زواجي من صهري 💍مكتملة💍

الجزء 132 💍❤️

كملات نجلاء هي وهاجر توجاد الحوايج لبسو حويجهم وخرجو لقاو اوس لبس واجد كيلعب مع اويس و اقبال )
اوس: هاهي ماما و عميتو جاو واخيرا( كان كيهدر مع ولادو نزل باسهم و ناض وقف) صافي واجدين باش نقلعو
هاجر :اه واجدين صراحة مسخيتش بهنا مبغيتش نرجع ل فاس تاني
نجلاء:(شدات فيدها )ندوزو العيد تما وترجعي معنا اش بالك
اوس:(نقز هدر قبل متهدر هاجر)لا هي غتقرأ فضهر المهراز هكا بغا الوليد😒(بينو وبين راسو شهر وهي تنعس معاك وفيما ندخل لقك معها ملقيتش راحتي معاك وباغية تجيبها معنا تعيش معنا نو ابدا منخليهاش ماشي وانتي مبعدة عليا انجلاء)
هاجر: اه بابا هو لي باغي
نجلاء: انا نهدر مع عمي نقنعو
اوس:اش اتقنعيه تحركو قدامي هاجر غتقرأ فاس حسن ليها 😬
نجلاء وهاجر :(كيشفو فيه كيف تعصب )😰😨
(مشا اوس بدا يهبط فالحوايج حتى كمل نزلو موراه لبنات هاجر ركبت للقدام ونجلاء لور مع راري طريق كامل و اوس كيخنزر وعصب حيت شاف نجلاء ركبة لور هي كتهرب منو وكتستاغل هاجر باش تبقا بعيدة على اوس حتى من للوطو مكتجلس جنبو بقا متبع معها فالمريا حتى وصلو لمطار نزلو وطلعو لطيارة لي قعات والويجهة فاس
وصلو لدار لقاو كامل صحاب دار جلسين في صالو حتى سعاد مرت عم اوس ولادها ثم )
اوس: سلام و عليكم
فخيتة : (ناضت و هيا فرحانة )وليداتي توحشتكم بزاف (قربات جيهت اوس لي شدها باسها لراسها و يدها وداز سلم على موالين الدار كملين حتى نجلاء و هاجر سلمو عليهم كملو وجلسو يهدرو)
مصطفى : نجلاء بنتي كديرة لباس عليك كديرة مع دراري و اوس قوليلي واش كيعدبك باش نجبد ليه ودنيه هعه
اوس: هههه مالكم انتوما و ودني فهد جبدهم ليا و نتا باغي تجبدهم ههه (قالها بضحك )
نجلاء': الحمد لله عمي كلشي بخير اسول فيك الخير 😊
سعاد (هدرات بسم الي فيها ) : مصطفى علاش كتسول نجلاء نورمالمو خاصك تسول اوس ياك مكتعدبو
مصطفى : علاش نسول اوس نجلاء هيا لي هازة هبالهم هه
سعاد : اش متحملا الله يهديك هيا في حد ذاتها برهوشة مشفتش المرة ليفاتت كيفاش داتهم كلهم للحبس مفهمتش كيفاش اعطيتوها ولاد اوس تربيهم وهي كاع مربات رسها اش غتربي ل داراري 😏
(نجلاء جلسة و دايرة بتسامة صفرة في وجها و ساكت مبغاتش جاوبها حيت كبيرة فالعمرة ولا نقلو هي حترمتها على قبل مصطفى لي جلس وعلى قبل ولدها اوس جلس ك يشوف فيها فاش سمع مرت عمو اش قالت بقا كستنا نجلاء تجاوبها فاش شفها منطقات وهو يهدر)
اوس : خالتي قتلك من قبل شحال من مرة نجلاء خط احمر جي حتى ليها ودربي دورة ورجعي اما بنسبة دخلات دراري لحبس انا غنقولك سبب هي دخلتهم للحبس كيما قلتي حيت مكتبغيش ضلم هي تقدر ضحي بحيتها على قبل تعتق لي محتاجها اوكي و عقلها عامر حسن من ناس كبار لي كنعتبرهم بعقلهم ساعة صدقو غير براهش ( ناض ومد يدو شد يد نجلاء نوضها هي كانت شدة اقبال بين يدها هز اويس وغادي بيهم)
اوس :حنا غنطلعو نرتاحو حيت عينا من طريق ومافينا لي زيد الاعصاب (تمشا شوية ودار نطق )نجلاء مرتي لي سمعتو قالها شي كلمة تجرحها غيلقاني قدامو انا غنسا شكون هو ولا اش كان فحياتي من قبل
(طلع هو ونجلاء لي غدية معاه كتشوف فيه من ضهرو وتشوف فيدو لي شد بيها فيدها وصل جنب البيت فين كانت قبل فاتو غادي لبيتو ولاكين نجلاء وقفات )
اوس:(دار شاف فيها )نجلاء علاش وقفتي
نجلاء: وصلت ل بيت فين كنت انا ودراري
اوس:(شاف فيها ونطق)مبقاش غتنعسي فيه انتي بلاصتك جنبي واصلا بيت دراري جنب بيتنا تما فين غتبقاي
نجلاء: لا انا مبغيتش نعس معاك
اوس:(شاف فيها ونطق)نجلاء انتي قالتي حنا مزوجين قدام الناس وحنا دبا قدام الناس يعني غتولي تنعسي فبيتي معيا
نجلاء: لا حنا قدام عائلتك وانا غنبقا فبيت بوحدي
نجلاء : حنا قدام العائلتك هوما عرفين زوجنا كيف دير وانا غنبقا فبيت بوحدي
اوس: اش هذا الهدرة سمعتي مرت عمي اش قالت خلي عليك البراني نجلاء الناس كيقلبو غير فاش يهدرو الميمة قريب تجي و غيجو خواتتها و بناتهم يعني غيجي لبراني بزاف اش بغتهم يقولو علينا
نجلاء:ماشي سوقي انا من قبل جيتي قالتي نتزوجو على قبل الناس ميهدرو ودبا اجي نعسي معيا باش ميهدرو الناس انا مكيهمونيش موهيم انا منبقاش معاك في بيت وحد وكل واحد فينا يشد بيت 😒
اوس:(بقا كيشوف فيها يلاه غيجوبها قطعاتو مو)
(فخيتة فاش شافت اوس معصب من هدرت مرت عمو طلعات موراه باش تهدر معاهم حتى لقاتهم واقفين كيهدرو)
فاخيتة: اوس خير علاش مازال واقفين هنا بيتكم راه وجدتها هيا و وبيت دراري راه مقابلة معاكم باش الى بكاو يجيكم سهلين
اوس (فرح فاش سمع امو هدرت هكاك و زرب هو جاوب قبل متعارضش نجلاء):واخا الوليدة اصلا حنا كنا غدين ليها
فخيتة :(شافت نجلاء كيف معصبة عرفات اش واقع نطقات) الله يرضى عليكم وليداتي اه حقا تفكرت متديوش على سعاد هيا هكاك ديرة و نصيحة الى كانت بيناتكم شي حاجة متبينوهاش قدامها حيت ديركم في الجريدة وتعرضها على العائلة
اوس : كوني هانية الوليدة 😇
(نزلت فاخيتة ودار اوس ل نجلاء)
اوس:سمعتي اش قالت يعني خصنا منبينوش حتى قدام مرت عمي يلا للبيت
نجلاء: 😤وخا انا نحط حوايج في بيت تاعك ولاكين غنبقا نبات فبيت تاع دراري
اوس : كيفاش ب(قاطعاتو نجلاء)
نجلاء؛ حسن نبقى في بيت دراري ونديرو بهم سبة ولا نبقا ف بيتي القديمة وتسمع الهدرة من عائلتك حيت انا مكتهمنيش و انا وياك مغنبقاوش فبيت واحد ف بلا متعي راسك حيت مبقاش نخلي شي حد يبتزني كتر 😠
اوس: (شاف فيها ونطق) لي بغتي مهم بقاي غير فبيت دراري باش الى سولني شي حد نقوليه كيبكيو دراري(مشا دخل لبيتو وخلها هو تعصب بزاف )
اوس:(حط اويس فوق سرير وزير على يدو)لهذا الدرجة هي متيقاش فيا ومحملنيش
عند نجلاء لي حلات بيت جنب داك البيت لي دخل ليه اوس لقات فيه كونة تاع اقبال فالغوز حطتها تما وسرير تاع اويس فالزرق وكين واحد مدربة صغيرة جنبهم ديرينها على قبل الى بكاو وجا شي حد جنبهم
نجلاء: (تجبدات فوق ديك المدربة وكتخمم فكلام لي سمعات من مرت عم اوس وكيفاش جوبها اوس )كتحاول تبعد على بنادم ومتقربش ليه ولاكين هو كيبقا انغز فيك غنقولك لالة سعاد جتني فوقت لي وعدت فيه راسي عمري مندير شي حد فيه على قبل ولادك لي مشفت منهم غير الخير وعلى قبل رجلك غنسا اش قالتي
(تكات وغمضات عنيها محسات برسها امتى نعسات عند اوس حتى هو نعس ونعس جنبو أويس لي عيا من طريق
فالدار لتحت كلشي مشغول كيوجدو العيد لي مبقا ليه والو وكيوجدو ل استقبال الجدة ولدها لي غيجيو مورى العيد
فاقت نجلاء على صوت إقبال كتبكي ناضت حلات عنيها ومشات هزتها كتراري بيها
نجلاء: حبيبة ديالي كبدة ديال مامي فقتي هأ فيك جوع يلاه نوجد لحبيبتي شي حاجة (غدية خارجة بيها وهي تلقا أويس خرج من بيت اوس وكيدور بحدو تما شافت فيه)اويس حبيبي
اويس:مامييي😁(جاي كيجري عندها )
نجلاء: (نزلات هزات بيد وحدة وتانية شدات بيها اقبال )فين بابا
اويس:نيني بابي (خلا اوس ناعس وخرج لبرى ههنه)
نجلاء: قالك يحضي دراري هو نعس وخلا الولد خارج بوحدو كون طاح من دروج الله يستر
اويس:مامي طمطم (فيه جوع )
نجلاء: اه حبيبي هاني نديكم تاكلو انت وختك (نزلاتهم تلقات فهد )
فهد:(مد يدو شد من عندها اقبال) عمو توحشتك
نجلاء: تعضها تاني عنيك نجبدهم باش نكنو وضحين
فهد:(خربق ليها شعرها وجرها حوط كتفها )ههههه لا لي عضو الحنش يخاف من الحبل منقدرش نعاود قولي رتحتي شوية
نجلاء: اه الحمد لله
فهد:اجي نمشيو لصالون
نجلاء: لا غنمشي نقاد الولاد مياكلو فيهم جوع
فهد:ممم ادن نجي معاك نعونك 😊
نجلاء: مرحبا يلاه دوز ستاج باش نهار دير الولادك تكون عندك خبرة (غدين لكوزينة كيضحكو وفهد محاوط كتف نجلاء غافلين على عيون حاقدة كتشوف فيهم )
سعاد: البرهوشة الخرى جات غير لبارح ودارت ب اوس وخلات فهد بحال الخاتم فيدها وعماد حال فمو ودوك البهلات عندي غير مدرمين وحدة تخطبات وكتشوف خطيبها معنق لبرهوشة وكضحك قالت ليك ختو وتانية غير غدية متعرف دبر على رسها موالو اشنو فيها كون عرفات كيفاش تخلي اوس ابغيها ويتزوجها ياك هي قد هذا البرهوشة ولا كبر منها كاع (جلسة تخيط وتفصل غير بحدها حاسدة نجلاء على حياة اصلا نجلاء برسها مبغيهاش اشنقولك ا سعاد الله استرنا منك وصافي الطماعة )