زواجي من صهري 💍مكتملة💍

الجزء 101 💍❤️

عند  اوس لي لبس حوايجو عبارة على سروال كطمة حكل   تيشورت كحل مبين فورمتو  غدي  خارج حتى تفكر سنسلا تع نجلاء رجع  هزهم شاف فهم بجوجات لقا تاع نجلاء تهرس ليها القفل رجعها خبها فالمجر تاع كوفوز  ودار لاخرة فجيبو  ونزل   لتحت شاف جيهت العيلات مبانتش ليه نجلاء هو بغا يطلب منها سماح ولاكين  لداخلو تاعو  يقول لا
اوس: بينو وبين راسو لا هيا لي دخلت هذيك الفكرة لوليدة هي لي بدات تمسكن باش تمكن بصح هي  مهزاتش  سنسلا ولاكين هي بغات تدي حوايج كثر من سنسلا  مشا خرج كيقلب عليها لقها جلسة مع لبنات فجردة وكين معهم رشيد لي مخشي فيها تنهد اوس ورجع فحالو جلس مع الرجال حتى تغداو وناض طلع لبيتو تكا باش يرتاح حيت ليل غدير صدقة غيجيو الفقها يقراو القراآن ويتعشاو تكا اوس وهدرت امو كدور فبالو ودكشي لي دار مع نجلاء حتى هو
اوس:اوووف اش هذا صداع الراسك اش درت انا حتى نتحط فهذا الموقف اش هذا الحريرة لي ولات فحياتي دعت تشتت انا بين هنا ولهيه ولادي من جيهة امانة مرتي من جيهة مرتي من جيهة امي من جيها هدرت الناس من جيها ياربي الصبر ياربي صبرك
عند نجلاء لي جلسة وصط لبنات وعقلها مامعهم هي جلسة وكتخمم فهدرت اوس لي جرحتها هو ضلمها  بلا سبة او هيا مدارتلو والو تنهدات وهي تستغفر وحاولات تهدن دبا ومتبين والو حيت الى عرف ايوب اش وقع غدي اديها معاه مغديش اخليها تزيد دقيقة وحدة معه واوس مغديش اخليها تعاود تشوف دراري وهي متقدرش تبعد عليهم حيت وعدات ختها تقبلهم  وعلى قبل وعدها غدي تزطم على كرمتها وتجلس معاه حتى يدير الله شي تاويل دالخير
عند العيلات فاش خرجات نجلاء وتبعوها البنات
بنت خت الجدة: خالتي مال هذي علاش كتهدر معنا هكا هي محتمتناش
الجدة: قالت ليكم الصح باش تعلمو دخلو سوقكم انا عرضت عليكم تاكلو وتخرجو لديوركم ماشي تبداو تعطيو ارأكم فحياة حفيدي وتقررو كيفاش اعيشها وتهدرو على زواجو ومرتو عاد ماتت ديك البنت لي قالتي محترماتكم راه دارت معكم مزية ملي مقلبات عليكم الدنيا دبا غدي تسمعوني مزيان حفدي وحياتو ماشي سوق حد الى جبتكم لهنا ديرو دكشي علاش جبتكم وعونوني بسكاتكم حتى تخرجو لديورك (شدات العكاز وهي توقف مشات لبيتها خلاتهم نزلو رسهم الارض
داز النهار وصل ليل فوتو الصدقة ومشاو الناس لي جاو بقاو غير العائلة القريبة وخوت نجلاء
جلسو كاملين فالصالون ومعهم اوس لي جلس كيشوف فنجلاء وسنسلة فيدو لي خاشي فجيبو كلعب بيها نجلاء جلسة جنب فاختة كتبان مهمومة عنيها فالارض فيقها من سهوتها يد فاختة لي تحطات على يدها
فاختة: بنتي نجلاء مالك فاش كتخممي من قبيلة وانا نهدر معك وانتي مكيناش هنا
نجلاء:(دارت عندها شافت فيها وبتسمات ليها بزز)لا اخالتي والو غير شوية دالعيا وصافي
الجدة:  نوضي بنتي تنعسي  ترتاحي قبل ميفيقو ليك دراري تاني يصدعوك
نجلاء: لا الميمة مفياش النعاس وانا بغيت نجلس مع خوتي شوية توحشتهم شحال هذا مشفتهم
امال:اه حتى حنا توحشناك اختي
اوس:حم نجلاء خاصك تنوضي تجمعي حوايجك وحوايج دراري راه غدا غنرجعو ل كازا
ايوب: كيفاش ترجعو الكازا
اوس:(شاف ف ايوب)اه غرجع حيت خدمتي تما وبغيت ولادي جنبي
ايوب:(شاف فيه وشاف فنجلاء يلاه غينطق وقفو كلام فاختة )🙍
فاختة:اه حتى انا خاصني نوض نوجد راسي ونجمع حوايجي (هي فاش شافت ايوب تعصب وكان بغا يهدر دخلات سمعها ايوب عاد رتاح )
الجدة: ايوا نوضو ترتاحو
نجلاء: لا الميمة غير خلني ملي غدا غنسافر نبقا جلسة معكم حيت غنتوحشكم الى مشيت 😊
فاختة:(بتسمات)واخيرا نجلاء ضحكات
ايوب:(وقف وهو ينطق)عماد ممكن واحد دقيقة (وقف معاه عماد خرجو يتكيفو على برى هههه)
سعاد:(بسم لي فيها )معلوم ضحك وهي جامعات حصيصة تاع ليكادو مكين غير الدهب الرفيع ههههه
دريس:(خنزر فيها )😠
الجدة:لي كادو لي داتهم كاملين تستاهلهم وتستاهل فوقهم كتر حيت هي لي كتربي فالدراري وهي فمقام امهم دبا وهي لي كتعب معهم وخا مولداتهم حضناتهم  وماشي بحال شي ناس كيولدو فيهم ويلوحهم لمربيات يكبرهم ويربوهم ليهم وكون ما الرجل كون ولاو دراري مسيحين(عطتها دق بلا قرطاس زعمة راه نتي كتولدي والمربيات لي رباو ولادك)
سعاد:(بدات تصرط ف ريقها ودور فعنيها حيت عطتها الحاجة علايش كتقلب بدات تنحنح وتقاد فالهدرة)هههه لا راه ماقلت والو غير بغيت نضحك مع نجلاء شفتها عيانة وبغيت نضحك معها
نجلاء :(بقات غير كتشوف والدنيا كدور بيها داكشي لي خلا ليها اوس كملاتو ليها هذي زيرات على يديها)😢
الجدة:مضحكي معها مضحك معاك انتي ماشي قدها وهي ماشي قدك باش ضحكي معها
نجلاء: (وقفات وهي تنطق بصوت مقجوج)سمحليا نخرج نشم شوية د الهوى (مشات خرجات الجردة تحت انضار الكل اوس كيطلع مرت عمو بشي شوفات ويهبطها غير باه لي شدو من يدو لي زير باين بغا ينوض يقربلها غير شدو مصطفى وخلا الجدة تكلف )
فهد:(شاف فهم وهو ينوض)عندها الحق نجلاء نضو نشمو شوية الاكسجين حيت تحبس هنا (خرج تبعها وناضت امال بغات تبع ختها وقفتها فاختة)
فاختة:بنتي امال اجي طلعي انتي وهاجر تنعسو عاجر نوضي معها.
هاجر:وخا اماما يلاه اختي
ايمان:حتى انا جاية معكم تصبحو على خير(ناضت حتى هي وناض جاد تبعها لي محملش امو تقول ديك الهدر وتبعاتهم اسراء واميرة )
مريم:(شافت ف رشيد وهي تنطق)ولدي رشيد اجي معيا نديك لبيتك ترتاح حتى ادخل ايوب (خنزرات فسعاد وهي تمشي مع رشيد)
اوس:(ناض وقف وهو ينطق)مرت عمي  كنحترمك خلني نحتارمك وندير بوجه دوك الايام لي عشت معاك وانا صغير وغدي نقول ليك نجلاء خط احمر ولي فات هذا الخط منعقلش عليه نمحيه من وجه الارض دكشي علاش غنقولك فوتيها واخير مرة نشوفك قلقتيها ولا بالغلط حيت ديك ساعة غنسا بلي انتي مرت عمي وبلي انتي كبر مني(تحرك من حداهم وخلها كترعد )
عند نجلاء لي كانت جلسة مخنوقة دموعها كتحبس فهم غير بزز
فهد:نجلاء
نجلاء: (شافت فيها جلس جنبها وهي طرطق بدموع وتلاحت عليه )فهد انا مابغيت لا دهب لا والو مكيهمني كنوز الدنيا قدما كيهموني ولاد اختي فهد انا مابغيتش دكشي لي عطوني الناس مابغيتوش انا بغيت غير ختي سهام
فهد:(عنقها بحب وكيدوز على ضهرها عرف بلي تجرحات من هدرت مرت عمو )ششش متديش عليها راه كل واحد كيعبر على لي فالداخل تاعو هي مدية وهي لي كيهمها دكشي نجلاء انا كنعرفك وعارفك ماشي مدية ومكيعجبك اصلا المجوهرات وفراسك لحد الان متيقتش واش نجلاء لبسات قفطان والمجوهرات ودكشي ديال البنات (بعدها عليه كيحاول يضحكها)قرصني نشوف واش بصاح انا جيت المغرب وشفتك لبستي قفطان ودكشي واقيلة غير كنحلم ياك
نجلاء: (ضحكات وهي تهزو بواحد القرصة حتى غوت)هههههه دبا فقتي
فهد:(حط صبعو فديك تقبة لي محفورة فخدها )شفتي هدي لي بغيت نشوف بلاتي نعبر واش باقي غرقين بحال كيف كانو شحال هذا (كيهدر على غمزات دار فيهم صبعانو بجوج ونجلاء دارت بتسامة حتى تحفرو مزيان )
هذاشي كامل داز قدام عنين اوس لي تبعها زير على يدو ودربها مع الحيط
فاختة:(جات وراه شافتو كيف معصب وهي بغات تلعب ليه على الاعصاب )
فاختة:اوس
اوس:(دار شاف فيها)الوليدة اش كدري هنا
فاختة:(بغات تلعب ليه على الاعصاب )اه كنت تبعت نجلاء فاش خرجات بغيت نشوفها ايكون بقا فيها الحال ولاكين فاش شفت معها فهد رتاحيت وفرحت حيت هو كيعرف كيفاش يضحكها ويخليها تنسا الهم شوف كيف ناشطة الله يخليها ديما فرحانة
اوس:(دار شاف فهد كهربق ل نجلاء شعرها وحوطها بيدو وهي كدرب فيه باش يطلقها تعصب ونطق) فرحتي هذاشي راه مكيفرحش امي شوف كيف مخشين فبعضهم وباشمن صيفة معنقين حنا خاصنا نهدرو معهم على هذاشي ونوعيهم ماشي نفرحو تخيلي اجي شواحد يشوفهم هكا ولا تجي خاطيبتو تلقاهم اش غاتقول (هههه اوس لي مكانش يتسوق ل هدرت الناس ولا يقول تخيلي اش يقلو عليهم الناس )
فاختة:(بتسمات حيت وصلات لدكشي لي بغات ونطقات)اميرة كتيق فهد كاع مغتقول والو الى شفتهم حيت هي عارف بلي فهد عزيزة عليه نجلاء بزاف ويحبها (شافت ف اوس لي زير على يدو وهي تكمل)اما على الناس الخرين هدرتهم مكتهمناش حنا يقلو لي بغاو ويفكرو كيف بغاو مهم غير نجلاء فرحانة وهذاشي بفضل فهد
اوس:(زاد كملات عليه بغا يطرطق )الناس ماهمناش فيهم وربي راه هذاشي حرام الوليدة حرام فهد غريب على نجلاء وخاصكي تهدري معاه يدير حدود بنتهم ولا انا غنتصرف
فاختة:(شافت فيه )ممم تصرف وبشمن صيفة اجي واش حلال عليك وحرام عليه حتى انت راك غريب عليها وباغي تسكن معها
اوس:انا ماشي هو فهد
فاختة:واشنو الفرق بينتكم
اوس:انا امناتني عليها ختها
فاختة: امانة عندك ايوا راه هذا الامانة تقدر تخليها تعيش وصطنا وصط العيلات وتبقى تسول عليها وترد ليها البال ماشي تديها تعيشها معاك بلا حتى شي صيفة وتخلي الناس انعتو فيها
اوس:(ملقاش باش اجوبها)الوليدة نجلاء راه مغديش نتزوجها فبلا متبقاي دوري ليا القنبة على عنقي
فاختة:حتى دبا ماقلنا والو بلا متزوج بيها ولاكين راه مغديش تجي تعيش معاك حيت الى انت مهماك اش يقلو عليها الناس انا راه كتهمني نجلاء وغدي نصونها كيف غنصون بنتي هاجر وكيف منبغيش بنت هاجر تسكن مع شي حد غريب حتى نجلاء بحالها (كملات ومشات خلاتو بوحدو واقف كيخمم هي حطات ليه كلشي قدامو خلات ليه الكرة فملعبو كيف كيقلو وحضرات ليه ختى ختو فالهدرة ودكشي مغديش يتقبلو لختو مايقبلش ختو تعيش مع شواحد غريب دار شاف نجلاء لي جا ايوب حداهم وجلس عنقها وبسها فرسها وهي تخشات فيه شاف فهد جلس كيشوف فهم ويضحك بان ليه عماد حتى هو جلس معهم وعنيه فنجلاء تنهد ونطق)
اوس:مغديش نخليها هنا ولا نخليها ترجع لدارهم
طلع لبيتو ينعس وهو كيخمم فهدرت امو اما عند نجلاء لي طلعات لبيت لقات الولاد نعسو وحتى ختها ناعسة معهم وهي تخشا حدها وبقات كتشوف فيها وهي تنطق
نجلاء:ياريت رجعنا صغار وندابزو انا وياك على ابسط الجوايج كنت صغيرة معرفاش ومفهماش هم الدنيا فراسك توحشت دوك الايام وخا كانو قاصحين عليا كنت صغيرة ومعرفاش ومفهماش كنبكي فزريبة حتى نتفش ونجي نضحك ونلعب بحلا مكين والو مكنتش نفهم الهدرة الخيبة وخا يقولها ليا بنادم كنت غير كنبكي فاش ناكل العصى كنت كنحس غير بالعنف الجسدي ودغية كتبرد الدقة دبا كبرت وليت نعرف معنا العنف النفسي وصعيب بزاف اختي صعيب بزاف (تنهدات وهي تعنقها ونعسات )
امال:(كانت فيقة كتسمع ليها وكتبكي بقات فيها ختها بزاف )😭
دازت ليل وصباح الصباح فاق الكل فدار ايت العلامي تجمعو فطرو ووقفو يودعو الجدة وولدها لي غيوصلهم مصطفى المطار