زواجي من صهري 💍مكتملة💍

الجزء 41 💍❤️

**بارت41**
سهام:(قربات منها وبدات تاكل من المسمن وتهدر)حبيبة سمحليا كنت بغيت نوجد الفطور قالت غير ندوش ونوجد ليك فطور ودخل اوس بغا حوايجو حيت ايدوش قديت ليه(باقي مكملاتش سكتتها نجلاء)
نجلاء:واش سولتك على شي حاجة اختي مدري ليا فطور مدري ليا والو انا فاش نجوع غنوض ندير مناكل راه عندي يدي 😊 وانتي ديها غير فصحتك وفراسك وف اوس (وركات على سميتو حيت عصبتها سهام بيه فيما تهدر تجبدو ههههه حتى انا تعصبت مع نجلاء)
سهام: مممم زعمة انتي حادگة وقادة براسك
نجلاء: اش بان ليك 😕
سهام: مممم مرأة وقاد اختيشي صراحة سرعتي مسمن بزاف
نجلاء: شفتك كلتي فيه نص اختي هذاشي باقي متحط الى مشا حتى تحط واش تخلي طبسيل ولا غتاكليه معاه😒
سهام: (شدات ليها حنيكتها قرصاتهم)ناري هدرتك شحال زوينة وكضحك 😂
نجلاء: طلقي مني الخرية (مع هذا الكلمة مع وقف سهم اوس قدام لباب كيجي غير فاللحضات المحرجة شافت فيه نجلاء وبقات مركزة فيه شوفة كتسناه اش ادير وكتقرا تعابير وجهو باين معصب شافت فيه كيشوف فسهام وهي تشوف فختها غير بنص عين لقتها كتشير بعنيها ل اوس  )
سهام:(كتشير ل اوس زعمة هدر معها سلم معها هو واقف معصب حيت سمعها قالت خرية هعهه)😶
نجلاء: (بقات مركزة فهم شحال شافت اختها تحرجات وهي تنعل شيطان حيت مبغاتش تشوف ختها فهذا الموقف نطقات )حم سلام صهرييييي😊
اوس:(طلعها من رجليها لرسها واحد النضرة ستهزاء )سلام 😒(شاف فسهام )سهام حطي ليا نفطر بغيت نمشي نرتاح راه مزال تبعني خدمة (كمل كلامو وجر كرسي جلس فصلامونج )
سهام: (شافت فيه كفاش مشا وداك سلام لي لاح ل نجلاء دارت شافت فنجلاء لي تبعات عنيها ل اوس )نجلاء حبيبة ه(قبل متكمل)
نجلاء: (فهذا اللحضة كرهات رسها وكرهات نهار جات تعيش مع اختها فيقتها اختها ملي عيطات بسميتها دارت عندها لقتها محروجة من تصرف رجلها وهي ترسم بتسامة )ساليت مسمن واتاي واجد وحتى لبيض طيب وكيكة بردات حليب سخون دبا يلاه نقصيو 😍
اوس:(كان شاد تليفون كيخربق فيه حتى سمعها كيف كتهدر وتبتاسم شاف فيها )😒
سهام: حم اه نبدأ نحط (هزات سهام الصنية دارت فيه كسان وبراد وترموس تاع الحليب حطتهم وتبعاتها نجلاء طبسيل تاع مسمن حطاتو وهي تحل طابلية من لور حيدتها وبقات بتيشورت وسروال شي لي عصب اوس جرات كرسي جلسات فيه وبدات تدهن فمسمن وسهام كتحط داكشي لي باقي متحطش )
نجلاء: بسم الله(قالتها بشوية ويلاه بغات تخشي دغمة فمها وقفها ليها اوس)
اوس:بنفس الهمس )كتعرفي الله😣
نجلاء: (شافت فيه وهي تبتاسم ليه وبدات تاكل فهدوء بلا متهدر ديك الابتسامة خلات اوس اشعل من لداخل كان معصب وزادتو )😊
سهام: (جلسات حداهم )نجلاء اش تشربي اتاي حليب
نجلاء: لي كبتي
سهام: اوس
اوس:كنضن راكي كتعرفي اش كنشرب
سهام: اه نسيت كافي انمشي نصيبها ليك
نجلاء: (على تغريها بتسامة سخرية بدات تاكل ومتسنات لا اتاي دوز بيه لا قهوة لا حليب كلات مسمن بالعسل وهي تهز واحد القرعة تاع الماء كانت تما شربات فيها نص  وهي تنوض هذاشي كل تحت انضار اوس لي مركز معها )
اوس:(مع راسو ناري هذا زمرة كتبان ماشي طبعية خر يامي رجعت لمغرب على قبل برهوشة ومكتسواش من الفوق كون غير تستاهل )😒
سهام: (حطات ليه قهوة )هاك فين نجلاء (كتقلب عليها بعنيها )
اوس:(بدأ كيشرب من القهوة )دخلات لبيتها
سهام: نمشي نعيط ليها تفطر (يلاه اتنوض بانت ليها نجلاء خرجات من البيت لبسة سروال دجين مزير وطال حتى سرة من لقدام ومعاه تيشورت فالزيتي مخشي فيه وفوق تيشورت واحد قميجة محلولة ومعقودة من لتحت ولبسات بلغينة فزيتي وشعرها مطلوق وهازة محفضة فضهرها )😮😮😮
اوس:(بقا حال عينو على وسعهم فيها شوية تكا ضهرو لور وجلس كيشوف هذا المنضر لي قدامو فين غادي بسلامتو )😒
سهام: نجلاء 😮(شافت فاوس لي متكي وجلس كيشوف وهي تنوض عندها)حم فين لبسا هكا زعمة فين غدية
نجلاء: (بهدوء)غدية ليسي ولا ياك مانستي بلي انا عندي قريا
سهام :نجلاء ماشي دبا سيري رتاحي حتى غدا
نجلاء: لا انا مرتاحة قولي شنو سميت ليسي لعنوان فين جاي انشد طاكسي
سهام: نجلاء اختي دخلي بدلي حوايجك ورتاحي حتى غدا وانا غنوصلك
اوس:(بقا غير كيتفرج من بعيد وساكت بغا ايشوف اخيرت هذاشي )😒
نجلاء: سهام حبيبة انتي غير رتاحي مع راسك انا غنعول على راسي وبغيت نمشي بوحدي نتعرف على ليسي 😊 صهري انت لي سجلتني فليسي ممكن تقولي العنوان 😒
اوس:(وقف وجاي قرب ليها وسهام كتشير ليه بعينو مي مع من )غتحركي لبيتك تبدلي هذا الحالة وتلبسي شي حاجة مقدة بحال كاع الناس الى عندك والى معندكش غتكمشي حتى نشروها ليك وانا غنوصلك ليسي وشيفور غيجيبك الى مكنتش انا (شير لراسو وهو كيورك على كل كلمة كيقولها)
نجلاء: (شافت فسهام وبتسمات وهدرات بهدوء)حبيبة كاع ماقلتيش ليا هذا القوانين من قبل منجي كون قالتيهم ليا كنت درت بحسابهم دبا صافي فات الفوت وهذاشي مدرتش بحسابو يعني مغنديروش 😊 دبا شنو سميت ليسي حيت غيمشي ليا الحال
اوس:(تعصب وزير على يدو يلاه بغا اتفرگع شاف سهام فقدات توزونها وجرى عندها شدها قبل مطيح الارض)سهااااام
نجلاء: (شافت فختها سخفات حسات بقلبها بدأ كيدرب بجهد تكونسات بلاصتها وكتشوف فهم)😐
اوس: (شد سهام قبل مطيح هزها وحطها فوق سداري وكيدرب على وجها )سهام حبيبة فيقي مالك (دار شاف ف نجلاء )جيبي الماء (نجلاء مكيناش هنا كتسمع غير قلبها لي كيخبط وودنيها كيسفرو ويديها بداو اترعدو )
اوس:(شاف فيها واقفة كتفرج زاد تعصب منها )بربي وتوقع ليها شي حاجة حتى نقتل زمل بوك البرهوشة
نجلاء: (شافت فيه وهي تمشا بهدوء ومرفوعة مشات دخلات لبيت تعها وسدات لباب حيدات صاكدو من ضهرها وحلاتو ويديها كيترعدو بدات تقلب فيه حتى لقات القرعة تاع دواء جرتها ويديها كيترعدو حلاتها ودارت 3 حبات فيدها لاحتهم لفمها وهي تزير على القرعة وغمضات عنيها وكتنفس بجهد )اووف اووف(حتى تهدنات وهي تنوض خرجات من لبيت فاش سمعات لباب ديال برى تحل وتسد بساروت هههه هذا اوس لي خرج كيجري بسهام لسبيطار وسد على نجلاء فالدار
نجلاء:(شافت فلباب لي تسد وحسات بجسمها ترخا عليها مشات جلسات فالسداري و بدأ اترخا كتهدر بهسترية)لا لا هي مغيوقع ليها والو لا لا اختي مغيوقع ليها والو هي هي غير غير نعسات اه اه غير نعسات سهااام مدريش فيا كيف دارو عافك ماتخلنيش اختي وسمحليا الى قصيت عليك انا كنت غبية بغيت نعقبك حيت خلتني وصط الوحوش اه كنت بغيت غير نعقبك شوية ونرجع نتعامل معاك بحال ايوب وعمي العربي ورشيد سهام حبيبة انا كنبغيك بزاف وعمري نسيت (جرات سلسلة من عنقها شدات فيها بيديها بجوج وزيرات عليها)وعمري كرهتك ولا غنكرهك سمحليا اختي غافك ورجعي اه رجعي خرجني اختي راه تخنقت بزاف تخنقت فالداخل تاعي نجلاء صغيرة لي كتعرفي باقي كتستنجد بغات لي اجبدها من الداخل تاعي اخرجها على برى هذا شخصية المزيفة طغات عليها بزاف هذا شخصية لي كتبان قاصحة وبلا احساس هي لي حبسات نجلاء صغيرة لداخل اختي عافك رجعي وعلميني كفاش نبكي مرة اخرى علمني كيفاش نخرج دموع اختي حيت بغيت نبكي حتى انا بغيت نغوت نخرج دكشي لي محطوط على صدري بحال شي حجرة بغات ندوق طعم الراحة بغيت نخرج دموع لبرى اختي انا بغيت نشوف دموعي كينزلو لبرى ويبردو عني مابغيتهم ارجعو لداخل ويحرقوني (بقات تهدر غير بوحدها حتى صافي حسات بداتها ترخات مزيان من مفعول الدواء تكات رسها لور وحلات عنيها الكبار كتشوف فسقف ويديها مطلوقين فوق سدار بقات هكاك حتى بان ليها لباب تحل تاني ودخل اوس ومعاه سهام شافت فهم بغات تنوض تمشي تعنق ختها ولاكن جسمها مسعدهاش حتى من رسها خلاتو متكي مقدراتش تهزو حسات بيه تقيل )
سهام:(جاية كضحك وشدة فدارع اوس )نجلاء حبيبة😍(مشات تلاحت عليها عنقتها بحب)
اوس:(كيشوف فيها كرها ستافزاتو بهذا الحركة اسحاب ليه متسوقاتش ومهمها اش وقع شاف فسهام لي عنقتها نجلاء متسوقاتش ليها)سهام مبقاش تجري بحال هكاك😬(اسدي راه نجلاء ماشي مبغاتش تعنق اختها ولا مبغاتش طمن عليها نجلاء راه دربات شي تلات حبات تاع دواء لي باقي معرفناش ديلاش 😒)
سهام: (بعدات على نجلاء لي غير بلقة عنيها مكتهدر موالو)نجلاء حبيبة واش تقلقتي حيت مامشتيش ليسي😐
نجلاء: (دربات ليها برسها وبتسمات)تو 😊
سهام :حم نجلاء انا فرحانة بزاف انا واخيرا غنولي ام 😍انا حاملة اختي حاملة من بعد معنات وقهر وشتياق ها انا اختي حاملة وعندي شهر 😭😍(كتبكي بالفرحة)
نجلاء: (شفتها وهي تبتاسم ليها فرحات لختها ولاكن جسمها مهدود مسعدهاش تنوض تعبر على فرحتها وتعنق اختها بقات مداربة مع ايدها لي تقيلة عليها حتى هزاتها وحطتها على خد سهام بحب وكتشوف فعنيها وهدرات غير بزز)مبروك عليك حبيبة
سهام: الله ابارك فيك احبيبة تاعي (شدات يد نجلاء بستها )يدك سخونة بزاف واش فيك سخانة
نجلاء: لا مفياش(كتهدر بهدوء)
سهام: ممم انتي غتولي خالة 😍😊
نجلاء: لا طاتي نجلاء
اوس:سهام نوضي ترتاحي راه (ستفزو هذا الهدوء تاع نجلاء اسحاب ليه مفرحاتش ليهم)
سهام :وخا دبا نوض جوجو حبيبة (عنقتها )شكرا بزاف اقدام الربح
نجلاء: (كتشوف فاوس لي واقف وراء سهام لقاتو كخنزر فيها وكيشوف فيها واحد شوفة كون كانو عنيه قرطاس كون تيراو فيها بقات كتقرى فعنين اوس شفت فيهم بزاف ديال النضرات تنهدات ومدات يدها لي تقيلة عليها بعدات عليها سهام)حبيبة خاصكي ترتاحي
اوس:(يلاه ايهدر سمع تليفونو كيصوني مشا هزو من فوق طبلة وجاوب)وي ...اه بصاح😍اوكي (قطع ومشا جر سهام من جنب نجلاء وهزها عنقها بدأ كيدور بيها )ربحتها  ياس ربحتها انا فرحان
سهام: اوس المسطي حطني راني حاملة
اوس:اوووه نسيت (حطها وحط ايدو على كرشها )شكرا ولدي حبيبي انت قدام ربح عليا لمناقصة لي كانت بغيتها ودرت كل جهدي فيها هاهي ربحتها 😍
سهام: بصاح مبروك عليك حبيبي (عنقاتو وهذاشي كل داز قدام عنين نجلاء لي كتشوف فهم والابتسامة فوجها شافت حتى عيات وهي تجمع قوتها وحولات على رسها حتى ناضت وتمشات بخطوات تقال كتحاول متبينش لهم بلي هي ناشي نورمال عطاتهم بضهر ومشات بغات دخل لبيت )نجلاء حبيبة مبغتيش تبارك ل اوس
نجلاء: (وقفات كتحس برسها غطيح غمضات عنيها وهدرات بلا مدور عندهم)مبروك عليك(حلات لباب ودخلات وسداتو مشات تلاحت على كرشها فوق سرير وغمضات عنييها)
فبرى عند اوس لي غير متبع تصروفتها وغير مكيزيد احقد عليها عند بالو مفرحاتش ليه
اوس:😬😬😬
سهام: (شافت فيه عرفاتو معصب وهي تفكر صباح فاش كانو على شوية غينوضوها هو ونجلاء)اوس
اوس:(شاف فيها بحب وحاول اتكالما شد فيدها بسها)نعم عيون اوس
سهام: اوس عافك مبقاش تعاود داكشي ديال الصباح
اوس:سهام انتي راه عارفني عدويا بحال هكا ومنقدرش نسكت على دكشي انا راه ماشي ديوتي تبدأ خت مرتي تخرج من داري بديك الحالة
سهام: عارفة مي راه ماشي بالغوات ا اوس شوف عافك خلني انا نتكلف وكنواعدك غتغير غير بشوية بشوية عافك اوس مبقاش دخل وتغوت عليها هي راه غتنفر منا ومبقاش تسمع خلني نهدر معها بالخاطر
اوس:كطلبي مني نبقا نشوف داك المنكر ونسكت ياك
سهام: لا ماشي هكا شوف نجلاء راه باقي كتحتارم هي غير تشوف حتى واحد مكغوت عليها على قبل هذاشي هي غتغيرو لرسها راه غير شدو معها ضد وهي تشد ضد معهم بليز اوس خلني مني ليها