**بارت5**
**زواجي من صهري**
سهام: واش بابا الى شفها غيبغيها بحالي انا كرهتها فالاول وملي شفتها بغيتها بزاف هي زوينة وصغيرة هي ماشي قتالة
الجدة:اه اقدر الى شفها ابغيها اش بالك تديها عندو وريها ليه وسميوها انتي وياه هاأ
سهام: اه وخا (هزات سهام البنية وخرجات بيها مشات لبيت الاب تعها وهي فرحانة مهزتها دنيا تبعتها الجدة من لور بشوية تشوف ردت الفعل تاع ولدها واش غيحن ولا غيحقد هي كطلب الله احن ولدها وصلات سهام عند سي براهيم لي جلس كيشوف فحوايج مرتو مشتتين قدامو وتصاور تعهم وتاع ولادهم فاش كانو صغار حتى دخلات عليه سهام
سهام: بابا شوف اش جبت
براهيم:(بلا ميشوف فيها نطق )دي هذيك ردها لجداك خرجيها من هنا
سهام: بابا اختي زوينة اجي شوفها هي مقتلاتش ماما هي بريئة
براهيم: سهام خرجي متخلنيش نوض ليك
سهام: (بدات تبكي حيت غوت عليها اباها)😭
براهيم: (سمعها كتنخصص وهو يغمض عينو ونطق)سهام بنتي متبكيش شوفي عافك دي دكشي مبغيت نشفو قدامي حيت كلما شفتو كنتفكر ماماك لي خشيت تحت تراب
سهام: بابا ولاكين هي مدارت والو
براهيم: انا لي درت ملي طوعت ماماك وخليتها تحتافض بيها فكرشها😠دبا خرجيها قبل منوض ندير دكشي لي كان عليا نديرو قبل
سهام:(خلعها وخرجات من عندو لقات الجدة قدام لباب كتبكي اه الجدة كتبكي على الحالة لي وصلها ولدها هو ولا واحد حقود مفقلبو لا رحمة لا شفقة على بنتو)الميمة هو مبغهاش
الجدة: سيري رديها لبيت نعسها الى مبغهاش حنا نبغيوها
هكا داز اسبوع على ولادة تاع البنية لي لحد الان معندهاش سمية ومعندهاش هوية سهام ولات تنعس جنبها هي وايوب وتوكلها وتراري بيها تبدل ليها مكتخليهاش ولا دقيقة سي براهيم باقي على موقيفو هو لحد الان مشافش فيها ولا قرب ليها ليوم نهاس السبوع الجدة بغات تدبح وتسمي البنية حيت شفت ولدها متسوقش مشات عيطات العربي ووجدات الحولي وكلشي لبسات البنية حويجات جداد شدتها سهام وقفو بغاو ادبحو ولاكين فينهية سمية
سهام: شافت الاب تعها دايز باغي اخرج وهي تنطق)بابا اشنو نسميو اختي
الاب:سميها النحس المنحوس (قالها وخرج)
العربي:(لا حولا ولا قوة الا بالله
السعدية:الله اهديك اولدي الله اهديك ويغفر ليك هذا الدنوب لي كدير فهم
سهام: الميمة اش بان ليك نسموها نجلاء
الجدة: نجلاء اش هذا الاسم ابنتي
سهام: عافك الميمة خلني نسميها نجلاء بحال سميت ديك المعلمة تاعي هذيك زوينة لي كنمشي نبات معها عافك
الجدة: واشنو معنا هذا الاسم
سهام: قالت ليا الاستادة بلي معنى سميتها هو الحسناء واسعة العينين وحتى ختي عنيها كبار نسميوها نجلاء
الجدة: خمسة وخميس عليها كي شفتيها تخليها تبارك الله مشالله
سهام: تبارك الله انا مغنقوس عليها حيت هي حبي ياك الفنون تاعي
العربي: واش ندبح على اسم نجاة
سهام: لا اعمي نجلاء الله اهديك
العربي:خالتي اش بان ليك
الجدة: توكل على الله
دبح العربي وسموها نجلاء الجدة صدقات اللحم تاع العقيقة حيت مغديرش السبوع هي صدقاتو على الفقراء وهكا حتفلات بالحفيدة نجلاء لي كتكسر الدنيا بالغوات موالفة ليدين بسباب سهام لي غير هزاها وملي تمشي لمدرسة توحل فيها الجدة هكا دازت 3 سنين على موت عتيقة وباقي سي براهيم على موقيف تاعو كيتهرب من نجلاء كيشوفها كتحبو جيهتو كينوض ابدل لبلاصا عمرو هزها ولا كمل فيها شوفة كبرات على هذا الوضع مسكينة كتعرف غير سهام وايوب والميمة هوما لي كيهدرو معها اما براهيم ولا كيسافر كتر مكيجلس ولا دير بيكوب كيبيع ويشري فالكسيبة عطيها غير لسواق قليل قليل فين كيجي اشوف ولادو ويزيد خلفا امشي تاني لسواق هذاشي لي خلا نجلاء متعلقش بيه ولا تعرفو حيت من ديمة مكيهزها ولا اقرب ليها وزيدها كيسافر ودراري صغار لي مكيشفوش بزاف مكيتسوقوش ليه
نهار على نهار نجلاء كتكبر وكتزيان سبحان من سواها جمالها بوحدها مكينش بحلها فالدوار نجلاء وصط ناس دوار كتبان بحلا جاية من شي دولة اخرى عنين گرين شعر اسود مخلط بالقهوي فم صغير منفوخ وعنين كبار مشفرين حجبان مطرسين وكتيفين اية في الجمال ومهدنة سكوتية ماشي بحال فاش يلاه جات غير كتبكي هههه نجلاء عندها سهام بحال مومو تاع عنيها الى خرجات بلا بيها اش جا ميسكتها لهم هذاشي علاش كتبكي هو متخليهاش اختها الى معها سهام متسوق لحتى حاجة
:نجلاء نجلاااااء
ايوب:نجلاء يلاه ندخلو راه سهام كتعيط ليك
نجلاء: بيت جاجة الاه نهز جاجة صعيرة افاك ايو (بغيت دجاجة صغيرة نهزها عافك ايوب ايوب كتقول ليه ايو باقي مكتهدرش مزيان حيت يلاه تلات سنين)
ايوب:لا راه غتنقبنا امها
نجلاء: (جمعات يديها قدمها ودلات شنيفها )لا بيت جاجة ديالتي
سهام: نجلاء علاش كنعيط ليك مجتيش مالها بغات تبكي شكون دربها
ايوب:قالت ليك بغات نجيب ليها الفلوس صغير
سهام: (شافت فيها وهي ضحك)هاكك حبيبة تاعي بغات تجبد لينا صداع مع دجاج ياك بغتي امو تحيد لكم عنيكم هزو ولدها
نجلاء: انا بيت بوسو صافي
ايوب:ههههه قالت ليك تبوسو هذي مسطية
سهام: احبيبة راه غدربنا ماماه
نجلاء: هئ هئ انا بيت بوسو منديهش ليها تبوسو ونحطو
سهام: شش صافي صافي متبكيش احبيبة ايوب سير جيب ليها كتكوت تشوفو وردو
ايوب:اشنو ياك ميسحاب ليك مسطي باش نمشي تنقبني دجاجة لهيلا
سهام: مالك خواف ازمر غير خبيه راه مغتشوفك امو
نجلاء: افاك ايو زيبو ليا(كتشوف فيه بعنين تاع المشة)
ايوب:تفو كدير ليا شي حاجة بعنيها حتى كندير لي بغات
سهام: ههههه سميتو تنويم النغنطيسي اخويا وراه حتىانا نومتني بيه شحال هذا وليت ندير غير لي بغات ههههه
نجلاء: هههههه(كضحك وخا معرفاش اش كيقلو)
ايوب: هههه هاهي كظحك نمشي نسرق الكتكوت ونجي دعيو معيا متقتلني امو
سهام: بتوفيق
مشا ايوب كيتسلت وهز واحد الفرخ تاع دجاجة بتخبية وغادي بيه عند سهام نجلاء يلاه قرب وهو يغوت لفرخ سمعاتو دجاجة وهي تنفخ ريشها وجات كتجري هجمات عليهم
سهام: ايوب هرب هرب حط لفرخ وهرب (قالتها وهزات نجلاء كتجري بيها )
ايوب:(دار شاف دجاجة كي نافخة وكتغوت تخلع وهو يهرب تبع سهام ودجاجة تبعاتهم كيدرو فجردة وغوتو
سهام: ايوب حط ليها ولدها
ايوب:(تلف معرف ميدير شد الكتكوت فيدو وكيجري)وااااع ناري كطير عليا
نجلاء: هههههههههه سوف سوف ههههه جاجة تلعب معنا هههههههه
ايوب:اشمن لعب حتى انتي اي والميمة (طارت ليه دجاجة فوق راسو نقباتو هههه)
سهام: ازمر حط ولدها راه عيت من جرى ولا متهربش جيهتي اووف
ايوب :فين نحطو راه الى وقفت غدي تنقبني هئ هئ
سهام: غير حطو وهرب
ايوب:راه الى طلقتو ايموت
سهام: لحو لتبن ازمر راه عيت
لاح ايوب الفرخ لتبن ومشات دجاجة عندو وهوما يوقفو سهام شافت ايوب عنقو فيه دم حيت نقباتو جاجة شحال من مرة
سهام: (حطات نجلاء وكتصوط بجهد تقطع فيها سوفل)اووف اوف عيت
ايوب:انا عيت ووعنقي كيوزوز عليا ايي شوف دم
سهام: هههههه اوف مي كرشي
نجلاء: يلاه لعبو مع جاجة تاني 😂نهربو وتزري ورنا🏃(قالتها براءة شي لي خلا ايوب اتفرگع بضحك)
ايوب:هههههه وييه لعبو معها ونوبتك انتي تهزي ولدها
آراءكم فالبداية..... متبخلوش عليا بالاراء نتلاقاو غدا تاني مع 5 أجزاء
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
