زواجي من صهري 💍مكتملة💍

الجزء 30 💍❤️

**بارت 30**
**زواجي من صهري**
توريا سكتات حيت عارفة هذا الهدوء تاع نجلاء مكيبشرش بالخير
توريا: امال سيري راه امي كتسناك دي ليها دكشي
نجلاء: اه سيري وسلمي عليها بزاف 😊 (شافت فتوريا )مدام الراضي كين شي ميتقصى
توريا: مخدماش عندك انا ابنت عتيقة
نجلاء: مممم على قبل ديك بنت عتيقة نسى كلشي ونخليك ترتاحي مني هذا اللحضة (مشات نجلاء لجيهت لبوطاجي بانت ليها كوكت كتصف يعني الغدأ مزال كيطيب حلات تلاجة جرات منها مطيشة والخيار وخيزو غسلتهم وجلسات كتاكل فهم خضرين حتى سلتهم هذاشي تحت انضر توريا لي ديرة اطونسيو منها خيفة منها لدير ليهم شي حاجة فالغدأ تسممهم هههههه
نجلاء: كتاكل فدكشي وتهدر)شفت براهيم مسلخنيش بزاف واقيلة معجبوش لوك تاعي عفوا زعمة مقنعاتوش هذا الشوهة لي درت
توريا:فوتيه عليك راه شي نهار افوت فيك شي دقة اقتلك
نجلاء: ياك قالت ليك انا مش بسبع رواح مكنموتش وانا مغديش نموت بهذا سهولة حيت انا النحس لي فحياتكم ومغنخرج منها انا النحس المنحوس ههه ياك هكا كنتي تقولي ليا وحتى رجلك هكا كان اقول عليا
توريا:(كتشوف فيها )انتي باينة غتجبي شي لقب اخور لي اخلينا مطلسين وجهنا بالغيس الى بغينا نخرجو باينة غتجبي لقب تاع كرش الحرام تفضحينا فالدوار
نجلاء: (وسعات ديك الابتسامة شريرة على وجها )واوو مرت براهيم فراسك انتي عندك افكار واعرين فراسك شكرا بزاف كنت عوالة ملي نطلع هذا المرة نجي ديرة ليميش فشعري وندير طوينگة فنيفي مي عطتني فكرة زوينة صافي  ملي الى حملت من لحرام غنتسما منكم وعليكم ف منردهاش فوجهك امرت براهيم هذا السمانة نجي بكرشي معيا 😁
توريا: (طلقات واحد طبسيل من يدها وحلات فمها على وسعو كيف فرس النهر )كفاش
نجلاء: مالي مصدومة اه نجلاء المسطية (دربات على رسها بيدها )راه الحمل مكيبانش على سمانة خاصك على القل شهر باش ابانو الاعراض وخصك اربع شهور باش تبان الكريشة ممم دكشي علاش غنجلس فافورار شهر حتى ايبانو عليا اعراض الحمل عاد نطلع عندكم ومعيا كرش من لحرام(كملتها سمعات واحد صوت غوت ربي لي خلقو شي لي خلا نجلاء توقف  )
نجلااااااااااااااااء(تقدم ايوب عندها وهو يهز يدو بغا يدربها وحبس فأخير لحضة )
ايوب:اش هذا الهدر كتقولي واش هذا الحال ديرة فراسك 😬
نجلاء: باغي دربني درب مالك حبستي صرفق وجهي ايوب قتلني راه غنجيب ليك العار
ايوب:(غمض عينو حاول اتهدن وهو يقرب عندها بغا يشدها وهي تخرج عطاتو بضهر )نجلاء
توريا: سلام ايوب الحمد لله على سلامتك اخويا مزيان ملي جتي راه ملي جات وهي
ايوب:(خنزر فيها وخلها قبل متسالي كلمها تبع نجلاء لي مشات لزريبة لقها واقفة كتشوف فالبقر والمعيز قرب منها شدها من كتفها بلطف دورها عندو وشد وجها بين يدو )نجلاء اختي حبيبتي علاش كتدري هكا علاش كتخصري صورتك فالدوار وقدام الناس علاش
نجلاء: هههه علاه بعدا انا كينة باش تخصر صورتي هاأ لله اهديك اصلا انا براسي مكيناش ممعترفش بيا فهذا الدوار بقا غير صورتي تخصر
ايوب:اش كتخربقي
نجلاء: شكون انا ومنين انا بغتي تقول ليا بنت براهيم لي تبرى مني وقال انا ماشي بنتو وهو ماشي ابا ولا خت سهام لي مشات ومدرتش ورها كتلوح ليا جوج فرانك عند بالها انا بغيت منها الفلوس صافي ولا اختك انت لي تبع غير الخدمة ولا اشنو شكون انا ايوب انا والو مجرد نكيرة وشكون تسوق لصورتي الى خصرات ولا بقات زوينة اما بنسبة لشعري هذا غير عقاب صغير كندير هذاشي باش نتوجع كنحاول نقرص الاحاسيس تاعي باش ابقاو عيشين فالداخل تاعي حيت الى خلتهم ونسكت ومنديرش علاش ناكل العصى ونسمع هدرة خايبة كدخل لقلب احاسيسي غيموتو اخويا اصلا الاحسيس زوينة ماتت فالداخل تاعي بقاو غير السليبين كنحاول نغديهم باش ميمتوش حتى هوما دكشي علاش كنجي نطلع لهنا وكندير هكا فراسي وكنخرج كيعجبني لحال فاش ندوز على لعيلات ويبقاو اوشوشو كنسمع ديك شوف ليك ترابي د توريا ولا ندوز على مجمع تاع الرجال ونسمع شوف بنت براهيم هذاشي لي كنسمع من هدرتهم كيعجبني ودكشي لاخور كيدخل لقلبي كينغزو كيخليه اشعر بشي حاجة معرفت فأي خانة غنصنفها واش الكره البغض الغضب ولا الحقد مهم هذو احاسيس حتى هوما ياك
ايوب  (كيشوف فيها كيف كتهدر بواحد طريقة وكتشرح كل حاجة تحلف بلي واقفة قدمو شي وحدة قرية على علم النفس جرها لصدرو عنقها بحب)نجلاء حبيبة سمحليا الى هملتك والله غير الخدمة كتيرة خصوصا هذا الوقت صيف وكينين سياح بزاف والبيرج مكيخواش مكلقاش الوقت فين نحك راسي سمحليا اختي
نجلاء: (غمضات  عنيها وهي تنطق )علاش كطلب سماحة اخويا انت كدير كتر من جهدك ويكفي انك كنتي تمسح دمعتي فاش كانت مزال تخرج من عني ويكفي انك كنتي تبوسني بين عني وتسكتني ويكفي كاع دكشي لي درتي معيا فاش كنت ضعيفة مكنقدش على والو من غير نبكي دبا انا كبرت وقدة براسي (كتهدر وكتسمع تنخصص تاع ايوب اه كيبكي بكاتو بهدرتها مي هي مبقاتش عندها المخزن تاع الدموع صلاتو كتبكي غير من لداخل تعها اما برى نشف بعداتو عليه وهي تنطق)كتبكي ايخ تفو عليك اكليميني اودي ياودي على الرجال ديال الزمان صراحة صراحة بقات فيا مرتك الله احسن عونها مسكينا مزال خصها تبقا تراري بيك بحال دراري صغار
ايوب: (مسح دموعو وهو يضحك)حتى نتزوج بعدا
نجلاء: هههه ان شاء الله غير هو الى مشتي تخطب غدي نقولها لمرتك باش دير بحساب بلي انت كتبكي بلا سبب بحال العيلات😒
ايوب:(جمع داك القدام تاع شعرها بين يديها وهو يجرها منو كيلعب معها)ياك الولديك انا نوريك اجي تشوفي فراسك زوينة هذا التقطيعة لي درتي درتي منين نشدك نجرك بحال العاود
نجلاء: طلق ازمر اتخصر ليا شعري ايي بعد لهيه(بقات تمازح هي وياه ويضحكو ولا نقلو غير كيمتلو على بعضهم بلي كيضحكو حيت لداخل تاعهم مجروح وكيبكي والوجه فيه بتسامة مزيفة
كتير من الحقيقة وراء كلمت (كنت أمزح)
وكتير من الغيره وراء كلمت (لا عادي)
وكتير من الالم وراء كلمت (حصل خير)
وكتير من الحاجه وراء كلمت (تسلم ما تقصر)
وكتير من الغضب وراء كلمت (براحتك)
والكتير الكتير وراء (الصمت)
والكتير من الخير " بل الخير كله وارء كلمت ياااارب...
داز النهار على نجلاء تغدات هي وخوها وموالين الدار نجلاء هذا المرة تغدات فهدوء متسمعش صوتها بقا غير ايوب وبراهيم هوما لي كيهدرو على امور الخدمة وتوريا حتى هي كتهدر معهم مرة مرة وخا كيقمعها ايوب ورشيد كيشارك معهم مرة مرة الى سولو ايوب هدو لي كينين لالهم امال هربات عند جدتها ههههه (ملاحضة البنات نجلاء فاش كيكون خوها ولا اختها كتخرج ديك نجلاء لبريئة صغيرة لي كتحتارم الناس وتسكت وهاهي خرجات دبا حيت كين ايوب نجلاء كتبين ديك نجلاء صغيرة غير ل كتحبهم وعزاز عليها هههه
فات العصر جمعات نجلاء حويجها لي صبنتهم فالمكينة اطوماتيك كينة عندهم نشفتهم وجمعتهم فالصاك تعها ولبسات حويجها عبارة على سروال ديجين بيض وتريكو كحل وفقهم واحد الكاب بارد نازل حتى ركبة  وسبرديلة كحلة جمعات شعرها بقراص تاع شعر حترما ل خوها لي غيوسلها فطريقو باللوطو تاع الخدمة عطوها ليه
نجلاء: (جات نازلة فالدروج هازة سكها ومحفاصة فضهرها شافت فتوريا وهي تسكت باغات تخرج شوية دارت ونطقات)بسلامة مدام براهيم الراضي دوزي بخير وستغفرنا الله تهلاي (هذاشي سمعو براهيم لي كان فالبيت )
خرجات نجلاء لقات ايوب ورشيد وقفين كيتمازحو برى
نجلاء: مشينا
ايوب:يلاه نتحركو
نجلاء: (شدات رشيد عنقاتو بحب )خويا بسلامة عليك تهلى فراسك وقرا مزيان
رشيد: (دمعو عنيه ديما كيتفارق مع نجلاء بالدموع )بسبامة اختي نجلاء
نجلاء: (بعداتو عليها وعطاتو بضهر مشات بغات تحل لباب تاع للوطو وهي دور كتشوف فالدار بعنيها وركزات على لباب بحلا كتسنى شي حد اخرج شكون كتسنى اخرج يا ترى واش كتسنى الاب تعها اخرج تشوفو قبل متمشي ولا كتسنا توريا ولا شكون لا كتسنا امال توتو حتى واحد فهم هي كتسنا نجلاء صغيرة تخرج تديها معها باش مبقاش طلع لهذا الدوار مي مخرجاتش نجلاء صغيرة مبغاتش تخرج من هذا الدوار نجلاء نطقات مع رسها)هي جبانة تلقها كتبكي فشي قنت خليني منها (طلعات للوطو وجلسات حدا ايوب لي كان كيتسنها)تحرك اخويا
ايوب:(شاف فيها وتحرك باللوطو)واش كنتي كتسناي بابا اخرج
نجلاء: (كتشوف القدام فطريق)توتو كنت كنتسنا راسي اخرج من تما مي مخرج مبغاش امشي معيا حلف حتى يبقا تما