زواجي من صهري 💍مكتملة💍

الجزء 120 💍❤️

نجلاء: ويلي عمو مشفتنيش لبسة قفطان وديرة كحول فعني والعكر شوف هانت (ورات ليه وجها)والله العاظيم الى درتو لراسي وفراسك عمري درتو حتى اليوم ولبسة قفطان جوهرة بالرندة وديال ختي سهام من الفوق دخلت هزيتو من بيت العريس وتقول واش انا موافقة لا حتى هذي لا اسي العدل (صافي اوس وصلات فيه لعضم بغا ينوض يخنقها كون ما فاختة لي جات جلساتو وهدرات)
فاختة:هي قابلة اسي غير عجل كيف كيقلو خير الامور عجيله
نجلاء: سمعتي حتى حماتي قالتها ليك
توريا:😳😳😳
اوس:(تحنا عندها همس ليها فودنها)تعاودي تنطقي بشي حرف سنانك نستفهم ليك قدامك تحسبهم
نجلاء: (بتسمات وهي تنطق)تجني الفرصة نهدر نعاود نهدر انا مغنسكتش كتسمع غدي نقول كاع لي فقلبي
اوس:سكتي حتى اخرج العدل وقولي لي بغتي باش منوضش ليك نفرجهم فيك
نجلاء: علاه باقي مرديتنيش فراجة قالت نعاونك نفرجو فينا الناس كتر
العدل:سيدنا نكملو
مصطفى: تفضل اس
العدل:اوس العلامي واش تقبل تزوج ب نجلاء الراضي
اوس:(زير على يدو )اه قابل
العدل: شاف فنجلاء )نجلاء الراضي واش تقبلي الزواج من اوس علامي
نجلاء: (غمضات عنيها وزيرات على يديها وبدات تفكر ختها سهام داز شريط حياتهم مع بعض قدام عنيها وصلات للقطة فين كان اوس وسهام كيتزوجو فنفس البلاصة كانو العدل وكانت سهام واوس الناس لي حضرو العرس وكانت نجلاء لي باقي صغيرة مخبية من اوس كطل عليهم من بعيد شافت سهام فاش قالت قابلة وهي مبتسمة نطقتها نجلاء حتى هي)قابلة قابلة (حلات عنيها شافت اوس كيوقع ومد ليها القلم باش توقع شداتو بين يديها وكتزير عليه بغات تهرسو بغات تهرب بغات تغوت معرفاتش اش بغات زيرات على الستيلو وعنيها مغمضين حتى حسات بدين صغار دفين تحطو على فخضها وسمعات صوت حنين )
أويس:مامي😊
نجلاء: (حلات عنيها وشافت فيه وركزات شوفة فعنيه لي كيلمعو وفمو فاش قال مامي مدات يدها وقعات على العقد وهي تحط الستيلو وهزات اويس بين يديها وقفات وتمشات فحلها بغات طلع بان ليها ايوب والعربي دخلو من لباب وقفات كتشوف فهم حتى وصلوها)😢
ايوب:نجلاء حبيبة
نجلاء: انا وقعت اخويا تزوجت تدفنت فالحياة
العربي:(شدها من وجها وهو ينطق)بنتي ربي سبحانه عندو حكمة فهذاشي وربي مدام ايسرو وكلشي كمل ادن هو مخبي ليك ماحسن بنتي نجلاء وعسى ان تكره شيئا وهو خير لكم وعسى ان تحبو شيئا وهو شر لكم امني بالله بنتي وتيقني ربي مينساكش ابنتي
نجلاء: ونعم بالله عمي ونعم بالله (شافت موراه بانت ليها عجوز جاية لبسة جلابة ومغطية بواحد شال جية بشوية عليها وصلات عند نجلاء وهي تعنقها لصدرها)
مرت العربي:بنتي حبيبتي هنية عليك ابنتي انا فاش جا ايوب قاليا اش كاين مقدرتش منجي نشوف هذا النعمة تاع الله لي سميتها نجلاء لي قلبها حنين وطيب وانا غنقول هنية عليك بنتي حيت درتي شي حوايج لي مزيانين انتي تزوجتي باش تكوني أم لهذا الملائكة الصغار وهذي هي بنتي نجلاء لي كنعرف كضحي بكلشي فسبيل لي محتجها واليوم انا خرجت من داري وخا دروني رجلي وصحتي على قد الحال باش نجي نشوف المتال تاع الحنان والحب والتضحية كنت نسمع بيهم واليوم شفتهم بعيني والى سولني شي حد على الحب والحنان والعطف والتضحية والصبر والقوة غدي نختصرهم ليه ف كلمة ونقول ليه بنتي نجلاء اه بنتي نجلاء هي هذو كلهم (دمعات وهي تبوس نجلاء فرسها بوسة طويلة )
نجلاء:(حتى هي دمعو عنيها وعنقتها )منكم منكم تعلمت اخالتي منك ومن عمي العربي ومن خويا ايوب وختي سهام انا تعلمت هذاشي ومن ماما عتيقة تعلمت التضحية
الكل بداو يبكيو ومنهم براهيم لي لاول مرة يشوف بنتو اول مرة يلتافت ليها ويسمعها كتهدر وكتعبر عرف بلي نجلاء جوهرة ماشي نحس كيف سمها شهق بالبكا وحط يديه على وجهو )
ايوب:(بسها فرسها)ختي متنسايش خوك جنبك ومعاك
نجلاء: عارفة خويا عارفة وعمري نسها ياكفي خويا ايوب لي كان صغير ويضحي بدكشي لي كيبغي باش يشري ليا انا ويكفي انهو كان يضحي بحياتو باش يفرحني (تفكرات فاش عود ليها على دجاجة وعلى شحال من مرة سيفطاتو اشد شي حيوان ويجيبو ليها تبوسو وهو كياكل دقة وهدرات على فاش كان يحيد لراسو ويشري ليها لي بغات حيت الاب ديالو كيعطيه الفلوس هو وهي لا )
ايوب: (بسها فرسها وهو يخرج حيت دموعو خنقوه مبقاش قدر ينطق)😭😭😭😭
نجلاء: (تبعات ليه العين حتى خرج وهي تنهد عرفات خوها وصلات فيه العضم وباغي يخبي دموعو خلاتو على راحتو حيت حتى هي كتعرف هذا شعور فاش دموعك كيخنقوك ومكتقدرش تنطق ولا تنفس كتبغي تهرب من الناس تمشي تشهق فشي خلوة بوحدك شافت فالعربي لي مشا عند اوس وهي تمد يدها شدات فيد مرت العربي ودتها معها تجلسها)اجي خالتي (وصلتها جنبهم ناد العدول خرجو)
العدل:الله يكمل كلشي بخير وعلى خير
مصطفى: امين يارب(ناض خلصهم وطلب من الخدمة ترفقهم لباب )
مرت العربي: (هزات يد نجلاء وبستها وهي تمشي معها وصلات عند الكل وهي تنطق)السلام عليكم ايت العلامي ولا ايت الراضي سمحولينا على هذا الدخلة ولاكين منقدروش منوقفوش جنب بنتنا نجلاء فهذا النهار انا ربي شهد عليا بلي هذا البنت بنتي وخا مولدتهاش من كرشي هي بنتي بحلها بحال وليداتي لي ولدت ورضعت هذا البنت بطيبت قلبها وبإحسسها قدرات تخلي قلبي ينبض ليها وكبدتي ترتاعش ليها لي جيت نقول ليكم هو هذا البنت (شافت فاختة ومصطفى واوس)بغيتكم ديروها فعينيكم وتخليو حياتها لي جاية حسن من لي كانت عايشة فيه(دارت خنزرات فتوريا وبراهيم وتقدمات عند فاختة)نتمنى ديريها بنتك وتعمليها بحال كيف تعاملي بنتك اختي
فاختة: (دمعات وهي تنطق)نجلاء بنتي قبل متكون مرت اوس هي بنتي من نهار جابتها سهام عندنا وانا كنعتبرها بنتي وربي شاهد عليا
العربي: (شاف ف اوس)ولدي انا مغنقولك بلي نجلاء صغيرة وديها على قد عقلها وسايس معها وصبر ليها لي غنقولو ليك هو ان هذا البنت عاشت لي اشيب الراس ولي يخرج العقل وعاشت شي حوايج انا لي فعمري63 سنة معشتهم اولدي (شاف فيه كيف كيشوف فنجلاء وهو يشد يد اوس)ايوب قال ليا بلي سهام خلتها ليك امانة فعنقك وانت تزوجتيها باش تحافظ على هذا الامانة بغيت نقولك بلي حتى انا كنحطها ليك فعنقك امانة وبغيتك تحافض عليها وتصونها اولدي نجلاء جوهرة كتلمع نتمنى تخليها تاحفظ على بريقها ونورقها اولدي
اوس:(شاف فالعربي عرف بلي هذا الرجل ومرتو ليهم اهمية كبيرة فحياة نجلاء لي باقي معرف اش داز عليها نطق )كون هاني اعمي نجلاء مرتي وشرفي وغدي نصون شرفي ونحافض عليه
العربي:الله يرضي عليك ولدي الله يرضي عليكم ويكمل كلشي مبارك ومسعود ويجعل ايامكم فرح وسعادة يارب
اوس والكل :امين
العربي:(شاف فبراهيم لي جلس وراسو فالارض بسيف حيت سمع بزاف دالهدرة قاصحة نطق )براهيم صاحبي هاهي البنت لي رفضتي دخل لدارك من قبل 17 سنة هاهي مخرجاتش من دارك عروسة بحال البنات شفتيها فين تزوجات انت ربي عطاك نعمة ومقدرتيهاش وحيد ليك حتى شرف ديال تكون اب وتخرجها من دارك عروسة نتمنا هذاشي يفيق ضميرك وقلبك اصاحبي
نجلاء: (كانت واقفة وهازة أويس ومتبعة مع العربي ومرتو لي كيوصيو عليها دمعو عنيها هذا المرة دموع الفرح مشات وقفات قدمهم بجوج وهي تنزل باس على يديهم وهي تنطق)شكرا حيت جيتو شكرا حيت هذا النهار بالضبط جيتو وقفتو جنبي وقالتو هذا الكلام انا بغيت نقول لكم بلي من ديمة كناخد منكم جرعة باش نقوى ونصبر واليوم انا كنت محتاجة لهذا الحقنة باش نوقف وانتما كيف ديما مبخلتوش عليا جيتو وشحنتوني بهذا الوقفة عطيتوني دفعة باش نزيد نصبر ونكون انسانة قوية ونقية من لداخل بحالكم وزدتو علمتوني نعطي محدي قدرا نعطي واليوم كنواعدكم بلي نجلاء غتكون قوية وصابرة وغتكبر ولاد ختها وتعطيهم كاع لي محصلاتش عليه نجلاء مغديش تخلي إقبال تعيش نفس مصيرها ولا غتخلي أويس يدوز عليه لي داز على نجلاء بسباب مرت الاب (دارت شافت فتوريا وهي تمشي عندها )انتي مخلتي مدرتي فيا ومخلتي حتى شي طريقة معدبتني فيها وكون ما هذا الناس لي كانو وقفو جنبي كيمسحو كاع داك الشر لي كتزرعي فيا كون كنت جحيمك اتوريا ودبا حمدي الله حيت صيفط هذا الناس علموني معنا التسامح وصبر و لي غدي نقوليك نتمنا من الله ميوريكش شرك فولادك وغنقولك ان الله يمهل ولا يهمل (دازت لبراهيم لي غير شفها وقف وهي تنطق)لي بغيت نقول ليك هو انك اليوم دفنتي نجلاء اليوم فهذا النهار انت قتلتي نجلاء دكشي لي خلاتو مرتك كملتيه مرتك توريا من قبل قتلات البراءة لي فيا وصنعات مني آلة وحاولت نرجع ديك نجلاء صغيرة البريئة لي كان كل همها تحصل على لعبة من الاب ديلها وشوية ولات بغات غير حضن منو (كتهدر وهي كتبكي وتشوف فيه شافتو باغا يمد يدو وهي تحبسو )