زواجي من صهري 💍مكتملة💍

الجزء 72 💍❤️

فهد: (تقدم عندها وهو كيشوف فيها ومطلع واحد الحاجب ومنزل لاخور)فيطامين ***** عمري سمعت هذا سمية فالفيطامين
نجلاء: (عنيها فالقرعة تاع دواء)فهد ارها لهنا هذا فطمين غير درتو فديك القرعة
فهد: (شاف فيها)نجلاء ياك ما يسحاب ليك كنرضع فصبعي هاأ وخا تشوفني كنضحك معاك ونتبرهش راه بعقلي وكنميز بزاف دالحوايج ماشي مسطي وهذا دواء تاع الاعصاب وسولت عليه
نجلاء: (خنزرات فيه )مزيان ملي سولتي عليه وعارف ديلاش لاش كتسول فيا ارى زمر لهنا 😒
فهد:(شاف فيها وهو يتنهد)كنسول فيك بغيت نعرف قصتو وعلاش كتشربيه حيت هذا كيتعطى غير لناس لي وصلو الواحد درجة ديالت الاعصاب مكتحكموش فريوسهم وكيأديو راسهم والناس
نجلاء: حتى انا كنأدي فالناس مالك مكتشوفنيش
فهد:لا انتي كتصبري ومهدنة كيوقعو ليك بزاف دالحوايج وكتبتاسمي وتسكتي ولي فيه الاعصاب مغيسكتش على هذاشي
نجلاء: (كتشوف فيه وهي تنطق)فهد كنسكت حيت مكنحس بداكشي كيجني عادي دكشي قدام شي حوايج اخرى كيبان تافيه ومكين لاش نتعصب عليه  دبا ارى داك دواء وخرج عليا
فهد:(تنهد وهو يقرب عندها حط يدو على كتفها)نجلاء هذا الدواء خطر منقدرش نغطيه ليك انتي مامريضاش باش تبقاي تاخديه عافك مطلبيش مني نعطيه ليك
نجلاء: فهد هذا الدواء كنشرب فيه شي 5 شهور دبا وميمكنش تقطعو عليا فنهار واحد
فهد:وخا ممكن نهدرو بغيت نعرف علاش كتشربيه وشكون خرجو ليك وشحال كتشربي منو
نجلاء: فهد مامطراش نجوبك عطني دكشي وخرج
فهد:لا مغديش نخرج من هنا حتى تهدري كتسمعي هدري ولا عرفتي اشنو انا نمشي نسول ختك عليه هي تشرح ليا (غادي وهي تشدو نجلاء من يدو)
نجلاء: فهد عافك متقول والو لحد
فهد:😮نفهم من كلامك بلي حتى واحد معارفك كتشربي دواء حتى سهام
نجلاء: (مشات سدات الباب وهي تنهد ودوزات يديها على رسها)اه حتى حد معارف والو ومبغيت حد يعرف
فهد:نجلاء هدري عافك اش عندك اش مخبية الله احفضك شوفي عتبرني خوك صديق هدري معيا عافك نقدر نعاونك
نجلاء: (جلسات فوق سرير وشدات رسها )فهد هذا الدواء انا خرجوت لراسي
فهد:كفاش اش كتخربقي هذا راه قال ليا الصيدلاني بلي مكيتباعش الا وعندك ورقة مختومة فيها طبع ديال طبيب الاعصاب
نجلاء: عندي ورقة انا مشيت عند طبيب وعطاني ورقة
فهد:😮اش كتقولي وعلاش هذا الدواء لقاصح علاش انجلاء كدري فراسك
نجلاء:باش منضر شي حد اخور كنضر فراسي افهد انا مكنشربش هذا الدواء حتى صافي منقدرش نتحكم فراسي كتوصل واحد المرحلة مبقاش كنشوف قدامي ونقدر نتصرف شي تصرف لي ندم عليه بزاف انا فاش نشوف راسي خطر على بنادم كنشرب هذا الدواء باش نترخا هو كيرخيني كيقاضي ليا جهد مكنقدرش نوض نتحرك ولا نهز يدي هكا كنفشل ومنرتكب شي حاجة لي ندم عليها صحيح انا كندرب الناس ولاكين كنكون متحكمة فراسي شوية كندرب ونقيس وفاش ندرب كنتكالم ونسكت نبقا نشوف ولاكين الى بنادم ورك عليا بالهدرة صافي كيبدأ راسي يزدح ويدي يترعدو وقلبي يبدأ يخبط وفديك الحالة الى مشربتش الدواء نفشل نقدر نقتل شي حد ولا نقتل راسي كتفهم افهد
فهد:(بقا غير كيسمع ليها )واش عندك اعصاب
نجلاء: معرفت اش عندي افهد عندي بزاف ديال الحوايج لداخل تاعي بزاف ديال الحوايج لي يخليوني نبدأ نعض فبنادم ونمص دمو بحلا الوحش ولاكين كنتحكم فراسي كنبرد دكشي لداخل تاعي وكنسكت
فهد:اشنهوما هذا الحوايج (سولها وكيشوف فيها)
نجلاء: (هزات عنيها فيه كتشوف فعنيه )لا ا فهد لا مابغيتش نشوف هذا النضرة عافك متوريهاش ليا ا فهد ماشي منك لا ا فهد انا بغيت نشوف نضرة تاع فهد لي طلاقيت اول مرة بغيتك تشوف فيا ديك نجلاء المسطية 😊لي خرجاتك سراتك فكازا وطلعاتك لصومعة ورداتك لدار مريض بالكرش عافك فهد ديك نضرة لي بغيت نشوفها فعنيك هذي لا
فهد:(مشا جلس حدها وهو يعنقها بدون شعور منو)عاونيني باش متغيرش ديك النضرة عاودي ليا اشنو واقع معاك خليني نعاونك انا مكنشفقش عليك ا نجلاء انا بغيت نعاونك عافك اش وقع
نجلاء: (حسات بيه عنقها وهي تغمض عنيها نطقات بهدوء)وقع بزاف ا فهد بزاف انا لداخل تاعي دير بحال شي متاهة كندور فيها باقي ملقيتش منين نخرج ملقيتش طريق من نخرج ضعت ضعت فالداخل ديالي كينة نجلاء صغيرة محبوسة عوني نردها عوني عافك
فهد: ششش(دمعو عنيه )تهدني وعودي ليا كلشي
نجلاء: (تنفسات بجهد وهي دفع فهد بشوية  بعداتو عليها ) مشاكيل مع مرت الاب والاب وبنت الاب وهذاشي من صغر وانا فيه حتى وصلت هكا (مسحات وجها )نسا دكشي ورا ليا دواء تاعي وخلينا زوينين مع بعض
فهد:(كيشوف فيها كيف مترددة بغات تهدر ومتيقاش تنهد)نهار تبغي تهدري انا مجود نهار تبغي تخوي قلبك غتلقايني جنبك
نجلاء: فهد هذي غير هدرة وسمعتها بزاف دالمرات من شحال من واحد كيقول انا فجنبك انا معاك وفعلا كيبقا معيا حتى نتعود عليه ونولفو ونولي ضعيفة حيت كين شي حد لي نعول عليه فالخر كيعطني بضهر ويزيد ويخلني بوحدي ضعيفة محطمة دكشي علاش قوية راسي براسي وبغبت نبقا قوية
فهد:تعاودي مشاكلك لشي حد هذا راه ماشي ضعف وتخبيهم هذا مكيعنيش القوة حيت غير كتمرضي راسك براسك ماشي كتعاوني فراسك ولي كيشرب دواء باش يتهرب من الواقع هذا راه جبان
نجلاء: اش كتعرف باش طلق عليا احكامك حتى انت انا مكنتهربش انا كنخمد فالشر لي فيا مابغيتوش اسيطر عليا
فهد:خاصك تعالجيه من الاصل طفيه من الاصل ماشي تخمديه لداخل ديالك وتخليه يبدأ ياكل فيك ويجعل منك وحدة عدوانية
نجلاء: (شافت فيه اش كيقول وهي دور عطاتو بضهر ونطقات بكل هدوء)انا بابا تبرى مني من قبل منتولد وعمرو هدر معيا ولا حن فيا ولا عبرني انا فقت حليت راسي فختي سهام لي كنعتبرها كلشي فالدنيا وهي تزوجات وخلاتني كان فعمري 9 سنين وقبل خلاتني فعمري5 سنين مشات كتقرى وانا عشت مع توريا توريا لي شعلات هذا شرارة تاع شر لداخل تاعي هي كانت تعدب فيا مرصات عليا كاع طرق التعديب انا كنت نبكي بوحدي كنت نلتاجئ لزريبة عند الحيونات نبكي تما انا كنت نسرح نهار كامل بجوع وكنت نبات ليل بالبرد وجوع انا  ا فهد كانت صغيرة بريئة كانو عندي احلام صغيرة (كتهدر بهدوء)فراسك ا فهد كان اول حلم ليا هو تكون عندي باربي كتغني ياما شفتها فيد بنت جيران وتمنيتها ليا وياما تبعت براهيم ملي كيبغي يخرج لسوق ونبقا نقول من موراه بابا جيب ليا مونيكا بحال ديالت فرداوس كنبقا نستنا قدام لباب نهار كامل امتى يجي ويجيبها ليا ولاكين كيرجع مجبهاش ويدوز عليا وانا كنت نحس كنت نحس بخيبة امال ولاكين من بعد كنقنع راسي بلي غير نسها وكنعاود نفكرو وهو خارج ولاكين كينسها تاني فاش يرجع وكنعاود نحس بخيبة امال فراسك افهد اخيب حاجة هي انك تبقا تنتاضر شي حاجة بفاريغ الصبر وفالخر تعرد الخيبة امال وانا تعرضت ليها بزاف حتى جات امال ختي هههه جات امال وليت نشوف شي حوايج تاني   تلاشا داك الحلم مابقيتش بغيت باربي ولايت بغيت حضن من بابا (فهد واقف ورها كيبكي دموعو نازلين هي عطاتو بضهر وكتهدر معاه)فراسك فهد كنشوفو كيعنقها ويبوس فيها وانا متلهفة لهذاشي متلهفة بزاف بغيت حتى انا يبوسني يعنقني يطبطب عليا مخليت مدرت باش نحصل على هذاشي منو (عضات على قنوفتها)مشيت قريت العام كامل وانا عقلي فالقريا بغيت نجح اه نجح باش بابا يفتاخر بيا ويعنقني ويفرح فاش نجح ولاكين هههه وقع العكس حطمني بزاف فراسك كنتفكر راسي كنت غبية بزاف خليت حلوة وخليت كلشي وشديت الناتيجة فيدي وكنجري ونقول مجريت بغيت نحصل على المكافئة تاعي من عند بابا فاش وصلت خلاني بلاكة كليت العصى من عند مرتو وبردتها فعضامي وتسنيت بابا يرجع فاش بان ليا مشيت كنجري قدامة حيت متلهفة لحضن تاعو جيت قدام اللوطو تاعو شوية ميقتلني تصدمت نزل براهيم فهذا الموقف لي كنت فيه كنت محتاجة لي يعنقني ويقول موقع ليك والو ولاكين براهيم نزل ودربني وقطع ناتيجة قدام عني وقطع احلامي وقطع قلبي معها تما بدات نجلاء الشريرة تخرج وانا كنكبر وهي كتغدا بالمشاكيل وتكبر لداخل تاعي حتى جا نهار لي فتبان فيه جات مرت الاب عرات الحقيقة قدامي عرفت بلي انا لي قتلت ماما وانا غير مرغوب فيا وتما خرجات نجلاء الشريرة بدات تعنف فالناس وفرسها كنسمع شي حاجة كدرني كنمشي نعنف فراسي باش نبرد وفاش دكشي بدا يطور شفت راسي كنفقد سيطرة مشيت دخلت نقلب على هذاشي اشنهو لقيتو مرض نفسي ناتيج على العقد النفسية ومن التنمر لي تعرضت ليه والضلم والحقرة فوصط داري وتما فين دخلت كنقرا على علم النفس فالتليفون وتعلمت كيفاش نكون هديئة ونتحكم فراسي ونتعامل مع بنادم بهدوء هذاشي كلشي تعلمتو ونفعني ولاكين بنادم مكيفوتنيش كنتهرب منو كنبعد ولاكين هو كيورك عليا حتى يوصلني لمرحلة لي قالتي عليها ديالت الجبناء كنوصلها كنشرب دواء باش نفشل هذا موقع ليا
فهد:(تحرك عندها شدها من يدها دورها بخفة وخشها فحضنو عنقها بجهد ودموع كينزلو من عنيه)😭
نجلاء: فهد انا بغيت بغيت نكون طبعية بغيت نتغير بغيت نبكي ا فهد بغيت نحس بدموع كيجرقوني فعني ويطيحو يجريو على خدي بغيت فاش ادرني شواحد نحس بهذاشي ونتقلق ويبان فوجهي مابغيتش نكون جماد بحال كيف كتشفوني فهد عوني عافك