زواجي من صهري 💍مكتملة💍

الجزء 32 💍❤️

**بارت32**

بعد مرور شهر
فهذا الشهر نجلاء بقات جلسة ف داخلية ونهار سبت والحد.كتمشي مع يسرى لدوارهم مبقاتش مشات لدار حيت فكرات فخوها رشيد مبغاتوش ابقا ايشوف داكشي مبغاتش تخلي عندو عقدة حتى هو فضلات تبعد قدما قدرات وتخليهم فتيساع غير على قبل رشيد كتقرا سمانة كلها وكين بعض المرات كتبطل هي ويسرى ويخرحو وكل مرة فين نجلاء عزيز عليها المغمرات ولقات مع من ايوا ملي اوصل الخر دالاسبوع كيمشيو بجوجات لدوار تاع يسرى  ادوزو الوكاند تما ويرجعو نجلاء كتواصل مع خوها وسهام فالتليفون وفراس ايوب بلي نجلاء كتمشي مع يسرى هي قالتها ليه وهو مرفضش حيت عرف بلي من الاحسن تمشي عند.صحبتها ولا تمشي لدار عند توريا وبراهيم 😢 عند عصافير الحب
فهذا الشهر اوس قاد امورو وحول خدمتو المغرب لعاصمة الاقتصادية كزابلانكا وشرا واحد الباغطومو فواحد الموبل عندكم تسمعو برطمة وتخيلو الضحى ولا سعادة هههه نو دبا نوصف لكم البرطمى لي شراء اوس ههههه غير تبعو معيا 😂
مهم قادو كلشي وجاو المغرب صبقات سهام الدار حتى شفتها وفرشتها على دوقها ايو من تما مشاو زارو العائلة تاع اوس فاس دوزو معهم واحد الاسبوع ومن فاس لبلاد امي نوارگ اليوم وصلات سهام الدوار وقف اوس للوطو تاعو قدام باب دار براهيم نزلات منو لالة سهام لبسة جلابة مخزانة فالصفر ومطروزة  فيها الخلالة فالصدر باللون الاسود ولبسات زيف مخلط بالصفرر والاسود مع صباط طالو فالاسود وشدة صاك كحل فيدها نزل اوس حتى هو لا يقال جمال عليها لابس سروال دجين زرق وتيشورت بيض ودير نضرات شمية وساعة كحل من جلد مزين بيها ايدو كيبان تيتيز تقدم جيهت سهام لي واقفة كيلمعو عنيها بالفرحة حيت رجعات لدوار وهاهي قدام باب دار الباها لي عاشت فيها صغرها وعاشت فيها دكريات زوينة مع امها وجدها وخوها واختها
اوس:(شبك ايدو مع يدها وشاف فيها بحب)حبيبة ندخلو
سهام:اه يلاه (يلاه تقدمو وهو يخرج براهيم فرحان درب ليك جلابة فالبيض وطاقية تقول اليوم نهار العيد هههه معلوم عيد بنسبة ليه راه اليوم بنتو حبيبتو جات عندو ومعها رجلها تقدمات عندو سهام تلاحت فحضنو )بابا حبيبي توحشتك
براهيم: اهلا بنتي على سلامتك ابنتي (عنقها بحب طلق منها وسلم مع اوس سلام رجولي عنقو حتى هو)ولدي اوس مرحبا بيك عندنا
اوس:سلام عمي براهيم كراك لباس
براهيم: لباس ولدي لباس تفظلو دخلو على سلامتكم (دخل اوس وسهام تحت  انضار الناس دالدوار لي خرجو كلهم كيطلو وصلات سهام واوس الداخل ديال الدار تعرضات لهم توريا كتبلحس وتسلم عليهم وهي راسمة ابتسامة فوجها )
توريا: مرحبا بنتي سهام مرحبا بولدي اوس على سلامتكم (النفاق الاجتماعي😒)
سهام: سلام خالتي لباس عليك(سلمات معها بالوجه )
اوس:(مد ايدو سلم معها عادي )اهلا خالتي لباس عليك
رشيد:(جرى تلاح على سهام)سهام اختي
عنقاتو سهام بحب كتبوس فيه طلقاتو وشدات امال كتسلم معها بحب وكلهم فرحانين (لبنات جات فبالي نجلاء مسكين كون كانت تشوف هذاشي مهم بلا متعاودو ليها اش وقع 😒)
دخلو العائلة السعيدة لصالون جلسو على صنية تاع اتاي المشحر والحلاوي اشكال وانواع والوز نعم اس وتمر وشريحة مهم طبلة مسطوكية بحلا ديرين العيد اه شوف الفرق بين الاستقبال تاع سهام ونجلاء لي مسكينة فاش جات ملقات حتى لي احل ليها لباب عساك استقبلوها بتمر والوز والكركاع والحليب بوووف الفرزيات ومصلاحة باش كيتعاملو فهذا الدار الله اهديهم
سهام: بابا باقي موصلش ايوب صونيت عليه قبل قال راه غيسبقني
ايوب:(من لباب )ها واحد سلام عليكم
براهيم: هاهو دخل دكر الديب وجبد زواطة
ايوب:كنتو شدين بيا النميمة ولا كيفاش 😒
الكل:😂😂😂😂😂
سهام: (ناضت وقفات مشات عنقاتو بحب وحتى هو بدلها العناق)خويا حبيبي توحشتك بزاف
اويوب:حتى انا توحشتك بلاتي نوشف(بعدها عليه وبدأ كيدورها ويشوف فيها)ممم ناس تبدلو كبرو وزيانو وبدلو حتى ستيل الجلابة نعم اس
سهام: (بخجل )باسل مالك بغتني نبقا ديما صغيرة ولا كيفاش بلاتي نشوف مممم حتى انت طولتي ودرتي الحية ومفرمي وتيتيز 😍مشالله
اوس:حم حم
براهيم: هههه غير لقيتو بعضكم نسيتونا ايوب زعمة راه شهر هذا مشفت ولا وحتى نسيبك هنا ولا بانت ليك اختك ونسيتي كلشي(😳البنات واش هذا براهيم نفسو جاني فيه العجب)
ايوب: لا الوليد راه بغيت غير نصبغ سهام شوية وندوز لكم
الكل:ههههههه
سلم ايوب مع اوس ومع الاب تاعو وخوتو ومد ايدو لتوريا سلم معها من فوق خطرو بلا هدرة جلسو تجمعو كيتناقشو ويسولو فأحوال بعضهم وصل وقت الغدأ حطاتو توريا دارت لهم دجاج محمر ودارت سفة وسلاط وديسير وموندا مهم تهلات فيهم نيت (ممولفاش ليها هههه )
كلاو حتى شبعو تكاو رتاحو شوية حتى فات العصر صلاو ودارو اتاي تاني دارو كسكروط وناض اوس
اوس:يلاه سيدنا نخليكم على خير
براهيم: فين زربانين اولدي جلسو عاد جيتو
اوس:عمي انا غنمشي مزال عندي شي امور خاصني نقادهم فكازا سهام غنخليها معكم دوز شي ايام عندكم
براهيم: حتى انت توحشناك ولدي زيد معنا شي ايام ومنها ترتاح شوية
اوس:عمي باقي الوقت من هنا القدام نوليو نتلاق بزاف
براهيم: كفاش
سهام: بابا حنا قررنا نستقرو فالمغرب واوس غيمشي دبا الدر البيضاء حيت حول خدمتو لتما وخاصو اقاد الامور ويتعرف على العمال
براهيم: بصاح ولداتي غتصتقرو فالمغرب
اوس:الى بغا الله اعمي حنا قلنا والكمال على الله
براهيم: احسن مدرتو رجعتو من الغربة الله اكمل عليكم ويوفقكم فرحتوني والله
سهام: امين يارب
اوس:يلاه نخليك اعمي نمشي يلاه نتحرك ايوب مشينا
ايوب:اكيد (ايوب غيمشي معاه اوصلو المطار فبني ملال حيت اوس ايمشي فطيارة تاعو الخاصة )
سهام :اوس كنفكر نمشي معاكم وفالرجعة نشوف نجلاء
اوس:رتاحي دبا من بعدي ها ايوب اوصلك رتاحي من العيا تاع طريق
توريا: اه بنتي فين زربنة ياك انتي باقية هنا حيدي العياء تاع طريق ونجلاء راه متهربش
سهام: انا توحشتها بزاف
ايوب:غير جلسي دبا نشوف واش تبغي تبطل ونطلعها
سهام: لا بلاش انا بغيت ندير ليها مفجاأة يلاه غير سيرو انتما دبا حتى غدا ونزل نشوف نجلاء
اوس:(شاف فيها وهو ينطق)سهام اجي معيا بغيتك(مشات خرجات معاه من بعد مودع براهيم وتوريا خرج هو وسهام قدام لباب )حبيبة غنتوحشك بزاف تهلاي فراسك
سهام: حتى انا غنتوحشك حبي مي سمانة وهنا عندك
اوس:سمانة 😒راه قالنا غير 3 ايام
سهام: هذا تلات ايام غنشوف فهم بابا ونشد الانتقال ل نجلاء ويومين غندور فدوار ونتسارة فيه ونهار غنخرج نجلاء نمشيو لشي بلاصة ونهار غنشدو فيه طريق
اوس:غتكمشي فدار عند اباك تشوفيه وغدا غيوصلك ايوب تشوفي اختك وانا غنطرگ داك ليسي ناخد ليها انتقال ورجلك نقطعهم الى خرجتي لشي قنت (سلا وهو يهاز واحد الحاجب ومنزل لاخور)تفهمنا ولا نفهمك بطريقة اخرى
سهام: غدا نمشي نشوف نجلاء وانت الى مشتي تاخد ليها نتقال بلا متقول والو راه بغيت نديرها ليها موفجاأة وسير لدار نيشان ترتاح والى مشتي دير هاك ولا هاك نطير ليك ودنيك وبنسبة لخريج فغدي نخرج وطبعا معيا خويا وندور فالدوار حيت توحشتو يلاه بسلامة عليك(ههههه ايهاي مع من انت اسي اوس
اوس:هههه وخا الالة يلاه كيف تفقنا متعطليش عليا عرفتي تزيدي نهار واحد اخور نجي نتفاهم معاك 😉
سهام:هههه لا منتعطلش اصلا منقدرش نبعد عليك حبي يلاه باي(غدية بغات تمشي ولاكين جرها اوس وهي تهدر بخوف وحنيكتها دغية تلونو )لا عافك لا راه ايوب وجيران كيشوفو
اوس:(جرها من يدها قربها عندو وهو يشد وجها بين يديه باسها بحنية على جبهتها)بسلامة حبيبة انا عارف بلي انتي كتحشمي ومغديش نحرجك احبيبة تهلاي