زواجي من صهري 💍مكتملة💍

الجزء 157 💍❤️

العربي:اه انا حياني ربي حتى شفت بنتي فراحنة وتعوض ليها لي فات (مد ليها موناضا ونطق)بنتي حنا مدرناش فبلنا نجيو اوس سيفط لينا على غفلة وملقيناش الوقت باش نشريو ليك شي حاجة انا جبت ليك هذي
نجلاء: (عنقاتو وهي فرحانة )احلى حاجة جبتيها اعمي وفراسك غير ملي جيتو هذا بحد داتو كادو ليا
عايشة:(مدات ليها واحد سلة فيها بيض بلدي وقرعة تاع زبدة وعسل حر مسكينة جمعات دكشي بزربة جابتو ليها )عارفة ابنتي متحتاجيش هذاشي وموصلتيش ليه ولاكين جبتو حيت هو لي عندي
نجلاء: (دمعو عنيها وهي تعنقها ونطقات)هذاشي كيسوى عندي الدنيا ومافيها امي عايشة حيت فيه حبك وجبتيه ليا بمحبة وانا فرحانة بزاف بزاف: (عنقتها وهي تشد ليها فيدها تمشاو حتى وصلو لفين كين الكل سلم عليهم اوس والعائلة وجلسو ونجلاء قطعات الكيكة وكلها اوس وهي كتمضغ وركات على شي حاجة فمها وشدات كنينيكس خرجتها لقات خاتم تاع المرياج مسحاتو وكتشوف ف اوس)
اوس:(شدو من عندها ونزل على ركبتو ونطق)انا عارف بلي حنا تزوجنا وانا وياك زوج وزوجة ولاكين انا مطلبتش منك زواج من قبل ودبا انا قدام الناس لي عزاز عليك نازل على ركبتي وغنقول نجلاء تقبلي تزوجي بيا
نجلاء:(حطات ايدها على فمها هذا اوس حلف حتى اسالي معها اليوم بهذا المفاجئات طربات برسها )اه
اوس:(شد ايدها بسها بحب ولبسها الخاتم ونطق )تقدرو تكلفو
نجلاء: (دارت شافت فيه وشافت فشي بنات كيخرجو من الفيلا عندهم )كيفاش اتكلفو
اوس:سيري معهم تعرفي (طلعو دوك البنات نجلاء لبسوها قفطان فالخضر وقادو ليها شعرها دارو ليها تاج فوق رسها والاكسيسورات وغطاو ليها وجها بطرحة دهبية بقات غير كتشوف نزلوها لتحت لقات البرزة فالخضر والحناء محطوطو هي والبيض وسكر فالطيافر خضرين القات النقاشة وجدة وكتسمع صلاة وسلام على رسول الله الكل لابسين احلا ماعندهم الشعبي مطلقو جلسات وهي فرحانة ومصدومة فنفس الوقت دارت ليها النقاشة صبع خفيف فرجليها ويديها ورشات عليه البريون دخل اوس لبس جبادور بيض هز ليها طرحة على وجها وبتسم بسها فرسها وجلس جنبها خداو صور
اوس:حبيبة كيف جاتك المفاجئة
نجلاء: قول مفاجئات انت ناوي تقتلني ياك النهار لي قالت مجاب ليا والو طلعتي موجد بزاف 😁
اوس:حيت كنبغيك والى جيت نعبر بفمي مغنعرفش نوصلها ليك دكشي علاش كنوصلها ب افعالي مدام اوس العلامي
نجلاء: اوس انا كنبغيك وحبك وصلني والله وانا مرتاحة معاك بزاف (قربات عندو تحت انضار الكل وهي تبوسو فراسو وشدات يدو بستها ليه ونطقات )الله اخليك ليا يارب
اوس:ويخليك ليا حبيبة
(جاو العائلة تصورو معهم كلهم وخداو صور مع ولادهم اويس واقبال لي لبسهم بحالهم اويس لبس بحال اوس واقبال بحال نجلاء جات عندهم النكافة حيدات لحناء لنجلاء وطلعاتها لبستها طكشيطة فالبيج واكسيسورات بيضين وتاج بيض نزلتها لقات اوس فدروج لبسة كستيم فالبلومرين شد فيدها ودها لعمرية هزوها دارو بيها ونزلو جلسو فالبرزة تاني تصورو اوس شاف فالساعة وهو اشير لنكافة وجات طلعات نجلاء وهو عيط لمساعيد ديالو )
اوس:امضرة كلشي واجد
المساعد:وي مسيو اوس
اوس:(شاف فالكل ونطق)سيدنا يلاه تحركو
الكل :(ناضو مشاو كلهم ومعهم اوس خلاو غير براهيم بوحدو نزلات نجلاء ونكافة وهي تصدم ملقات حتى واحد)
نجلاء: بابا فين مشاو
براهيم:(هاز عينو شفها لبسة لاغوب بيضة بتاسم وتقدم عندها شد فيدها وبسها فرسها) مفاجئة اجي نوصلك لرجلك (شدات فيه نجلاء خرجو لقاو ليموزين بيضة قدام لباب حل ليهم شيفور وطلعو هي والاب ديلها وتوجهو لجنب البحر وقفات ليموزين وشد فيها برهيم نزلها وشد فيها دها لممر منين غدوز كلو مفرش بالورد بيض نجلاء بقات غير كتشوف كان المكان كلو مزين بالاضواء فالاصفر والكراسي مستفين بطريقة راقية على جوج جيهات ومن وسط منهم طاپي حمرة فوقها ورد بيض واصلة تال بلاصة تاع العرسان وكان باب كبير مزين بالورد فالبيض والغوز كانت داخلة نجلاء شادة فبراهيم لي غادي بيها عند اوس وجوج بنات وراه كيلوحو الورد كانت لابسة كسوة بيضة انيقة وطويلة بزاف من لور ودايرة طرحة وتاج من الورد كانت كتبان بحال شي اميرة واوس كان لابس كوسطار كحل وواقف حدا الطبلة لي محطوط فوقها كيك من تلات طبقات وفقو جوج دميات على شكل عروسة وعريس واقف جنبو الدراري فهد و زياد وجاد وعماد وايوب ورشيد لي لابسين كوسطار بيض وفيه بابيون كحلةوالبنات من الجهة لوخرى لابسين كسيوات فالغوز وهازي بوكي تاع الورد كل وحدة فلون وصل براهيم ومد نجلاء ل اوس
براهيم: انا مغديش نوصيك عليها حيت عارفك راجل وقد بيها وكتفرحها انا غدي غير نتمنا ليكم حياة سعيدة اوليداتي
اوس؛شكرا عمي (شد نجلاء وطلع ليها الطرحة من على وجها وبسها فرسها )
نجلاء: اوس براكة من المفاجئات عافك خلي شوية حتى غدا راه كلي كنترعد
اوس:هههههه باقي تاع غدا وبعدو وتاع الايام لي جايين ان شاء الله احبيبة (جرها دها المنصة وطلقات اغنية تع سلمى رشيد اسمعني نبضك دفيني بنار حضنك..... وبدأ كيرقص معها وهي دورات يديها على عنقو وهو شدها من خصرها لصقها معه كيشطح بيها بحال شي فراشة وفرحان بيها
اوس:مقالتش ليك اليوم كنبغيك
نجلاء: لا قالتيها وبزاف وانا كنبغيك بزاف حبيبي
اوس:ممم مقالتش ليك جتي زوينة
نجلاء: لا هذي مقلتيهاش
اوس:جتي فنة ومكرهتش امتى اسالي هذاشي باش نخطفك
نجلاء: فين غتخطفني
اوس:اجي قطعي هذا الكيكة ويلاه نهربو انا وياك
نجلاء: والولاد
اوس: معلوم حتى ولادنا معنا (مشات نجلاء قطعات الكيك وكلات اوس ووكلها تحت تسفيقات الكل تودعات معهم وشدات اقبال واوس شد اويس وشد فيد نجلاء دورها بان ليها يخت كبير واقف )
نجلاء: فين غنمشيو
اوس:شهر عسل فالبحر حيت عرفتك كيعجبك وانا ختاريتو (طلعو وكيديرو باي باي العائلة لي واقفين فرحانين ليهم تحرك اليخت وكملو العائلة احتفلهم وتعشاو ومشاو العرسان دوزو اسبوع تاع دوران فجزور las palmas
رجعو من شهر العسل لحاتهم تاني بين الجامعة والخدمة داز شهر ونجلاء دخلات لدوش جبدات اختبار الحمل دارتو وتسنات حتى خرجات ناتيجة وهي تفرح
نجلاء: ياس (ناضت خرجات مشات نزلات لتحت دخلات لكوزينة وجدات الفطور بزربة وجدات طبلة حطات فيه دكشي وزوقتها ومشات بدلات لدراري حويهم جابتهم حطاتهم وهي طلع دوشات ولبسات كسوة فالزرق بحزام كحل سرحات شعرها لي صبغاتو بالكحل وهزات داك تايست تاع الحمل دارتو فواحد العلبة ونزلات لتحت كتسنا اوس افيق شافتو نزل لبس كيطمة فالبلومرين وتيشورت بيض كيبان مدوش وهي تبتاسم
اوس:(شاف فيها وفدراري لي جلسين هي لبسة كسوة حد ركبة ومقدة لحالة بتسم وقرب ليها جرها من خصرها بسها فمها )ممم شحال بنينة صباح الخير مالو حبيبي اليوم فايقة ناشطة ومقدة الحالة
نجلاء: مفاجئة
اوس:اجمل مفاجئة (بسها فمها وقرب باس دراري )
نجلاء: اوس انا وجدت الفطور
اوس:باين غير من هذا التستيف عرفت بلي حبيبتي وجدات ليا الفطور وانا غنجلس ندخل فيه طول وعرض
نجلاء: (وقفات وراه ودورات يديها على عنقو ونزلات باستو فخدو ونطقات )بصحة حبيبي
اوس:(شفها غتمشي تجلس جرها جلسها فحجرو )فين غدية اجي جلسي حديا باش تحل ليا شهية ونتبنن بيك (بدا كياكل ويوكلها ويخطف بوسات من خدها وفمها وعنقها حتى سلاو وهي تنطق)
نجلاء: اوس عندي ليك كادو
اوس:انتي احلا كادو عندي فالدنيا ومبغيت والو من غير نشوفك مرتاحة وفرحانة
نجلاء: (فرقات رجليها وهي دور عندو عنقاتو وكتبوس فيه )عارفة حبيبي وحتى انا بغيتك مرتاح انا بغيت نعطيك كادو غيعجبك بزاف انت غمرتني بحبك وباهتمامك وعطفك وحنانك وحتى انا بغيت نقدم لحبيبي شي جاجة لي تفرحو
اوس:(شفها كيف جلسة فوق رجليه على المعلم لي ناض شدها من خصرها ودخل معها فقبلة ساخنة ونطق)يلاه سربي عطيني كادو تاعي حيت مغنصبرش مزال نتسنا بغيت نمشي ناكل الحلوة
نجلاء: (شافت فيه وهي تبتاسم وجرات بوطة كانت خبتها بسربيتة )انا جبت ليك واحد كادو مهم غيبان ليك صغير غير من لبواطة فاش درتو
واس:اي حاجة جات من عندك سمن وعسل وخا تكون تمرة احبيبة راه اتفرحني بزاف
نجلاء: فالحقيقة هي تمرة نتمنا تعجبك (عطتها ليه )
اوس:(شدها )بسم الله نفطرو بتمر (حل البواط وهو يلقا اختبار تاع الحمل هزو شاف فيه لمعو عنيه )
نجلاء: هذي تمرة حبنا (سدات ايدو حطتها على كرشها )هي كتكبر هنا نتمنى تعجبك
اوس:(وقف هزها كيدور بيها فالسماء وفرحان)معلوم عجباتني وبزاف انا فرحان بزاف احلى كادو فهذا الدنيا عطيتيه ليا (حطها وهز يبوسها ونطق)اجي كيفاش درتي ليها ياك كنتي كدري الحساب
نجلاء: انا فاش شفتك مبقتيش تشد الحساب حيت شفتني كنعقل قررت منحسبش ونخليه باش نحمل انا معندي لا فلوس لا والو باش ندير ليك مفاجئات بحالك وخا كاع اكنو عندي مغديش نقدم ليك شي حاجة لي تفرحك كتر دكشي علاش قررت نحمل حيت هذاشي هو لي ايفرحك
اوس:(عنقها بحب )كنبغيك بزاف حبيبة وهذاشي لي درتي معيا حسن من كنوز الدنيا كلهم (مشا عنق ولادو )حبابي ايجيكم خوكم ولا ختكم انا فرحان (جلسو كيحتافلو نجلاء فرحات حيت قدرات تخلي اوس افرح ويلمعو عنيه كيف كيخليها هو ديما فرحانة
داز ايام الابطال تعنا كلهم حب وسعادة وفرح مرت عليهم خمس سنوات لي تغيرو فيها بزاف دالاحدات نبداو بناس الدوار لي دخلات عليهم نجلاء الفرح هي فيما كان شي حد مخصوص كتعاونو من ضمنهم المرأة لي كانت تصبن فالواد شرات ليها تلاجة وماكينة صابون