زواجي من صهري 💍مكتملة💍

الجزء 81 💍❤️

عند سهام فالوقت لي دخل اوس عند نجلاء مشات سهام كتجري لطواليت وشدات بكية تاع الدواء شربات منها وهي تجلس فالارض وكتبكي بحرقة
سهام: سمحليا اختي سمحليا كان خاص ندير هكا انا كان خاص نخليك تكرهني بزاف نجلاء حبيبة عرفت راسي جرحتك وقسيت عليك ولاكين خاصني نخليك تكرهني بأي طريقة انا خاصني نخليك وانتي كاهني باش باش (شهقات بالبكى وهي تسد فمها بيديها )انا ماشي فيدي احبيبة سمحليا على كاع لي قالت والله مخرجتو من قلبي سمحليا حبيبة على كلشي وعلى لي جاي كرهني بزاف ومتمشيش حتى بلاصة انا مبيدي حتى حيلة (حطات يديها على كرشها شدتها وهي تكى على الحيط وكتفكر)
فلاش باك
قبل يومين
فاقت سهام كتجري لطواليت شدتها دوخة وتقيا دخلات تقيات حتى شبعات وهي تخرج ساندات رسها على الحيط حتى وصلات لبيت وهي تجبد على سرير  حسات بالوجع فكرشها وهي تشدها بديها وزيرات عليها
سهام: ايي كدرني الفتحة ياربي اش هذاشي (بقات هكاك حتى فتها الحال شوية وهي تنوض ولاكين دوخة وتقية باقي شدينها )اش هذاشي ياربي (دخلات لطواليت غسلات وجها وهي تبقا تشوف فالمريا بحلا تفكرات شي حاجة بدات تحسب شوية بتسمات)اه هي تعطلات عليا تقريبا غدية لشهر ونص مع أويس كاع مرديت البال (مشات خرجات شربات واحد كأس تاع ليمون لبسات جلبتها وهزات ولدها خرجات الفرمسيان جابت اختبار الحمل ورجعات لدار دخلات دارتو وهي تفرح خرجات شدات ولدها كتبوس فيه )حبيبي ماما حملة ماما غتولد ليك خوك ولا ختك انا حملة (بقات تنقز بالفرحة حتى حسات بنغزة عوتاني فكرشها وشي حاجة سردة تحتها مشات دخلات لطواليت لقات شوية دم خارج منها خافت )لا ياربي ياربي ميعاود يوقع معيا نفس المشكل لي وقع ف أويس
خرجات كتفكر اش دير شافت فالساعة باقي يلاه 9 هزات تليفون عيطات على طبيبة شدات من عندها موعيد وهي تنزل هزات تاني ولدها ومشات ركبات مع شيفور وصلها لعيادة دخلات عند طبيبة دوزات ليها
سهام: (كتشوف ف الطبيبة)دكتورة اش كين
الطبيبة:مدام العلامي شوفي علاش مدرتيش احتياط حتى تفوتي عام وعاد تحملي انتي عاد ولدتي ب عملية قيصرية مفيتاش حتى اربع شهور وعاود حملتي واصلان انتي كان عند مشاكيل فالحملة الاولة ونجتي بأعجوبة ودبا عاود حملتي
سهام: (شافت فيها كيف كتهدر وهي تنطق)دكتورة من الاخر اش كين واش صحة الجنين بخير
الطبيبة: مدام انا راه كنقولك حياتك فخطر وانتي كتسولي على الجنين شوفي راه خاصك اجهاد ودبا
سهام: (وقفات وهي تنطق)لا كطلبي مني نقتل ولدي ابدا هي لي مغتكونش (لعبة القدر نفس الشي وقع مع الام ديلها وهاهي حتى هي تحطات فنفس الموقف انها تختار حيتها ولا حياة ولدها  )
طبيبة: مدام هذاشي راه خطر على حياتك فكري بعقلك انتي كرشك باقي متجمعاتش وحملتي وغتكبر كرشك وديك الفتحة راه مغتحملش والى نجح كاع هذا الحمل وتحملات الفتحة داك تمدد ووصل وقت ولادتك فعندك نسبة قليلة باش تنجاي من الموت اختي يا تموتي انتي يا تموتي انتي ولي فكرشك رحيم تاعك باقي متأتر من دكشي لي وقع ليك فالولادة الاولة والعملية وحمل تاني هذا راه سميتو انتحار اختي فراسك المرأة لي ولدات قيصري ومكانش عندها حتى مشاكل قبل حنا كنصحوها متعاودش تحمل حتى تفوت عام على الاقل وانتي من بعد تلات شهور من ولادتك حملتي تاني
سهام: (بقات كتشوف فيها وتسمع حتى سلات وهي تنطق)دبا الى ديتها فصحتي حتى ايوصل موعيد الولادة واش هذا الجنين لي فكرشي غيعيش
طبيبة: انتي كتختاري حياة ولدك وبغتي تهلكي راسك
سهام: ماشي مشكل انا مهم الاجهاض مغنديروش وخا نعرف نموت انتي معرفاش اش داز عليا على قبل الولاد 7 سنين ديال العداب ودويات وطباء والعشوب وزيد وزيد حتى بدأ الله يرزقهم ليا وتقولي نوض نحبسهم ودبا لا قتليه ابدا انا غنخليه وربي عندو حكمة فهذاشي وانا غنرضى بحكمتو وقدرو عليا (ناضت سهام هزات ولدها لي كانت حطاه فوق واحد بياص كان نعس يلاه غتخرج وقفتها طبيبة)
طبيبة:مدام بلاتي شوفي حتى انا راه ام بحالك وكون تحطيت فنفس الموقف كنت نختار ولدي على صحتي رجعي اختي انا نقيد ليك شي دواء تبعيه وردي البال لصحتك وراه الاعمار بيدي الله حنا نديرو لي علينا وربي هو لي غتصرف
سهام: (طمنات ورجعات عندها قيدات ليها دواء شداتو وهزات ولدها خرجات وعقلها مشغول وصلات دار وهي دخل كتبكي بحرقة شافت داك اختبار الحمل وهي تخبيه وبدات تفكر فهذاشي حتى جات فبلها نجلاء ملي وقع داك المشكل ل سهام فالاول نجلاء حملات رسها الدنب وطول فترة الحمل تاع سهام كتعتاني بيها وكانت كتقول ليها انتي مغيوقع ليك والو ومغتخلنيش بوحدي حيت الى مشتي انا غدي ندمر انا غنديع غنتسطى شهقات سهام بالبكى)اختي واقيلة غنخليك انا غدي نخلك وريا ياربي كيف غنقد (بقات تفكر حتى عيات ناضت غسلات حلتها وهي تقرر قرار)
الرجوع الى الحاضر
وقفات سهام وهي تمشي غسلات وجها وشافت فالمريا ونطقات
سهام: مغديش نخليك دمري ولا تحطمي فاش نموت انا غنخليك تكرهني قبل باش ملي نموت تكملي حياتك طبعية انا مغديش نخلك ترجعي عوتاني نجلاء لي كانت لا عمرني نخليك تحملي دنب موتي مع دنب موت ماما مغديش نأزمك اختي خاصني نصبر ونأديك دبا باش ملي نموت متأزميش
عند نجلاء بقات متبعة معه اوس حتى خرج وهي تجلس شدة فرسها
نجلاء: (كتهدر بوحدها )اووف تهدني انجلاء تهدني انتي مخصكيش تعصبي خاصكي مديعيش عام لي تعبتي فيه باش تحيدي داك سم لا متخليش الناس ارجعو ليه تاتي فكري فهد اه فهد ضيع عام من حياتو معيا وتفرق مع خطيبتو على قبلي باش نحيد داك سم ونرجع كيف الناس على قبلو انجلاء (شدات رسها وبدات تنفس حتى تكلمات وهي تهز سكها بغات تخرج ولاكين تفكرات هدرت اوس وهي توقف)لا ميمكنش من صغري وانا كنقرا ونتعب باش نوصل ماشي باش نرجع تاني لزيرو ونرجع لتوريا تشفا فيا خاصني نفكر بعقلي هذا المرة (رجعات جلسات وكتهزز فرجليها بتوتر )
عند اوس لي خرج مشا عند سهام مع دخل لبيت شافها خرجات من دوش وعنيها حمرين تقدم عندها
سهام: اش درتي واش جلسات(قالتها بهدوء)
اوس:اه هدرت معها هي غترتاح وتخرج
سهام: (عطاتو بضهر)اوس  داك زياد كيف جاك واش هو رجل معقول
اوس:(شاف فيها بشك)علاش كتسولي اشنو فبالك
سهام: جوبني على قد سؤال
اوس:متقوليش ليا بغية تزوجيها ليه هههه متقوليش باغية تزوجي نجلاء
سهام:علاش كضحك هي من حقها تزوج
اوس:سهام واش انتي صافا واش مكتشوفيش اختك وعقلها واش اسحاب ليك زواج لعبة وخا هنا معاك زياد رجل مزيان وديال زواج ولاكين  ختك واش غتصبر ليه واش غتقد على مسؤلية راه زواج مسؤلية كبيرة وخاصك الصبر والعقل باش انجح ونجلاء منعدها حتى واحد فهدو هي جوج كلمات تسالي كلشي زوجيها ليه هو راه راجل وباغي مرة ديالت الدار وتصبر ليه وتربي الولاد ونجلاء راكي عرفة كركتيرها هي باقي صغيرة ومغتقدش على هذاشي وزياد مغيصبرش ليها وخا يكون ملاك واخيرتها طلاق والى بغتي تزوجيها وترجع من اول نهار زوجيها (كمل هدرتو وهو يمشي خرج وهو معصب )
سهام بقات كتخمم بصاح كلامو على حق نجلاء دغية كدور ومغتصبرش لراجل ابدأ يتحكم فيها ومغتصبرش ل العدوزة وتصبر لبزاف ديال الحوايج تنهدات
سهام: ياربي اش هذاشي كيف ندير دبا ومع من نخليها  واش مع توريا وبابا ولا مع ايوب لي باقي مهز راسو ولا مع من ياربي (حسات بنغزة فكرشها وهي تشدها وجلسات وبدات تفكر تاني ف اوس لي باقي معوداتش ليه على الحمل)لا مغديش نخليه اعرف دبا حتى تفوت تلات شهور هو الى عرف مغديش اقبل نكمل فهذا الحمل (فاق أويس كيغوت وهي تنوض عندو هزاتو وكتراري بيه هو مسكين باغي يرضع )حبيبي سمح ليا مايمكنش نرضعك (سهام فاش عرفات رسها حاملة فطمات أويس دكشي علاش كيضل غير يبكي بليل وبنهار هزاتو ومشات لكوزينة قدات ليه بيبرونة ورجعات لبيت شرباتو الحليب ونعساتو وبقات كتشوف فيه وتبكي اه شحال صعيب هذا الوضع محلتها تفكر لولدها ولا لختها ولا لرجلها ولا لجنين لي فكرشها تركم عليها العرارم وهي تكمدها فقلبها وسكتات
صباح جديد فاقت نجلاء حلات عونتها وكتفكر الاحدات ديال لبارح واش قالت ختها واش دار أوس تنهدات وهي تهز تليفون
نجلاء: (دوزات اخط وتسنات الرد )الو زياد انا
موافقة انا قابلة نتزوج بيك
زياد: (فرح )بصاح انجلاء
نجلاء: اه بصاح شوف انا غنعيط لخويا ايوب يجيب ليا وراقي ويجي تعرف عليه ونتزوجو
زياد: لا ميمكنش
نجلاء: كفاش
زياد: حم خاصني نجيب الوليدة والوليد يتعرفو على عائلتك ويخطبوك من عندهم حيت الوليدة مغتقبلش
نجلاء :(بينها وبين رسها وها الخرى تاني )واخا حقها تخطب لولدها جيبها تخطبني (مسكينة قبلات بكلشي غير تخرج من هذا الدار )
زياد:هي دبا فالعمرة ترجع ونجيبها اجي اش دار ليك اوس
نجلاء: والو مدار والو غير فهم غلاط وراه شرحت ليه كلشي زائد هو ماشي سوقو فيا (قطعات على زياد)خر يامي وليت نخطب فالرجال تفو 😠😒(هزات حويجها لبساتهم وهزات محفضتها وخرجات لقات سهام جلسة فالصالون شافت فيها وهي تحدر رسها غدية )
سهام: قولي غير صباح الخير
نجلاء: صباحو مدام العلامي (دازت مشات تلبس صبطها)
سهام: (زيرات على يدها وهي تنطق)رجعي تحنجر الى بغتي راه الفطور محطوط
نجلاء: باقي مگهومة من البارح شبعت الالة سهام يقدر نصوم شهر مورى دكشي لي كليت لبارح انتي غير رتاحي ومتشغليش بالك فيا (خرجات وسدات لباب
سهام: (مسحات دموعها)سمحليا بزاف ولاكين هكا حسن
اوس:(خرج من لبيت لبس حوايجو شاف فيها )سهام مالك
سهام: ماملي والو اوس (ناضت مشات لبيت وهي تسد لباب وبدات تبكي)
اوس: صبر ياربي صبر