داز شهر على اخير الاحدات
فهذا شهر تغير بزاف ديال الحوايج منهم تعامل ديال سهام مع نجلاء سهام حلفات حتى تخلي ختها تكرها قبل متموت وماشي غير نجلاء حتى اوس كتنكدها عليه بغات حتى هو يكرها هي خبات حملها على اوس بغات حتى يفوت الوقت ديال الجهاض وعاد تقول ليه وتحطو قدام امر الواقع سهام دبا عندها شهرين ونص ديما كتعدب غير بحدها وكتصبر وتشرب دواء هي كدير اي حاجة لي تقلق نجلاء وفاش تمشي نجلاء تبدأ سهام تبكي وبعد المرات كدخل عندها لبيتها باليل فالتخبية تبقا مقبلها وتبكي حتى تفش على قلبها وتخرج من عندها نجلاء مبقاتش كتهدر معها كتبقا غير تشوف فيها كيفاش كتصرف معها نجلاء بقاتش كتبغي دخل لدار كتمشي نهار كامل وهي فالقريا والخدمة وليكول تاع اللغات والى شاط ليها شي وف
قيت كتمشي عند خولة صحبتها مكدخلش لدار حتى 8 ديال ليل كتلقا اويس حطاه سهام فصالون كتهزو تديه لبيتها تبقا تلعب معاه هي كترتاح معه بزاف وحتى هو مولفها حيت سهام هملاتو فهذا الخر نجلاء فاش كتشفو كيبكي كيبقا فيها كتهزو تقاد ليه بيبرونة تاعو ولا كينعس معها بعض المرات حتى تفيق فالصباح وتديه تحطو بلاصتو وتخرج فحلها مبقاتش تهدر لا مع اوس لا سهام
اوس يا اوس لي ولات علاقتو بسهام متوتر بزاف فهذا شهر غير كيدخل تبدأ تنكد عليه حتى تعصبو ويبدأ اغوت ويمشي يخرج ولا ينزل لصال ادوز وقتو تما
سهام: (شافت الكل خرج بقات غير هي وأويس مشات عندو هزاتو كتبوس فيه وتعنق فيه )حبيبي سمح ليا على تعامل تاعي معاك فراسك حبيبي انت عونتني بزاف ووفرتي عليا بزاف فاش ولتي تنعس مع طاتي وتواسيها وولفتيها فراسك دبا الى مت وخليتكم وريا غدي نرتاح حيت غدي تعونو بعضكم انا فاش نموت انت غتعونهم مغتخليهم يدخلو لضلام انت احبيبي نعمة من عند الله الله يحفظك يارب(تنهدات فاش تفكرات كيفاش كدير رسها الى شافت نجلاء مامسوقاش ل أويس وتخليه يبكي بحدو وتنخلو باش تمشي نجلاء تهزو )سمح ليا كنستغلك اولدي ولاكين هكا حسن حيت من بعد فاش نموت غتبقاو لبعضكم
عند نجلاء لي كانت جلسة فكافي هي وخولة وكتهدر معها
نجلاء :(كتعاود ل خولة كلشي )والله حتى مرضت اصاحبتي مرضت بزاف معرفت مال سهام
خولة:اتوكون غير تقلقات منك حيت اوس لقاك مع زياد
نجلاء: لا ماشي هذاشي هي بيها شي حاجة معرفت اش كتخبي حيت ماشي غير معيا فالاول صدقت هدرتها وكاع دكشي لي قالت ولاكين من بعد وليت نشوفها كتغير مع كلشي
خولة:كيفاش
نجلاء: مع رجلها مع ولدها لنفرض انا محملانيش حيت كنت ندير علاش وخليتها تكرهني ولاكين ولدها اش دار ليها هو باقي صغير عرفتي كتخليه ابقا ايبكي يبكي حتى اولي حمر
خولة: اجي ياك ما ختك مريضة بالمس ولا الاكتئاب ولا الاعصاب
نجلاء: (شافت فيها )لا الاعصاب مفيهاش هي دكشي كلو كديرو بالعاني ولاكين غنعرف كلشي طال زمان ولا قصار غنعرف اش مخبية
خولة: اجعل الله خير اجي قولي كيف غدية مع زياد
نجلاء: كنتواصلو عادي وكنتلقاه مرة مرة فاش نكون خرجة من الخدمة
خولة: امتى ناوي يخطبك
نجلاء: قالك ترجع امو من العمرة فراسك ا خولة والله الى زياد طلع رجل مزيان وكنرتاح معاه هو غير ليا فكرة لي كنت وخدة على رجال بسباب داك المريض
خولة:ممم ولتي تبغيه
نجلاء: معرفت واش حب ولا اعجاب ولا غير رتاحيت معاه (نجلاء اول مرة تشوف شي رجل غريب كيهتام بيها ويبغيها وباغي غير رحتها عجبها هذا الاهتمام وحتى هي بنت وكتحس ومع دوك المشاكيل لي تعرضات ليهم رتاحت فاش زياد جنبها ديره بحال ملجئ ليها فاش كتعيا من دنيا كتهرب عندو هو كيحسسها بحلا هي اميرة وكيدللها ويعطيها اهتمام لي محتجاه)
خولة: الله يكمل عليكم اختي
نجلاء: امين يارب
عند اوس لي جلس فالمكتب تاعو كيخدم فشي وراق وهو معصب طلع ليه دم من الوضع لي ولا عندو فالدار هو كيسايس مع سهام وهي عا مزدت فيه سلا وهو ينوض خرج وتوجه للوطيل تاعو جديد طل على الخدمة تما كيف ديرة هو قليل قليل فين كيجي ليه شاف الامور يلاه بغا يخرج وقفو المساعد تاعو
مساعيد:مسيو اوس بغيت نفكرك راه عندك عشا عمل اليوم فالاطيل
اوس:اه نسيت اوكي وجد كلشي انا غحضرو
خرج اوس رجع لشريكة دوز فيها النهار كامل وصلات العشية وهو يتحرك لدار باش يوجد راسو العشاء عمل لي عندو دخل لقا سكات فالدار وغير ضو تاع الكوزينة لي شاعل تمشا بلا حس محدو كيقرب وهو كيسمع صوت البكى قرب وهو يدخل لقا سهام كتشري فالدواء وتبكي
اوس:(شفها وهو ينطق)سهام مالك علاش كتبكي
سهام:(غير سمعاتو طاح ليها الدواء بتلفة نزلات هزاتو دغية وهي تخبيه ورى ضهرها )حم اوس جيتي
اوس:(دخلات ليه شك لراسو بداك تصرف تعها)اش دكشي خبتي (كيقولها وهو هاز حاجب ومنزل لاخور)
سهام:(كتصرط فريقها ودور فعنيها)والوو مخبيت والووو ماشي شي حاجة هذا دواء تاع وجع الرأس
اوس:(شاف فيها وهو ينطق)دواء تاع الرأس وعلاش خبتيه (شفها تلفات وكدور فعنيها مد يدو ليها )ارى نشوف
سهام: اوس اش غتشوف راه قالت ليك دواء تاع الرأس صافي بلا متزدني شقيقة كتر مهي شدني (قالتها وبغات تمشي )
اوس:ارى نشوف اش دكشي(شدها من يدها جرها وهو يمد يدو جر بكية تاع الدواء من ورا ضهرها شاف فيها )
سهام: (كتجابد معاه باش تحيدها ليه ولاكين شدها من يديها مخلهاش)اوس ارى الهنا طلق داكشي
اوس:(حكمها من يديها وبدأ كيقرأ فالدواء )فيتامينات تساعد المرأة الحامل وتتبيت الحمل (شاف واحد بكية اخرى قرها وهو يشوف فيها بشك )اش هذاشي
سهام: والو
اوس:(شدها جرها عندو وشدها من كتفها وكيهدر وهو كيغزز فسنانو )يا غتقولي اش هذاشي يا غنمشي براسي نعرف والى عرفتك كتخبي عليا شي حاجة مغيعجبك الحال
سهام: (طرطقات بالبكا صافي فاض بيها الكاس صبرها تقضا طحت الارض)هئ هئ هئ😭
اوس:(شاف فيها ونزل عندها شد وجها بين يديه )شوفي فيا قولي مالك اش عندك علاش كتبكي وعند شهر وانتي مبدلا وتصرفاتك معجبونيش قولي مالك واش قصة هذا الدواء اش كتخبي عليا دوي
سهام :(شافت فيه )اوس انا عيت مابقيت قدرة نخبي كتر من هكا
اوس: اش عندك اش كتخبي
سهام: انا غنقولك ولاكين واعدني متبزز عليا شي حاجة فوق طاقتي وعدني عافك
اوس:(شاف فيها كيفاش كتبكي)كنواعد واصلا عمري بززت عليك شي حاجة ولا غنبززها عليك
سهام: انا حاملة
اوس:(شاف فيها وتصدم وبتاسم فنفس الوقت)كيفاش انتي حاملة ومن امتى وعلاش كتبكي
سهام: انا حملة شي تلات شهور هذي وعندي مشكل فالحمل ..........(عودات ليه كاع دكشي لي قالت ليها طبيبة)
اوس تعصب يلاه غيهدر سمعو شي حاجة تخبطات وتهرسات خرجو بجوج يشفو لقاو زاحد الفاز كان تما هو لي طاح ولقاو نجلاء حداه طيحة على ركبيها وعنيها محلولين مصدومة من هذاشي لي سمعات
سهام: (غير شفتها مشات جرات عندها وعنقتها وبدات تبكي بحرقة)😭😭هئ هئ
نجلاء:(شافت فيها وهي تنطق)هذاشي لي سمعتو كدوب ياك انتي غير كتكدبي (شافت فسهام لي كتشق بالبكا قدمها)هدري علاش كتبكي قولي بلي ماشي بصاح
سهام:(عنقتها لصدرها )اه كاع لي سمعتي بصاح (مكملتهاش حتى حسات بنجلاء جرتها)
نجلاء:(وقفات وقفات معها سهام وهي تنطق)يلاه لبسي حويجك يلاه نمشيو لطبيبة طيحيه (جرتها وهي كتهدر معها)
سهام:(نترات يدها من يد نجلاء)انا مغديش نطيحو مغنسمحش فيه
اوس:(كان معصب وكيشوف فهم مشا شد سهام كينخض فيها)واش هبلتي لجدك واش تسطتي واش بغية تنتاحري كتقولي هو خطر على حياتك وتقولي مغتنزليش (جرها )غدي تحركي دبا تلبسي حويحك وتجي معيا لطبيب
سهام:(وقفات وهي تنتر يدها وهي تشوف فيه)انت وعدتني وعطتني الكلمة بلي مغديش تبزز عليا شي حاجة اوس
اوس:اه قالتها ولاكين ماشي نخليك تنتاحري
سهام: انت وعدتني وخليك عند وعدك
نجلاء:(قطعاتها )هو عطاك كلمتو ووعدك مي انا لا يلاه زيدي معيا لطبيب طيحيه
سهام: لا هي لا انا خديت قراري ومغديش نتراجع فيه😠
نجلاء: (شافت فيها وهي تنطق)انتي انانية اسهام انانية وبزاف بغية تخليه وخا خليه وولديه وموتي وخليه وراك يبداو يقلو عليه الناس هذاك لي سبب فموت ماماه وهو يكبر وكيسمع هذاشي ويعيش بهذا الفكرة ويتعقد من صغرو (شافت فسهام وهي تنطق)سهام متزيديش ضحية تانية الله اخليك اختي مدريش هكا
سهام:هو ماشي فحالو هو مقف وواعي و مغديش يتصرف داك تصرف (هي كتهدر على اوس زعمة راه هو متقف ومغديش يتاهم الجنين بلي هو لي قتل امو مجبدوش سميت براهيم حيت نجلاء مبغاتش اوس يعرف وسهام حترمات قررها )
نجلاء:علاه لي كنهدرو عليه ماشي تقف وقاري ورغمة دالك شفتي اش قال (زعمة راه حتى براهيم قاري واعي ولاكين حمل نجلاء دنب موت الام ديلها تنهدات نجلاء وشافت فيها وهي تشدات وجها ختها بين يديها )سهام نبوس يدك اختي مديريش هكا متغلطيش نفس الغلطة اختي متعاوديش الماضي تاني اونتي عارفة اش واقع فيه وحضرتي لكولشي عافك اختي مديرهاش فكر مزيان
اوس:(غير واقف كيشوف دير بحال الاطرش في زفة تكلما وخلا نجلاء تصرف حيت هو الى دخل مغديش يكون خير غيديها بزز منها تنزلو وخا يعرف تكرهو بقا متبع معهم وكيشوف نجلاء كتهدر على الماضي ومفهم والو عند بالو هي عارفة قصة عائلتها لي لاحوها )😠😠
سهام: (شافت فيها وبدات دمع)علاش مكتفهمونيش علاش انا سبع سنين وانا ندوز على قبل الولاد ومخليت مشربت ومخليت مدرت وفالخر ملي عطاهم ليا الله نمشي نقتلو لا منقدرش(نهارت بالبكاء)
نجلاء: (تنهدات وهي تزير ليها على وجها كتر)ربي قال لا ترمو بأنفسكم الى التهلكا الى ربي سبحانه قالنا مناديوش راسنا علاش بغتي انتي تأدي راسك سهام انتي راه كتنتاحري هذا الحمل انتي عرفاه خطر على حياتك ومزال متشبتة هذا راه كيعني كتقتلي فراسك وربي حرم قتل النفس
سهام: اه ربي حرم قتل النفس وانتما كطلبو مني نقتل روح
نجلاء: وخا خليه قتلي راسك وقتلني ماعك وقتلي ولدك وتهناي انتي انانية اسهام (هزات واحد الفاز خبطاتو فالحيط)اعاععععع
سهام: (مشات شدتها عنقتها)ختي مغيوقع والو عافك تهدني
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
