زواجي من صهري 💍مكتملة💍

الجزء 146 💍❤️

فهد:(عرف اش واقع وعرف بلي دكشي كامل من فعايل نجلاء) ههههه متخافش انا نربيها ليك حتى ترجع
اوس:والله وتقيسها حتى نجي نتفهم معاك
فهد:ياعيني على الحب وعلاش خليتها ومشيتي ياك انت تقدر دير هذا الاجتماع فكازا ولا جاد ينوب عليك
اوس:بغيت نبعد عليها شوية نخليها تنفس وترتب افكرها ونشوف واش غتوحشنا ولا لا
فهد:انت وشكون
اوس:وزبي انمي معلوم انا بوحدي
فهد:(حبس ضحكة بزز اوس بغا يعيرو ساعة نطق بدكشي لي فبالو)ههههه بغي دير لبعيد على العين قريب للقلب
اوس:بحال هكاك نخل الحبيب حتى يبغيك يلاه تهلى والى خصتها شي حاجة تصرف انت ومتخليش شي حد اقرب ليها حيت نجي نفگس ليه عنيه
فهد:اودي لي شافك كيف صعرتي قبيلة عمرو يتوشيها والى شفها جاية من طريق ابدلو
اوس:حسن ليه يلاه بسلامة(طلع اوس للوطو وكسيرة خرج من القصر وخلا قلبو وعقلو مع محبوبتو نجلاء المشاغيبة طار ل امريكا نخليوه الله اعرضو لسلامة نرجعو لقصر عند سعاد لي فاقت من الطيارة لي دارت ليها نجلاء ولقات رجلها جلس كيشوف فيها وحط رجل على رجل وكيلعب بصباعو وعاقد غباشتو
سعاد: ايي راسي
دريس:(خنزر فيها وهو ينطق)على سلامة السكيرية فقتي نوضي وقفي شوفي فضايحك فين وصلوني انا ولادك فراسك مخلتي ليا الوجه باش نشوف فمي وخويا ولد خويا
سعاد: اي شنو اش كتخور عليا انت متزيدش تكمل عليا راه راسي بغا يطرطق
ادريس: اه مزال عندك الوجه تهدري بيه و تجاوبي معيا من الفوق فضيحتينا قدام لي يسوا ولي ميسواش و خرجت الهدرة على نجلاء بغيتي طلقي البنت ولا اش بغتي هأ هذاشي كامل سم فيك شوهتي بناتك وولدك وعيرتي مي قدام عائلتها وزيدها بشراب هو لي بقا لجد ولديك حتى شرفتي وهرفتي عاد بديتي بسكرة ولاكين الغلط مني انا انا لي جيب جرتومة دخلتها وصط عائلتي ودرت ليها شان والمرشان وصبرت عليك وهزيت هبالك باش تجازيني هكا فالخر تحطي راسي فالارض وتشوهني قدام خويا وولدو لي مخلا مدار على قبلي
(ناضت سعاد وقفت قدامو )
سعاد:انا مدرت والو هذاشي كامل من ديك وجه نحس تاع نجلاء جات بين ليل و نهار دخلتهم كامل تحت جناحها سحارة لخرى
ادريس( : ناض وقف مشا ليها عطها واحد تصرفيقة ودرها وهو يشدها من رقبتها و جبدها ) مزال كتهدري درتيها قد راسك و زايدها دافعة جبهة واش بغتيني نقتل جد ولديك لا (صعر عليها ديال بصاح )
سعاد: (اول مرة رجلها يدربها وصعر خافت منو وهي تنطق)دريس عافك انا معرفت مالي معرفت اش وقع ليا
دريس:لي واقع ليك هو طلقت ليك الحزام بزاف وبديتي تلعبي بديلك وخرجتي القرون ولسانك كلوح سم وانا غادي ندير حد لهذاشي (شدها من يدها من درعها وجرها هبطها كتجرجر وتعكل فدروج وهي كطلبو وتزاوگ حتى وصلو لصالون فين كانو الكل جالسين داز عليهم كمل دها لجيهت الباب بغا يلوحها لبرى حتى حبسو صوت الجدة لي نطقات)
جدة: ادريس فين غدي بمرتك هكاك طلقها 😬
ادريس( طلقها او دار كيهدر مع امو :):انا مبقيت بغيتها فداري ولا معيا دكشي علاش غنديها نرميها لدارهم لي جبتها منها حيت تفرعنات لدرجة ولات دير مشاكل بيني و بين خويا و ولدو وفضحتنا قدام العائلة وحطات باطل على نجلاء كون تسببات بطلقها
جدة : مشاكل مكيتحلوش هكا و نتوما ماشي صغار باش توصلو لهذا المواصيل ولادكم قريب يتزوجو عيب طلقها دبا خليها الله يرضى عليك
سعاد :(وقفة كتسمع فيهم و تبكي و كتخمم كيفاش ترجع تعيش في دارهم و هيا لي كانت تعيش فامريكا وتعيش حياة الرفهية نطقات طاحت على الرجلين تاع رجلها كتبكي)ها العار سمحليا مولاي دريس راه ماشي لخاطري ديك زينب هي لي شرباتني شي حاجة ومعقلتش اش كنت كنقول 😭لعار متفرقنيش على ولادي
ادريس : (شاف فيها وهو يبعد عليها ) عاد بانو ليك ولادك قبل مكنتيش تشوفهم حاضية المكائد عاد بان ليك بلي عندك عائلة وعند ولاد متحضي😠😬
مصطفى: خويا نعل شيطان الله يسامح سمحها ونسا
دريس:هي غلطات فحقكم وفحق ديك البنت مفكراتش بلي تقدر شي وحدة فبنتها تحط فداك الموقف
الجدة : (وقفات تمشات بالكاز ديلها حتى وصلاتهم وهي توقف قدام سعاد لي كانت جلسة على ركبيها كتبكي ونطقات )هي غلطات فحق البنت وهي غطلب منها سماحة قدمنا (شافت فيها وهي تنطق)سعاد رايك تطلبي سماحة ولا الباب يدخل جمل
سعاد:(بدات تتقلا بسمها مي خافت تقول لالا يجريو عليها نطقات وهي كتبوس فيد الجدة) قابلا الحاجة نطلب منها سماحة وسمحليا حتى انتي سمحليا عافكم
الجدة:(نترات يدها منها وهي تنطق)فاخيتة عيطي على نجلاء تنزل باش سعاد تطلب منها سماح
فاختة:وخا خالتي
(طلعات عيطت نجلاء لي عنيها حمرين بالبكاء نزلت لقتهم كامل واقفين شافت فيهم )
نجلاء: خير الميمة طلبتيني
الجدة : سعاد يلاه
سعاد: (قربات ل نجلاء) اسمحيلي على الهدرة لي قلتها عليك عافك سمحليا بنتي هئ هئ
نجلاء: لالا خالتي مطلبيش سماحة انتي كبيرة منديش عليك ومكنتيش فوعيك (ياختي على شطانة لي يشوفها كتهدر هكا يقول الله على البرائة ههه)
سعاد: (خنزرات فنجلاء مكرهاتش تخنقها)سمحولي نطلع لبيتي نرتاح(كانت غادية وقفها صوت رجلها)
دريس:فين غدية وقفي
سعاد: (وقفات وهي دور عندو )انا طلبت سماحة من نجلاء وهي سمحاتني
دريس:ولاكين انا مسمحتك
الجدة:دريس ولدي
دريس:صبري امي غدي نقول ليها واحد الهدرة قدامكم ولدها كيشفو ويسمعو باش الكل يكون شاهد عليها (قرب عند نجلاء شد فيدها ودها قدام سعاد ونطق)منهار شفتيها وانتي تقدفي فيها بالهدرة وهي مدارت ليك والو وصلات بيك الحقارة طعني فشرفها سمعي اش غنقوليك نهار تعاودي تقربي منها ولا تخصري ليها شي كلمة ولا تبداي تلعبي العابك الوسخة معها داك النهار عتبري راسك طالق انا غدي نرمي عليك ليمين ديال طلاق الى قربتي لهذا البنت
سعاد:😮😮😨😰😱طلاااااااااق
دريس:اه طلاق ايوا الى بغتي تبقاي مرأة مزوج وتبقاي جنب ولادك عرفي كيف تصرفي
نجلاء: (كرهات رسها حيت بسباب تصرف طايش غتسبب فطلاق رجل ومرتو وبسبابو حطات رسها فداك الموقف وبسبابو حطات اوس قدام العائلة كيدافع عليها احينان بسبب تصرفة من باب تسلية اقدر ارجع علينا بخزيت وها نجلاء رجع عليها بخزيت كرهات نهار فكرات فشي نتقام شدات فيد دريس وهي تنطق)عمي عافك براكة عافك تصالح مع مرتك
دريس:شي صلح مكين بينتنا حتى نشوف واش شدة طريق مقادة ولا لا 😠
سعاد: (لي مدربات ليه الحساب وقع معها تفكرات نهار قالت ليها نجلاء فوتي سحتي حيت لعبي ماشي هو لعبك وصحتك متقد على لعبي )😨😰سمحليا مبقاش نعاود (مشات طالعا فدرج مصدومة وخايفة ومفزوعة من هذاشي لي واقع نطقات )ناري ياكما شي جن كيحرسها ونتقم مني بلصتها ياربي سلامة اش هذا القوة لي كتحمي هذا البرهوشة تسليم سلمين وطلبين تسليم (ههههه الحاصول ربات ليا نجلاء سعاد مزيان دكشي لي مقدرش دريس اديرو 28 عام ديال زواج دارتو نجلاء فنهار خلات سعاد تنزل من عرشها وتواضع مع شعب نسيت ماقلت ليك اطاتي سعاد بلي نجلاء تبعها الرضى ديال العربي ومرتو وايوب عقلتو لبنات شحال رضاو عليها قبل متجي وزادت عليه الرضى تاع الجدة وفاختة ومصطفى ومريم ودريس وسي العلامي وخا باقي مرضاش😒)