زواجي من صهري 💍مكتملة💍

الجزء 92 💍❤️

نجلاء تحنات  كتقاد فالبيبرونة  وهي تكوز ل عماد بمسعودة وتيشورت تعها طالع ليها على ضهرها
دخل اوس لي عريان من لفوق لقا داك المنضر معجبوش الحال خصوصا فاش شاف عماد بغا ياكل نجلاء بعنيه
اوس:اش واقع هنا
عماد:(شاف فيه وهو ينطق)هاك خويا بنتك راه تقبات ليا طبل دودني ناري شحال صعاب دراري صغار احسن عوانك نجلاء
اوس:(شد اقبال من عند عماد.ومشا وقف درق نجلاء بضهرو هههه )حم بنتي حبيبة مالك علاش كتبكي (دار شاف ف اويس وتقدم عندو)اويس حبيبي
اويس:(خشا وجهو فعنق نجلاء باقي فيه النعاس غير اقبال لي فيقاتو محمل حد مد يدو بعد وجه اوس لي كان بغا يبوسو)لا لا نونو
اوس:(شاف فيه كيفاش مخشي فنجلاء)حبيبي شوف بابا جاي عندك توحشتك
اويس:(عاد.حل عينو شاف فيه )بابي 😁
اوس:(نزل شدو من عند نجلاء ولاكين قبل ميشدو مد يدو نزل تيشورت ل نجلاء وهمس ليها حدا ودنيها)نزلي حوايجك وتستري(على لرسها اخويا انت مخلي ليها جوج ولاد صغار باقي كيتخرقو ويرضعو وكتقول تستري ملي مزال لبسة حوايج وغير طلعين راه لباس ههه)
نجلاء: (بدات تنزل فحويجها وتقاد فشعرها ومدات يديها)ارى اقبال نردعها راه بيبرونة تعها بردات
اوس:(مدها ليها وشد اويس كيلعب معاه )حبيبي توحشتك انا
عماد:(شاف فهم ونطق)حتى اويس توحشك ديما كيبقا يسول فيك مزيان ملي رجعتي اخويا نجلاء كنت معدب معهم بوحدها
اوس:(مكرهش ينوض يفرشخو كلما تفكر بلي هو كيدخل لبيت نجلاء ويلقها بداك الحالة )انا دبا رجعت وغنقابل ولادي ونجلاء معهم
نجلاء:😒(بينها وبين رسها )قبلتي حتى رسك
اويس:بابي سفتي مومو
اوس:اه شفتو حبيبي زوين بزاف بحالك
عماد:هي كتشبه ل نجلاء بزاف
فاختة:(من قدام الباب )كلهم كيشبهو ل نجلاء تقول هي لي ولداتهم 😊
اوس:(دار شف فالام ديالو )الوليدة
فاختة:(قربات عندو عنقلتو بحب )على سلامتك ولدي خلعتني عليك
اوس:(عنقها وبسها فرسها)الله يسلمك الوليدة ويحفظك ليا
نجلاء بقات جلسة كتشوف فهم كيفاش كيتبادلو العناق الحنان تنهدات وهي تنزل رسها كتشوف ف إقبال
عماد:(جا جلس جنبها فوق سرير وبدأ يلعب مع اقبال هو كيستغل اي فرصة باش يكون جنب نجلاء) هاهي البخوشة سكتات هاهي كترضع وكتشوف ودبا انتي زوينة فاش سكتي خلتي طاتي مسكينة مبهدلة معاك هاأ
نجلاء: ههه غير كتفيق إقبال كتفيق الدار معها هههه مسكين اويس باقي مشبع النعاس وفيقاتو (كتهدر وتبتاسم وعماد دايب فيها شي لي عصب اوس لي دار كيشوف فهم)
اوس:حم نجلاء يلاه نزلو تفطري(كيقولها ويخنزر فعماد
فاختة:اه يلاه بنتي انا جيت نعونك فالولاد ساعة لقيت عماد سبقني كيف ديما 😊(كتزند ف اوس هههه)
اوس:(زير على يدو بالاعصاب )حم يلاه نزلو تفطرو
نجلاء: (شافت فاختة)خالتي هاكي إقبال نزليها انا بغيت نبدل حويجي ونصلي ونزل
فاختة: (تقدمات شدتها من عندها)بسم الله صباح الخير حبيبة دات جدها (شافت ف اوس)يلاه ولدي نزلو تفطر
اوس:(كيشوف ف عماد لي جلس كيشوف فنجلاء )عماد يلاه تفطر
عماد:اه يلاه (وقف )
نزلو لتحت فين كانت الجدة ومريم والبنات ومصطفى جلسين
اوس:صباح الخير
الجدة: (وقفات وشدات العكاز ديلها)اوس وليدي حبيبي 😭
اوس:(تقدم عنها وتلاح فحضنها عنقها وهي كدرب فيه )الميمة لباس عليك
الجدة:فين مشتي فين مشتي وخلتينا
اويس:(بدأ كيبكي فاش شفها كدرب اوس لكتفو)عااااععع بابي
مصطفى:(شدو من عند اوس)هههه شوفو البطل تاعي كيبكي على باباه اجي خلي الوليدة تجبد ليه ودنيه اتعلم امشي ويخلينا مشطونين من جيهتو
اوس:ماشي لخاطري الوليد
مريم:(كدمع)مهم رجع لينا الحمد لله على سلامتك ولدي
اوس:الله يسلمك عمتي (دار عنق اباه)الوليد سمح ليا
مصطفى:ششش متقول والو المهم رجعتي لينا ولولادك
هاجر:(جات عنقاتو)خويا حبيبي على سلامتك خلعتيني عليك😭
اوس:(عنقها بحب )ششش هاني رجعت قولي تهلتي فولادي فغيابي
الجدة:اصلا خالتهم مقصراتش من جهدها هي مخلتهم يحتاجو لشي حد اخور
مريم:اه نجلاء الله يرضي عليها تكلفات بيهم بحلا سهام باقي عيشة
اوس:(زير على يدو )حتى حد ميعوض بلاصة امهم
الجدة: الله يرحمها
نجلاء: (جات نازلة جتى شافت اوس كيعنق فعائلتو ويرحبو بيه وهي توقف كتشوف من دروج ودمعو عنيها  )😭
جاد:(جاي نازل حتى هو بانت ليه واقفة وهو ينطق)صباح الخير سوبير نجلاء صافا
نجلاء: (دارت عندو )اهلا جاد صافا
جاد: كتبكي
نجلاء: (مسحات عنيها)غير دمعت شوية
جاد:كيف بقتي صافا
نجلاء: وي صافا خويا
جاد:يلاه نزلو
نزل جاد هو ونجلاء
جاد:صباحووو  خليتو ليا شوية دالحنان ولا غمرتو بيه اوس بوحدو 😌
مريم:جادو جاي مرحبا بيك
(تقدمو سلمو عليهم كلهم وصل ايمان لي معبراتوش  وهو ينطق) هاي امونة صافا.
ايمان:صافا ولد خالي بيخير كيدير خالى والبنات وطاتي سعاد
جاد :مزيانين كيسلمو عليكم
ايمان:مزيان (مشات عند نجلاء وهي تعنقها)صباحووو بب كيف صبحتي اليوم
نجلاء: مزيان حبيبة
هاجر:نجولا صافي جا اوس غدي انقص عليك ضغط تاع الولاد وغنوليو نخرجو ياك 😍
مريم:اه مزيان تخرجو نجلاء مسكينة حيت من نهار جات وهي غير مع الولاد
عماد: (شاف ف جاد)جادو العشية نخرجو بحال ديك الخرجة لي درنا شحال هذي
جاد:لي سلات ب لبوليس خهههه
الجدة:والله وتشدو هذا الخطرة حتى نسيفط محامي نقول ليه يفرقكم ديال بصاح
الكل:هههههه
مصطفى: (شاف نجلاء لي واقفة مكضحك موالو تنهد ونطق)اجي بنتي جلسي تفطري
تقدمات نجلاء جلسات وجا عماد جلس جنبها وكينزل يهمس ليها مرة مرة فودنها  اوس بقا غير متبع ليهم العين
اويس:مامي مشي مامي
اوس:(اسحاب ليه بغا سهام)ولدي مامي مكيناش
فاختة:هو كيقول ل نجلاء مامي هو بغا يمشي عندها
اوس: (شاف فنجلاء لي معرفت اش كتقول هي وعماد نطق لي نزل كتهامس هو وياها تعصب اوس ونطق)نجلاء اجي حدا اويس (جر كرسي حداه)
نجلاء: (شافت فيه وهي تنوض دارت وجلسات حداه وهي تشد اويس كتوكلو)شربتي حليب
اويس:لا ننن
الجدة:هههه هداك طلع ل اوس فاش كان صغير مكيبغي يشرب الحليب
فاختة :هههه وييه شحال كنا نتبعوه بالحليب فالدار
نجلاء:اويس فاش يشوف اقبال كترضع لبيبرونة كيحيدها ليها
مريم:هههه فكرني غير فعماد وايمان فاش كانو صغار كان كيغير منها هههههه ديما محيد ليها بيبرونة وخا كبير عليها
جاد: هههه كان معدي على ايمان مسكينة حتى طجات وخلات ليه دار
ايمان:(شافت فيه وشافت فعماد ونزلات رسها بحزن )😢
عماد: (شاف فيها هو من نهار عكلها وضحك عليها وفاش دربها وهي مبعدة عليه مكتهدرش معاه ناض وقف مشا لبيتو)بصحتكم
نجلاء: (تبعات ليه لعين حتى مشا وهي دور كتوكل ف اويس)حل فموك نشوف
اويس:ننن بابي(دفع ليها يدها زعمة وكلي اوس )
مصطفى:كولي بنتي هداك راه كيتفلا مبغا ياكل
فاختة:باين باقي فيه النعاس
الجدة: (شافت ف جاد )ولدي جاد ايمتى يجي اباك خلاص نمشيو
اوس:فين الميمة
الجدة:انا ومولاي دريس غنمشيو العمرة ان شاء الله راه غير تسنيتك ترجع اولدي
اوس:الله يقبل الميمة (بس يدها بحب)
جاد:بابا راه غيسالي شي شغل ويجي هو والوليدة
الجدة :ان شاء الله
فطرو الكل في سلام رتاحو اليوم فاش رجع اوس عرفو القمة منين دازت ليهم قبل كانو غير يجلسو وينقبو والحزن فعنيهم
دازت شي خمس ايام وصل مولاي دريس ومرتو سعاد حيت مولاي دريس والجدة غيمشيو العمرة
فهذا خمس ايام اوس تقرب من ولادو كيتعاون عليهم هو ونجلاء وكيراقب تصروفات عماد لي باين فيه كيتقرب من نجلاء معجبوش الحال
اليوم كلشي مجموعين ستقبلو مولاي دريس ومرتو وبناتو كلشي ناشط
نساو سهام ههههه هكا هو الانسان حتى الاسم مشتاق من كلمة نسيان دغية كينسى اش وقع
فالجردة كانت ايمان وهاجر لي تافقو فاش تبدلات ايمان مبقاتش مغرورة وانانية ولات عزيزة على هاجر وكينة حتى اسراء معهم
اسراء:ايمان تبدلتي زينتي
هاجر:وييه تبدلات بزاف من اخير مرة خرجتها نجلاء رجعات لينا ايمان وحدة اخرى بغيت غير نعرف اش دارت ليها واش فرمطاتها ههههه
ايمان:هههه لا غير خلاتني نبغي راسي ونقدرو ونحتارمو وفاش تعلمت كيفاش نحتارم وليت نتلقا الاحترام من ناس
اسراء: من ديمة كنتي زوينة غير انتي لي كتبغي تبيني صورتك بطريقة خايبة مهم انتي كنتي بغتي تباني شي حاجة لي مجاتش معاك
هاجر:بغات تكون نسخة هههه
ايمان:كن نفسك (قالتها وتفكرات كلام نجلاء )
جا جاد جلس حداهم
جاد:سلام البنات صافا
اسراء: الحلوف خطيتك علاش مقالتيش ليا غتجي المغرب كون جيت معاك
جاد:(شاف ف ايمان بحب )انا جاتني فورصة وستغليتها كون جيت نقولك كون تحرك اوس وخلاني وانا توحش المغرب بزاف
هاجر: ههههه حتى المغرب توحشاتك ممم شبان ليكم نخرجو فالعشية نرجعو يامنا لي فاتو ههه
جاد:وي علاش لا
اسراء:خصنا نديو معنا نجلاء مسكينة بقات فيا كتبان حزينة بزاف
ايمان:حيت خصرات ختها راه صعيبة تخصري اقرب الناس خصوصا ختك ولا خوك
عماد:وعلاش قطعتي لغا معيا المنافيقة ملي كتعرفي فهذاشي(كان واقف ورها )
ايمان:(وقفات بغات تمشي فحلها )😢
عماد:(خلها حتى بغات دوز من حداه وهو يشدها من يدها جرها عنقها لصدرو )سمحليا اختي كنت برهوش وكنت نتصرف معك خايب سمحليا عافك على كلشي
ايمان: هئ هئ هئ انت عمرك حملتني فحياتك من صغر وانت تدرب فيا وتعيرني كنتي تلعب مع بتسام وانا كدربني وضغطو عليا انت والميمة حتى هربت كبرت بعيدة على ماما بسبابكم وفاش رجعت بقتي تحتقرني وتعيرني بالغلض وتديرني ضحكة وضحك فيا الناس (بقا فيها الحال فاش عكلها جرحها بزاف بعض تصروفات كنديرهم من باب المزح ولاكين كنأديو بيهم الناس وكيبقا فيهم الحال وعمرهم ينساو دكشي)