ماشي مهم بيني وبينها
فاختة:(تبعاتو دخلات لبيت وهي تسد لباب ورها ونطقات )اوس اشباغي دير البنت
اوس:غنربيها حتى مبقاش تنفنف
فاختة: (شافت فيه )اوس انت راك فهمتي غلاط نجلاء نزلات عند زياد باش تسالي معاه هي على قبل ولادك بغات تضحي بحيتها ومستقبلها (عودات ليه كاع لي قالت ليها نجلاء واش واقع وعلاش زياد كان شد فوجها سلات وهي تشوف ف اوس)لبنت ضحات بكلشي على قبل ولادك هي تفرقات مع زياد باش متبعدش على ولادك هو مخلا مقال ليها هو كان بغا يسكنها جنبك ويخليها تربي ولادك ولاكين هي رفضات حيت قالت ليه بلي غيجي شي نهار غيعيا وغيطلب منها تخلا على ولاد ختها خلاصة القول نجلاء تحط مستقبلها وحياتها فكفة وتحطو ولادك فكفة وختارت ولادك وانت اش درتي معها وباش جزيتها بدرب والسبان والمعيور دبا لي غنقولك هو راه اباك جاي فالطريق هو لي اعرف ليك حيت انا قضيتي ليا جهدي 😠(خنزرات فيه وهي تخرج)
اوس: (بقا واقف مكونسي فبلاصتو وهدرت الام تاعو كدور فدماغو هو ضلم نجلاء تاني جلس وحط ولدو فحجرو )انا شفتو كان غيبوسها هي مكانش عليها تخليه اقرب ليها هي نيتها صافية ولاكين داك زمل كان باغي يبوسها 😠(تنهد وناض هز اويس ومشا عند نجلاء لبيت ولاكين قبل ميوصل بانت ليه خارجة هازة إقبال والبيبرونة شاف فيها يلاه غينطق وهي تخنزر فيه ومشات خلاتو واقف وهو يهدر مع اويس)شفتيها كيف نافخة ريشها بقا ليها غاشوية وتفرگع (مشا عندها الكوزينة لقها كتقاد بيبرونة ل إقبال وقف كيشوف فيها )نجلاء
نجلاء:😠 (نخلاتو وهي تهز بيبرونة تاع إقبال وغدية بغات تخرج)
اوس:(تنهد وهو يشدها من يديها )كنهدر معاك وقفي هدري معيا
نجلاء: (نترات يدها منو )طلقني انا وياك مبنتناش هدرة فرقني عليك داكشي لي عندك راك قالتيه ودبا عطي هذا اللقيطة بتيساع😠(خنزرات فيه وهي تمشي دخلات لبيتها تما فين كانت فاختة كتصلي جلسات جنبها وبدات ترضع فإقبال )
عند اوس تفكر هدرتها وهو يمشي عندهم حطلهم اويس وخرج فحالو نجلاء وفاختة وكلو دراري ونعسهم وخرجو تغداو وجلسو شوية سمعو صوني فالباب مشات فاختة حلات لقاتو مصطفى لي وصل
فاختة: على سلامة
مصطفى: (بسها فحبهتها:)الله يسلمك
دخلو وجلسو فالصالون نجلاء جمعات المواعن وهي تخرج عندو لقات فاختة جلسة معاه
نجلاء: سلام عمي (قربات ليه باش تبوس ليه يدو وهو بوقف جرها بسها فرسها وعنقها)
مصطفى: اهلا بنتي لباس عليك
نجلاء: (حسات بواحد الاحساس زوين حسات بلي ربي كيعوضها يا مكانت تتمنى حضن من الاب وتسمع بنتي وهاهي سمعتها وحسات بالحضن فعلا حضن مصطفى صدق وحنين)لباس عمي الله يحفظك
(جلسو كيهدرو ويضحكو وقفات نجلاء مشات عمرات اتاي وحطات الحلوة والوز والكرگاع تمر الكوكاو البيستاج مهم مخلات محطات تهلات فحمها هههه جات لقات مصطفى مغوبتش باينة فاختة عودات ليه جلسو كيشربو ف اتاي حتى تحل الباب دخل منو اوس جا سلم مع الاب ديالو سلام رجولي)
اوس: الوليد لباس عليك على سلامتك
مصطفى: (كيخنزر فيه وهو يتمالك اعصابو حاول ميبينش قدام نجلاء لي جلسة مكتشوف فاوس )لباس الله يسلمك ولدي
اوس:كديرين الدار لهيه
مصطفى: كيف خليتهم
(جلسو كيشربو ف اتاي واوس كيشوف مرة مرة فنجلاء لي معبرتوش حتى فيقو مصطفى بهدرتو)
مصطفى: اوس ممكن تبعني واحد.دقيقة المكتب بغيت نهدر معاك
اوس:وخا الوليد (مشاو نزلو لتحت ودخلو لمكتب تاع اوس جلس مصطفى وكيشوف ف اوس شحال وهو ينطق)اوس بغيت نهدر معاك فواحد الموضوع كيخص ختك هاجر
اوس:ملها هاجر
مصطفى: واحد الحمار تعدا عليها دربها
اوس:(وقف وهو ينطق)كيفاش شكون هذا لي حط يدو عليها انا نشرب من دمو
مصطفى: متقدرش
اوس:(درب يدو فوق البيرو)كيفاش منقدرش
مصطفى: (شاف فيه وهو ينطق)بغتي تعرفو باش تفاهم معاه ايوا تفهم مع راسك
اوس:مافهمتش انا مدرت والو ل ختي
مصطفى:الله سبحان عادل يمهل ولا يهمل دكشي لي درتي ف نجلاء ضل تبكيها وتخدم يدك قبل فمك ترضى هكا لختك ولا بنتك تبغي لي يدربهم ويسبهم بحال كيف درتي لبنت
اوس:انا مضلمتهاش انا نبهتها شحال من مرة وانت فبلاصتي راه تصرف بحالي كون تشوف الوضع باش لقيتها مع هذاك راه غير تحكم فراسي ودربتها حيت هي فمها مبري منها وكدير غير لي قالها ليها رسها
مصطفى:وانت بشمن صيفة كتهدر معها هكا وتدربها شكون انت
اوس:انا مأمن عليها من عند ختها وهي غتولي مرتي
مصطفى: غتزوج بيها يعني باقي متزوجتيها وانت مشي رجلها اولا تانيا مزال اصلا مهدرتي فيها مع الاب ديلها يعني معندك حتى شي حق وكون هي تعيط لخوها ولا اباها تعاود ليهم اش درتي كيف غتكون ردت فعلهم اكيد مغديش يقبلو بنتهم تهان وتدرب كيف مانت مقبلتيش ختك تدرب ولا انا غلاط(هز اوس نفسو بغا يهدر وسكتو مصطفى)اوس شوف انا راه مابغيتش نخصر صحبة تاع كتر من 30 سنة بسبابك براهيم راه صاحبي وبنتو بنتي وانا منقبلش تدرب فوصط داري من طرف ولدي
اوس:انا كنت معصب ومعقلتش على راسي اش كندير داك الوضع فاش لقيتهم خلا دمي يفور كون مدخلتش ف اخير للحضة هداك كان يبوسها فمها (كيقول فيها وهو معصب وكيزير فيدو وعنيه حمرين )
مصطفى: (شاف فيه عرفو غار عليها حبس الضحكة غير بزز )اوس الى بغتي البنت خاصك تمشي تخطبها من عند الاب ديلها والى عطها ليك ديك الساعة عندك الحق تهدر معها وتقول ليها اش دير واش مديرش فهمتي
اوس:فهمت اصلا انا بغيت نستعجل فهذاشي باش نحيد عليا وجع الرأس لي انا فيه
أنت تقرأ
زواجي من صهري 💍مكتملة💍
عاطفية💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
