زواجي من صهري 💍مكتملة💍

الجزء 119 💍❤️

نزل ايوب لتحت فين كانو كلهم مجموعين ومنهم براهيم لي حط راسو فالارض شاف فيهم ايوب وهو ينطق
ايوب:هي قبلات اختي قبلات ضحي بمستقبلها على قبل متعيش بنت اختي نفس المصير لي عاشت نجلاء لي بغيت نقول ليكم هذيك البنت لي الفوق قسات بزاف فصغرها وفقدات بزاف ديال الحوايج لي كطلبو منها تعطيهم دبا طلبي وهو الى هي كتحاول تعطي عطيوها حتى هي باش تلقا متعطي انا اليوم واقف مكتوف ليدين حيت فجيهة اختي صغيرة لي عنات وفجيها ولاد ختي لي صغار ومحتاجين وانا مقدرتش نكون اناني ونبعد عليهم الام ديالهم ولاكين هذا مكيعنيش بلي نقبل ختي تعدب (شاف ف اوس) نهار نسمع ختي ممرتحاش وجد وراق طلاق حيت غدي نهز ختي من عندك وبدون تردد (هز راسو لفوق ومسح على شعرو وشاف فالاب ديالو ونطق)طول حياتها كانت باغية حاجة وحدة منك ابابا حاجة وحدة وهي تحضنها وطبطب عليها وتقول ليها بنتي وانت قلبك قاسح وزاد قساح كتر هاهي نجلاء لي تقول عليها النحس غتخرج من دارك لتاني مرة وقلبها مكسور ومحطمة نتمنا تعيش حياة زوينة بلا بيها (مسح عنيه وغادي خارج)
اوس:ايوب
ايوب: (دار شاف فيه)متخافش نسيبي غنرجع نشهد على دفن ختي فالحياة ونشوف وجه بابا وهو مرتاح
(خرج وخلاهم كيشوفو نزلات فاختة من عند نجلاء وجلسات معهم )
مصطفى: كيف بقات
فاختة:خليتها مع إقبال هي متقبلاتش صعيب عليها هذاشي لي طلبنا منها
مصطفى: لا حولا ولا قوة الا بالله
اوس: (شاف فهم وهو ينوض)انا نمشي نشوفها وهدر معها (طلع اوس عند نجلاء ومشا لبيت فين كينة بدأ كيدق عليها الباب مد يدو باش يحلو لقاه مسدود تنهد وهو يعيط بسميتها)نجلاء (كيدق فالباب باش تحل ليه ولا من مجيب خاف عليها لدير شي حاجة فرسها )نجلاء حلي الباب جوبني ولا غنهرسو نجلاء (بدأ ادق فيه حتى شافو تحل بانت ليه واقفة قدامو وعنيها حمرين)ن
نجلاء: (كانت نعسات اقبال وجلسات تبكي جنبها حتى سمعات اوس كيدق مبغاتش تخرج عندو حتى شافتو زاد فالدقان وكعيط بجهد وغيفيق إقبال ناضت بزعاف مشات حلات لباب واقفات كتشوف فيه شوية خرجات وهي ترد لباب وشافت فيه)اش باغي شنو بغتي مني مزال لاش جاي عندي الشماتة الاخور تفو عليك كنكرهك (بدات تدرب ليه على صدرو بقبضة ايديها وتعير فيه)علاش مشتي قالتي ليهم غتزوج بيا الحيوان لاخور ختي عاد ماتت وانت قالتي مغتزوج عليها وجيتي لهنا وجبتني معاك وقالتي ل براهيم تزوج بيا 😠😭(كدرب وتبكي وتعصب وشعرها كيلعب فالهوى)انت احقر واحد شفتو فهذا الدنيا كنكرهك العلامي كنكرهك انت ممزيانش شماتة وحمار
اوس:(كان واقف بحال الحيط خلها تخرج كاع لي درها غمض عينو وهو كيسمع ليها وكيحس بدربتها لي محركو فيه والو حتى بدات تعير وتقول شماتة مد يديه شدها من كتفها ودفعها حتى لصقها مع الحيط ونطق)نجلاء انا ماشي شماتة ماشي شماتة وزواجي منك ماشي باش نتمتع ولا شي حاجة اخرى انا غنتزوج بيك باش نحافض على امانة تاع سهام وباش تكوني جنب الولاد وزواجنا مجرد حبر على ورق وغيبقا هكا كتسمعي انا متزوجتك ليا ولا باش تكون شي حاجة بنتنا انا كرهت راسي كتر ما انتي كرهاني محملتش هذاشي لي كندير فيه ولاكين هذا هو الحل الوحيد باش حتى حد ميحلش فمو عليك ويقول عايشة مع رجل غريب عليها (شاف فعنيها لي حمرين ومدمعين وتفكر هدرت ايوب وبراهيم تفكر اش داز عليها يتنهد ومد يدو مسح ليها عنيها بحب)مبقاش تبكي عافك انا وعدت ايوب عمري نخلي دمعة تنزل من عنيك وانا غنوفي بوعد وسهام حتى هي مغتبغيش تشوفك كتبكي
نجلاء: (كانت متبعة معاه حتى سلا ونطق اخير كلمة وهي تقول ليه)انت براسك لي كتبكني ودبا كتعطي وعود بالي عمري مغديش نبكي بعد عليا الزا**مل وفرقني عليك
اوس:(زير على يدو وهو ينطق تحت سنانو)نجلاء انا كنحاول نشد راسي عليك متزيديش فيه ودبا دخلي غسلي خنونتك وزيدي نزلي راه العدول لتحت كتسناو وتعطلي دقيقة غدي نطلع وغتكون لينا هدرة اخرى وهذا الكلمة لي قالتي مزال نتفاهمو عليها مزال نوريك فعايل شماية وز**ومل (زير على يدو ونزل تلقا فاختة فالدرج)طلعي نزليها الوليدة
فاختة:(شافت فيه معصب وحمر نطقات)وخا
طلعات فاختة عند نجلاء وهي تلقاها 😳😳😳
فاختة:(شافت فيها)نجلاء 😮
نجلاء: (دارت عندها كان كتشوف فالمريا لبصة قفطان جوهرة فالگورنة مخيط بالرندة وشعرها طلقاتو ودارت كحل فعنيها ومسكرة والعكر دارت بالعرض البطيئ وهي تشوف ففاختة وبتسمات وجات عندها)انا واجدة مدام فاختة يلاه نزلو
فاختة: (ستغربات منها وكيف تغيرات وبدات تقول مدام فاختة) نجلاء بنتي شوف الى مبغتيش ومقدرتيش تراجعي انا (قبل متكمل قطعتها نجلاء)
نجلاء: هههه الى مبغيتش ومقدرتش عاد كتقوليها حتى درتو لي بغتيو بينتكم وتفقتو عليا جايبيني من كازا يلاه نجلاء تبدلي الجو وتشوفي اباك لي اصلا عمرو كان بابا وانتما كنتو طبخين كلشي بنتكم وانا تبعتكم بحال مسطية ودرتو ليا كل واحد من جيها واش كيلغي كل واحد كيلغي بلغاه باش تزوجو نجلاء لرجل ختها حفاضا على صمعتكم باش ميهدروش عليكم الناس وعاد دبا جتي تقولي الى تقدرتيش ترجعي (بتسمات بستهزاء)فراسك عمري ختاريت شي حاجة فحياتي عمر شي حد عطاني ختيارات وخلاني نختار اش بغيت من قبل عاتقة قررات تولدني وتبعها الميمة لي قررات نعيش فدار براهيم تبعتها سهام لي قررات نجي نسكن معها تبعها اوس لي قرر نعيش معهم بزز تبعتيهم انتي لي قررتي وقترحتي اني نتزوج بولدك جا براهيم حتى هو قرر وامرني نتزوج بيه جا ولدك جاب العدول وقالي مسحي خنونتك ونزلي توقعي دبا غنزل والعدول غيطلب مني نوقع (تنهدات وهي تنطق )قولي كيف جيت ب قفطان اختي جاني زوين ياك
فاختة:😭(عنيها كيقطرو بدموع وحطات يدها على فمها وهي كتسمع لهذا البنت اش كتقول واش فقلبها )
نجلاء :(قربات عندها وهي تمد صبعها ومسحات ليها دموعها )مدام فاختة خاصكي تفرحي اليوم حيت غتزوجي ولدك حبيبك لتاني مرة المفروض تزغرطي وتنشطي
فاختة: نجلاء عافك براكة ابنتي متزيديش عليا كتر
نجلاء: هاني غنسكت غير بغيت نعطيك ميتال بيا باش نكون ليك قدوة فالحياة ومتخلي حتى حاجة تبكيك شوفني انا لبسة حوايج ختي وغنزل نتزوج برجلها ختي لي عاد دفنها بشهر انا غدي نتزوج رجلها وغنكون بلاصتها ونكون أم لولدها وناخد درها وحياتها وشوفني ناشط ومعلا باليش مسح دموعي وغنزل نتزوج (مدات يدها خشتها فدراع فاختة)يلاه مدام فاختة باش تولي عدوزتي رسمي
فاختة: (قلبها كيتقطع كرهات نهار فكرات فهذا الزواج وقترحاتو حيت هذا الهدرة تاع نجلاء باينة درتها بزاف وكتخرج فيها )سمحليا 😭
نجلاء: الله يسامح ربي كبير مدام وهو كيشوف العباد ديالو (شدا فاختة وغدية نازل هي وياها وصلات نجلاء لتحت فين كين اوس والعدول وبراهيم لي حدر راسو ومعهم حتى مصطفى وتوريا وكينة امال ورشيد شادين اويس كيلعبو معاه وامال كتبكي عنيها حمرين دارت لجيهة الخرى بانت ليها فطومة وبنتها ورجلها وقفين حتى هوما غمضات عنيها وهي تقدم مشات جلسات جنب اوس لي كان مصدوم فيها تحنات عندو وهي تنطق)سي العلامي بيما انو غناخد بلاصت ختي فقالت علاش منكونش نسخة عليها نلبس حويجها ونهز ولدها ورجلها واي حاحة كتخصها جوني حويجها زوينين ياك
اوس:(زير على يدو حتى بانو عروقو وهو يهدر تحت سنانو )عمرك تاخدي بلاصتها ولا تكوني نسخة عليها
نجلاء: (برود والابتسامة فوجها)وي عارفة مغنكونش فحلها ولا غتشوف مني دكشي لي شفتي منها كنواعدك بلي حياتك معيا غتغير وبزاف غدي تشوف الفرق بين نجلاء وسهام وغدي ندمك على نهار فكرتي تجي تقول باغي تزوجني
اوس:(مد يدو تحت طبلة وهو يشدها من فخضها وغرس فيها دفارو ونطق)الهدرة معاك من بعد
نجلاء: (بتسمات ولا هي تشوف فالعدول )سي العدل اش كتسنا العروسة هاهي والعريس حديا وشهود (شافت فبراهيم ومصطفى)هاهوما جنبك غير هو ولي امري مبانش ليا زعمة الى حتجيتوه دروري انا نعيط ليه 😏
(براهيم هاز راسو فيها لقها كتبتاسم وتهدر وعنيها فيهم بزاف ديال العتاب تنهد ونزل راسو دغية فاش سمعها قالت ولي امري )
العدل:😮😮😮😮
اوس:(بقا غير كيشوف وكيتحلف عليها )حم تقدر تبداو
العدل:(جبد سجل الزواج وكارت نسونال تاع اوس ونجلاء وشواهيد لي قدم ليه اوس حطهم وبدأ كيهدر)اليوم جيت وبسلطة لي تعداتني من محكمة الزواج جيت نعقد القران تاع سي اوس العلامي ب نجلاء الراضي
نجلاء: (شافت فيه كيهدر )ختصر كاع ديك الهدرة وارا نوقع راه باينة عرفتي شكون انا وشكون هذا وحتى هدو وعرفتني امتى تزديت وفين وشكون ولدني
اوس:نجلاااااء(ورك عليها)
نجلاء: مالك خلني نسكتو قبل ميقول بلي انا بنت براهيم حيت براهيم مغيعجبوش الحال
اوس:(زير يدو ودربها فوق طبلة حتى تهز كلشي؟نجلااااااء سكتي (شاف فالعدل )حط ليها توقع
مصطفى:اوس تهدن
اوس:شكون خلاك تهدن ولا تكون بنادم 😠
نجلاء:😊😊😊(فرحات حيت شوهتهم وخلات اوس يكشكش وبراهيم اغرق فحوايجو )
العدل: بغيت نستفسر على واحد الحاجة واش العروس قبلة على الزواج(يلاه ايجاوب اوس سبقاتو نجلاء)