الجدة :(تقدمات عند نجلاء دوزات ليها على رسها )سمحلينا بنتي
نجلاء: (شدات يد الجدة بستها بحب)لا الميمة عافك مطلبيش سماحة موقع والو (كلما عتدر منها شي حد كتكره رسها كون ما اوس لي حلف عليها وتنطق بشي حاجة كانت غتفرگع الرمانة وتقول بلي هي لي سببات فهذاشي كل وكلشي يدور فيها ولا يبقاو يطلبو سماحة منها وهي لي غالطة حسات بدموعها غيخنوها وهي تستأدن)انا نمشي نشوف دراري (طلعات فدروج وهي طلق دموعها تبعتها ايمان نجلاء وصلات بيت دراري وهي دخل مشات جلسات فوق سرير جمعات رجليها كتبكي دخلات عندها ايمان)
ايمان: (شفتها هكاك اسحاب ليها بقا فيها الحال حيت مرت دريس طعنات فشرفها مشات عندها عنقتها )نجلاء حبيبة مدريش فبالك متديش عليها حنا واتقين فيك واوس حتى هو والمهم انتي واتقة فراسك
نجلاء: (عنقات ايمان وهي تنطق)انا مكنبكيش على هذاشي وخا تخلعت ولاكين دبا طمنت فاش اوس مدارش دكشي لي بغاو انا مكنبكيش حيت طعنات فشرفي انا واتقة فراسي وعارفة راسي ومهمنيش
ايمان:ايوا اشنو لي بكاك
نجلاء: ندمت حيت بسبابي وقع هذا المشكيل بسبابي تحط اوس فداك الموقف والعائلة كلهم وسمعو الهدرة بسباب تهوري وعمي دريس على شوية يطلق مرتو انا مكانتش بغيت نعطيها هي ياك شفتيني حطيت دكشي فبيت زينب معرفتش خالتي سعاد كيف دارت حتى شرباتو
ايمان: (كتسمع ليها حتى سلات وهي تبعدها عليها مسحات ليها دموعها )سكتي متبكيش عليها تستاهل راه فعيلها لي دوها حتى شرباتو ربي بغا يفضحها فراسك هي لي خططات لكلشي هي لي كتسيفط ديك زينب عند اوس بغات تخرب علاقتكم وربي نتقم منها تستاهل كون غير مدخلاتش الميمة وخالي مصطفى وخلاو خالي ارميها لبرى نتهناو من شرها هي فضحات لبنات اميرة كتبكي بحرقة حشمانة من فعايل امها واسراء وجاد خرج مبقاش رجع كنسوني عليه والو 😠
نجلاء: (سمعتها اش قالت وهي تنطق)وخا دير لي دارت كتبقا من العائلة وكتبقى الام تاع اسراء وجاد واميرة بقاو فيا والله انا سبب حتى شافو امهم فديك الحالة
ايمان: مديريش فبالك راه كلهم عرفينها اش كتسوى وعمرها كانت ام ليهم مقابلة غير زواق والفلوس وتبان على الناس والحسد جتى انتي نساي وعودي ليا اش وقع بينك وبين اوس
نجلاء: اه موقع والو هو تعصب عليا وغوت وخلعني ومن بعد نزلني لتحت وراك شفتي اش واقع لتحت
ايمان: ههههه ناري موك جيتي ف اوس متقف واعي وكيبغيك كون شي حد اخور كون طرطق ليك البشونة ههههه
نجلاء: تفو عليك انا منخليش 😠
ايمان: حمدي الله جا فيك اوس وعرف كيف يتسرف كون شي هامجي لي غيشوف غير رجولتو على الميحك كون تقبك بزز منك من الفوق اوريك متخليه
نجلاء: (شافت فيها وتفكرات اوس فاش عنقها وقال بلي هو تايق فيها وفاش نزلها لتحت ودفع عليها حسات بقلبها كينبض وهي تبتاسم ونطقات)اه اوس واعي
ايمان:مممم اوس واعي ياعني على الناس طاحو
نجلاء: (هزات مخدة دربتها بيها)زمر قولي فين مشا اوس
ايمان: لاش بغتيه
نجلاء: نعتدر منو هو مقلق مني
ايمان:ايكون فوق سحاب
نجلاء: كيفاش
ايمان:سافر ل امريكا باش مغلط ف طاتي سعاد(وقفات وهي تعطيها بدهر)نمشي نشوف حبي مسكين فين مشا نواسيه تهلاي
نجلاء: (سمعتها اش قالت وتبعات ليها العين حتى خرجات )سافر كاع مقالها ليا كاع مودع الولاد مشا وخلنا هنا 😠😬
فالتحت فالجردة لور كانت اسراء جلسة كتنخصص حتى حسات بيد تحطات فوق كتفها دارت لقات عماد وهي توقف حدرات رسها بغات تمشي فحلها ولاكين عماد شدها من يدها من المعصم وجرها دورها عندو ودخلها فحضنو بدون حتى شي كلمة بقاو هكاك شي 10 دقايق كتسمع غير صوت انفاسهم وتنخصص تاع اسراء نطق عماد
عماد:اسراء ششش متبكيش
اسراء: انا حشمانة من دكشي لي دارت مامي وبقات فيا حيت كان بابي غيلوحها لبرى وبقات فيا نجلاء
عماد: صافي كلشي تصلح دبا وماماك راه عتدرات وهي جلسة معاكم ومبقاش تغلط ونجلاء راه سمحتها وموقع والو وحتى خالي غير بغا يربي ماماك شوية هو كيبغيها ومايمكنش اطلقها انتي مدريش فبالك ومتقلقيش راسك
اسراء: (فرحات وطمنات شوية وهي تنطق)نجلاء واش غتبقا تهدر معنا بحال الاول ياك مغتخصم معيا حيت مامي غلطات معها
عماد: لا متقدرش تخاصم معاك حيت انتي معندك حتى دنب وقلبك حنين (بعدها عليه ومسح ليها دموعها وبسها فرسها )يلاه اجي دخلي من شمس راه غتمرضك
اسراء: (بقات غير كتشوف معاملتو معها شوية وهي تقول اكيد كيعاملني بحال ختو قالت ليه بزز )شكرا خويا
عماد: (كان جرها غادي بيها لداخل حتى سمع خويا وهو يوقف وزير على يدو طلقها ونطق بزعاف)سيري دخلي 😠(اسراء خلعها مشات كتجري لدار وهو ينطق)تفو غير لي دق ليها قلبي تقوليا خويا زمر (مشا خرج وهو معصب )
دازو ايام على عائلة العلامي وهوما كيحاولو يرجعو علاقتهم كيف الاول كيصلحو لي خصر وكيصفيو لي تخلوض
نجلاء توحشات اوس لي منهار مشا معاودش هدر معها ولا سول فيها ولات تبات هي ودراري فبيتو كضل ليل كامل كدور فالبيت وتقيس فحوايجو كتشفات بلي متقدرش تبعد عليه مبقاتش عودات دارت شي زبلة حيت تابت من اخر مرة وسعاد بعدات عليها مبقاتش توشيها وبدات علاقتها ب دريس كتصلح وتحسن ايمان وجاد زاد قوى حبهم كتر وكتر وحتى اسراء لي تقرب منها عماد وعترف ليها بلي كيبغيها وهي فرحات مهزهاش دنيا وخبرو العائلة بالخبر وفرحو ليهم كلشي تربط فعائلة العلامي بقات غير لالة هاجر كتسنا سعدها اتسگم داز شهر والعائلة كيوجدو ل عرس فهد واميرة حيت قررو اديروه فالصيف غير ماتت سهام واجلوه ودبا بداو فالتحضيرات ديال الزفاف الاسطوري كلشي حاضر واليلة ليلة الحناء لبسو البنات احلا معندهم وحتى العروسة لي لبسة قفطان خضر بطرز ومعاه اكسيسورات تاع دهب وجلسة فالبرزة محنية يديها ورجليها والبنات حناو معها ومنضيمنهم نجلاء لي حنات وكتحاول تنشط بزز هي باقي كتسنا اوس لي مجاش طول الغيبة بزاف فاختة ومريم لبسين قفاطنهم وشادين ولاد اوس وفرحانين وحدهم الجدة حتى هي والمسيقي مطلوقة كلشي فرحان
الجدة:(تحنات ل فاختة )واش وصل
فاختة:اه غير سبق كازا تاني غدا ايكون هنا
الجدة :الله يوصلو بخير وعلى خير
(جلسو كيستمتعو ب اجواء الحناء ديرينهم فالقاعة لي بناو فالجردة وكلشي ناشط فبلاصة قدام لباب تاع القاعة كان واقف فهد كيرحب بضيفو لي وصل وفالداخل لبنات كيتصورو ويضحكو من ضمنهم البطلة تعنا نجولاة لي لبسة قفطان فالبلومرين فيه العقيق من صدر وجمعة شعرها مشيطة شيك واقفة مع البنات كيهضرو ويضحكو عجبها الحال وخا هي عقلها مع اوس لي شهر مشافتو غافلة على الاعين لي مراقبة كل حركة كتدير وطريقة باش كتهضر وتحرك هذا سي زياد
زياد : ايوا صاحبي هيا صافي غتدخل للقفص الدهبي
فهد : ضروري مالك بغيتيني نبقا بير حياتي كاملة
(كيضحك هو وياه )
زياد: ( بقا كيهضر معاه وعنيه على نجلاء غير بانت ليه داخلة لدار ستادن منهم ومشا تبعها دغية)
بغيت نمشي لطواليت
فهد:اه اجي معيا نوريها ليك
زياد: لا حشومة راه خديتك من مرتك بيما فيه الكفاية سير لتبقا دعي عليا 😊 انا ندخل نلقاه لراسي متخافش عليا
فهد:(شاف جيهت اميرة لي شدة يديها لسماء ورجليها كتسنا تنشف ليها الحناء وجها مغطي بطرحة مشبكة فالدهبي بتسم وهو ينطق)عندك الحق عطيتك كتر من وقتك يلاه ستمتع بالاجواء وراه دراري جلسين (شير ليه جيهت جاد وعماد وصحاب عماد ورجل بتسام ولاد العائلة لي مجمعين فواحد بلاصة )
زياد: اوكي دبا رجع عندهم(مشا دخل تبع نجلاء لي هازة اقبال وشادة فيد اويس )
نجلاء بانو ليها ولادها عياو طلعاتهم لبيتهم يرتاحو مشات لبيت اوس فين كانو حويجها تبدل وتلبس شي حاجة خفيفة دخلات يلاه جرات اش غتلبس بان ليها لباب تحل
و دخل منو زياد لي لبس كلاص
نجلاء: ( تصدمات معرفاتو منين خرج) زياد اش كدير هنا
زياد : جيت نشوفك الخائينة
نجلاء: زياد عفاك خرج الى شافك شي واحد هنا غينويها فشكل
زياد :(قرب عندها كيشوف فيها شحال ونطق) علاش انجلاء درتي ليا هكا انا بغيتك من قلبي وتسنيتك عام كامل وفالخر جرحتيني وخليتيني نتي خدعتيني انجلاء وشمتيني قالتي غير تولد ختك نتزوجو ولاكين انتي خنتني وخنتي حبي ليك
نجلاء : انا مخدعتكش ازياد انا براسي مكنتش عارفة حياتي غتقلب هكا ولات عندي مسؤلية منقدرش نتخلى عليها
زياد: اشمن مسؤولية ها واش اوس العلامي
نجلاء : (عصبها وهي تمشي ليه شدات فيدو و جراتو من يديه بلا تا كلمة خرجاتو من البيت تاع اوس ودخلاتو لبيت الدراري ) انا خداعة وخاينة ودبا غنصلح كولشي غندير لي يرضيك باش منتسماش خنتك وستغليتك عام (شافت فيه مصدوم وهي تمد يدها شدات فيدو وجراتو تاني ) يلاه معيا نهربو نتزوجك ونكون معاك (جراتو حدى لباب باش يخرجو )ولكن بلاتي دور شوف وراك
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
