**بارت1**
**زواجي من صهري**
كانت واقفة وشعرها الاسود الواصل لنص فضهرها كيديه لبرد لي داخل من النافدة الزجاجية وقفة وساهية فصورة لي قدمها عنيها لكبار المشفرين تغرغرو بالدموع وشفيفها المنفوخين كيتحركو فمها بغا اتحل اخرج الصرخة لي كاتمة فصدرها بغات تغوت ربي لي خلقها ولاكين شفيفها كيقاومو حتى مقدروش مزال اقاومو عوناتهم بسنانها عضات على قنفتها لتحتنية بسنانها الفوقنين وشهقات وحطات يديها على عنيها
هي:علاش علاش علاش مشتي علاش خلتني فهذا الدوامة علاش جبرتني نكون هنا علاش علاش علاااااااااااااش بغتني نرد ليك الدين بهذا الطريقة علاش علاش تبعتهم حتى انتي علاش خلتني نحس راسي فعلا نحس منحوس (باقي كتغوت حسات بيد تحطات على كتفها وهي دور شافت فيه بنضر كلها الم وانكسار وضعف تلاحت على صدرو وهي طلق لعنان لدموعها وكتزير على الشخص لي قدمها كتحاول تهرب من العالم وتخشا فصدرو حتى داك الشخص زير عليها كتر وحط فمو على رسها كيبوس فيه بحنان حتى سمعها نطقات )منقدرش انا منقدرش عافك عافك ديني من هنا انا منقدرش على هذاشي كل انا (قطعها الشخص)
هو:ششش عافك سكتي براكة من دموع انا غنديك انا مغنخليكش هنا مغديش نخليك ضحي براسك براكة غير ضلم لي عشتي فصغرك مغنخليكش دفني راسك تاني فالحياة (شاف فيها كفاش كتشوف فيه برأة وعنيها كيقطرو بالدموع مد ايدو مسحهم ليها وكمل كلامو )مسحي دموعك وسيري جمعي حوايجك نمشيو من هنا انتي مامطرش تضحي بمستقبلك وبحياتك على قبل شواحد (طلق منها وخلها فدوامة من الافكار مشا حل مريو جبد منو فليز وحطها وبدأ كيجبد فحويجها كيخشهم فيها خشا كاع الحوايج وسد لفاليز ودار شاف فيها باقي وقفة فنفس الوضعية جر ديك الفاليز وصل حدها وشدها من بدها ونطق )يلاه نمشيو
هي:(شافت فيه كفاش جرها غدي خرج بيها من لبيت وصلات العتبة وهي توقف وسلتات يدها من يدو ونطقات)منقدرش نمشي انا منقدرش نخلهم منقدرش نعطي بضهري ليهم راه حتى انا كنت بحالهم وهي معطتنيش بضهر هي مكانتش انانية معيا علاش انا غنكون انانية علاش هئ هئ (بدات كتبكي وهي حاطة يديها على وجها هذي قاعدة فيها مكتحملش تبين دموعها والى غلبوها وخرجو كتخبيهم بيديها )
هو:(سمعها اش قالت بتسم ودمعو عنيه فنفس الوقت تنهد ودار شاف فيها ) واش نمشيو دبا ولا اشنو شوفي هذي فرصتك يلاه معيا ونساي كلشي فكري فحياتك
هي:حياتي كون ماهي كاع متكونش حياتي كون هي كانت انانية فحالي معرفت شنو غيوقع معيا (شافت فالشخص لي قدمها وهي تمد يدها وجرات فاليزتها دخلتها وهي دفع لباب بغات تسدو فوجه داك الشخص لي كيشوف فيها بأسى قبل ميتسد لباب حبسو برجلو )
هو:اش غدري دبا
هي:غندير دكشي لي بغات ودكشي لي بغا سي براهيم (بتسمات بمرارة فاش نطقات سي براهيم شافت فشخص لي قدمها )بغيت نبقا بوحدي عافك
هو:وخا انا نخليك
دفعات لباب تاع لبيت سداتو وهي تكى عليه بضهرها وجلسات لارض دموع شلال من عنيها جلسات كتبكي بحرقة
حتى سمعات صوت بيبي صغير كيبكي دارت يديها على ودنيها زيرات عليهم والو باقي نفس الصوت كيتسمع حيدات يديها من ودنيها وناضت ستغفرات الله مسحات عنيها وقدات شعرها وحلات لباب ومشات لبيت فين كان داك البيبي كيبكي لقات واحد المرأة كبيرة فالعمر ولاكين باقي شدة فرسها لابسة قفطان جوهرة بالرندة وجدة ديك تربية كتراري بيها
تقدمات البطلة عندها مدات يديها شدات من عندها البيبي عنقاتو لصدرها وهو يسكت
المرأة: سبحان الله مكتسكوت لحتى واحد حتى تهزيها انتي
البطلة :(الصمت كتشوف بعيد مكتشوف لا فالتربية لا فالمرأة )
المرأة: (قربات منها وهي تنطق)بنتي عارفة هذاشي صعيب عليك وعارفة بلي حنا كنضغطو عليك ولاكين فكري ابنتي بلي حتى انتي كنتي بحال هذا لبيبي وعشتي نفس الوضع لي كتعيش
البطلة: (شافت فيها وهي تمشي لجنب سرير جلسات وحضنات ديك التربية لصدرها بحال شي مونيكة نطقات )حتى انا راه مغنفرطش فهم ومنسيتش كاع دكشي وحتى انا راه نقدر نربيهم بلا مندير دكشي لي بغيتو علاش اخالتي علاش كطلبو مني المستحيل علاش
المرأة :(شفت فيها كيفاش معنقة داك لبيبي وهي تنهد ونطقات )على قبل هذا الملك لي فحضنك لي فقد نبع الحنان قبل ميقول بسم لله فالدنيا (مدات يدها دوزات على رأس لبيبي وهي تشوف فالبطلة لي كتشوف فيها وهي تكمل)بنتي انا لي قتارحت هذاشي على الحاج وانا لي طلبت من ولدي هذاشي انا عارفة بلي طلبت منك المستحيل ولاكين عدرني انا عرفت بلي انتي لي غتحسي بهذا البنية لي فحضنك انتي لي غتفهميها وغتعوضيها حنان الام ماشي حيت انتي خالتها لا حيت انتي ابنتي جربتي طعم ليتيم جربتي متكونش عندك امك فالدنيا راه ابنتي فيا ميربي ولاد ولدي ولاكين راه كنبقا جدتهم وديما ايحسو بنقص فحيتهم ماشي بحال فاش غيعيشو مع اب وام ويعيشو حياة طبعية وهذا الحياة انتي بوحدك لي غتعطيها لهم وراه شفتهم ولفوك بزاف ومكيرتاحو غير معاك
البطلة:(كرزات على البنية لي فحضنها وعنيها كيتسابقو منهم الدموع )😭
المرأة:(شافت فيها وهي تنهد وقفات وطبات على كتفها )بنتي نخلك دبا فكري مزيان فهدرتي وحطي رسك بلاصة هذا البنية لي محتاجة ام وفنفس الوقت حطي راسك بلاصة اختك فاش كنتي بحال هذا البنية وكنتي محتاجة لي غنقلو ليك ابنتي انتي جربتي من جوج جوايه ودبا الكرة فالملعب تاعك تقدري تكوني انانية وتهزي راسك وتمشي فحالك تعشي حياتك وتقدري تكوني ام لولاد اختك كيف كانت ليك ام فواحد الوقت
البطلة:(هزات عنيها شافت فيها بنضرة كلها الم وانكسار عنيها كيقلو بزاف تاع الهدرة ولاكين حتى حد مفهمهاش صعيب هذا الموقف صعيب تحس براسك تبعك دين خاصك تردو وداك دين صعيب عليك الى بغتي تردو خاصك ضحي بحياتك وبمستقبالك ولبطلة تحطات فهذا الموقف ياه شحال قصحة هذا الدنيا وشحال كدور وكلها حال احوال كيبات الانسان فحال و ايصبح فحال مكيعرف نهار تاني اش مخبي ليه اقدر ابات على فرحة ويصبح على حزن ويقدر ابات على كرب ويصبح على فرج الله اهدي علينا الوقت وصافي كين بزاف الناس فهذا الدنيا كل وكفاش عاش وكيفاش تولد كين لي تولد وملعقة من دهب فمو وعيش فالرفهية والفشوش وكين لي تولد مسكين فالفقر معندوش ولاكين عندو اهل لي احبوه ويتقاتلو مع الوقت باش اقدمو ليه الافضل ويعيش نصيبو من السعادة وخا الفقر كيف كيقلو الفقر وسعادة وكين واحد النوع تاني معلم بيه غير الله لي خلقو هذا النوع لي كيجي لدنيا مكيلقاش لا حنين لا رحيم كيتسمى اليتيم حيت ولديه ميتين ولا واحد ميت واحد عيش ديما كنسمعو هذا يتيم الاب وكين واحد نوع كنشفوه كنقلو عليه يتيم الام حيت الاب ديالو عايش مي راه هذي هي مصيبة العضمى انهو ايكون اباك عايش وتكون يتيم الاب صعيبة بزاف تبقى تشوف الاب ديالك ولاكين مكتشوفش الحنان تاعو ولا العطف ديالو قالو سيدنا لولى الى مات البو وسد الركبة والى مات الام وسد العتبة وهذا هو حال بطلتنا لي وسدات العتبة وفديك العتبة حجرة قصحة كدبر بزاف
عايشة وصط اهلها ولاكين كيف الدخيلة كتشوف حنان الاب غير من بعيد عمرها حسات بيه باش تفهمو اجي
نردكم لور تعيشو معها حيتها بتفاصيل وكيفاش حتى وصلات لهذا الروينة لي هي فيها لي حتى انتما مفهمتوش فيها حتى حاجة مهم تبعو معيا بتفاصيل غدي تفهمو كلشي
قبل 17 سنة
فواحد الدوار قرب لافورار سميتو امي نوارگ بلاصة سياحية طبيعية ودكشي نعم اس فواحد الدار متوصطة مبنية من الاسمنت دار مصغيرة مكبيرة ديرة بيها واحد جريدة فيها الشجرة تاع الكرموس وزيتونة وكينة دلية تاع العنبة ديرين بيها سدة بالكصب وتحتها كين واحد الجلسة فيها كراسة تاع الخشب وطبلة وفنفس الجردة كين فران اينور كيطيبو فيه الخبز ودجاج سرح فيها منضر مريح بزاف كيخليك تشعر بالهدوء من برى كتبين هذا الدار بلي دوك الناس لي عيشين فيها ناس بصطاء معندهم مخصهم مهم بين وبين كداخل من لباب باب الدار كينة واحد لباحة واسعة فيها واحد شجرة تاع زيتون ودلية تاع لعنب جنبهم بير تاع الماء وبيوتا ديرين بديك الباحة تحت زيتونة جلسة إمرأة تكون فعمرها 29 سنة زوينة وبشرتها بيضة المضوية كيف القمرة عونتها العسلين زينهم الكحل لبسة بيجمة سخونة وديرة زيف سخون لرسها جلسة مسرحة رجليها كتنقي فالقمح وجنبها دري فعمرو خمس سنين كيلعب بالكرة
::عتيقة وا عتيقة
عتيقة : نعم اخالتي
سعدية:(إمرأة مسنة تكون فعمرها ديك 60 سنة ولاكين باقي شدة فرسها )الله ابنتي علاش كتنقي فيه ياك قالت ليك عطي الراحة لرسك ابنتي انا غنتكلف بكلشي
عتيقة:(شافت فيها وبتسمات ليها )مالي اش درت اخالتي راه غير جلسة كنقي فيه ماشي شي تمرة راكي مكتخلنيش نحط ايدي فالماء لهلا اخطيك عليا
سعدية:ابنتي راه سمعتي طبيب اش قال ليك راه قالك خاصك الرحة حتى تولدي وانتي مكتسمعيش
عتيقة: الله ايهديك اخالتي طباء راه غير كيهدرو وراه ماشي اول ولادة ليا باش نعس على ضهري ونتسنا شهري اوصل
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
