فالتحت اوس كان واقف تبع ليها العين حتى طلعات شاف فالكل كلهم كيبكيو نطق
اوس:الوليد انا غنهز ولادي ومرتي غنمشيو من هنا حيت بان ليا مبقا عندها مدير هنا فهذا الدوار لي مشافت منو غير القسوة واش غتمشيو معنا ولا غتزيدو مزال هنا
مصطفى: (شاف فيه ونطق)حتى حنا غنتحركو ولاكين ل فاس انا منقدرش نبقا نشوف فعنين ديك البنت من بعد لي سمعتو انا منقدرش نشوف فيها حيت انا بسباب صحبي ضنيت بلي هي ماشي شرعية وحشمان منها حيت جبرتها تزوج وحشمان حيت رجعتها لهنا وحليت المواجيع تعها دكشي علاش حنا غنمشيو ل فاس ونتمنا ديرها فعينك ولدي هي براكة لي عاشتو
اوس:متحتاج توصيني عليها نجلاء غنحطها فمومو دعيني (شاف ف سي العربي ومرتو ونطق)سمحولينا عمي مقمناش بالواجيب معكم جلسو تفضلو (دار شاف فطومة)فطومة جيبي اتاي
العربي: لا ولدي والله متحطو شي حاجة حنا مجباناش المكلة حنا جينا على قبل نجلاء ودبا بغينا نودعوها قبل متمشي
اوس:اه وخا عمي (مشا طلع لفوق عند نجلاء توجه لبيتها ودق فالباب وهو يحلو لقها كطل من سرجم تقدم جنبها )نجلاء
نجلاء: بلا مدور عندو)شنو سي العلامي كين شي حاجة نوقع عليها مزال
اوس:(مد يدو دورها عندو كيشوف فيها وهو يقرب عندها بسها فرسها بحب ونطق)سمحليا على كلشي وعلى اي حاجة صدرات مني وسمحليا حيت نعتك باللقيطة وبألفاض خايبين
نجلاء: (غمضات عنيها وهي تبعد عليه ونطقات)كنضن غلطي سي العلامي انت راه خاصك دربني حيت قالت دكشي العدول وحيت لبست هذا القفطان تاع سهام
اوس:(شاف فيها وتفكر اش قالت العدل وهو يبتاسم وقال)مممم مزال غنضربك على دكشي وعلى دوك الكلمات لي قالتي ليا ولاكين ماشي اليوم حتى نجمع ليك بزاف ونتفاهم معاك (شاف فعنيها لي كدور فيهم وفمها لي عوجاتو زاد بتسم وهو ينطق)نزلي تودعي عمي العربي ومرتو حيت غدي نتحركو غنمشيو من هنا حيت موال تبعنا حرب العلمية ثالت انا وياك فكازا ولا مبغتيش تنتاقمي مني بغتي دري هدنة
نجلاء: (شافت فيه وهي تنزل رسها)اه انا بغيت نمشي ودبا من هنا
اوس:(تنهد ونطق)اه غنمشيو يلاه نزلي ودعي الناس وطلعي لبسي حويجك ووجدي دراري(مد ليها اويس لي كان هاز)انا غنعيط لمساعيد ديالي يوجد ليا طيارة
نجلاء: (هزات اويس وهي دوز قدام اوس بلا هدرة بلا جوج نزلات لتحت فين خلات لكل مشات عند العربي )عمي بسلامة عليك
العربي: بسلامة بنتي(بسها فرسها)تهلاي فراسك
نجلاء: ان شاء الله(عنقات مرت العربي) بسلامة خالتي
مرت العربي: بسلامة بنيتي وان شاء الله نجي نزورك فدارك انتي وليداتك
نجلاء: ان شاء الله تهلاي خالتي(ودعات العربي ومرتو وبقات تشوف فيهم حتى خرجو وهي طلع بدلات حويجها لبسات جلابة حكلة نص كوم ولبسات دراري وجمعات حويجها جا اوس شافها اش لابسة وهو يكحل بالعمى )
اوس:نجلاء تستري
نجلاء: انا مستورة مفراسكش بالي اليوم لبست لباس السترة وهو زواج
نجلاء:(كتقاد فشعرها قدام لمريا وكتفها كيبانو )مشفتنيش بلي اليوم تسترت وتزوجت كاع وكنسمع الناس كيقلو البنت تزوج باش تستر وعقلتي على الميمة فاش قالتها ليا قالت نتزوج باش نتستر صافي ياك زواج سترة هاني تزوج اشفيها الى كتافي بانو
اوس:(كيشوف فيها وكيستغفر قرب عندها وهو ينطق)عقلت وعقلت بلي قالتي ليها بلي المرأة هي لي كتستر الرجل هن لباس لكم وانتم لباس لهن ودبا بيما انكي مرتي وشرفي خاصك تسترني وباش تستريني ومنتسماش ديوتي خاصك تلبسي حويجك تستري
نجلاء:(شافت فيه وندات يدها هزات واحد جيلي تاع جلابة وهي تحطو على كتفها وهي تنطق)فراسك فيك واحد القعيدة وهي كتحكم قبل متعرف (هزات إقبال فيدها وهي تخرج قدامو وهو تبعها هاز أويس )
اوس:(شاف فيها وبتاسم )فراسك جاتك جلابة زوينة
نجلاء: (بلا مدور عندو نطقات )غير اليوم درت حداد على نجلاء لي تدفنات ولبست جلابة كحلة
اوس:(تنهد وزير على يدو ونزلو لتحت فين كان براهيم لي كيبان منبود هو وتوريا ومعهم دراري رشيد وامال وفاختة ومصطفى نجلاء شافت رشيد وامال جات وقفات قدمهم وهي تمد يدها حطتها فوجه امال لي كتنخصص)
نجلاء: امال ختي فراسك كنتي الحاجة الزوينة لي وقعات فديك الطفولة المورة كنتي انتي حاجة لي كتفرحني وكنجي نجري لدار على قبلك وماشي مهم داكشي لي كنت نتلقاه منك فاش بدتي تكبري انتي احبيبة كنتي تنطقي دكشي لي كتسمعو وانا عمري لمتك ولا هزيت فقلبي من جيهتك وخا اليوم نهيت روابيط كانت ربطهم ب انسان قلبو حجر انتما راكم خوتي (حولات يدها لوجه رشيد دوزات عليه)خوتي لي كنبغي وغنبقا نبغيكم وغنتواصل معكم واكيد غتجيو عندي ايجيبكم ايوب ونتشوفو نتمنى كاع لي سمعتو اليوم ميأتر فعلقتنا ولا يخليكم تحسو بلي كنكرهكم ولا شي حاجة انا كنبغيكم بزاف بزاف انتما وايوب وسهام (هزات يدها على شكل خمسة )وانا بحال هذا صبعان لي فيد وحدة كنحسو بعض ونتوجعو الى توجع واحد فينا وخا كنت انا صبع الابهام لي مفروق على خوتو ماشي مشكيل مهم معاهم فنفس اليد (تنهدات وهي تنزل باست رشيد فجبهتو بحب ودارت نفس شي مع امال)تهلاو فراسكم
(رشيد وامال تلاحو عليها عنقوها كيبكيو بحرقة )
نجلاء: ششش عافكم متبكيوش
اوس:(قرب عند دراري طبطب عليهم)رشيد امال شوف انا كنواعدكم الوقت لي تبغيو تجيو انا غنجي نجيبكم وتجلسو مع نجلاء قدما بغيتو كازا وبني ملال راه قراب والى بغتو كل يوم تجيو طلو عليها انا ندير ليكم كيفاش
مصطفى: (جا عند نجلاء شد وجها بين يديه ونزل بسها فرسها بحب)بنتي نجلاء نتمنى تسمحي لينا حيت حطيناك قدام امر الواقيع وبغيت نقول ليك شكرا حيت اليوم تعلمت منك بزاف دالحوايج لي مكنتش نعرف الله يرضي عليك بنتي ويجعل ايامك كلها فرح وسعادة
نجلاء: امين عمي سمح ليا حتى انت على قلت ادبي لي شفتيها مني
مصطفى: بالعكس الى كينين شي وحدين قلل الادب فهوما حنا سمحي لينا وغفري لينا الى قدتي
نجلاء: (شافت فاختة وهي تنطق)مدام فاختة مابغتيش تودعيني مبقيتش بنتك فراسك جات معاك مدام فاختة كتر حيت انتي باقي صغيرة وزوينة وانيقة ديك خالتي لي كنقول بانت ليا كبراتك اش باليك نولي نقول مدام فاختة وبغيت نقول سميتك زوينة بزاف😊
فاختة: (جرات عندها وهي تعنقها )بنتي اي حاجة تقوليها سمن وعسل سمحليا كبيدتي عافك سمحليا على كلشي
نجلاء: (دورات يدها عليها )ششش متبكيش انا مكنبغيش نشوف الناس كيبكيو (بعدات عليها فاختة وهي تنطق)بسلامة عليك خالتي (دارت شافت فبراهيم لي كيشوف فيها دغية نزلات رسها شافت فاختة باست إقبال وهي تحرك مشات لجيهة فين كان براهيم جلس وصلات حداه وهي دوز عليه بحلا مشفتوش هذا الحركة كان براهيم يديرها ليها فصغرها هاهي ردتها ليه خرجات وتبعها اوس لي تودع مع ولديه وتبعهم براهيم )
براهيم: (شاف فنجلاء واقفة مع ايوب لي كان فبرى كتسلم عليه وتعنق فيه )😭
ايوب:(كان كيبكي برى حيت سمع هدرت نجلاء مقدرش يدخل عندهم بقا تما حتى بانت ليه خرجات مشا عنقها لصدرو بحب)ختي حبيبتي سنفورة تاعي جوجو ديالي 😭
نجلاء:(عنقاتو بيد وحدة حيت شدات اقبال بيد لخرة )خويا عافك متبكيش راه قلبي طاب وراسي طاب وعني طابو خلينا من دموع خلني نحس وننعم بالقليل من الهدوء فهذا صدر الحنين لي ديما كيحن عليا وديما مفتوح ليا خلي نجلاء تاخد الجرعة تعها من هنا (غمضات عنيها وسكنات فحضن خوها وحتى هو عنقها هي وإقبال بحب وكيبوس فرسهم بجوجات )
ايوب:ولاو عندي جوج فريخات وسنفورات وكلهم غزلات تبارك الله
نجلاء:ههههه شفتيها جات تزاحم معيا هنا
ايوب:كبيدة ديال خالو الله يحميها يارب (بسهم بجوجات وبعد عليه نجلاء) صافي غدين
نجلاء :اه غدين نخرجو من هذا الدوار لي كل ما جيت ليه كنخرج منو محطمة ومكسرة (مشات حطات إقبال بلاصتها وهي تجر واحد الكيس وعطاتو ل ايوب)وصل هذا ل يسرى وتهلا فيها ابوراس
ايوب: (بتاسم ليها )حم اكيد وغنسلم عليها اجي منين عرفتي
نجلاء: من ترتارة تاع حبيبتك مكتخبي حتى حاجة وكلشي عوداتو ليا حتى بديت نغرق فيها غير باش تسكت 😒عطتها ليام وشفع ليها بعدي اما كنت نربيها ليك
أنت تقرأ
زواجي من صهري 💍مكتملة💍
Storie d'amore💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
