زواجي من صهري 💍مكتملة💍

الجزء 9 💍❤️

**بارت9**
**زاوجي من صهري**
نجلاء: بابا شوف نجحت بابا (تسمع صوت لفران كججج شي لي خلا جيران وتوريا وايوب اخرجو كلهم مصدومين نجلاء حلات عنيها حسات بحنكها عواج   )
براهيم:الكلبة واش باغية تخرجي عليا النحس المنحوس هاكي لجد ولديك (براهيم كان جاي بسورعة حتى بانت ليه نجلاء جاية تجري قدام طموبيل كان غيدوز عليها وهو يشد لفران فأخير لحضة وقف ونزل عندها معصب جمع معها بواحد تصرفيقة لحنك وبدأ ادرب فيها )الحمارة لاش جاي عندي لاش كون غير مشديتش لفران ندوز على جد ولديك نتهنى من وجهك ومن صورتك تفو
نجلاء: هئ هئ بابا انا جيت نقول راه نجحت(كتوريه ناتيجة)
براهيم: (شد ناتيجة وهو يشرگها ولحها قدمها )نجحي ولا زمري خرتك تسرحي انحس غبري من قدامي قبل لنخنقك
ايوب:(جاي اجري جر معاه نجلاء من يدها وكيبكي بقا فيه الحال بزاف حيت شاف اختو كانت غتموت وكلات العصى من لفوق وكيفاش بقات مصدومة فالاب ديلها  فاش قطع ليها ناتيجة سكتات من لبكى دخلها ايوب لزريبة بقا كيعنق فيها ويمسح ليها دموع ويبوسها بين عنيها )نجلاء  اختي متبكيش عافك 😭
نجلاء: ايوب شفتي بابا قطع ناتيجة كاع مشافش شحال جبت هو دربني وقطعها لمعلمة كدب هي كدبات عليا انا منجحتش غير كدبات عليا
ايوب:لا اختي انتي نجحتي جبتي 9 اعلى معدل راكي جبتيه
نجلاء: لا منجحتش غير كتكدب عليا حتى انت كون نجحت كون فرح بابا وعنقني كيف كيدير ليك انت وسهام فاش كنتو تنجحو انت فاش نجحتي شرى ليك بيكالة وعنقك وفرح انا منجحتش دكشي علاش دربني وخصم عليا
ايوب: (تعصب بزاف حيت هي كتفسر الهدرة غير كيف بغات كتحاول تبرر تصروفات الاب تعها مبغاتش تقبل بلي مكيحملهاش)انتي نجحتي وبابا دربك حيت جيتي قدامو
نجلاء: انا كنت بغيت نوريه ناتيجة تاعي
ايوب:اش داك تمشي عندو توريه شي ناتيجة ولا شي زمر اصلا هو مكيحملكش وانتي غير تبعاه تهدري معاه مكيتسوقش ليك مبقاش تقربي ليه ولا تجي قدامو ولا تهدري معاه حسن ليك واش كتفهمي بابا مكيحملكش انتي معزيزاش عليه 😬فمبقاش تمشي عندو وتخليه اجرحك وتجي تبكي عليا
نجلاء: (باقت كتشوف فيه وديك مكيحملكش ومكيتسوقش ليك كتردد فودنها تعصبات )انت كداب بابا انا عزيزة عليه وهو شرى ليا كتوبا ودخلني مدرسة نقرا وبغاني نجح وفاش منجحتش دربي انت كتكدي(بدات تدرب فايوب برجليها ويديها)
ايوب:ماشي هو لي شرهم ليك عمي العربي وسهام لي شراو ليك كتوبة وقيدوك فمدرسة وسهام لي قيداتك ماشي بابا
نجلاء: هئ هئ لا بابا هو لي قيدني انت خايب بعد مني (دفعاتو ومشات كتجري خرجات )
ايوب:نجلاء اجي فين غدية اووف (مشا عند الاب تاعو لقاه جلس كيشرب فالماء وديك لفعة وقفة عليه )
توريا:شوية كانت غتسبب فشي كاريتة معرفت علاش هذا لبنت خرجة بحال هكا قبيلة جابت لكيكة ناشفة عطتها لامال شوية ومتقتلها وهاهي عوتاني شوية وتسبب ليك فكسيدة ياربي سلامة(نجلاء مسكينة جات وعطات الكيكة ل امال كلتها ووحلات ليها شوية وتموت وتوريا شدات نجلاء وكلات ليها ملخة تاع العصى وزاد كمل عليها براهيم الحاصول تعصات نجلاء تلات المرات فالنهار وهذا حالها مسكينة كتكلها فجلدها سواء دارت علاش سواء مدارتش علاش)
براهيم: هذيك راه نحس المنحوس منهار شفتها مشفت نهار بيض جاية بنحس تعها ياربي سلامة
ايوب: بابا مبقاش تقول هكا عليها هي جات عندك باش توريك ناتجة هي نجحات جابت 9 هي الاولة فالقسم
براهيم: شحال جبتي انت
ايوب:بابا كنهدر ليك على نجلاء دبا
براهيم: ايوب سولتك جاوب شحال جبتي
ايوب:8:34
براهيم: مزيان ملي طلع الكوليج شتاهد باش طلع الاول
ايوب:بابا نجلاء
براهيم: راسي درني نوض نرتاح(ناض وقف وتمشا )
توريا: انا ندير ليك الماء دوش باش ترتاح 😁
كتقولها بمياعة وكتقلي سم ل ايوب زعمة متسوقش لهدرتك بسيف ميتسوقش وانتي ديرة عليه بحال الفعة كتعمري فيه وكتزدي تزندي فالعافية
ايوب:(تنهد وخرج من دار طلع ليه دم من هذا الوضع كيطلب الله غير امتى ترجع سهام لي مشات تقرى فدار طاليبة وعندها الوطني مسات دوزو )ايخ على مرض كحل نمشي ندرق كمارتي قبل منتفقس حسن (مشا ايوب عند دراري العب كرة )
عند نجلاء كانت فالمكان لي كتلتاجئ ليه فاش ديق بيها الوقت وتكون مهمومة ومحقورة كتمشي لزريبة عند معزة تشكي عليها
نجلاء:معيزة فراسك نجحت وبابا قطع ليا ناتيجة كنت غنجيبها نوريها ليك ولاكين بابا قطعها ودربني وايوب قال بابا مكيحملنيش هو معرفش غير كيكدب عرفتي حتى هذيك خالتي توريا دربتني حيت عطيت ل ختي تاكل كيكة ودرباتني حيت نسيت مواعن فمدرسة ولبارح دربتني حيت هزيت دقيق نديه خالتي سعاد دير ليا كيكة هي قبيحة ماشي بحال اختي سهام زوينة وكدير ليا كيكة ومكتقول ليا والو الى هزيت دقيق شوفي رجلي اش دارت ليا بالقريص كيدرني هنا بزاف فراسك انا بغيت نقولها لسهام ونقول ليها مبقاش تخلني عندها وتمشي حيت كدربني ولاكين خالتي توريا غتلوحني فالبير هي كانت نزلتني ليه وشدتني من يدي كيبان مضلم وخايب كيخلع داك البير وقالت بلي فيه العقرب والفاعي وانا كنخاف منهم بزاف 😢 فراسك بغيت غير نكبر نولي قد سهام ونمشي لديك بلاصة فين كتقرى سهام نبقا مع اختي سهام انتي معزة متقدريش تجي معيا حيت اختي قالت بلي تما مفيهش معزات (بقات نجلاء تشكي همها لمعزة وتبكي عليا حتى نعسات وحتى حد متسوق ليها تجي تاكل توريا حطات الغدا وتغدات هي ورجلها وبنتها اما ايوب مشا كيلعب فالكرة حتى اوكان اجي وياكل  نجلاء ليها الله الى فاقت دبا ولقتهم جمعو مواعن مغتاكلش حتى اجي ايوب وتاكل معاه حيت الى دخلات لكوزينة تاكل ملخة تاع العصة من عند توريا وتقول حكى وسخات ليها مواعن ولا تهرس شي كاس وتسيها فيها وتسلخها هكا دوزات بطلتنا تلات سنين اخرى من حيتها فالعداب والاحتقار وخيبة امال ودرب وشتم وقسوة تاع براهيم  زائد ضلم تاع توريا لي زادت ولدات وليد وكتحس رسها هي ام ولي العهد وبغات غير ولدها اعيشو بيخير ويفرحو وامال كبرات ولات تقرر فتحضيري ومسمومة وانانية ايي حاجة شفتها بغتها ليها توريا ربات فيها الحقد والبغض والانانية من طرف نجلاء وسهام ولات تقرأ فلافاك ديرة القانون وايوب فالتاسع نجلاء كتقرأ ف التالت
فمدينة الدار فاس
فالفيلا تاع ايت العلامي كلشي مجموع فوق الطبلة كيافطرو
جلس سي مصطفى مترأس المائدة وجنبو مرتو فاختة   فعمرها 40 مبيناش عليها كاع وجنبها مدللة الاسرة هاجر فعمرها 9 سنين وفجيها الخرى كين فهد فعمرو 17 وجنبهم بنت عمتهم ابتسام قد فهد  وفجنب لاخور حدى هاجر كينة عمتهم مريم فعمرها 41 سنة وجنبها جلس عماد ولدها فعمرو 12 عام والجدة رضية وما ادراك ما رضية فعمرها 62 سنة مرأة فاسية قحة ميعجبها العجيب صارمة بزاف وكلشي كيدير ليها الحساب فهذا الدار
نزلات بنت فعمرها 18 سنة لبسة سروال دجين زرق وقميجة فالبيض وزيف قهوي ولبسة سباط قهوي وهازة ساكة فيدها
نطقات
:صباح الخير عليكم
راضية:اشمن صباح هذا فين قعدتي حتى دبا شمس سخنات برى وانتي باقي خمرة ليا
مصطفى: الوليدة عافك
راضية:اسكت انت ملي نهدغ يانا انت سكت واش هاذي لي وصاك باها عليها ترد ليها لبال وتخليها تقرا وانت مخليها كتنعس حتى اينة وقت وعاد تخرج قالت ليك تقرأ
فهد:ميمة راه الجامعة هكاك كيقراو فيها الناس
راضية:انت سكت اشكون هدرك ولا سولك عمري شفت القريا بالگانة (شافت جيهة سهام لي وقفة مبنجة بلصتها مقدراتش تهدر ولا تحرك نطقات)دوزي تجلسي تاكلي ولا كتسناي العراضة
سهام:اه لا اميمة هاني نجلس سمحليا مفقتش بكري كنت كنراجع لبارح باليل حتى اينة وقت
مصطفى: (شفها كفاش كتبرر ليها )اجي ابنتي جلسي تفطري راه ايمشي عليك الحال
جلسات سهام لي ولات حمرة بقا فيها الحال حيت صبنتها لالة راضية قدام كلشي
مصطفى:سهام بنتي هدرت مع اباك لبارح قال بلي ايجي اشوفك
سهام: اه قالها ليا داك النهار عندو شي خدمة هنا فكازا
راضية: مزيان ملي اجي باش نقوليه اش كديري
مريم :ماما الله اهديك اش كدير لبنت