زواجي من صهري 💍مكتملة💍

الجزء 38 💍❤️

**بارت38**
دخلات سهام وتبعتها نجلاء لي جاية لبسة سروال دجين زرق باحت وتيشورت بيض واسع خشاتو فسروال من لقدام ومعه سبرديلة بيضة وشعرها طلقاتو وديرة كسكيطة كحلة  على رسها  فيها واحد نجمة بيضة من جنب ستل جها مقود
دخلو لبيت فين كين براهيم مشات سهام سلمات عليه بالوجه وهو عنقها
براهيم: اهلا بنتي مرحبا بيك (عنقها بحب فهذا الوقت نجلاء جلسات ودارت ليكيت فودنها وتكات رسها لور ومتبعة معهم )
توريا: اهلا بنتي سهام لباس عليك مالك مدزتيش لبارح درت بحسابك العشا وتسنيت  حتى قال ليا براهيم بلي انتي بتي فالفرمة
سهام: اه مرجعنا لبارح حتى ابنة وقت ونعسنا فالفرمة
هوما كيهدرو ومتجاهلين نجلاء لي كتشوف فهم ورسمة بتسامة سخرية على جنب فمها
براهيم: توريا جيبي اتاي
سهام: حم لا ابابا راه شربنا اتاي عند عمي العربي  حنا غنتحركو دبا كنتسنا غير ايوب وصل
براهيم: لا حتى تغداي ابنتي مالك زربانة
سهام: مرة اخرى بابا راه مزال عندي شلا ميدار فكازا دار مزال خصني نقاد فيها شي حوايج ونجلاء غتبدأ قريتها
نجلاء: اووه خصرتي اللحضة الحاميمية بين الاب وبنتو علاش تجبدي النحس كنتو غدين مزيانين حتى لخر وخصرتيها (هههه كانت متكية رسها لور وكتشوف فهم وكتهدر )
سهام: نجلاء (زعمة سكتي)
نجلاء: (دارت اشارة بيدها بحلا سدات فمها بسنسلة ههه)😯
براهيم: (مشافش فيها تجهلها تماما)توريا فين اتاي
توريا: اه هاني انحطو
(مشات توريا جابت اتاي حطاتو ومعاه الحلوة والوز وتمر الكركاع نجلاء باقية بنفس الوضعية كتشوف فهم والابتاسمة على وجها كبو اتاي وكيشربو هزات سهام كاس مداتو ليها ودربات ليها نجلاء برسها زعمة لا مبغيتوش الحاصول فهذا اللحضة تبين لنجلاء بلي هي مكتنتميش لهنا وقررات قرار لا رجعة فيه هو عمرها تعاود تعتب هذا الدار ولا ترجع لهذا الدوار
دخل رشيد لي كان فالمدرسة لقا نجلاء وهو يتلاح عليها عنقها بحب
نجلاء: واخيرا جيتي تسنيتك بزاف
رشيد:عاد خرجنا اختي لباس عليك
نجلاء: وي وبزاف ملي شفتك انا لابس
سلم رشيد مع سهام ورجع جلس حدى نجلاء
توريا:هاك ولدي كويس تاع اتاي
رشيد:(شاف فهم وشاف فنجلاء مكتشربش )لا مبغيتوش
توريا: اه هاك حليوة (هي كدير هذاشي باش تغيظ نجلاء)
رشيد: مابغيت والو اماما 😠
سهام: (شافت فهم وهي تحط واحد الحلوة كانت شدتها فيدها )اتعيط على ايوب فين وصل واش عمر للوطو بالمزوط
يلاه اتعيط بان ليها ايوب دخل
ايوب:(سلم عليهم وريح جنب نجلاء) بخوشة صافا
نجلاء:😯(دارت ليه بيدها شش)
سهام: حم يلاه ايوب راه ايمشي علينا الحال وطيارة كتسنانا
براهيم: صافي ابنتي مبغتيش تغداي معنا
سهام: بابا راه اوس صيفط لينا طيارة وخصنا نمشيو فالوقت.
وقفو وبداو كيتوادعو سلمو مع سهام ونجلاء بقات غير تبعهم كتشوف خرجو لبرى كلهم تسنات نجلاء براهيم احن فهذا اللحضة الاخير تسنات اقول شي حاجة مي والو
نجلاء: (شافت فهم وهي تسلم مع رشيد لي كيبكي)خويا تهلا فراسك وقرا مزيان وانا راه درت ليك وتساب فطابليت انولي نعيط ليك ديما ابيل فيديو وملي تكبر ان شاء الله نتلاقو انا وياك فبلاصة وحدة اخرى
رشيد: علاه مبقاش غترجعي😢
نجلاء: غدي نبعد نحس المنحوس على حياتكم اخويا نتمنى تعيشو فسعادة بلا هذا وجه النحس (هذاشي سمعو كلشي ) يلاه تهلاي (تحركات شوية وهي توقف شافت فامال وهي تهدر معها)امال بسلامة عليك اختييييييي
امال:(شافت فيها دمعو عنيها يلاه غتمشي عندها تعنقها مي نجلاء عطتها بضهر وطلعات للوطو )😭(مشات امال دخلات لدار بجرية وطلعات لبيت نجلاء كتبكي فيه اه هاهي حنات مي حتى فات الفوت حتى صافي مشات نجلاء عاد.حن قلبك امال ايوا بكي دبا بوحدك وندمي بوحدك
غبرى ركبات سهام جنب ايوب وتحركو وعنيهم كيدمعو لاهي لا ايوب مي نجلاء سلات دموعها من شحال هذا نسات كيفاش تبكي لداخل تعها شاعلة العافية ولاكين كتمتها خلتها تاكلها من لداخل تحرك ايوب وهي تهز عنيها دارت شافت فبراهيم اخير شوفة
وهي تكي رسها لور وركبات لكيت فودنيها كتمزك
بعد رحيل نجلاء ب 10 دقائق وفبلاصة فين كانت للوطو تاع ايوب واقفة وقف كاميو كبير ونزلو منو شي تلات الرجال
براهيم: اهلا عاد وصلتو تعطلتو
واحد من دوك الرجال:كنا كنفطرو فالقهوة فين البهايم راه مزال تبعنا طريق
براهيم: اه تبعوني (تبعوه لزريبة وبداو اسارجيو فالبهايم صرجاو كلشي دجاج الغنم البقر العود اي حاجة كانت تما خرجوها كشطو الزريبة تخلص براهيم وتحرك الكاميو من نفس طريق لي مشات منو للوطو لي كانت فيها نجلاء ياه الخير لي كان عندهم جا فاش جات نجلاء لهذا الدار وهاهو خرج فاش خرجات منها نجلاء  كانت قدام الربح على براهيم حيت فاش جات هو شراء البيكوب وكبر الكوري ولا الخير مدفگ عندهم شبعو البيض البلدي والدجاج البلدي القنية والحليب زبدة اللبن هذاشي ديما مجود عندهم فدار عمرهم شراوه ولا عرفو تمانو هاهي نجلاء مشات وتبعها كلشي نجلاء لي عند بالهم نحس هي دخلات لهذا الدار بقدام ربح جات  وبرزقها وهاهي خرجات منها وتبعها كلشي فنفس نهار
رشيد:(كان واقف وراء الاب ديالو لي متبع عينو الكاميو وحتى توريا واقفة جنب لباب هي وامال لي خرجات فاش سمعات صوت لمعيز كيغوت ولبقر مفهمات والو حتى بان ليها كلشي مشا نطق رشيد)مشات نجلاء ومشاو كاع البهايم كلشي مشا بحالو
براهيم: (هذا الهدرة دخلات فيقاتو شرد فيها حتى حس بيد تحطات فوق كتفو)هاأ
توريا: مالك واقف يلاه ندخلو
براهيم: (نفض الافكار لي جاوه وهو يتنهد)اه يلاه رشيد يلاه دخل
دخلو العائلة لدار نخليهم فحياتهم من بعد نجيو نطلو عليهم نشفو كيف عايشين من بعد متهناو من نحس لي كيقلو عليها خليونا نمشيو بلاصة اخرى وهى فوق السحاب حيت كانت نجلاء جلسة ف مقعد فالطيارة الخاصة ب اوس العلامي هههه كطل على الدنيا شحال صغير وكتفكر جنبها سهام لي شدة فيدها بحب
نجلاء: (بينها وبين رسها )واش هذا الدنيا الصغيرة هازة كاع داك الوحوش لي شفت واش هذا الدنيا صغيرة هي لي بكتني بدل الدموع دم هذي هي الدنيا لي بنادم طاغي فيها ومتجبر على الضعيف ويحتقر اليتيم وينهر السائل هذي هي الدنيا لي الناس كيحاربو بعضهم على قبلها هذي علايش ماتو اطفال صغار مالهم دنب وهذي هي علاش تشردو الناس فبلادت اخرى  واش دوك الحروب لي ناضو وماتو فيهم ارياء  نوضهم بنادم  على قبل هذا الدنيا الصغيرة معرفت هذا الناس واش فايت ليهم شيفين من لفوق الارض فين عيشين هي راه والو كتبان صغيرة بزاف ومديماش اه يا دنيا شحال انتي صغيرة   سبحان الله لي خلقها وخلق لي فيها (بقات تأمل فاللارض من الفوق حتى سمعات بلي غينزلو حيت وصلو مطار محمد الخامس فالدار البيضاء نزلات الطيارة وحطات بطلتنا رجليها فمدينة جديدة وفحياة جديدة ياترى واش غتكون حسن من دكشي لي عاشت ولا كفس نتبعو معها ونشفو اش غتعيش البطلة تعنا فالدار البيضاء .
مع نزلو لقاو للوطو كبيرة كحلة وشيفو لبسة لبسة بيضاء كيتسناهم حل ليهم الباب ركبو بجوجات لور وتوجه من النواصر لدار البيضاء