زواجي من صهري 💍مكتملة💍

الجزء 104 💍❤️

اوس: جلس لموك راه غتبعني حتى نخشيكم فشي بوطو هاأ 😊(جلس يضحك مع ولدو ويبوس فيه وهو سيق وغافل على لي كانت مرقبهم غير بنص عين كتشوف فهم وتحسر على لي فقداتو فحيتها وهو حنان الاب تنهدات وهي دور كتشوف من سرجم ودموع فعنيها ودكرتها رجعات بيها للورو فاش كان براهيم كيعطي الحنان ل امال وهي طتبقا تشوف فهم اوس بانت ليه دارت وبقا متبع معها وهدرتها كدور فدماغو فاش قالت ليه متزوج ومتجيبش مرت الاب لولاد اختي وتفكر هدرت امو تخلطو عليه العرارم يقا غير كيخمم حتى وصلو لدار نزلات نجلاء من للوطو وشدات جنبها حيت فيها الوجع نيت اوس هز اويس وتبعها كيشوفها كيف غدية كتزرب فمشيتها مفهمش مالها مشات طلعات فالدروج وهو يتنهد ومشا كيقلب على امو لقاها فالكوزينة كتقاد بيبرونة ل إقبال )
اوس:الوليدة
فاختة:(شافت فيه)ولدي رجعتو
اوس: رجعنا غير انا ونجلاء شوفي طلعي شوف مالها بانت ليا مريضة ومبغاتش تقول ملها
فاختة:ناري ملها اش عمدها
اوس: معرفت سيري شوفي ملها عافك
فاختة:وخا انا نطلع هاك هذا بيبرونة ديها لعمتك ترضع اقبال
اوس: (شد اويس )اه وخا (مشا عطا بيبرونة لمريم وطلع تبع امو لفوق عند نجلاء لي طلعات مشات بدلات لبسات غير ليكوشة تاع اقبال هههه ملقاتش الفرصة تشري فوطة صحية بدلات وخرجات تغطات وهي تشد كرشها لي كتقطع بالوجع عيات متصبر وتكابر باش متبينش قدام الدراري واوس ولاكين بوحدها بدات توجع على خطرها وهذي هي المرأة العربية كتصبر الوجع وخا كتموت بيه وتكابر وحتى حد ميجيب ليها الخبار وكين لي كل شهر يجيها وتصبر وهذا بفضل الدين الحياء المرأة كتستحياء وخا كتألم )
فاختة:(حلات لباب لقتها ناعسة وملوية مشات جلسات جنبها)بنتي نجلاء مالك باش كتحسي
نجلاء: هاا لا والو خالتي انا غير بغيت نعس
فاختة:(حيدات ليها الغطاء وقصتها غجبهتها )بنتي انتي سخونة ووجهك عرقان مالك باش كتحسي هدري انا بحال ميمتك بنتي
نجلاء: (غير سمعتها اش قالت وهي تبدأ دمع وتخشات فاختة عنقتها)انا فيا الوجع شدني بزاف هو عمرو دار ليا هكا اول مرة يشدني بحال هكا
فاختة: (بدات دوز على شعرها )صبري بنتي شوفي انا غنمشي نجيب ليك شي حاجة سخونة تشربيها وعيفوتك
نجلاء: اه وخا خالتي
خرجات فاختة وهي تلقا اوس واقف قدام الباب كيتسنط شافت فيه هو سمع كلشي وهي بغات تستغل هذا النقطة
فاختة:كنضن سمعتي مالها هذي غير وجع تاع الدورة وكيقطع فيها ومقدراتش تقول ليك حيت انت غريب عليها
اوس:(شاف فيها )علاش متقولش ليا اش فيها
فاختة:فيها بزاف هي كتستحي منك حيت انت غير رجل ختها ولبنت ميمكنش تشارك معاك اسررها وفكر لقدر الله وقعات شي حاجة خطير على صحتها وتخبيها حيت حشمانة منك حتى يفوت الفوت
اوس:(سمع ديك توقع ليها شي حاجة حس بقلبو تقبظ زير على يدو ونطق)هي مكتستحياش فاش تلبس المزير قدامي وتلبس دكشي خفيف وشعرها مطلوق وملي تبدأ دير فزبايل كتجي حتى عند المرض وكتحشم هي مريضة وكان خصها تقول
فاختة:بغيت غير نعرف مالك مع البنت كيفاش مكتحشم وكتلبس اجي راه نجلاء كتلبس كيف كيلبسو لبنات فسنها وراه كاع بنات العائلة كيلبسو بحلها ومعرفت علاش نجلاء لي كتبان ليك نجلاء لي عمرنا شفنا نص فصدرها ولا شفنا فخدها هي كترتاح فالسراول كتلبسهم وهي مستور ومن هذاشي كل انا بغيت نقول ليك هذا البنت الى بغتي تعيش معك راه خاصك دير ليها حل باش تقدر تقول اش درها وترتاح ليك
اوس:دبا اش بغتي توصلي تاني
فاختة: لي فبالك
اوس:انا غنهدر معها ونقول ليها الى درتها شي حاجة تقولها ليا
فاختة:وخا هاهي هدرات وقالت ليك اش درها لنفرض هذا البنت مرضات ومحتاجة لي اهزها ويحطها ومحتاجة لي اديها لطواليت انت غدير هذاشي وبشمن صيفة غديرو 😒
اوس:دبا اش مطلوب مني ياك انتي غتكوني معنا
فاختة: ماشي ديما ماشي ديما غنكون معكم دبا فكر ورد عليا
اوس:(مد ليها اويس وغادي خارج)شدي هذا وحيدي داكشي لي فبالك حيت عمرو ميكونش وهي برسها طلبتني منتزوج على ختها ومنجيبش شي وحدة عساك تقبل هي تكون بلاصتها (خلا فاختة وقفة ومشا نزل وخرج طلع للوطو ومشا لفرمسيان يجيب ليها الدواء )
فاختة:(تبعات ليه العين حتى مشا وهي تنهد وقالت بينها وبين رسها)قريب اولدي قريب تقبل مابقا ليك والو انت باقي عندك اشكال غير حيت هي مغتلغيش انا مغديش نتفاك معكم بجوج حتى تجمعو فالحلال على قبلك وعلى قبلها وعلى هذا كتكوت تاعي (كتبوس ف اويس)وختو
اويس:مامي مسي(قالها بغا نجلاء)
فاختة:هي مريضة ودارت نيني خليها ترتاح ويلاه نعطي حبيبي حليب تاعو ونقادو لمامي ديالك شي حاجة سخونة تشربها باش يفوتها ديدي
اويس:👼
نزلات فاختة مشات تقاد لنجلاء شي اتاي بزعطر وتشرب اويس الحليب اما سي اوس مشا الفرمسيان خدى الدواء تاع الوجع وفوطاط صحية ورجع لدار وقف وهو ينزل من للوطو ومشا طلع عند نجلاء دق لباب سمعها
نجلاء: خالتي دخلي
(قالتها بتعب دخل اوس لقها مكمشة فالمنطا ونعسة على كرشها تنهد ومشا جلس جنبها )
اوس:علاش ماقلتيش بلي فيك الوجع علاش ملي فيك الوجع سكتي وخرجتي معنا وخا مقدرتيش
نجلاء:😳😳😳
اوس:نوضي تشربي الدواء باش يفوتك الوجع
نجلاء: انا انا انا م م مافيا والو غير بغيت نعس انا
اوس:(عرفها حشمات منو)نجلاء انتي مريضة ومعندك علاش تحشمي مني عتبرني بحلا باقي سهام عايشة واي حاجة كدرك قوليها ليا بحال كيف كنتي تقوليها لسهام
نجلاء: انت ماشي سهام ولا ايوب باش نقول ليك شي حاجة خرج من هنا عافك
اوس:انا ماشي سهام ولا ايوب ولا حد اخور انا اوس وانا لي مسؤل عليك وانتي خاصك تقولي ليا كلشي
فاختة:(حلات لباب لقات اوس جلس جنب نجلاء لي ناعسة ومغطية )حم حم
اوس:دخلي الوليدة دخلي
فاختة: (شافت فنجلاء)بنتي نجلاء كيف بقتي واش فاتك شوية
نجلاء: (بينها وبين رسها )الله يفضحك اخالتي كيف فضحتني ناري مي بغيت نوض مقديتش نوض بسباب صدمة تفو تشوهة مع هذا العائلة 😱😨
فاختة: (شافت ف اوس)واش ناعسة.
اوس:لا فايقة عاد كانت تهدر نجلاء نوضي شربي الدواء
اويس:(مشا طلع جنبها وتمخشش فيها هي مسكينة ولات حمرة بالحشمة)مامي😍
نجلاء: (دارت وهي تنوض جلسات ونزلات رسها بالحشمة وشدات اويس )انا مفيا والو خالتي 😳
فاختة:(مدات ليها القرفة )هاكي شربي هذا غحيد منك الوجع
اوس:(شدو من عند امو وهو يحطو فوق الكوفوز وجبد دواء)لا خليها تشرب الدواء ومبقاش تعطيها داكشي ليمشي يدير ليها امراجي
نجلاء:😱(ناري هذا ناوي يغرقها فحويجها)
فاختة: (شافت نجلاء كيف مزنگة واوس كيمد ليها فالدواء)بنتي واش تحتاجي شي حاجة اخرى
نجلاء: (شدات الحبة تاع الدواء من عند اوس درتها فمها وهي درب برسها ل فاختة زعمة لا)😮
اوس:شربي هذي ونعسي ترتاحي (شد اويس من عندها)اجي حبيبي عندي
اويس:مامي
اوس:خليها ترتاح هي مريضة فيها ديدي
فاختة: حم انا غنمشي نشوف اقبال
اوس:وقف حتى هو )نجلاء رتاحي والى حتاجتي شي حاجة قوليها ليا
نجلاء: (كون غير لقات اخرجو من عندها )🤦🏼‍♀️
خرج اوس هو واويس وتلقاو مع سعاد قدام الباب لي كتشوف فهم بشك
سعاد:ولدي اوس
اوس:وي مرت عمي اش حب الخاطر
سعاد:اوس شوف انا راه بحال موك وانت كبرتي معيا وكنعتبرك ولدي وبغيت نصحك هذاشي لي كدير فيه راه مهواش انت كدخل لبيت وحدة غريبة عليك وتخرج انا عارفك انت مغتشوفش فيها شي شوفة مهياش ولاكين هذاشي راه غيدر بصمعة تاعك اش ايقلو الناس الى شافوك كدخل عليها البيت وتخرج
اوس:(كيطلعها ويهبطها شحال ونطق)حيت كبرت عندكم ودوزت شي ايام عندكم وحيت انتي مرت عمي غدي نميك عليك وغندير راسي مسمعتش هدرتك والمرة جاي نصحك متعوديهاش حيت غنسا اي صيلة كتجمعنا
سعادة:علاش مكتبغيش تسمع الحقيقة هذاشي لي كدير فيه راه ميقبلو لا ربي لا عبدو
اوس:(زير على يدو)هدرت معاك تعاودي كلمة غدي نوريك وجهي لي عمرك شفتيه (داز عليها خلها وهو يتلقا فاختة لي واقفة متبعة معهم داز عليها وهي تبعو من لور كتنگ تاني)